Nüxíraxü̃xü̃ ga popera ga Timutéuca̱x naxümatüxü̃ ga Pauru 6:9 - Tupanaarü Ore

⁹ Natürü ngẽma duü̃xü̃gü i diẽruã̱xgüchaü̃xü̃, rü tama yáxna namaxã naxĩnüe i ngẽxguma ngẽma diẽruarü ngúchaü̃ nüxü̃ poragu. Rü ngẽmaca̱x nagu nayi i muxü̃ma i ngúchaü̃gü i taxuwama nüxü̃́ mexü̃ i chixexü̃wa nagagüxü̃. Rü ngẽmaca̱x düxwa i ngẽma duü̃xü̃gü rü poraãcü nachixe rü norü guxü̃maãma inayarütauxe.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:9 Iomraidhean Croise

Nüxíraxü̃xü̃ ga popera ga ãẽ̱xgacügüchiga 21:6

Rü nüma ga Acáx rü ngĩxü̃ nangaxü̃ rü ñanagürü: —Nabú i Yereécüã̱xmaxã chidexa, rü nüxna naxca̱x chaca nax choxü̃ namaxã nataxexü̃ca̱x i norü úbanecü. Rü ngẽxgumachi choxna naxããxgu rü to i úbanecümaxã nüxü̃́ chanaxüchicüxü. Natürü i nümax rü tama choxna nanaxãxchaü̃ —ñanagürü.

Wiyaegü 11:6

Rü nüma ya Cori ya Tupana rü ñoma pucürüxü̃ tá ngẽma chixexü̃ ügüxü̃étügu nanayixẽxẽ ya ã́xwe rü üxüema i achúfremaxã ãéü̃xü̃. Rü tá naxca̱x ínananguxẽxẽ ya wüxi ya buanecü nax yaxaexü̃ca̱x i guxü̃ma. Rü nüma ya Cori ya Tupana rü ngẽmaãcü tá nanapoxcue i ngẽma duü̃xü̃gü i chixexü̃ ügüxü̃.

Ucu̱xẽgüchiga 15:27

Yíxema womüxẽẽxãcüma naxca̱x dauxe nax tadiẽruã́xü̃, rü nagu tayanachixexẽxẽ i tümapatacüã̱xgü, Natürü ngẽma ãẽ̱xgacü i nüxü̃ oxü̃ nax texé nüxü̃́ naxütanüxü̃ ega guxchaxü̃ namexẽẽgu, rü tá namaxü̃.

Ucu̱xẽgüchiga 20:21

Guxü̃ma i ngẽma tauxchaãcü iyaxuxü̃, rü yixcüra rü tama aixcüma wüxi i taãxẽ tüxna naxã.

Ucu̱xẽgüchiga 21:6

Ngẽma diẽru i womüxẽẽãcü iyaxuxü̃, rü taxuwama name, rü wüxi i paxaãchiruü̃mare nixĩ naxca̱x i ngẽma duü̃xü̃gü i yuca̱x daugüxü̃.

Ucu̱xẽgüchiga 22:16

Ngẽma diẽruã́xü̃ rü yíxema ngearü diẽruã́xẽaxü̃́ nangĩ̱x nax yexera nadiẽruã́xü̃ca̱x, rü ngẽmagagu düxwa tá ngearü diẽruã̱xwa nangu. Rü ngẽxgumarüxü̃ ta ya yíxema diẽruã́xü̃na ãmare ãxẽ rü ngearü diẽruã̱xwa tá tangu.

Ucu̱xẽgüchiga 23:4

¡Taxṹ i naxca̱x cuñuxãẽxü̃ nax cudiẽruã́xü̃, rü tama name i ngẽmagu curüxĩnüecha!

Ichaía 5:8

Wüxi i taxü̃ i ngechaü̃ nixĩ i pexca̱x i pema i nai ya pepatagü ne petaxexü̃. Rü pema rü pegüna penanugü i naanegü rü ngẽmaãcü tüxü̃ pengechicaxẽxẽ ya toguxegü ñoma pexicatama ngẽma naanewa pemaxẽxü̃rüxü̃.

Chacaría 11:5

Rü ngẽma duü̃xü̃gü i naxca̱x taxegüxü̃ rü tama nüxü̃́ taxãũxãchitümüü̃ãcü tüxü̃ nadai. Rü ngẽma carnérugümaxã taxegüxü̃ rü ñanagürügü: “¡Moxẽ ya Cori erü marü chadiẽruã̱x!” ñanagürügü. Rü woo i ngẽma carnérugüarü dauruü̃gü rü tama nüxü̃́ taxãũãchitümüxü̃ ya yíxema norü carnérugü.

Iraétanüxü̃arü muxchiga 31:8

Rü nanadai ga yema 5 ga Madiáü̃tanüxü̃arü ãẽ̱xgacügü ga Éwi, rü Requéü̃, rü Chú, rü Úru, rü Réba. Rü yexgumarüxü̃ ta nayama̱xgü ga Balaáü̃ ga Beúx nane.

