Norü taxre ga popera ga Cuáü̃ ümatüxü̃ 1:1 - Tupanaarü Ore

¹ Pa Chauenexẽgü i Yaxõgüxe ya Tupana Pexü̃ Dexex, pexca̱x chanaxümatü i choma i Cuáü̃ i yaxõgüxü̃arü ãẽ̱xgacü nax chixĩxü̃. Choma rü aixcüma pexü̃ changechaü̃. Rü tama i chaxica, natürü guxü̃ma i ngẽma nüxü̃ cua̱xgüxü̃ i Tupanaarü ore i aixcüma ixĩxü̃, rü ngẽxgumarüxü̃ ta pexü̃ nangechaü̃gü.

Norü taxre ga popera ga Cuáü̃ ümatüxü̃ 1:1 Iomraidhean Croise

Ore i mexü̃ ga Luca ümatüxü̃ 1:3

Rü ngẽmaca̱x, Pa Teóquirux, rü choma rü ta meama naxca̱x íchaca nachiga ga guxü̃ma ga yema Ngechuchu üxü̃ ga yexguma noxritama inaxügüãgu ga norü puracü. Rü ñu̱xma rü cha̱u̱xca̱x name nax meama cuxca̱x chanaxümatüxü̃ i ngẽmachiga nax meama nüxü̃ cucuáxü̃ca̱x nax aixcüma yixĩxü̃ ga yema ore ga marü cuxü̃ nangu̱xẽẽgüxü̃.

Ore i mexü̃ ga Cuáü̃ ümatüxü̃ 8:32

Rü tá nüxü̃ pecua̱x i ore i aixcüma ixĩxü̃. Rü ngẽma ore i aixcüma ixĩxü̃ tá pexü̃ ínanguxü̃xẽxẽ —ñanagürü.

Ngechuchuarü ngúexü̃gü ga yamugüxü̃arü puracüchiga 11:30

Rü yemaacü nanaxügü. Rü Bernabé rü Chaurumaxã yéma ngĩxü̃ namugü ga yema diẽru naxca̱x ga yema yaxõgüxü̃arü ãẽ̱xgacügü ga Yudéaanewa yexmagüxü̃.

Romanos 16:13

¡Rü nüxü̃ perümoxẽgü ya Rúfu ya aixcüma mea tórü Coriaxü̃́ yaxõcü! ¡Rü ngẽxgumarüxü̃ ta ngĩxü̃ perümoxẽgü i naé ga chauérüxü̃ chomaxã ixĩcü!

Gálatas 2:14

Natürü yexguma nüxü̃ chada̱u̱xgu nax tama Tupanaarü ore i mexü̃ tüxü̃ ngu̱xẽẽxü̃ãcüma namaxẽxü̃ ga yema yatügü, rü guxü̃ ga yaxõgüxü̃pe̱xewa Pedruxü̃ nüxü̃ chaxĩnüxẽxẽ. Rü ñacharügü nüxü̃: “Dücax i cuma nax Yudíuchire̱x quixĩxü̃, rü ngẽma tama Yudíugü ixĩgüxü̃ãcü cumaxü̃. ¿Rü ñuxãcü i ñu̱xma i cunaxwa̱xexü̃ nax Yudíugücümagu naxĩxü̃ i ngẽma duü̃xü̃gü i tama Yudíugü ixĩgüxü̃?” ñacharügü nüxü̃.

Gálatas 2:5

Natürü bai ga írarüwa naga nax taxĩnüexü̃ ga yema duü̃xü̃gü. Yerü tanaxwa̱xe nax guxü̃guma naga pexĩnüexü̃ i ngẽma ore i mexü̃ i aixcüma ixĩxü̃.

Gálatas 3:1

Pa Chauenexẽgü i Gárataanecüã̱x, pema rü tama peãẽxü̃ pecua̱x. Rü yexguma petanüwa tayexmagügu rü meama guxãpe̱xewa pemaxã nüxü̃ tixu nax curuchagu taxca̱x nayuxü̃ ga Ngechuchu ya Cristu. ¿Rü texé pexü̃ tawomüxẽxẽ i ñu̱xma nax tama naga pexĩnüexü̃ca̱x i ngẽma ore i aixcüma ixĩxü̃ ga pemaxã nüxü̃ tixuxü̃?

Gálatas 5:7

Pema rü meama ipenaxügü nax Cristuwe perüxĩxü̃. ¿Rü texé pexü̃́ nüxü̃ taxoo̱x nax tama naga pexĩnüexü̃ca̱x i ngẽma ore i aixcüma ixĩxü̃?

Colosenses 1:5

Rü tataãẽgü erü pema rü ípenangu̱xẽxẽ i ngẽma Tupana pexca̱x ímexẽẽxü̃ i daxũguxü̃ i naanewa. Rü yemachiga nixĩ ga marü nüxü̃ pexĩnüexü̃ ga yexguma pemaxã nüxü̃ tixuxgu i Tupanaarü ore i aixcüma ixĩxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:4

Erü nüma nanaxwa̱xe nax guxãma tüxü̃́ nangẽxmaxü̃ i maxü̃ i taguma gúxü̃ rü guxãma nüxü̃ cuáxü̃ i ngẽma ore i aixcüma ixĩxü̃.

