1 Chamué 4:3 - Tupanaarü Ore

³ Rü yexguma yema ínapegüxü̃ca̱x nawoegu̱xgu ga Iraéanecüã̱xgüarü churaragü rü yema Iraéanearü ãẽ̱xgacügü rü ñanagürügü nügümaxã: —¿Tü̱xcüü̃ i ñu̱xma ya Tupana i Firitéugüxü̃ naxüchicaxü̃ nax tüxü̃ naporamaegüxü̃ca̱x? ¡Rü ngĩxã Chilówa taxĩ rü tayayaxu i ngẽma baú i Cori ya Tupanaarü mugü nawa ngẽxmaxü̃ nax ngẽmaãcü i nüma rü tatanüwa nangẽxmaxü̃ca̱x rü tüxü̃ ínapoxü̃xü̃ca̱x nüxna i ngẽma tórü uanügü! —ñanagürügü.

1 Chamué 4:3 Iomraidhean Croise

2 Chamué 15:25

Natürü nüma ga ãẽ̱xgacü rü Chadóxü̃ ñanagürü: —¡Ĩaneca̱x nataegu rü íyange i ngẽma Tupanaarü mugüchixü̃ i baú! Rü ngẽxguma Cori ya Tupana choxü̃ rüngü̃xẽẽgu, rü tá choxü̃ natáeguxẽxẽ, rü wena tá nüxü̃ chadau i ngẽma baú rü ngẽma nachica i nagu naxüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:1

Rü yexguma marü napatawa nayexmagu ga Dabí rü Tupanaarü orearü uruxü̃ ga Natáü̃maxã nidexa rü ñanagürü nüxü̃: —Dücax, choma rü wüxi ya ĩpata ya ocayiwanaxca̱x ixĩxü̃newa changexma. Natürü ngẽma baú i Tupanaarü mugü nawa ngẽxmane rü wüxi ya ĩpata ya naxchirumarenaxca̱x ixĩxü̃newa nangẽxma —ñanagürü.

Wiyaegü 74:1

Pa Tupanax, toma nax curü duü̃xü̃gü tixĩgüxü̃, rü ¿tü̱xcüü̃ toxü̃ ícuwogüxü̃chi? ¿Rü tü̱xcüü̃ tomaxã cunu?

Wiyaegü 74:11

¿Rü tü̱xcüü̃ tama icunawéxchaü̃ i curü pora? ¿Rü tü̱xcüü̃ ngéma nüxü̃ cudawenümare?

Ichaía 50:1

Nüma ya Tupana rü ñanagürü nüxü̃: —Pa Iraétanüxü̃x, ¡Taxṹ i nagu perüxĩnüexü̃ nax íchanatáxü̃ i perü mama i Iraéane ñoma wüxi ya yatü naxma̱xü̃ ítáxü̃rüxü̃! ¡Rü taxṹ i nagu perüxĩnüexü̃ nax pemaxã chataxexü̃ nax togüarü mugüruxü̃ pixĩgüxü̃ca̱x rü yemaacü chanaxütanüxü̃ca̱x ga wüxi ga chorü ngetanü! Rü pemaxã chataxe nagagu ga yema perü pecadugü yerü tama chauga pexĩnüechaü̃. Rü perü mama i Iraéane rü íchanata̱x yerü pema rü tama chauga pexĩnüe.

Ichaía 58:3

Natürü i nümagü rü ñanagürügü: “¿Tü̱xcüü̃ chi aureãcü iyumüxẽgüxü̃ ega Tupana rü tama tüxü̃ nada̱u̱xgu? ¿Rü tü̱xcüü̃ chi i yigü ixaiya̱xü̃gümaregüxü̃ ega nüma rü nüxü̃́ nataxuraxü̃maregu?” ñanagürügü. Rü yumüxẽarü ngunexü̃gu rü pema rü petaxegüama rü chixri tümamaxã ipecua̱xgü ya perü puracütanüxü̃.

Ichaía 59:1

Rü ngẽma Tupanaarü pora rü guxü̃guma nanaxa̱i̱xrügumaraxü̃ rü guxü̃guma ningu nax chixexü̃wa tüxü̃ ínanguxü̃xẽẽxü̃ca̱x. Rü ngẽxgumarüxü̃ ta i nüma rü tama nangauxchixẽ, rü ngẽmaca̱x guxü̃guma tüxü̃ naxĩnü ega nüxna ícaxgu.

Ichaía 59:2

Natürü yema perü chixexü̃gü ga pexüxü̃ rü Tupanacha̱xwa pexü̃ nitoxyepe̱xe. Rü ngẽma perü pecadugügagu pexcha̱xwa nügü nidüxchametü ya Tupana nax ngẽmaãcü tama pexü̃ naxĩnüxü̃ca̱x.

