1 Chamué 13:9 - Tupanaarü Ore

⁹ Rü yemaca̱x nüma ga Chaú rü norü duü̃xü̃güxü̃ namu rü ñanagürü: —¡Nua chauxü̃tawa penana i naxü̃nagü nax Tupanaca̱x nada̱i̱xü̃ca̱x rü ínaguxü̃ca̱x nax tamaxã inangüxmüxü̃ca̱x! —ñanagürü. Rü nümatama nixĩ ga Tupanaca̱x ínaguaxü̃.

1 Chamué 13:9 Iomraidhean Croise

2 Chamué 24:25

Rü yema naanegu nanaxü ga ãmarearü guruxü̃ naxca̱x ga Cori ya Tupana. Rü yemawa ínanagu ga ãmaregü ga Cori ya Tupanaarü ngüxmüxẽẽruxü̃. Rü yexguma ga Cori ya Tupana rü Dabíaxü̃́ nüxü̃ naxĩnü ga yema norü yumüxẽwa naxca̱x ínacaxü̃ nax nachixü̃aneétüwa nachogüxü̃. Rü yexguma inayarüxo ga yema da̱xaweane ga Iraéanewa.

Nüxíraxü̃xü̃ ga popera ga ãẽ̱xgacügüchiga 3:4

Rü yemaca̱x Gabóü̃wa naxũxũxü̃ nax Cori ya Tupanaca̱x naxü̃nagü yexma yadaixü̃ca̱x. Yerü guma ma̱xpǘne nixĩ ga guxü̃ ga naigü ga ma̱xpǘnegüarü yexera rümáchanemaene. Rü Charomóü̃ rü yema nachicawa Tupanaca̱x nanadai rü ínanagu ga 1,000 ga naxü̃nagü.

Wiyaegü 37:7

Rü name nax cungea̱xmarexü̃ nape̱xewa ya Cori ya Tupana. ¡Rü yáxna naxĩnü! Rü nüma rü tá cuxü̃ narüngü̃xẽxẽ. ¡Rü taxṹ i quixãũãchixü̃ ega ngẽma chixexü̃ ügüxü̃ rü namuarü ngẽmaxü̃ã̱xgügu rü mea yaxũxgu i ngẽma nagu naxĩnüexü̃!

Ucu̱xẽgüchiga 15:8

Nüma ya Cori ya Tupana tama nanayaxu i norü ãmaregü i ngẽma chixexü̃gu maxẽxü̃. Natürü taãẽãcü nanayaxu i tümaarü yumüxẽgü ya yíxema aixcüma mea maxẽxe.

Ucu̱xẽgüchiga 20:22

Ngẽxguma chi texé ta̱xacürü chixexü̃ cuxcha̱xwa uxgu, rü tama name i nüxü̃ quixu nax cugütátama cuxütanüxü̃. Rü name nixĩ i nüxü̃́ cuyaxõ ya Cori ya Tupana, erü nüma tá nixĩ i cuxü̃ naxütanüxü̃.

Ucu̱xẽgüchiga 21:27

Nüma ya Cori ya Tupana, rü tama namaxã nataãxẽ i ngẽma chixexü̃gu maxẽxü̃arü ãmaregü, erü tama mexü̃ i ĩnümaxã nüxna nanaxãgü.

Ucu̱xẽgüchiga 21:3

¡Nagu namaxü̃ i ngẽma nacümagü i mexü̃, rü ngẽma nixĩ i guxü̃ma i ãmaregüarü yexera Tupanaca̱x rümemaexü̃!

Ichaía 66:3

Natürü ngẽma duü̃xü̃gü i chixexü̃gu maxẽxü̃ rü nanaxügü i ngẽma nümatama nagu naxĩnüexü̃. Rü ngẽxguma cha̱u̱xca̱x yama̱xgüãgu i wüxi i woca i yatüxü̃ rü cha̱u̱xca̱x rü ñoma wüxi ya duü̃xẽ tüxü̃ yama̱xgüxü̃rüxü̃ nixĩgü. Rü ngẽxguma cha̱u̱xca̱x yama̱xgüãgu i wüxi i carnéru rü cha̱u̱xca̱x rü ñoma wüxi ya airu cha̱u̱xca̱x yama̱xgüãxü̃rüxü̃ nixĩgü. Rü ngẽxguma choxna naxãgüãgu i norü ãmare i trigu rü cha̱u̱xca̱x ñoma cuchiarü nagü choxna naxãgüxü̃rüxü̃ nixĩgü. Rü ngẽxguma pumarate̱xe cha̱u̱xca̱x yagugügu rü cha̱u̱xca̱x ñoma wüxi i naxchicüna̱xãca̱x yagugüãxü̃rüxü̃ nixĩgü. Rü ngẽma duü̃xü̃gü i ngẽma ügüxü̃ rü taãẽãcü nanaxü i guxü̃ma i ngẽma chixexü̃.

Wenaxarü naxümatü ga Tupanaarü mugü 12:5

Rü Tupana rü petanüwa tá nüxü̃ naxuneta i wüxi i nachica nax nawa namaxü̃xü̃ca̱x. Rü pema rü tá ngẽma nachicawa pexĩ nax ngéma nüxü̃ picua̱xüü̃güxü̃ca̱x.

Wenaxarü naxümatü ga Tupanaarü mugü 12:6

Rü ngẽxma tá Tupanaca̱x peyadai rü ípenagu i perü ãmaregü i naxü̃nagü, rü ngéma tá penange i perü diẽru i diésmugü, rü ngẽma diẽru i Tupanaarü puracüca̱x ipexãxü̃, rü ngẽma diẽru i Tupanamaxã pexueguxü̃, rü ngẽma diẽru i perü ngúchaü̃maxã ipexãxü̃, rü ngẽma nüxíraxü̃güxü̃ i perü wocaxacügü rü perü carnéruxacügü i Tupanana pexãgüxü̃.

1 Chamué 14:18

Rü yema ngunexü̃gu rü Tupanaarü efóx rü Iraétanüwa nayexma. Rü yemaca̱x ga Chaú rü chacherdóte ga Aíaxü̃ ñanagürü: —¡Nua nange i Tupanaarü efóx! —ñanagürü.