Popera ga Yudíugü ga yaxõgüxü̃ca̱x ümatüxü̃ 10:26

Erü ngẽxguma chi Cristuaxü̃́ tayaxõchire̱xgu rü ñu̱xũchi tórü ngúchaü̃maxã pecadu taxüechagu, rü marü nataxuma i ãmare íyaxüxü̃ i tórü pecaduarü ütanüruxü̃.

Nüxíraxü̃xü̃ ga popera ga Pedru ümatüxü̃ 1:2

Rü pexü̃ nixĩ ga nadexü̃ ga Tanatü ya Tupana, yerü woetama yema nixĩ ga nũxcümaxü̃chima nagu naxĩnüxü̃. Rü nüma ya Tupana rü Naãxẽ ya Üünecümaxã pexü̃ nimexẽẽgü nax nape̱xewa pixüünegüxü̃ca̱x rü Ngechuchu ya Cristuga nax pexĩnüexü̃ca̱x rü nagümaxã nax piyauxgüxü̃ca̱x nax nataxuxü̃ca̱x i perü chixexü̃gü. Rü chanaxwa̱xe i Tanatü ya Tupana poraãcü pexü̃ narüngü̃xẽxẽ rü pexü̃ nataãẽgüxẽxẽ.

Nüxíraxü̃xü̃ ga popera ga Pedru ümatüxü̃ 5:1

Rü ñu̱xmax, Pa Yaxõgüxü̃arü Ãẽ̱xgacügüx, rü pemaxã nüxü̃ chixu i wüxi i ucu̱xẽ i mexü̃, erü choma rü ta pexrüxü̃ yaxõgüxü̃arü ãẽ̱xgacü chixĩ. Rü chomaxü̃chima nixĩ ga nüxü̃ chadauxü̃ ga ngúxü̃ nax yangexü̃ ga Cristu. Rü choma rü tá ta pexrüxü̃ choxü̃́ nangẽxma i chauchica i mexü̃ i ngẽxguma wena núma naxũxgu.

Nüxíraxü̃xü̃ ga popera ga Pedru ümatüxü̃ 5:13

Rü pexü̃ narümoxẽgü i guxü̃ma i taenexẽgü i yaxõgüxü̃ i pexrüxü̃ Tupana dexü̃ i Babiróniawa ngẽxmagüxü̃. Rü ngẽxgumarüxü̃ ta pexü̃ narümoxẽ i chorü ngü̃xẽẽruxü̃ i Márcu ya chaunerüxü̃ ixĩcü.

Nüxíraxü̃xü̃ ga popera ga Cuáü̃ ümatüxü̃ 2:21

Rü tama nax tama nüxü̃ pecuáxü̃ i ngẽma ore nixĩ i pexca̱x chanaxümatüxü̃. Rü pema rü marü meama nüxü̃ pecua̱x i ngẽma ore i aixcüma ixĩxü̃, rü ngẽmaca̱x nixĩ i pexca̱x chanaxümatüxü̃. Rü pema nüxü̃ pecua̱x rü ngẽma ore i aixcüma ixĩxü̃wa rü taxucürüwama dora nawa ne naxũ.

Nüxíraxü̃xü̃ ga popera ga Cuáü̃ ümatüxü̃ 3:18

Pa Chauxacügüx, tama name i taa̱xmaxã rü tórü oremaxãxicatama nüxü̃ tangechaü̃ i taenexẽ. Natürü tanaxwa̱xe i tórü maxü̃maxã rü tórü ü i mexü̃maxã nüxü̃ tangechaü̃.

Norü taxre ga popera ga Cuáü̃ ümatüxü̃ 1:13

Rü ngẽma nua natanüwa changexmaxü̃ i yaxõgüxü̃ i peenexẽgü ixĩgüxü̃ ya Tupana dexü̃, rü pexü̃ narümoxẽgü.

Norü taxre ga popera ga Cuáü̃ ümatüxü̃ 1:5

Rü ñu̱xmax, Pa Chauenexẽgü ya Pexü̃ Changechaü̃güxe, rü pexna nüxü̃ chacua̱xãchixẽxẽ nax namexü̃ nax yigü ingechaü̃güxü̃. Rü ngẽma rü tama wüxi i ngexwaca̱xü̃xü̃ i Tupanaarü mu nixĩ. Natürü yematama nixĩ ga mu ga noxritama peyaxõgügu peyauxgüxü̃.

Norü tomaepü̱x ga popera ga Cuáü̃ ümatüxü̃ 1:1

Pa Chauenexẽ, Pa Gáyu ya Cuxü̃ Changechaü̃xex, choma i Cuáü̃ i yaxõgüxü̃arü ãẽ̱xgacü, rü cuxü̃ charümoxẽ.