1 Chamué 3:3 - Tupanaarü Ore

³ Rü nüma ga Chamué rü Tupanapatagu nape yema baú ga Tupanaarü mugü nawa yexmaxü̃xü̃taguama. Rü yema norü omü ga yema nachica ga üünexü̃ rü nanaiecha.

1 Chamué 3:3 Iomraidhean Croise

Norü taxre ga to ga popera ga ãẽ̱xgacügüchiga ümatüxü̃ 13:11

Rü ngẽmagü nixĩ i ẽxü̃wa rü yáuanecü Cori ya Tupanaca̱x ínaguxü̃ i ãmaregü rü pumaragü i iyixichixü̃. Rü ngẽmagü nixĩ i mechawa mea yanuxü̃ i ngẽma paũgü i üünexü̃. Rü ngẽmagü nixĩ i guxü̃ma i yáuanecü nawa nanangixichigü i ngẽma omügü i úirumaxã ãxpaweruxü̃. Rü ngẽmaãcü i toma rü aixcüma tayanguxẽxẽ i Cori ya Tupanaarü mugü. Natürü i pema rü marü nüxna pixĩgachi.

Wiyaegü 27:4

Rü ngẽma Cori ya Tupanana naxca̱x chacaxü̃ rü choxü̃́ ngúchaü̃xü̃ rü wüxitama nixĩ. Rü ngẽma nixĩ nax guxü̃ma i chorü maxü̃gu Cori ya Tupanapatawa changexmaxü̃ nax ngẽmaãcü nüxü̃ chicua̱xüü̃xü̃ca̱x rü norü üünemaxã chataãẽxü̃ca̱x.

Wiyaegü 29:9

Rü ngẽma naga ya Cori rü nayawa̱xgüxẽxẽ ya yima castañagü rü nanangearü naixnecüã̱xẽxẽ i ngẽma naane. Rü napatawa rü guxü̃ma nüxü̃ nicua̱xüü̃gü.

Wiyaegü 5:7

Natürü i chomax rü ngẽma curü ngechaü̃gagu choxü̃́ natauxcha nax yima cupatagu chaxücuxü̃. Rü ngẽxguma cupata ya üünenewa changexmagu rü choxü̃́ natauxcha nax cupe̱xegu chanangü̃cuchixü̃ rü cuxü̃ changechaü̃ãcüma cuxü̃ chicua̱xüü̃xü̃.

Ínachoxü̃xü̃chiga 25:31

Rü úiru i pomüxü̃wa naxü i wüxi i omüpaweru! Rü nachipatü rü namena̱xã rü nachacüügü rü norü ngã̱xãẽruü̃gü i naputüragüraxü̃xü̃ rü nanagugü i naputüragüraxü̃xü̃ rü guxü̃ma i ngẽma rü nawa tátama cunaxüxüchigü.

1 Chamué 1:6

Rü yema nax nangexacüxü̃ ga Ána, rü ngĩma ga Peniná rü guxü̃guma Ánagu iyadauxcüraxü̃ rü ngĩxü̃ icugü.

1 Chamué 1:9

Rü yexguma ĩane ga Chilówa nayexmagügu, rü wüxi ga yáuanecü ga chibüwena rü ngĩma ga Ána rü Tupanapatawa ixũ. Rü nüma ga chacherdóte ga Erí rü norü tochicaxü̃ ga nawa natooxü̃wa narüto ga Cori ya Tupanapataarü ĩã̱xarü ngaicamana.