1 Chamué 5:3 - Tupanaarü Ore

³ Rü moxü̃ãcü ga yexguma ínangugügu ga yema Adúxcüã̱x, rü Dagóü̃chicüna̱xãxü̃ inayangaugü ga ñaxtüanegumare nguxü̃ nape̱xegu ga yema baú ga Tupanaarü mugü nawa yexmaxü̃. Rü yexguma ga yema duü̃xü̃gü rü nanayauxgü ga yema Dagóü̃chicüna̱xã rü wena nachicagu nanachixẽẽgü.

1 Chamué 5:3 Iomraidhean Croise

Nüxíraxü̃xü̃ ga popera ga ãẽ̱xgacügüchiga 18:26

Rü yemaacü ga nümagü rü nayayauxgü ga yema wocaxacü ga nüxna namugüxü̃. Rü nanamexẽẽgü rü pa̱xmamacürüwa inanaxügüe ga norü tupana ga Baána nax nacagüexü̃ rü ñu̱xmata tocuchiwa nangu. Rü ñanagürügü: —¡Toxü̃ nangãxü̃ga Pa Baáx! —ñanagürügü. Rü yema ãmarearü guruxü̃ ga naxügüxü̃xü̃ íniyuxeguãchitanücüü, natürü nataxuma ga ta̱xacü ga nangãxü̃güxü̃.

Wiyaegü 115:7

Rü nixãxme̱x natürü tama tüxü̃ ningõgügü. Rü nixãcutü natürü tama inaxĩ. Rü bai i wüxi i naga i naã̱xgüwa ixũxũxü̃.

Wiyaegü 97:7

Rü Tupanape̱xewa narümaachitanü i guxü̃ma i ngẽma duü̃xü̃gü i tupananetachicüna̱xãgümaxã taãẽgüxü̃ rü nüxü̃ icua̱xüü̃güxü̃. Erü guxü̃ma i ngẽma tupananetachicüna̱xãgü rü Cori ya Tupanape̱xegu narümaachitanü.

Ínachoxü̃xü̃chiga 12:12

Erü choma rü ngẽma chütaxü̃ rü nua Equítuanewa tá chaxüpetü. Rü wüxichigü ya Equítuanecüã̱xarü ĩpatawa tá chayama̱x ya yimá nüxíraü̃cü ya nanegü rü nüxíraxü̃xü̃ i naxü̃naxacügü i yatüxü̃. Rü tá ngẽma Equítuanecüã̱xgüxü̃ nüxü̃ chadauxẽxẽ nax ngẽma namaxã natupanaã̱xgüxü̃ rü yangearü poraáxü̃ nax naétüwa nachogüxü̃. Erü chomatama ya Tupana nixĩ i chanaxueguxü̃ i ngẽma chaxüxü̃.

Ichaía 19:1

Dücax, Cori ya Tupana rü wüxi i caixanexü̃étügu Equítuanewa naxũ. Rü ngẽma Equítuanecüã̱xgüarü tupananetachicüna̱xãgü rü Cori ya Tupanaarü poracha̱xwa nidu̱xrue. Rü duü̃xü̃gü i Equítuanecüã̱xgü rü tá poraãcü inayayiãxẽ.

Ichaía 40:20

Rü wüxi i tama muarü diẽruã́xü̃ rü naxca̱x nadau i wüxi i nai i tama ngauxwa̱xexü̃, rü ñu̱xũchi naxca̱x nadau i wüxi i naxchicüna̱xãarü üruxü̃ i mea nüxü̃ cuáxü̃ nax naxüaxü̃ i wüxi i naxchicüna̱xã i tama iwáxwa̱xexü̃.

Ichaía 41:7

Rü yema naxchicüna̱xãarü üruxü̃ rü nüxü̃́ nanangúchaü̃xẽxẽ ga yema úirumaxã puracüxü̃ nax natüxüneã́xü̃ca̱x ga yema naxchicüna̱xã. Rü yema natamüca̱x martiyumaxã íipomüxü̃ rü nanataãẽxẽxẽ ga yema dextaruxü̃ íipomüxü̃ rü ñanagürü nüxü̃: “Name i ngẽma dextaruxü̃”, ñanagürü. Rü ñu̱xũchi itapuamaxã ínayapota ga yema naxchicüna̱xã nax tama yawáxü̃ca̱x.

Ichaía 46:7

Rü nügüãtügu nayangegü i ngẽma naxchicüna̱xã rü wüxi i nachicagu nayaxǘgü, rü ngéma nangẽxmaecha rü taguma nixũgachi. Rü woo aita naxca̱x naxüegu rü ngü̃xẽẽca̱x nüxna nacagügu i ngẽma naxchicüna̱xã i namaxã natupanaã̱xgüxü̃, natürü tama nanangãxü̃ rü tama ínananguxü̃xẽxẽ nawa i norü guxchaxü̃gü.

Yeremía 10:8

Rü guxü̃ma i ngẽma duü̃xü̃gü i ngẽma naxchicüna̱xãgüwe rüxĩxü̃ rü naechitamare namaxẽ, rü taxuxü̃ma i cua̱x nüxü̃́ nangẽxmagü. Rü ngẽma naxchicüna̱xãgü i naiwa naxügüxü̃ rü taxuxü̃ma nanangúexẽxẽ.

Chofonía 2:11

Rü nüma ya Cori ya Tupana rü poraãcü tá namaxã nanu. Rü nagu tá nipogügü i ngẽma nachixü̃anearü tupananetachicüna̱xãgü. Rü ñu̱xũchi guxü̃ i nachixü̃anegüwa rü tá Cori ya Tupanaxü̃ nicua̱xüü̃gü, rü woo ngẽma duü̃xü̃gü i capaxũgüwa maxẽxü̃ rü tá nüxü̃ nicua̱xüü̃gü.

Ore i mexü̃ ga Márcu ümatüxü̃ 3:11

Rü yexguma yema ngo̱xoã̱xgüxü̃ ga duü̃xü̃gü Ngechuchuxü̃ daugügu, rü nape̱xegu nacaxã́pü̱xügü rü tagaãcü ñanagürügü: —Cuma nixĩ ya Tupana Nane quixĩxü̃ —ñanagürügü.

1 Chamué 6:1

Rü yema baú ga Tupanaarü mugüchixü̃ rü 7 ga tauemacü Firitéugüarü naanewa nayexma.

1 Chamué 6:5

Rü ngẽmaca̱x name nixĩ i ípenaxüxü̃ i ngẽma taixnachicüna̱xãgü rü naxchicüna̱xãgü i ngẽma ü̃cagü i guxchaxü̃ pexna ãxü̃ i perü ĩanewa. ¡Rü nüxü̃ picua̱xüxü̃ ya yimá Iraéanecüã̱xgüarü Tupana! Rü bexmana ngẽmaãcü tá nüxü̃ narüchau nax pexü̃ yada̱xaweexẽẽxü̃, rü pexü̃ napoxcuexü̃ i pemax rü perü tupanagü rü perü naane.