1 Chamué 7:3 - Tupanaarü Ore

³ Rü yemaca̱x nüma ga Chamué rü guxü̃ma ga yema Iraéanecüã̱xgüxü̃ ñanagürü: —Ngẽxguma pema rü aixcüma Cori ya Tupanaca̱x pewoegu̱xgux, rü name nixĩ i ípenawogü i guxü̃ma i ngẽma togü i nachixü̃anegüarü tupananetagü, rü ngẽma tupananeta i Ataréchicüna̱xãgü. Rü penaxwa̱xegü i Cori ya Tupanaxü̃xicatama picua̱xüü̃gü. Rü ngẽxguma ngẽmaãcü penaxü̱xgux, rü nüma ya Cori ya Tupana rü tá pexü̃ ínanguxü̃xẽxẽ naxme̱xwa i ngẽma Firitéugü —ñanagürü.

1 Chamué 7:3 Iomraidhean Croise

Naanearü ügüchiga 35:2

Rü yexguma ga Acóbu rü naxma̱xgüxü̃ rü guxü̃ma ga norü duü̃xü̃güxü̃ ñanagürü: —¡Ípenanuxü̱̃x i guxü̃ma i perü tupanachicüna̱xãgü i pexü̃́ ngẽxmagüxü̃! ¡Rü ñu̱xũchi pegü pexaiyagü rü to i pexchiru i ngẽmataxü̃gu picu̱xgü!

Nüxíraxü̃xü̃ ga popera ga ãẽ̱xgacügüchiga 11:33

Erü nüma i Charomóü̃ rü choxü̃ ínata̱x rü Chidóü̃cüã̱xarü tupananeta i Ataréxü̃ nicua̱xüxü̃. Rü nüxü̃ nicua̱xüxü̃ i Moácüã̱xarü tupananeta i Quemó. Rü ngẽxgumarüxü̃ ta nüxü̃ nicua̱xüxü̃ i Amóü̃cüã̱xarü tupananeta i Mícoü̃. Rü ngẽma Charomóü̃ üxü̃ rü tama namaxã chataãxẽ erü tama nayanguxẽxẽ i ngẽma chorü mugü. Rü tama nanatü ga Dabí ga chauga ĩnücürüxü̃ nixĩ.

Nüxíraxü̃xü̃ ga popera ga ãẽ̱xgacügüchiga 8:48

rü ega ngẽma nachixü̃anewa aixcüma cuga naxĩnüegu rü ñaa naane ga torü o̱xigüna cuxãxü̃guama nadaunüãcüma nayumüxẽgügu, rü daa ĩane ya Yerucharéü̃ ga cuma nüxü̃ cuxunetanegu rü daa cupata ya taxü̃ne ya cuxca̱x chaxüxü̃neguama nadaunüãcüma nayumüxẽgügu,

Norü taxre ga popera ga ãẽ̱xgacügüchiga 17:39

¡Rü cha̱u̱xca̱xica pengutaque̱xegü nax choxü̃ picua̱xüü̃güxü̃ca̱x! Erü choma nixĩ ya Cori ya perü Tupana chixĩxü̃, rü choma tá nixĩ i pexü̃ íchanguxü̃xẽẽxü̃ i perü uanügüme̱xẽwa —ñanagürü nüxü̃.

Norü taxre ga popera ga ãẽ̱xgacügüchiga 23:15

Rü ñu̱xũchi Betéwa naxũ rü yexgumarüxü̃ ta nagu napogü ga yema tupananetaarü ãmarearü guruxü̃ rü guma ngutaque̱xepataxü̃ ga Nabáx nane ga Yeruboáü̃ üxü̃ne rü yemamaxã Iraéanecüã̱xgüxü̃ chixexü̃gu nayixẽẽxü̃. Rü nüma ga Yochía rü nagu napogü ñu̱xmata naxãte̱xemare rü ñu̱xũchi nayagu. Rü yexgumarüxü̃ ta nayagu ga yema Acheráchicüna̱xã ga yéma yexmaxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:19

