Nüxíraxü̃xü̃ ga popera ga Timutéuca̱x naxümatüxü̃ ga Pauru 5:4 - Tupanaarü Ore

⁴ Natürü ngẽxguma chi wüxi i yutecü ngĩxü̃́ nangẽxmagu i ngĩxacügü rü ẽ̱xna ngĩtaagü, rü name nixĩ i nümagü ngĩxü̃ narüngü̃xẽẽgü rü ngĩxna nanaxã i ta̱xacü i ngĩxü̃́ taxuxü̃. Erü Tupana nanaxwa̱xe nax ngĩtanüxü̃xíra ngĩxna daugüxü̃ nax ngẽmaãcü yangutanüxẽẽgüãxü̃ca̱x ga yema naé nax nayaexẽẽxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:4 Iomraidhean Croise

Naanearü ügüchiga 47:12

Rü nüma ga Yúche rü nanatüna rü guxü̃ma ga naenexẽgüna nanaxã ga õna. Rü yema ñuxre nax nüxü̃́ itauxchigüxü̃ãcü nüxna nanaxã ga wüxichigü.

Naanearü ügüchiga 47:28

Acóbu rü 17 ga taunecü Equítuanewa namaxü̃, rü 147 ga taunecüwa nangu ga norü ya.

Yox 18:19

Rü norü ĩanewa rü taxuxü̃táma i nataagü ínayaxügü, rü taxuxü̃táma i napatacüã̱x namaxẽ.

Ucu̱xẽgüchiga 31:28

Ngẽma ngĩxacügü rü ngĩte rü ngĩxü̃ nicua̱xüxü̃gü rü ñanagürügü:

Ichaía 14:22

Rü Cori ya Tupana ya Guxãétüwa Ngẽxmacü rü namaxã nanaxuegu rü ñanagürü: —Choma rü tá ichanaxügü nax chanadaixü̃ i ngẽma Babiróniacüã̱x. Rü noxtacüma tá chayanaxoxẽxẽ i naéga i Babirónia wüxigu namaxã i ngéma nawa yaxǘgüxü̃ i duü̃xü̃gü rü ñu̱xũchi nanegü rü nataagü i Babiróniacüã̱x.

Ore i mexü̃ ga Luca ümatüxü̃ 2:51

Rü yexguma ga Ngechuchu rü tümawe nataegu ga Nacharétuwa. Rü guxü̃guma mea tümaga naxĩnüecha. Rü naé ga María rü ngĩãẽwa nagu irüxĩnüecha ga guxü̃ma ga yema ngupetüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:3

Rü ngẽma nixĩ i namaxã nataãẽxü̃ ya yimá Tupana ya tüxü̃ maxẽxẽẽcü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:16

Rü ngẽxguma chi wüxi ya yatü i yaxõ̱xcü rüe̱xna wüxi ya ngecü i yaxõ̱xcü rü ngĩxü̃́ nangẽxmagu i wüxi i ngĩtanüxü̃ i yutecü, rü name nixĩ i nümagütama ngĩxü̃ narüngü̃xẽẽgü nax ngẽmaãcü taxũtáma ngẽma yaxõgüxü̃arü puracü yixĩxü̃ca̱x nax ngĩxna nadaugüxü̃. Rü ngẽxguma tá nüxü̃́ natauxcha i ngẽma yaxõgüxü̃ nax ngĩxü̃ nangü̃xẽẽgüxü̃ i ngẽma yutecü i aixcüma ngĩxü̃́ natau̱xcüma i ngĩtanüxü̃ i ngĩxü̃ rüngü̃xẽẽgüxü̃.

Popera ga Títoca̱x naxümatüxü̃ ga Pauru 1:11

Natürü ngẽma duü̃xü̃gü i ngẽmaãcü chixri ngu̱xẽẽtaegüxü̃, rü chanaxwa̱xe i noxtacüma icuyanangea̱xgüxẽxẽ. Erü muxü̃ma i duü̃xü̃güxü̃ nachixexẽẽgü rü ñu̱xmata ñuxre ya ĩpatawachigü rü nanachixexẽxẽ i guxü̃ma i duü̃xü̃gü nax tama aixcüma Tupanaaxü̃́ yaxõgüãxü̃ca̱x. Rü ngẽma ore i taxuwama mexü̃maxã duü̃xü̃güxü̃ nangúexẽxẽ nax ngẽmaãcü tüxü̃ nawomüxẽẽgüãcüma ngĩxü̃ nayauxgüxü̃ca̱x i diẽru.

Ãẽ̱xgacügü ga guxchaxü̃güarü mexẽxẽruü̃gü 12:14

Rü 8 ga taunecü nixĩ ga namaxã inacuáxü̃. Rü nüma ga Axdóü̃ rü 40 ga nane rü 30 ga nataagü nüxü̃́ nayexma. Rü wüxichigü ga yema rü norü búrutagu narüxĩĩxü̃.

Rux 2:18

Rü ñu̱xũchi guma ĩaneca̱x itaegu rü íiyangexpǘxü̃ ga yema chebáda rü ngĩ̱xẽxü̃ iyawa̱x. Rü yemawena rü inayaxu ga yema ngĩwemü ga íyaxüxü̃ rü ngĩ̱xẽ ga Noemína inaxã.

Rux 2:2

Rü wüxi ga ngunexü̃gu ga Rux rü Noemíxü̃ ngĩgürügü: —Chebádachitaxü̃wa tá chaxũ, rü ngürüãchi ngẽxma tá nüxü̃ chayangau i wüxi i buxetatanüxü̃ i choxü̃ nadexẽẽxü̃ i ngẽma chebáda i nawe iyietanüxü̃ —ngĩgürügü. Rü yexguma ga Noemí rü ngĩgürügü ngĩxü̃: —Marü name Pa Chauxacüx. ¡Ẽcü ngéma naxũ rü naxü i ngẽma nüxü̃ quixuxü̃! —ngĩgürügü.