Ore i mexü̃ ga Matéu ümatüxü̃ 13:22

Rü gumá triguchire ga tuxunecügu yixü̃nerüxü̃ nixĩ i ngẽma duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü ñoma i naanearü ngẽmaxü̃güca̱x nadaugü, rü ngẽmaguama narüxĩnüe, rü ngẽmaca̱x düxwa nüxü̃ inarüngümae i ngẽma ore. Rü guxü̃ma i ngẽma rü Tupanaarü orexü̃ nüxü̃ narüxoxẽxẽ nax tama aixcüma mea Tupanawe naxĩxü̃ca̱x i ngẽma duü̃xü̃gü.

Ore i mexü̃ ga Matéu ümatüxü̃ 19:22

Natürü yexguma yemaxü̃ naxĩnügu ga gumá ngextü̱xücü rü poraãcü nangechaü̃, yerü namu ga norü yemaxü̃gü.

Ore i mexü̃ ga Matéu ümatüxü̃ 26:15

Rü Yúda rü ñanagürü nüxü̃: —¿Ñuxre tá choxü̃́ penaxütanüxü̃ i ngẽxguma pexü̃́ chanatauxchaxẽxẽgu nax Ngechuchuxü̃ piyauxgüxü̃ca̱x? —ñanagürü. Rü yexguma ga yema chacherdótegüarü ãẽ̱xgacügü rü 30 tachinü ga diẽru nüxü̃́ nanaxütanügü.

Ore i mexü̃ ga Matéu ümatüxü̃ 6:19

Rü tama name i pegüca̱x penanutaque̱xe i muxü̃ma i perü ngẽmaxü̃gü i ñoma i naanewa. Erü ñoma i naanewa rü naxãü̃tanü, rü naweane paxãma nanachixexẽxẽ, rü ngẽmagagu inayarüxo i perü ngẽmaxü̃gü, rü ngĩ́ta̱xagüxü̃ rü naxca̱x nangĩ̱xgü.

Ore i mexü̃ ga Luca ümatüxü̃ 12:21

Rü ngẽxgumarüxü̃ tá ta namaxã nangupetü i ngẽma duü̃xü̃gü i nügüca̱xtama norü ngẽmaxü̃gümaxã nguxü̃xü̃ rü tama nügü ímexẽẽxü̃ i Tupanape̱xewa —ñanagürü ga Ngechuchu.

Ore i mexü̃ ga Luca ümatüxü̃ 21:35

Rü ñoma wüxi ya yüta ya ngürüãchi ta̱xacü iyaxúnerüxü̃ tá nixĩ naxca̱x i guxü̃ma i duü̃xü̃gü i ñoma i naanecüã̱x i ngẽxguma wenaxarü núma chaxũxgu.

Ngechuchuarü ngúexü̃gü ga yamugüxü̃arü puracüchiga 8:20

Rü yexguma ga Pedru rü ñanagürü nüxü̃: —¡Cumaxã iyanataxu̱x i curü diẽru, erü ngĩmaxã naxca̱x cutaxechaü̃ i Naãxẽ ya Üünecü ya Tupana tüxna mumarexü̃!

Efesios 4:22

Rü ngẽmaca̱x name nixĩ i nüxü̃ perüxoe i ngẽma nũxcümaü̃xü̃ i pecümagü ga ü̃pa nagu pexĩxü̃. Yerü yema nũxcümaü̃xü̃ ga perü maxü̃ rü nachixexüchi nagagu ga yema pexenearü ngúchaü̃gü i pexü̃ womüxẽẽxü̃.

Wenaxarü naxümatü ga Tupanaarü mugü 7:25

Pemax rü tá ípenagu i ngẽma norü tupananetachicüna̱xãgü, natürü taxũtáma pegüaxü̃́ penade i ngẽma úiru rü diẽrumü i namaxã yatüxünexü̃. Erü ngẽxguma pegüaxü̃́ penadexgu rü wüxi i taxü̃ i chixexü̃ tá pexü i Cori ya Tupanape̱xewa.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:9

Nüxü̃ tacua̱xgü rü guxü̃ma i ngẽma mugü rü tama duü̃xü̃gü i mexü̃ ügüxü̃ca̱x nixĩ. Rü ngẽma mugü rü naxca̱x nixĩ i ngẽma duü̃xü̃gü i tama irüxĩnüechaü̃xü̃, rü ngẽma tama norü ãẽ̱xgacüga ĩnüexü̃, rü ngẽma chixexü̃gu maxẽxü̃, rü ngẽma pecaduã̱xgüxü̃, rü ngẽma tama Tupanaga ĩnüexü̃, rü ngẽma nanatüxü̃ rüẽ̱xna naéxü̃ ima̱xgüxü̃, rü guxü̃ma i ngẽma máetagüxü̃, rü ngẽma naxü̃nearü ngúchaü̃we rüxĩxü̃, rü ngẽma yatügü i naxrüxü̃ yatüxü̃maxã maxẽxü̃ rü ngẽma ngexü̃gü i naxrüxü̃ ngẽxü̃maxã maxẽxü̃, rü ngẽma mugüruü̃gümaxã taxegüxü̃, rü ngẽma idorata̱xaxgüxü̃, rü ngẽma ãẽ̱xgacügüpe̱xewa idoragüxü̃, rü guxü̃ma i ngẽma chixexü̃ ügüxü̃ na̱xcha̱xwa i ngẽma ngu̱xẽẽtae i mexü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:7

