Nüxíraxü̃xü̃ ga popera ga Timutéuca̱x naxümatüxü̃ ga Pauru 6:6 - Tupanaarü Ore

⁶ Rü aixcüma nixĩ i Tupanaarü orewa nüxü̃ iyarünga̱u̱xü̃ i taxü̃ i mexü̃, natürü ngẽma mexü̃ rü tümaca̱x nixĩ ya yíxema namaxã taãẽgüxe i ngẽma marü tüxü̃́ ngẽxmaxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:6 Iomraidhean Croise

Norü taxre ga popera ga ãẽ̱xgacügüchiga 6:2

Rü ngẽmaca̱x, name nixĩ i natü i Yudáü̃wa taxĩ nax ngéma wüxíechigü tanayaxuxü̃ca̱x i wüxi i naixpüta nax ngẽxma tanaxüxü̃ca̱x ya wüxi ya ĩpata nax yimawa tamaxẽxü̃ca̱x —ñanagürügü. Rü yexguma nüma ga Erichéu rü nanangãxü̃ rü ñanagürü: —Marü name, rü ¡ẽcü ngéma pexĩ! —ñanagürü.

Wiyaegü 37:16

Rü ngẽma muxü̃ i diẽru i ngẽma duü̃xü̃gü i chixexü̃ nüxü̃́ ngẽxmaxü̃arü yexera name nixĩ i ngẽma noxretama i nüxü̃́ ngẽxmaxü̃ ya yimá yatü ya mexü̃gu rüxĩnücü.

Wiyaegü 84:11

Erü nüma ya Cori ya Tupana rü norü duü̃xü̃güxü̃ nibáixmaxü̃ rü ínanapoxü̃. Rü yíxema tama naxügüxe i ngẽma chixexü̃ rü nüma ya Tupana rü tüxü̃ nangechaü̃ rü tüxü̃ nicua̱xüxü̃ rü tama tüxna nanachu̱xu i norü mexü̃.

Ínachoxü̃xü̃chiga 2:21

Rü yemaacü ga Moiché rü Madiáü̃arü chacherdóte ga Reuépatawa nangu, rü yexma naxãchiü̃. Rü nüma ga Reué rü nanaxüxma̱x naxacü ga Chéforamaxã.

Ucu̱xẽgüchiga 15:16

Ngẽma muarü diẽruã́xü̃ rü norü diẽrugagu guxchaxü̃wa nangẽxma. Rü woo i noxrearü diẽruã̱xgu, rü narümemae nixĩ nax Tupanaga ixĩnüexü̃.

Ucu̱xẽgüchiga 16:8

Taxuwama name nax imuarü diẽruã́xü̃ ega womüxẽẽãcü nayaxu̱xgu. Rü narümemae nixĩ i tórü puracüwa tanayaxu i tórü diẽru, woo naxíxragu.

Ucu̱xẽgüchiga 28:25

Yíxema diẽruguxicatama rüxĩnüxe, rü nu ítanguxẽxẽ. Natürü yíxema Cori ya Tupanana rüyoexe, rü nüma rü tüxü̃ narüngü̃xẽxẽ.

Yeremía 35:9

Rü taguma tanaxü ya ĩpatagü ya mexü̃ne nax nawa tamaxẽxü̃ca̱x, rü taguma toxü̃́ nangẽxma i úbanecügü, rü taguma toxü̃́ nangẽxma i toonegü i nanetügü nagu togüxü̃.

Ore i mexü̃ ga Luca ümatüxü̃ 12:15

Rü ñanagürü ta ga Ngechuchu: —¡Pexuãxẽ nax tama pexü̃́ nangúchaü̃xü̃ca̱x i togüarü ngẽmaxü̃! Erü wüxi i duü̃xü̃ rü tama ngẽma nax namuarü ngẽmaxü̃ã́xü̃ca̱x nixĩ i naya̱u̱xãxü̃ i norü maxü̃ —ñanagürü.

Ore i mexü̃ ga Luca ümatüxü̃ 3:14

Rü ñuxre ga churaragü rü ta Cuáü̃na nacagüe, rü ñanagürügü: —¿Toma rü ta̱xacü nixĩ i mexü̃ nax tanaxüxü̃? —ñanagürügü. Rü nanangãxü̃ ga Cuáü̃ rü ñanagürü: —Tama name i texéxü̃ pexãxũneãcüma tümaarü ngẽmaxü̃gü pepuxü̃. Rü tama name i ta̱xacürü doraxü̃ tümachigaxü̃ pixu. Rü name nixĩ i ngẽma diẽru i ãẽ̱xgacü pexü̃́ ngĩmaxã naxütanücümaxã petaãẽgü rü tama yexeracüca̱x ípeca —ñanagürü.

Romanos 8:28

Rü nüxü̃ tacua̱x rü tümaarü mexü̃ca̱x nixĩ ya Tupana ínangu̱xẽẽxü̃ i guxü̃ma i ngẽma tüxü̃ üpetüxü̃ ya yíxema nüxü̃ ngechaü̃güxe ga nüma nagu naxĩnüxü̃ca̱x tüxü̃ nadexe.

2 Corintios 4:17

Erü ngẽma ngúxü̃ i ñu̱xma torü maxü̃wa tingexü̃, rü wüxi i paxaãchimare nixĩ rü paxa tá nangupetü. Natürü ngẽma ngúxü̃gagu rü tá tanayaxu i wüxi i maxü̃ i mexẽchixü̃ i tagutáma gúxü̃.

Filipenses 1:21

Erü cha̱u̱xca̱x rü Cristuarü ngúchaü̃ nax chaxüxü̃ca̱x nixĩ nax chamaxü̃xü̃. Natürü ngẽxguma chayu̱xgu rü ngẽma rü ta name, erü Cristuxü̃tawa tá changexma i ngẽxguma.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:8

Rü wüxi i mexü̃ nixĩ nax yaxĩã̱xcüüxẽẽxü̃ i taxü̃ne nax naporaxü̃ca̱x. Natürü ngẽmaarü yexera narümemae nixĩ nax yigü iporaxẽẽxü̃ nax Tupanaga ixĩnüxü̃ca̱x erü ngẽma rü guxü̃wama tüxü̃́ name i ñu̱xma nax imaxẽxü̃ rü guxü̃gutáma i daxũguxü̃ i naanewa rü ta.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:8

Rü ngẽmaca̱x ega tüxü̃́ nangẽxmagu i taxchiru rü tórü õna rü name nixĩ i ngẽmamaãtama tataãẽgü.

Popera ga Yudíugü ga yaxõgüxü̃ca̱x ümatüxü̃ 13:5

Rü tama name nax diẽruguama perüxĩnüexü̃. Rü name nixĩ i namaxã petaãẽgü i ngẽma marü pexü̃́ ngẽxmaxü̃. Yerü Tupana rü ñanagürü: “Tagutáma cuxna chixũ, rü tagutáma cuxü̃ íchata̱x”, ñanagürü.