Nüxíraxü̃xü̃ ga popera ga Timutéuca̱x naxümatüxü̃ ga Pauru 6:1 - Tupanaarü Ore

¹ Guxãma ya yíxema yaxõgüxe ya mugüruxü̃gü ixĩgüxe, rü tanaxwa̱xe i tümaarü corigüga taxĩnüe rü nüxü̃ tangechaxü̃ nax ngẽmaãcü taxúema Tupanachiga rü tórü ngu̱xẽẽtaechiga chixri idexagüxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:1 Iomraidhean Croise

Naanearü ügüchiga 16:9

Rü yexguma ga yema Tupanaarü orearü ngeruxü̃ i daxũcüã̱x rü ñanagürü ngĩxü̃: —¡Curü chiũraca̱x nataegu rü ngĩga naxĩnü i guxü̃ma i ta̱xacü i cuxü̃ namuxü̃wa! —ñanagürü.

Naanearü ügüchiga 24:12

Rü nüma ga Abraáü̃arü duü̃ rü inanaxügü ga nax nayumüxẽxü̃ rü ñanagürü: —Pa Tupana ya Chorü Cori ya Abraáü̃arü Tupanax, rü ¡cuxü̃́ nangechaü̃tümüxü̃ ya chorü cori ya Abraáü̃! ¡Rü ẽcü mea ínanguxuchixẽxẽ i ñu̱xma i ngẽma naxca̱x núma choxü̃ namuxü̃!

Naanearü ügüchiga 24:2

Rü wüxi ga ngunexü̃ ga Abraáü̃ rü nidexa namaxã ga gumá norü duü̃xü̃ ga rüyamaecü ga norü yemaxü̃maxã icuácü. Rü ñanagürü nüxü̃: —¡Choperematüü̃gu naxǘxme̱x, rü Tupana ya daxũguxü̃ i naane rü ñoma i naanearü yoraégagu chomaxã inaxuneta rü taxũtáma chaune ya Ichaáca̱x ngĩxü̃ cuyaga i wüxi i pacü i ñaa naane i Canaáü̃cüã̱x ĩcü nax naxma̱x yixĩxü̃ca̱x!

Naanearü ügüchiga 24:27

Rü ñanagürü: —Cumecümaxü̃chi, Pa Cori ya Chorü Cori ya Abraáü̃arü Tupanax, erü aixcüma cuyanguxẽxẽ i ngẽma chorü cori ya Abraáü̃maxã nüxü̃ quixuxü̃. Erü namaxã cumecüma rü poraãcü nüxü̃ curüngü̃xẽxẽ, rü ngẽmaãcü natanüxü̃tanüwa choxü̃ cunguxẽxẽ —ñanagürü.

2 Chamué 12:14

Natürü ngẽma chixexü̃ i cuxüxü̃gagu rü Tupanaarü uanügü rü nayoxnie nax chixri nachiga yadexagüxü̃. Rü ngẽmaca̱x ya yimá cune ya ngexwaca íxracü rü tá nayu —ñanagürü.

Norü taxre ga popera ga ãẽ̱xgacügüchiga 5:13

Natürü ga norü duü̃xü̃gü rü naxca̱x naxĩ rü ñanagürügü nüxü̃: —Pa Corix, ngẽxguma chi yimá orearü uruxü̃ rü ta̱xacürü guxchaxü̃ cuxü̃ naxüxẽẽgu rü ngẽxguma rü chi cunaxü. Natürü i ñu̱xma nax natauxchaxü̃ i ngẽma cumaxã nüxü̃ yaxuxü̃ rü yexera name nixĩ i naga cuxĩnü. ¡Rü cugü nayaxunemare nawa i ngẽma natü nax ngẽmaãcü cuxca̱x yataanexü̃ca̱x! —ñanagürügü.

Neemía 9:5

Rü ñu̱xũchi yema Lebítanüxü̃ ga Yochué, rü Caxmié, rü Baní, rü Achaxnía, rü Cherebía, rü Odía, rü Chebanía rü Petaía rü duü̃xü̃güxü̃ ñanagürügü: —¡Ẽcü, ipechigü rü ñu̱xma rü guxü̃guma nüxü̃ picua̱xüü̃gü ya Cori ya Tupana! Rü naéga rü naxüüne rü guxü̃étüwa nangẽxma. Rü ngẽmaca̱x name nixĩ i nüxü̃ ticua̱xüü̃gü —ñanagürügü.

Ichaía 47:6

Rü yexguma namaxã chanuxgu ga yema chorü duü̃xü̃gü ya Iraétanüxü̃ rü pexna chanawogü nax namaxã ipecuáxü̃ca̱x. Natürü ga pemax, Pa Babiróniaanecüã̱xgüx, rü tama pexü̃́ nangechaü̃tümüxü̃gü, rü woo ga guxema norü yaxguã̱xgü rü chixri tümamaxã ipecua̱x.

