Nüxíraxü̃xü̃ ga popera ga Timutéuca̱x naxümatüxü̃ ga Pauru 5:3 - Tupanaarü Ore

³ ¡Tüxü̃ rüngü̃xẽxẽ ya yíxema yutegüxe ega aixcüma taxúema tüxü̃ rüngü̃xẽẽgu!

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:3 Iomraidhean Croise

Yox 29:13

Rü guxema yutegüe rü duü̃xẽgü ga ingearü diẽruã̱xgüe, rü tüxü̃ charüngü̃xẽẽxü̃. Rü yema ngü̃xẽxẽ ga tümaca̱x chaxüxü̃ rü namaxã tataãẽgü.

Yox 31:16

Rü taguma tüxü̃ icharüngüma ga guxema ngearü diẽruã̱xgüxe nax tüxü̃ charüngü̃xẽẽxü̃, rü woo ga guxema yutegüxe rü taguma chanaxwa̱xe nax taiya tingegüxü̃.

Wiyaegü 146:9

Rü nüma ya Cori ya Tupana rü nüxna nadau i ngẽma duü̃xü̃gü i tama Iraétanüxü̃ ixĩgüxü̃ i to i nachixü̃anewa ne ĩxü̃. Rü ngẽxgumarüxü̃ ta tüxü̃ narüngü̃xẽxẽ ya taxcutagü rü yutegüxe. Natürü ngẽma duü̃xü̃gü i chixexü̃ ügüxü̃arü ĩnü rü nagu nayanachixexẽxẽ.

Wiyaegü 68:5

Rü yimá Tupana ya napata ya üünenewa ngẽxmacü rü ngẽma tacutagümaxã inacua̱x rü ngẽma yutegüxü̃arü poxü̃ruxü̃ nixĩ.

Wiyaegü 94:6

Rü tüxü̃ nadai ya yíxema yutegüxe, rü yíxema taxcutagü, rü yíxema to i nachixü̃anecüã̱x ixĩgüxe.

Ínachoxü̃xü̃chiga 20:12

¡Rü tüxü̃ nangechaü̃ ya cunatü rü cué nax ngẽmaãcü namáxü̃ca̱x i curü maxü̃ i ñaa naane i choma i Cori ya Tupana cuxna chaxãxü̃wa!

Yeremía 49:11

“¡Choxna namugü i curü taxcutagü nax choma nüxna chadauxü̃ca̱x! Rü choma rü tá nüxna chadau i ngẽma curü yutegüxü̃”, ñaxü̃.

Ore i mexü̃ ga Matéu ümatüxü̃ 15:6

Rü ngẽxguma texé ngẽma ñagügu rü pexca̱x rü marü namexü̃ nax tama tümanatüxü̃ rü tümaéxü̃ tarüngü̃xẽẽxü̃. Rü ngẽmaãcü ipeyanaxoxẽxẽ i Tupanaarü mu nax nagu pexĩxü̃ca̱x i pecümagütama.

Ore i mexü̃ ga Matéu ümatüxü̃ 23:13

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x erü duü̃xü̃güaxü̃́ penaguxchaxẽxẽ nax Tupanaxü̃tawa nangugüxü̃ca̱x. Rü woo i pema rü taxũtáma ngẽxma pechocu, natürü nüxü̃́ penaguxchaxẽxẽ nax ngẽxma nachocuxü̃ca̱x i ngẽma togü i nüxü̃́ nangúchaü̃xü̃ nax ngẽxma nachocuxü̃.

Ore i mexü̃ ga Luca ümatüxü̃ 2:37

Rü yemaacü wüxi ga yutecü ga yaxguã̱xü̃chi iyixĩ, rü 84 nixĩ ga ngĩrü taunecü. Rü taguma Tupanapata ga taxü̃newa íixũxũ. Rü guxü̃guma ngunecü rü chütacü rü naxaureãcüma iyumüxẽecha. Rü yemaacü Tupanaxü̃ iyacua̱xüxü̃.

Ore i mexü̃ ga Luca ümatüxü̃ 7:12

Rü yexguma guma ĩanearü ngaicamana nanguxgu, rü tüxü̃ nadau ga wüxi ga yueta ga ta̱xgüwa tüxü̃ nangegüxe. Rü guxema yuetaarü mama rü tayute rü gumá yucü rü guxicatama nixĩ ga tümane ixĩcü. Rü muxü̃ma ga duü̃xü̃gü ga gumá ĩanecüã̱x rü tüxü̃ ínixümücügü.

Ore i mexü̃ ga Cuáü̃ ümatüxü̃ 1:47

Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 6:1

Rü yema ngunexü̃gügu rü yexeraãcü nimuetanü ga yema duü̃xü̃gü ga yaxõgüxü̃. Rü natanüwa nayexmagü ga Yudíugü ga Griégugawa idexagüxü̃. Rü nayexma ta ga yaxõgüxü̃ ga Yudíugü ga woetama nagawa idexagüxü̃. Rü yema yaxõgüxü̃ ga Griégugawa idexagüxü̃ rü nidexagüecha nachigagu ga yema yaxõgüxü̃ ga Yudiugügawa idexagüxü̃, rü ñanagürügü: —Totanüwa yutegüxe rü tama mea õna tüxna naxãgüxü̃ i ngẽxguma õna inaxãgüü̱̃xgu i wüxichigü i ngunexü̃gu —ñanagürügü.