Rü tanaxwa̱xe i woo i ngẽma tama yaxõgüxü̃ rü tüxü̃ nangechaü̃gü nax taxúema chixri tümachiga idexagüxü̃ca̱x rü tama Chataná chixexü̃gu tüxü̃ nangu̱xẽẽxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:10

Erü ngẽma nax diẽruguama rüxĩnüxü̃ rü ngẽma nixĩ i guxü̃ma i chixexü̃güarü ügü. Rü nangẽxma i ñuxre i yaxõgüxü̃ i diẽruguama rüxĩnüexü̃ rü ngẽmaca̱x Tupanana nixĩgachi. Rü ngẽmaãcü nügünatama guxchaxü̃ naxãgü rü nügüxü̃tama ngechaü̃ nangu̱xẽẽgü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:17

Rü yíxema muarü diẽruã́xẽ i ñoma i naanewa, ¡rü tümamaxã nüxü̃ ixu nax tama ngẽmamaxã tügü ticua̱xüü̃güxü̃ca̱x rü tama nagu tarüxĩnüexü̃ca̱x nax ngẽma tümaarü diẽruwa nüxü̃ itayangaugüxü̃ i tümaarü maxü̃! Erü ngẽma diẽru rü paxa tá nagu̱x. Natürü narümemae nixĩ i Tupanaga taxĩnü, erü yimá nixĩ i tüxna naxãcü i maxü̃ rü guxü̃ma i ngẽmaxü̃gü i inaxwa̱xexü̃ nax itaãẽgüxü̃ca̱x.

Norü taxre ga popera ga Timutéuca̱x naxümatüxü̃ ga Pauru 2:26

Erü Tupana nanaxwa̱xe nax naãẽxü̃ yacua̱xãchitanüxü̃ i ngẽma duü̃xü̃gü rü na̱xcha̱xwa yabuxmüxü̃ca̱x i ngẽma chixexü̃ i ngo̱xo i Chataná nagu nayixẽẽxü̃ nax ngẽmaãcü norü ngúchaü̃ ngẽma duü̃xü̃gümaxã naxüxü̃ca̱x i Chataná.

Popera ga Títoca̱x naxümatüxü̃ ga Pauru 2:12

Rü Tupana rü tamaxã namecüma rü ngẽmawa nüxü̃ tacua̱x nax namexü̃ nax nüxü̃ rüxoexü̃ i ñoma i naanecüã̱xarü ngúchaü̃gü rü guxü̃ma i togü i chixexü̃gü i nape̱xewa ixügüxü̃. Rü ngẽma Tupana taxca̱x üxü̃ tüxü̃ nangu̱xẽxẽ nax mea yigümaxã icua̱xgüãcüma duü̃xü̃güpe̱xewa rü Tupanape̱xewa mea imaxẽxü̃ i ñoma i naanewa.

Yochué 7:11

Rü nüma i Iraétanüxü̃ rü chixexü̃ naxügü. Erü nümagü rü tama nayanguxẽxẽ i ngẽma mugü ga namaxã nüxü̃ chixuxü̃. Rü nanayauxgüama i ngẽma ngẽmaxü̃gü i nüxna chachu̱xuxü̃. Rü meama nüxü̃ nacua̱xgüãcüma naxca̱x nangĩ̱xgü i ngẽma choxrü ixĩxü̃, rü norü ngẽmaxü̃gütanügu nayacu̱xgü.

Norü taxre ga popera ga Pedru ümatüxü̃ 2:3

Rü ngẽma ngu̱xẽẽruü̃netagü rü diẽruguxicatama narüxĩnüe, rü ngẽmaca̱x i ngẽma norü ngu̱xẽẽtae i doramare ixĩxü̃, rü tá pemaxã nanaxãtanü nax ngẽmaãcü petanüwa ngĩxü̃ nayauxgüxü̃ca̱x i perü diẽru. Natürü tá napoxcue i ngẽma duü̃xü̃gü, rü taxũtáma nibuxmü. Erü Tupana rü woetama nũxcümama poxcu namaxã naxuegu.

Popera ga Yúda ümatüxü̃ 1:11

Rü wüxi i ngechaü̃xü̃chi nixĩ naxca̱x i ngẽma duü̃xü̃gü erü Caíü̃ ga naenexẽxü̃ imáxü̃rüxü̃ nixĩgü. Rü ãẽ̱xgacü ga Balaáü̃rüxü̃ diẽruca̱x chixexü̃ naxügü. Rü Corérüxü̃ tama Tupanaga naxĩnüechaü̃, rü ngẽmaca̱x tá nayue.