Ichaía 52:5

Rü ñu̱xma rü ¿ta̱xacü e̱xna nixĩ i namaxã ngupetüxü̃ i ngẽma chorü duü̃xü̃gü? Rü Babiróniaanewa nanagagü taxuxü̃ma i ta̱xacürü chixexü̃ naxügüãcüma. Rü ngẽma namaxã icua̱xgüxü̃ rü taãẽãcü nüxü̃ nacugüe rü guxü̃guma ta̱xacü chomaxã nixugüe.

Ichaía 58:6

Natürü tama ngẽmaãcü üxü̃ i aure nixĩ i chanaxwa̱xexü̃. Rü ngẽma aure i namaxã chataãẽxü̃ nixĩ nax tüxü̃ ípinguxü̃xẽẽxü̃ ya yíxema natüca̱xma poxcuexe rü yíxema mugüruxü̃ ixĩgüxe, rü yíxema togü chixri tümamaxã icua̱xgüxe.

Echequié 36:20

Natürü yema Iraétanüxü̃ rü guxü̃ma ga guma ĩanegü ga nagu nawoonenewa rü chixri chauchiga nidexagü rü nanaxãũãchixẽxẽ ga chauéga i üünexü̃. Rü yemaca̱x ga yema togü ga duü̃xü̃gü rü ñanagürügü: “Ñaa nixĩ i Cori ya Tupanaarü duü̃xü̃gü, natürü nachixü̃anewa ínachoxü̃”, ñanagürügü —ñanagürü ya Tupana.

Echequié 36:23

Rü choma rü ngẽma nachixü̃anegüpe̱xewa tá chanawe̱x nax naxüünexü̃ i chauéga i pema natanüwa chixri nachiga pidexagüxü̃. Rü ngẽxguma ngẽma chaxüxgu, rü ngẽma nachixü̃anegü rü tá nüxü̃ nicua̱xãchitanü nax choma chixĩxü̃ ya Cori ya Tupana. Rü choma ya Cori ya Tupana nixĩ i nüxü̃ chixuxü̃ i ngẽma.

Maraquía 1:6

Rü nüma ya Cori ya Tupana ya Guxü̃étüwa Ngẽxmacü rü chacherdótegüxü̃ ñanagürü: —Ngẽma buxü̃gü rü nanatügüxü̃ nangechaü̃, rü ngẽma naxü̃taxü̃gü rü norü coriga naxĩnü. Rü choma nax Penatü chixĩxü̃ ¿rü tü̱xcüü̃ i tama choxü̃ pengechaü̃xü̃? Rü choma nax perü Cori chixĩxü̃ ¿rü tü̱xcüü̃ i tama chauga pexĩnüexü̃? Natürü i pemax rü choxü̃ pexo, rü naétü ñaperügügü: “¿Ta̱xacüwa i cuxü̃ taxoxü̃?” ñaperügügü.

Ore i mexü̃ ga Matéu ümatüxü̃ 11:30

Erü ngẽma pexü̃ chamuxü̃ rü natauxcha nax naga pexĩnüexü̃. Rü ngẽma pexü̃́ chanaxwa̱xexü̃ rü tama naguxcha nax penaxüxü̃”, ñanagürü ga Ngechuchu.

Ore i mexü̃ ga Matéu ümatüxü̃ 11:9

¿Ta̱xacü nixĩ ga ípeyadaugüxü̃? ¿Ẽ̱xna wüxi ga Tupanaarü orearü uruxü̃? Rü aixcüma pemaxã nüxü̃ chixu rü yema nixĩ ga ípeyadaugüxü̃. Rü nüma ya Cuáü̃ rü to i Tupanaarü orearü uruxü̃arü yexera nixĩ.

Ore i mexü̃ ga Luca ümatüxü̃ 17:1

Rü Ngechuchu rü norü ngúexü̃güxü̃ ñanagürü: —Rü guxü̃gutáma nangẽxma i ta̱xacü i duü̃xü̃güxü̃ pecaduã̱xẽẽxü̃. Natürü wüxi i ngechaü̃ nixĩ tümaca̱x ya yíxema duü̃xẽ ya togüxü̃ pecadugu yixexẽ́xẽ.

Ngechuchuarü ngúexü̃gü ga yamugüxü̃arü puracüchiga 10:22

Rü nümagü nanangãxü̃gü, rü ñanagürügü: —Capitáü̃ ya Cornériuxü̃tawa ne taxĩ rü nüma nixĩ i nua toxü̃ namugüxü̃. Rü wüxi ya yatü ya mecü nixĩ, rü Tupanaxü̃ nangechaü̃. Rü guxü̃ma i Yudíugü nüxü̃ nangechaü̃ i nümax. Rü wüxi ga Tupanaarü orearü ngeruxü̃ ga daxũcüã̱x nanamu nax cuxca̱x toxü̃ yacaxẽẽxü̃ca̱x ga Cornériu rü napatawa cuxũxü̃ca̱x rü nüxü̃ nax naxĩnüxü̃ca̱x i curü ore —ñanagürügü.

