1 Chamué 13:5 - Tupanaarü Ore

⁵ Rü nüma ga Firitéugü rü nügü nanutaque̱xe nax nügü nada̱i̱xü̃ca̱x namaxã ga Iraéanearü churaragü. Rü nüxü̃́ nayexma ga 30,000 ga daixwexü̃ ga carugü ga cowaru itúgüne, rü 6,000 ga churaragü ga cowarugu ĩxü̃, rü ñu̱xũchi muxũchixü̃ ga churaragü ga nacutügumare ĩxü̃. Rü norü mu ga yema churaragü rü ñoma márpechinüwa ngẽxmacü ya naxnücüte̱xerüxü̃ nixĩ i norü mu. Rü guxü̃ma ga yemagü rü Mixmáwa naxĩ rü yexma napegü ga Bex-abéü̃arü éstewaama.

1 Chamué 13:5 Iomraidhean Croise

2 Chamué 17:11

Rü ngẽma ñu̱xma cumaxã nüxü̃ chixuxü̃ nixĩ nax cugüxü̃tagu cungutaque̱xexẽẽxü̃ i guxü̃ma i Iraétanüxü̃. Rü Dáü̃anewa inaxügü rü ñu̱xmata Bechébaanewa nangu rü ngẽmaãcü tá namuxũchi i Iraétanüxü̃ i ñoma márcutüwa ngẽxmacü ya naxnücüte̱xerüxü̃. Rü ngẽma daiwa rü name nixĩ i cuma namaxã icucua̱x.

Nüxíraxü̃xü̃ ga popera ga ãẽ̱xgacügüchiga 20:27

Rü yexgumarüxü̃ ta ga nüma ga Iraéanearü churaragü rü nügü namexẽẽgü rü ínayana ga nawemügü. Rü yemaacü inaxĩãchi nax Chíriaanecüã̱xmaxã nügü nada̱i̱xü̃ca̱x. Rü nüma ga Iraétanüxü̃arü churaragü rü Chíriaanegüarü to̱xma̱xtawa nangugü. Rü nanoxremare rü ñoma taxretücumü ga chíbugü yexma chogüxü̃rüxü̃ nixĩgü. Natürü nüma ga Chíriaanearü churaragü rü namuxũchi rü yema naane ga nagu nügü nadaixchaü̃xü̃ rü namaxã nanapa.

Norü taxre ga to ga popera ga ãẽ̱xgacügüchiga ümatüxü̃ 1:9

Rü ñu̱xmax, Pa Cori Pa Tupanax ¡ẽcü yanguxẽxẽ ga yema chaunatü ga Dabímaxã nüxü̃ quixuxü̃ rü tá nüxü̃ curüngü̃xẽxẽ i nanegü rü nataagü! Erü ñu̱xma rü marü ãẽ̱xgacüxü̃ choxü̃ cuxuneta natanüwa i ngẽma muxũchixü̃ i curü duü̃xü̃gü i ñoma naxnecüte̱xerüxü̃ imuxü̃.

Ichaía 10:28

Rü ngẽma Achíriaanearü churaragü rü Rimóü̃wa nixĩ ne naxĩxü̃, rü Aiáwa nangugü. Rü ñu̱xma rü marü Migróü̃xü̃ nachopetü, rü Mixmágu nananu i naxwetagü.

Ichaía 48:19

Rü yexguma chi naga pexĩnüegu ga chorü mugü rü ngẽma petaagü rü chi namuxũchi ñoma márwa ngẽxmacü ya naxnecürüxü̃, rü choma rü taguchima pexü̃ chadai, rü taguchima pexna chixũgachi.

Yeremía 15:8

Rü yima márpechinüwa ngẽxmacü ya naxnücüte̱xearü mumae tá tüxü̃ íchayaxügüxẽxẽ ya yíxema yutegüxe i Yerucharéü̃wa. Rü tocuchigu tá tüxü̃ chadai ya yíxema mamagü ya ingẽxtü̱xünegüxe. Rü ngürüãchi tá tümatanügu chananguxẽxẽ i ngẽma taxü̃ i ngúxü̃ rü muü̃.

Ochéa 10:5

Rü ñu̱xma i ngẽma Chamáriaanecüã̱x i duü̃xü̃gü rü nidu̱xrue, rü naxauxe naxca̱x i ngẽma wocaxacüchicüna̱xã i Bex-abéü̃wa rütaxuxü̃. Rü naxca̱x nangechaü̃gü i duü̃xü̃gü rü ngẽma chacherdótegü erü marü narütaxu ga yema namaxã nataãẽgüxü̃.

Ochéa 4:15

Pa Iraéanecüã̱xgüx, pema rü woo nüxü̃ picua̱xüü̃güamagu i ngẽma tupananetagü, natürü tama chanaxwa̱xe nax ngẽma Yudáanecüã̱xgü rü ta nagu naxĩxü̃ i ngẽma nacümagü i chixexü̃. ¡Rü taxṹ i nüxü̃ picua̱xüü̃güxü̃ i ngẽma naxchicüna̱xãgü i Guirigáwa rü Bex-abéü̃wa ngẽxmagüxü̃! ¡Rü taxṹ i chauégagu ipexunetaxü̃!