Yeremía 3:16

Rü ngẽxguma ngẽma nachixü̃anewa marü pimuxgu rü namuxgu i penegü rü pexacügü, rü taxúetama marü wena nachiga tidexa i ngẽma baú i chorü mugüchixü̃, rü taxúetama nagu tarüxĩnü, rü bai tá i texé nüxna cua̱xãchixü̃. Rü taxũtáma marü natauxchica, rü bai tá to i ngexwaca̱xü̃xü̃ naxügüxü̃. Rü choma ya Cori ya Tupana nixĩ i nüxü̃ chixuxü̃ i ngẽma.

Yeremía 7:4

¡Rü taxṹ i nüxü̃́ peyaxõgüxü̃ i ngẽma duü̃xü̃gü i pexü̃ womüxẽẽgüxü̃ rü ñagüxü̃: Nua Yerucharéü̃wa nangẽxma ya yima Cori ya Tupanapata ya taxü̃ne rü ngẽmaca̱x Tupana taxũtáma nanapoxcu ya daa ĩane woo chixexü̃ íxügügu, ñagüxü̃!

Iraétanüxü̃arü muxchiga 10:33

Rü yemaacü guma Cori ya Tupanaarü ma̱xpǘne ga Chinaíwa inaxĩãchi rü tomaepü̱x ga ngunexü̃ inaxĩ. Rü yema baú ga Cori ya Tupanaarü mugüpane nagu üxü̃ rü nape̱xegu nayangegü. Rü yemaacü wüxi ga nachica ga mexü̃ nax nagu napegüxü̃ca̱x nadaugü.

Iraétanüxü̃arü muxchiga 10:35

Rü yexguma yema baú ga Cori ya Tupanaarü mugüchixü̃maxã inaxĩãchigu, rü nüma ga Moiché rü ñanagürü: —¡Pa Corix, tomaxã napora! ¡Rü ngẽma curü uanügü rü tá cuxcha̱xwa nügü nawoone! ¡Rü ngẽxguma ngẽma cuxchi aiexü̃ cuxü̃ daugügu, rü cuxcha̱xwa tá nibuxmü! —ñanagürü.

Iraétanüxü̃arü muxchiga 31:6

Rü nüma ga Moiché rü inanamuãchitanü nax daiwa naxĩxü̃ca̱x. Rü nüma ga chacherdóte ga Ereachá nane ga Fineéx nixĩ ga íyaxümücüxü̃. Rü nüma nixĩ ga namaxã inacuáxü̃ ga yema Tupanapataarü yemaxü̃gü ga üünexü̃ ga íyanaxü̃ rü guma cornétagü ga nagu yacuegüne nax ínaxügüeãxü̃ca̱x nax nügü nada̱i̱xü̃.

Wenaxarü naxümatü ga Tupanaarü mugü 29:24

Rü ngẽxguma i guxü̃ma i ñoma i naanecüã̱xgü i duü̃xü̃gü rü tá ínacagü rü ñanagürügü: “¿Ta̱xacüca̱x nixĩ ga Cori ya Tupana ga yemaacü napoxcuãxü̃ ga yema nachixü̃ane? ¿Ta̱xacüca̱x poraãcü namaxã nanuxũchi?” ñanagürügü tá.

Wenaxarü naxümatü ga Tupanaarü mugü 31:26

—Ñaa nixĩ i ngẽma popera i Tupanaarü mugüpane. ¡Rü ngẽma baú i Cori ya Tupanaarü mugü nagu üxü̃cüwagu penaxǘ i ñaa popera nax ngẽmawa nüxna pecua̱xãchiexü̃ca̱x ya Cori ya Tupana ega ngẽxguma nüxna pixĩgachitanügu!

Norü taxre ga popera ga Timutéuca̱x naxümatüxü̃ ga Pauru 3:5

Rü tá nügü nayaxõgünetaxẽxẽ natürü ngẽma norü chixexü̃ i naxügüxü̃wa tá nango̱xoma nax tama aixcüma yaxõgüãxü̃ i ngẽma ore i mexü̃. Rü ngẽma duü̃xü̃gü i ngẽmaãcü maxẽxü̃, rü tama name nax namaxã cuxãmücüxü̃ rü natanügu cuxãxü̃.