Rü ngẽmaca̱x i ñu̱xmax rü name nixĩ nax aixcüma Tupanaca̱x pedaugüxü̃. ¡Rü penaxü̱x ya yima Tupanapata ya taxü̃ne nax ngéma penangexü̃ca̱x i ngẽma baú i Tupanaarü mugü nagu nuxü̃, rü ngéma yima Tupanapata ya taxü̃ne i tá pexüxü̃newa penanaxü̃ca̱x i ngẽma nawechigü i üünegüxü̃! —ñanagürü ga Dabí.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Norü taxre ga to ga popera ga ãẽ̱xgacügüchiga ümatüxü̃ 19:3

Natürü nayexma ga ta̱xacü ga mexü̃ ga cuxüxü̃ ga Tupana naxca̱x cumaxã taãẽxü̃. Rü yema nixĩ nax nagu quipogügüxü̃ ga yema Acheráchicüna̱xãgü ga ñaa nachixü̃anewa yexmagüxü̃. Rü ñu̱xũchi nagu curüxĩnü nax Tupanaca̱x cudauxü̃ —ñanagürü.

Norü taxre ga to ga popera ga ãẽ̱xgacügüchiga ümatüxü̃ 20:33

Natürü tama inayanaxoxẽẽgü ga yema ngutaque̱xechicagü ga ma̱xpǘnegüwa yexmagüxü̃ ga nawa tupananetachicüna̱xagüxü̃ yacua̱xüü̃güxü̃ ga duü̃xü̃gü. Yerü tama guxü̃ma ga yema duü̃xü̃gü rü aixcüma norü o̱xigüarü Tupanawe narüxĩ.

Ucu̱xẽgüchiga 16:1

Nüma ya yatü, rü nagu narüxĩnü i ngẽma naxüxchaü̃xü̃, natürü ngẽma Cori ya Tupana naxwa̱xexü̃ãcü tá nixĩ i ínanguxuchixü̃.

Ichaía 55:7

Rü ngẽma duü̃xü̃ i chixecümaxü̃, rü name nixĩ i nüxü̃ narüxo i ngẽma nacüma i chixexü̃. Rü ngẽma duü̃xü̃ i chixexü̃gu rüxĩnüxü̃, rü name nixĩ i nüxü̃ narüxo i ngẽma chixexü̃ i nagu naxĩnüxü̃. ¡Rü Cori ya Tupanaca̱x pewoegu! Rü tá nüxü̃́ pengechaü̃tümüxü̃gü. ¡Rü naxca̱x pewoegu ya tórü Tupana! Erü nüma rü ínamemare nax pexü̃́ nüxü̃ nangümaxü̃ i perü chixexü̃gü.

Yeremía 24:7

Rü cua̱x tá nüxna chaxã nax ngẽmaãcü choxü̃ nacua̱xgüxü̃ca̱x nax choma chixĩxü̃ ya Cori ya Tupana. Rü nümagü rü chorü duü̃xü̃gü tá nixĩgü, rü choma rü tá norü Tupana chixĩ erü guxü̃ma i norü ngúchaü̃maxã tá cha̱u̱xca̱x nawoegu.

Yeremía 36:3

Rü ngẽxguma ngẽma Yudáanecüã̱xgü nüxü̃ nacuáchigagügu i ngẽma poxcu i nagu charüxĩnüxü̃ nax naxca̱x íchananguxẽẽxü̃ rü bexmana tá nüxü̃ naxoe i nacüma i chixexü̃, rü choma rü tá nüxü̃́ nüxü̃ charüngüma i ngẽma norü chixexü̃gü rü norü pecadugü —ñanagürü ga Tupana.

Yeremía 4:1

Cori ya Tupana rü ñanagürü: —¡Pa Iraétanüxü̃x, ngẽxguma penaxwa̱xegu nax pewoeguxü̃, rü name nixĩ nax cha̱u̱xca̱x pewoeguxü̃. ¡Rü nüxna pixĩgachi i ngẽma perü tupananetachicüna̱xãgü i naxchi chaxaixü̃, rü taxṹ i choxna pixĩgachitanüxü̃!