Ochéa 5:8

¡Rü Guibeáwa peyacue ya cornéta, rü Ramáwa rü ta peyacue nax nangutaque̱xegüxü̃ca̱x i duü̃xü̃gü! ¡Rü Bex-abéü̃wa rü tagaãcü duü̃xü̃gümaxã nüxü̃ pixu nax nügü namexẽẽgüxü̃ca̱x nax daiwa naxĩxü̃ca̱x! ¡Rü Bẽyamíü̃tanüxü̃maxã nüxü̃ pixu nax nügü namexẽxẽgüxü̃ca̱x!

Romanos 9:27

Rü Iraétanüxü̃chiga rü ta nidexa ga Tupanaarü orearü uruxü̃ ga Ichaía rü ñanagürü: “Rü woo namuxũchichire̱x i Yudíugü yimá naxnücü ya márpechinüwa yimácürüxü̃, natürü noxre tátama nixĩ i aixcüma nayauxgüxü̃ i maxü̃ i taguma gúxü̃. Rü paxa tá ínangu ya tórü Cori nax napoxcueãxü̃ca̱x i guxü̃ma i ngẽma tama noxrü ixĩgüxü̃”, ñanagürü ga Ichaía.

Yochué 11:4

Rü guxü̃ma ga yema ãẽ̱xgacügü rü inaxĩãchi namaxã ga norü churaragü, rü norü cowarugü, rü naweü̃gü ga daiwa namaxã naxĩxü̃ne. Rü yema churaragü rü namuxũchi ñoma naxnücüte̱xe i márcutüwa ngẽxmacürüxü̃.

Yochué 18:12

Rü norü üyeane ga yema naane rü nórtewaama inaxügü ga natü ga Yudáü̃wa. Rü Yericúarü nórtewaama nada rü ínamáxpü̱xanexü̃gu nida ga oéstewaama. Rü naxnücüanexü̃ ga Bex-abéü̃wa nangu.

Yochué 7:2

Rü nüma ga Yochué rü Yericúwa inanamuãchitanü ga ñuxre ga yatügü nax ĩane ga Áiwa yangugütaegüxü̃ca̱x, rü nüxü̃́ natauxcha nax guma ĩane rü tá nagu nachocuxü̃ca̱x. Rü guma ĩane ga Ái rü ĩane ga Betéarü éstewaama nayexma ga Bex-abéü̃arü ngaicamana. Rü nümagü rü yéma naxĩ rü nayangugütaegü.

Ãẽ̱xgacügü ga guxchaxü̃güarü mexẽxẽruü̃gü 7:12

Rü yema Madiáü̃tanüxü̃ rü Amaréxtanüxü̃ rü yema duü̃xü̃gü ga éstewaama ne ĩxü̃ rü yema doxonexü̃gu nügü nawoonemare ñoma munügürüxü̃. Rü namuxũchi ga norü caméyugü ñoma naxnücüte̱xe ya márcutüwa ngẽxmacürüxü̃.

1 Chamué 13:11

Natürü nüma ga Chamué rü Chaúxü̃ ñanagürü: —¿Tü̱xcüü̃ cunaxü i ngẽma? —ñanagürü. Rü nüma ga Chaú rü nanangãxü̃ rü ñanagürü: —Nüxü̃ chadau nax tama paxa nua cunguxü̃ rü ngẽma chorü churaragü rü yoxni choxna naxĩgü. Rü ngẽma Firitéugü rü marü Mixmágu nangutaque̱xe. Rü ngẽmaca̱x nagu charüxĩnü nax toxca̱x chi yanachoü̃xü̃ nax toxca̱x íyaxü̃ãchixü̃ca̱x i Guirigáwa naxü̃pa nax Cori ya Tupaname̱xẽgu chaugü chaxüxü̃. Rü ngẽmaca̱x nixĩ i chomatama chanaxüxü̃ nax ãmare íchaguxü̃ —ñanagürü.

1 Chamué 14:23

Rü yema nügü nax nada̱i̱xü̃ rü ñu̱xmata Bex-abéü̃wa nangu. Rü nüma ya Cori ya Tupana rü yema ngunexü̃gu Iraétanüxü̃xü̃ ínanguxü̃xẽxẽ.

1 Chamué 14:52

Rü guxü̃ma ga Chaúarü maxü̃gu rü wüxi ga taxü̃ ga guxchaxü̃ nixĩ nax Firitéugümaxã nügü nada̱i̱xü̃. Rü yemaca̱x ga Chaú rü nanade ga guxü̃ma ga yatügü ga iporaexü̃ rü tama muü̃exü̃ nax norü churaragü yixĩgüxü̃ca̱x.

1 Chamué 17:1

Rü nüma ga Firitéugü rü nananutaque̱xexẽẽgü ga norü churaragü nax Iraéanecüã̱xgüarü churaragümaxã nügü nada̱i̱xü̃ca̱x. Rü nachica ga Éfe-damíü̃gu nayangutaque̱xegü ga ĩanegü ga Chocó rü Achecáarü ngaxü̃wa ga Yudáanewa.

1 Chamué 7:13

Rü nüma ga Iraétanüxü̃ rü Firitéugüxü̃ narüporamae, rü taguma wena Iraétanüxü̃arü naanewa ínayaxüãchi. Rü yexguma namaxü̃gu ga Chamué rü Cori ya Tupana rü Firitéugümaxã narüxuanü.