Popera ga Yudíugü ga yaxõgüxü̃ca̱x ümatüxü̃ 9:4

Rü yéma nayexma ga yema mecha ga úirunaxca̱x ga nawa yagugüãxü̃ ga pumara ga yixixü̃. Rü yéma nayexma ta ga yema baú ga guxü̃wama úirumaxã tüxünexü̃ ga Tupanaarü mugü nagu nucuxü̃. Rü yematama baúarü aixepewa nayexma ga wüxi ga napaxü̃ ga úirunaxca̱x ga maná ga daxũwa rüyixü̃maxã ããcuxü̃. Rü yexgumarüxü̃ ta yema baúarü aixepewa nayexma ga Aróü̃arü caxü̃ruxü̃ ga rüxüxü̃ne, rü gumá nutagü ga Tupanaarü mugü nagu ümatügüxü̃.

Yochué 6:6

Rü yexguma ga nüma ga Yochué rü chacherdótegüca̱x naca rü ñanagürü nüxü̃: —¡Peyange i ngẽma baú i Cori ya Tupanaarü mugüchixü̃! Rü 7 i pemax rü ngẽma baúpe̱xegu tá pexĩ namaxã ya perü carnéruchatacu̱xregü —ñanagürü.

Yochué 7:7

Rü nüma ga Yochué rü ñanagürü: —Pa Corix, ¿tü̱xcüü̃ cuyachoü̃xẽxẽ ga ñaa duü̃xü̃gü ga natü ga Yudáü̃wa? ¿Ẽ̱xna Amoréutanüxü̃me̱xẽgu toxü̃ cuyixẽxẽxü̃ca̱x nixĩ i nua toxü̃ cugagüxü̃ nax ngẽmaãcü toxü̃ nada̱i̱xü̃ca̱x? Rü narümemae chi nixĩ ga natü ga Yudáü̃arü tocutüwa chitama tangexmagüxü̃.

Yochué 7:8

Pa Corix, ¿Ta̱xacü tá chaxüxü̃ i ñu̱xmax? Erü nüma i Iraétanüxü̃ rü marü norü uanücha̱xwa nibuxmü.

Nüxíraxü̃xü̃ ga popera ga Pedru ümatüxü̃ 3:21

Rü ngẽma dexá rü wüxi i cua̱xruxü̃ nixĩ. Erü ngẽxguma ngẽma dexáwa íibaiegu, rü duü̃xü̃güxü̃ nüxü̃ tacua̱xẽxẽ nax Tupanaga taxĩnüexü̃ nax tüxü̃́ nangẽxmaxü̃ i maxü̃ i taguma gúxü̃. Rü tama taxü̃nearü düxétüwa nax imexü̃ca̱x nixĩ i íibaiexü̃, natürü ítabaie erü marü Tupanana naxca̱x taca nax tüxü̃́ iyanaxoxẽẽãxü̃ca̱x i tórü pecadugü rü Ngechuchu ya Cristu wena maxü̃xü̃gagu nape̱xewa imexü̃ca̱x rü mexü̃gu rüxĩnüexü̃ca̱x.

Popera ga Yúda ümatüxü̃ 1:5

Rü woo marü nüxü̃ nax pecuáxü̃, natürü chanaxwa̱xe nax pexna nüxü̃ chacua̱xãchixẽẽxü̃ ga yema nüxü̃ ngupetüxü̃ ga yema nũxcümaü̃güxü̃ ga Iraétanüxü̃ ga Moichéwe rüxĩxü̃. Rü nüma ga Cori ya Tupana rü Equítuanewa ínananguxü̃xẽxẽ, natürü yemawena rü nanadai ga yema tama nüxü̃́ yaxõgüchaü̃xü̃.

1 Chamué 1:24

Rü yexguma marü yamaieãguwena ga gumá bucü rü Cori ya Tupanapatawa inaga ga ĩane ga Chilówa. Rü yexgumarüxü̃ ta yéma ínagagü ga tomaepü̱x ga wocaxacü ga iyatüxü̃, rü wüxiwetaxü̃ ga trigu, rü wüxi ga tü̃xü̃acu ga bínu.

1 Chamué 14:18

Rü yema ngunexü̃gu rü Tupanaarü efóx rü Iraétanüwa nayexma. Rü yemaca̱x ga Chaú rü chacherdóte ga Aíaxü̃ ñanagürü: —¡Nua nange i Tupanaarü efóx! —ñanagürü.

1 Chamué 4:2

Rü nüma ga Firitéugü rü nügü ninu nax Iraéanecüã̱xgümaxã nügü nada̱i̱xü̃ca̱x. Rü yexguma nügü nadaixgu, rü nüma ga Firitéugü rü Iraéanecüã̱xgüxü̃ narüporamaegü. Rü yema nügü ínadaixü̃wa nanadai ga 4,000 ga norü churaragü.