Echequié 14:6

¡Rü ngẽmaca̱x Iraétanüxü̃maxã nüxü̃ ixu i ñaa ore! —Cori ya Tupana rü ñanagürü: “¡Cha̱u̱xca̱x pewoegu, rü nüxna pixĩgachitanü i ngẽma perü tupananetachicüna̱xãgü! ¡Rü nüxü̃ perüxoe i guxü̃ma i ngẽma chixexü̃ i nacüma i ãũãchixü̃!” —ñanagürü.

Echequié 18:31

¡Rü noxtacüma nüxna pixĩgachitanü i guxü̃ma i ngẽma chixexü̃gü ga chope̱xewa pexüxü̃! ¡Rü penangexwaca̱xü̃xẽxẽ i ngẽma perü maxü̃, rü ñu̱xũchi ngẽma peãxẽ! ¿Tü̱xcüü̃ penaxwa̱xe nax peyuexü̃, Pa Iraétanüxü̃x?

Ochéa 14:1

Pa Iraéanecüã̱xgüx, pema nax perü chixexü̃gagu guxchaxü̃gu peyixü̃x ¡rü naxca̱x pewoegu ya Cori ya perü Tupana!

Ore i mexü̃ ga Matéu ümatüxü̃ 15:8

“Ñaa duü̃xü̃gü rü naã̱xmaxãmare choxü̃ nicua̱xüü̃gü. Natürü naãẽwa rü tama aixcüma chaugu narüxĩnüe.

Ore i mexü̃ ga Matéu ümatüxü̃ 4:10

Rü nüma ga Ngechuchu rü ñanagürü nüxü̃: —¡Choxna ixũgachi, Pa Chatanáx! Erü Tupanaarü ore i ümatüxü̃ rü ñanagürü: “¡Nüxü̃ icua̱xüxü̃ ya Cori ya curü Tupana, rü yimágaxicatama naxĩnü!” —ñanagürü.

Ore i mexü̃ ga Matéu ümatüxü̃ 6:24

Taxucürüwa wüxíe rü tataxrearü coriã̱x. Erü wüxi i tümaarü cori rü tá nüxü̃ tangechaü̃ rü ngẽma to rü tá naxchi taxai. Rü naga tá taxĩnü i ngẽma wüxi rü ngẽma to rü taũtáma naga taxĩnü. Rü taxucürüwa Tupanaaxü̃́ cupuracü ega yexera curü diẽruguama curüxĩnügu.

Ore i mexü̃ ga Luca ümatüxü̃ 4:8

Natürü ga Ngechuchu rü nanangãxü̃, rü ñanagürü: —¡Choxna ixũgachi! Pa Chatanáx. Erü Tupanaarü ore i ümatüxü̃wa rü ñanagürü: “¡Nüxü̃ icua̱xüxü̃ ya Cori ya curü Tupana, rü yimáaxü̃́xicatama napuracü!” —ñanagürü.

Ore i mexü̃ ga Cuáü̃ ümatüxü̃ 4:24

Erü Tupana rü Naãxẽ nixĩ. Rü ngẽmaca̱x yíxema nüxü̃ icua̱xüü̃güxe rü tanaxwa̱xe nax guxü̃ma i tümaãẽmaxã rü tümaarü maxü̃maxã aixcüma mea nüxü̃ ticua̱xüü̃güxü̃ —ñanagürü.

Wenaxarü naxümatü ga Tupanaarü mugü 10:20

¡Rü nüxü̃ pengechaxü̃ ya yima perü Cori ya Tupana! ¡Rü nüxü̃xicatama picua̱xüü̃gü rü naga pexĩnüe! ¡Rü ngẽxguma wüxi i uneta pexü̱xgu rü penaxwa̱xe i naégagu penaxü̱x!

Wenaxarü naxümatü ga Tupanaarü mugü 13:4

¡Rü perü Cori ya Tupanawexica tátama nixĩ i perüxĩxü̃, rü yima perü Tupanaxü̃xicatata nixĩ i picua̱xüü̃güxü̃! ¡Rü nagu pemaxẽ i norü mugü rü naga pexĩnüe! ¡Rü nüxü̃́ pepuracüe rü guxü̃guma naxca̱xicatama pemaxẽ!