Ngechuchuarü ngúexü̃gü ga yamugüxü̃arü puracüchiga 10:7

Rü yexguma nüxna iyanataxuxgu ga yema orearü ngeruxü̃ ga namaxã yéma idexaxü̃, rü Cornériu rü naxca̱x naca ga taxre ga norü puracütanüxü̃ rü wüxi ga churara ga mea naga ĩnüxü̃ rü aixcüma Tupanaaxü̃́ yaxõxü̃.

Ngechuchuarü ngúexü̃gü ga yamugüxü̃arü puracüchiga 15:10

¿Rü ñu̱xma rü ta̱xacüca̱x Tupanaxü̃ penuxẽẽchaü̃, rü tü̱xcüü̃ penaxwa̱xe nax ngẽma ngexwaca yaxõgüxü̃ nagu ĩxü̃ i ngẽma nũxcümaü̃xü̃ i nacümagü i yixema tama tüxü̃́ tauxchaxü̃ nax nagu ixĩxü̃ rü woo i tórü o̱xigü rü tama nüxü̃́ tauxchaxü̃ nax nagu naxĩxü̃?

Romanos 2:24

Rü ngẽmaca̱x i Tupanaarü ore i ümatüxü̃wa rü ñanagürü: “Rü pegagu nixĩ nax chixri Tupanachiga yadexagüxü̃ i ngẽma duü̃xü̃gü i tama Yudíugü ixĩgüxü̃”, ñanagürü.

1 Corintios 10:32

Rü tama name i penaxü i ta̱xacü i togüxü̃ chixexü̃gu yixẽẽxü̃, rü woo Yudíugü yixĩgügu rü ẽ̱xna tama Yudíugü yixĩgügu, rü ẽ̱xna yaxõgüxü̃ yixĩgügu.

Gálatas 5:1

Rü ñu̱xma ya Cristu rü marü tüxü̃ ínanguxü̃ẽxẽ nax tama ngẽma mugütüü̃wa ingexmagüxü̃ca̱x. Rü ngẽmaca̱x name nixĩ i pegüna pedaugü nax tama wena natüü̃wa pegü pengẽxmagüxẽẽxü̃ca̱x i ngẽma mugü.

Wenaxarü naxümatü ga Tupanaarü mugü 28:48

Rü nüxü̃́ tá cupuracü i ngẽma curü uanügü i Cori ya Tupana tá cutanüwa mugüxü̃. Rü taiya tá cuxü̃́ nangu̱x, rü ta̱xawa tá quinge, rü tá cungexchiru, rü taxuxü̃táma cuxü̃́ nangẽxma. Rü nüma ya Cori ya Tupana rü ngúxü̃ tá cuxü̃ ningexẽxẽ, rü curü uanügüarü mugüruxü̃ tá cuxü̃ nixĩxẽxẽ ñu̱xmatáta ngẽmagu cuyu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:14

Rü ngẽmaca̱x chanaxwa̱xe i ngẽma yutegüxü̃ i paxü̃gü nax wenaxarü naxãtegüxü̃, rü naxãxãcügüxü̃, rü mexü̃ i napataarü dauruü̃gü nax yixĩgüxü̃. Rü ngẽmaãcü i ngẽma duü̃xü̃gü i tama yaxõgüxü̃ rü taxucürüwa chixri ngĩchiga nidexagü.

Nüxíraxü̃xü̃ ga popera ga Pedru ümatüxü̃ 2:12

Rü name nixĩ i mea pemaxẽ nape̱xewa i ngẽma duü̃xü̃gü i tama Tupanaxü̃ cua̱xgüxü̃. Rü woo ñu̱xma chixri pechiga yadexagügu, natürü tá nüxü̃ nadaugü i ngẽma mexü̃ i pexügüxü̃, rü tá Tupanaxü̃ nicua̱xüü̃gü i ngẽma ngunexü̃ i nagu Tupana guxãxü̃ma icagüxü̃gu.

Nüxíraxü̃xü̃ ga popera ga Pedru ümatüxü̃ 3:16

Natürü name nixĩ i tama pegü picua̱xüü̃güãcüma penangãxü̃ rü tama pegügu perüxĩnüeãcüma nax ngẽma duü̃xü̃güarü yexera pixĩgüxü̃. Rü name nixĩ i mea pemaxẽ nax taxuca̱xma pexoegaãẽgüxü̃ca̱x. Rü ngẽxguma ngẽmaãcü pemaxẽgu rü tá naxãnẽxẽ i ngẽma duü̃xü̃gü i chixri pechiga idexagüxü̃ naxca̱x nax Cristuca̱x pemaxẽxü̃.