Ngechuchuarü ngúexü̃gü ga yamugüxü̃arü puracüchiga 9:39

Rü nüma ga Pedru rü nawe narüxũ. Rü yexguma Yópewa nanguxgu, rü yema ucapu ga yema yueta nawa yexmaxü̃wa nanagagü. Rü guxü̃ma ga yutegüxü̃ rü Pedruxü̃ ínachomaeguãchi, rü naxauxe, rü nüxü̃ nayawégü ga yema naxchirugü ga Tabitá nüxü̃́ íxüxü̃xü̃ ga yexguma namaxü̃gu.

Ngechuchuarü ngúexü̃gü ga yamugüxü̃arü puracüchiga 9:41

Rü yexguma ngĩxme̱xgu nayayauxãchi, rü ngĩxü̃ inachixẽxẽ. Rü ñu̱xũchi naxca̱x naca ga yema yaxõgüxü̃ rü yema yutegüxü̃, rü maxü̃cü nüxü̃ ngĩxü̃ nawe̱x.

Wenaxarü naxümatü ga Tupanaarü mugü 10:18

Rü nüma rü tüxna nadau ya yíxema ta̱xcuxe rü yutexe. Rü tüxü̃ nangechaxü̃ ya yíxema to i nachixü̃anecüã̱x ya petanüwa ngẽxmaxe, rü tüxü̃ naxüwemü rü tüxü̃ naxüxchiru.

Wenaxarü naxümatü ga Tupanaarü mugü 14:29

Rü ngẽmaãcü i ngẽma Lebítanüxü̃ i ngearü naaneã̱xgüxü̃ rü ngẽma to i nachixü̃anecüã̱x i perü ĩanewa ngẽxmagüxü̃ rü tá naxãwemügü ñu̱xmata mea nüxü̃́ yangu. Rü ngẽmaãcü i nüma ya Cori ya perü Tupana rü tá pexü̃ narüngü̃xẽxẽ nawa i guxü̃ma i ta̱xacü i pexüxü̃.

Wenaxarü naxümatü ga Tupanaarü mugü 16:11

Rü Tupanape̱xewa tá penaxü i ngẽma peta nawa i ngẽma nachica ya Tupana nüxü̃ unetaxü̃ nax nawa nangẽxmaxü̃. Rü ngẽma petawa rü name nax ngéma penagagüxü̃ i guxü̃ma i pexacügü rü perü mugüruü̃gü. Rü ngẽxgumarüxü̃ ta name nax nüxna pexuxü̃ i ngẽma Lebítanüxü̃ rü ngẽma to i nachixü̃anecüã̱x i petanüwa ngẽxmagüxü̃. Rü ñu̱xũchi name nax tüxna pexuxü̃ ya yíxema taxcutagü rü yutegüxe i perü ĩanewa ngẽxmagüxe.

Wenaxarü naxümatü ga Tupanaarü mugü 16:14

Rü ngẽma petagu rü tá petaãẽgü namaxã i pexacügü, rü perü mugüruü̃gü, rü Lebítanüxü̃, rü ngẽma duü̃xü̃gü i to i nachixü̃anecüã̱xgü, rü taxcutagü rü yutegüxe i perü ĩanegüwa ngẽxmagüxe.

Wenaxarü naxümatü ga Tupanaarü mugü 27:19

“Rü ngẽma duü̃xü̃ i wüxi ya duü̃xẽ ya to i nachixü̃anecüã̱xmaxã chixri icuáxü̃, rüe̱xna wüxi ya yutéxemaxã chixri icuáxü̃, rüe̱xna wüxi ya taxcutamaxã chixri icuáxü̃ rü chixexü̃wa nangẽxma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

1 Tesalonicenses 2:6

Rü taguma naxca̱x tadaugü nax texé toxü̃ icua̱xüü̃güxü̃, rü woo i pema rü bai i togü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:2

Rü yíxema yáxe ya ngexegü rü name nixĩ i meama tümamaxã quidexa cuéxüchirüxü̃. Rü ngẽxgumarüxü̃ ta i paxü̃gü rü name nixĩ i meama namaxã quidexamare wüxi i cueya̱xüchirüxü̃, rü tama name i chixexü̃gu namaxã curüxĩnü.

Popera ga Chantiágu ümatüxü̃ 1:27

Natürü tümaarü õ i Tanatü ya Tupanape̱xewa aixcüma mexü̃, rü ngẽma nixĩ nax nüxü̃ tarüngü̃xẽẽxü̃ i taxcutagü rü yutegüxü̃ rü tügüna tadauxü̃ nax tama ñoma i naanearü chixexü̃gu tanguxü̃.

Nüxíraxü̃xü̃ ga popera ga Pedru ümatüxü̃ 2:17

Rü name nixĩ i mea penayauxgü i guxü̃ma i duü̃xü̃gü. ¡Rü nüxü̃ pengechaxü̃ i taenexẽgü i yaxõgüxü̃! ¡Rü nüxü̃ pemuü̃e ya Tupana! ¡Rü naga pexĩnüe ya yimá ãẽ̱xgacü ya Rómawa ngẽxmacü!

Nüxíraxü̃xü̃ ga popera ga Pedru ümatüxü̃ 3:7

Rü ngẽxgumarüxü̃ ta i pemax, Pa Yatügüx, rü name nixĩ i mea pexma̱xü̃ pengechaü̃gü rü yáxna ngĩmaxã pexĩnüe, erü ngĩma rü irüturamae. Rü name nixĩ i ngĩmaxã petaãẽgü erü Tupana pexna naxãxü̃rüxü̃ ngĩxna nanaxã i maxü̃ i taguma gúxü̃. Rü name nixĩ i ngẽmaãcü mea ngĩxü̃ pengechaxü̃gü nax taxuxü̃ma yatoxyepe̱xexü̃ca̱x i perü yumüxẽgü.