Wenaxarü naxümatü ga Tupanaarü mugü 4:29

Natürü ngẽxguma ngẽma nachixü̃anegüwa pema rü guxü̃ma i perü ngúchaü̃maxã rü guxü̃ma i peãẽmaxã Cori ya perü Tupanaca̱x pewoegugu rü nüxü̃ tá ipeyangaugü.

Wenaxarü naxümatü ga Tupanaarü mugü 6:13

¡Rü nüxü̃ picua̱xüxü̃ ya Cori ya perü Tupana, rü yimágaxicatama pexĩnüe! Rü ngẽxguma wüxi i uneta pexü̱xgu ¡rü Cori ya Tupanaégaguxicatama penaxü̱x!

Yochué 24:14

Rü nüma ga Yochué rü ñanagürü ta: —Rü ñu̱xma rü name i aixcüma Cori ya Tupanaxü̃ pengechaxü̃gü rü naga pexĩnüe rü norü ngúchaü̃ pexü. Rü name nixĩ i nüxna pexĩgachixü̃ i ngẽma nũxcüma ga perü o̱xigüarü tupananetagü ga taxtü ga Eufrátecutüwa rü Equítuanewa nüxü̃ yacua̱xüü̃güxü̃.

Yochué 24:23

Rü yexguma ga nüma ga Yochué rü ñanagürü: —¡Ẽcü ípenawogü i ngẽma tupananetachicüna̱xãgü i petanüwa ngẽxmagüxü̃, rü aixcüma naxca̱x pewoegu ya yimá Cori ya tórü Tupana ya yixema i Iraétanüxü̃! —ñanagürü.

Ãẽ̱xgacügü ga guxchaxü̃güarü mexẽxẽruü̃gü 10:16

Rü nüma ga Iraétanüxü̃ rü nüxna nixĩgachi ga yema togü ga nachixü̃anegüarü tupananetagü rü wenaxarü Cori ga Tupanaxü̃ nicua̱xüü̃gü. Rü nüma ga Cori ya Tupana rü marü tama yáxna namaxã naxĩnü nax poraãcü ngúxü̃ yangegüxü̃ ga Iraétanüxü̃, rü wenaxarü nüxü̃ narüngü̃xẽxẽ.

Ãẽ̱xgacügü ga guxchaxü̃güarü mexẽxẽruü̃gü 10:6

Natürü nüma ga Iraétanüxü̃ rü wenaxarü Cori ya Tupanape̱xewa chixexü̃ naxügü rü guxü̃raü̃xü̃ ga Baáchicüna̱xãxü̃ rü Ataréchicüna̱xãxü̃ nicua̱xüü̃gü. Rü yexgumarüxü̃ tá nüxü̃ nicua̱xüü̃gü ga Chíriacüã̱xgüarü tupanachicüna̱xãgü, rü Chidóü̃cüã̱xgüarü tupanachicüna̱xãgü, rü Moátanüxü̃arü tupanachicüna̱xãgü rü Amóü̃tanüxü̃arü tupanachicüna̱xãgü, rü Firitéugüarü tupanachicüna̱xãgü. Rü Cori ya Tupanaxü̃ narüngümae rü nüxü̃ narüxoe nax naxca̱x nangutaque̱xegüxü̃.

Ãẽ̱xgacügü ga guxchaxü̃güarü mexẽxẽruü̃gü 2:11

Rü nüma ga Iraétanüxü̃ rü Tupanape̱xewa chixexü̃ naxügü, rü inanaxügüe ga Baáchicüna̱xãxü̃ nax yacua̱xüü̃güxü̃.

Ãẽ̱xgacügü ga guxchaxü̃güarü mexẽxẽruü̃gü 2:13

Rü yema Iraétanüxü̃ rü Cori ya Tupanana nixĩgachi nax yema togü ga duü̃xü̃güarü tupananetagü ga Baá rü Ataréchicüna̱xãgüxü̃ yacua̱xüü̃güxü̃ca̱x.

1 Chamué 31:10

Rü yemawena rü norü tupana ga Atarépatagu nananucu ga guma naxnegü ga Chaú. Rü naxü̃ne rü ĩane ga Bex-cháü̃arü poxeguxü̃tápü̱xwa nanatuxẽẽgü.