Nüxíraxü̃xü̃ ga popera ga Timutéuca̱x naxümatüxü̃ ga Pauru 5:17 - Tupanaarü Ore

¹⁷ Rü ngẽma yaxõgüxü̃arü ãẽ̱xgacügü i aixcüma meama ngẽma yaxõgüxü̃maxã icua̱xgüxü̃, rü name nixĩ i ngẽma yaxõgüxü̃ aixcüma nüxü̃ nangechaü̃gü rü namaxã nataãẽgü. Rü yexera name i nüxü̃ nangechaü̃gü rü namaxã nataãẽgü i ngẽma Tupanaarü orexü̃ ixugüxü̃ rü nangúexẽẽxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:17 Iomraidhean Croise

Norü taxre ga popera ga ãẽ̱xgacügüchiga 2:9

Rü yexguma marü Yudáü̃arü tocutüwa nangugügu, rü nüma ga Ería rü Erichéuxü̃ ñanagürü: —¡Chomaxã nüxü̃ ixu rü ta̱xacü cunaxwa̱xe nax cuxca̱x chaxüxü̃ naxü̃pa nax Tupana cuxna choxü̃ igaxü̃! —ñanagürü. Rü nüma ga Erichéu rü nanangãxü̃ rü ñanagürü: —Ngẽma Tupanaarü pora i cuxü̃́ ngẽxmaxü̃ rü chanaxwa̱xe i taxree̱xpü̱xcüna ngẽmaarü yexera choxna cunaxã —ñanagürü.

Ichaía 40:2

¡Rü nüxü̃ pengechaü̃ãcüma ngẽma Yerucharéü̃cüã̱xgümaxã pidexagü! ¡Rü namaxã nüxü̃ pixu nax marü iyacuáxü̃ nax togüme̱xẽwa nangẽxmagüxü̃ rü marü nanaxütanü i norü chixexü̃gü! Rü guxü̃ma ga yema norü chixexü̃ ga naxügüxü̃ca̱x, rü taxree̱xpü̱xcüna nüxü̃ chanaxütanüxẽxẽ —ñanagürü ga Tupana.

Yeremía 16:18

Rü nawa tá ichanaxügü nax taxree̱xpü̱xcüna pexü̃ chapoxcuexü̃ naxca̱x i perü chixexü̃gü rü perü pecadugü. Erü penaxãũãchixẽxẽ i chorü naane namaxã i ngẽma perü tupananetachicüna̱xãgü i ingearü maxü̃ã́xü̃. Rü yema naane ga guxü̃guca̱x pexna chaxãxü̃wa rü penaxü ga yema chixexü̃gü ga naxchi chaxaixü̃ —ñanagürü ga Cori ya Tupana.

Yeremía 17:18

¡Rü naxãneexẽxẽ i ngẽma chorü uanügü, rü taxṹ i choxü̃ cuxãnexẽxẽxü̃! Rü ngẽmaãcü i nümagü rü tá naxãnee, rü tama i chomax. ¡Rü taxü̃ i guxchaxü̃ naxca̱x ínanguxẽxẽ, rü wüxicana iyanaxoxẽxẽ!

Chacaría 9:12

Rü pema i ñu̱xma yáxü̃gu pepoxcuexü̃, natürü ípenangu̱xẽẽama nax perü ĩaneca̱x tá pewoeguxü̃. ¡Rü ẽcü perü ĩaneca̱x pewoegu! Rü pemaxã nüxü̃ chixu rü pema i poraãcü ngúxü̃ nax pingegüxü̃ rü ngẽmaarü yexera tá poraãcü pexü̃ charüngü̃xẽxẽxü̃.

Iraétanüxü̃arü muxchiga 18:31

Rü name i nüma rü naxacügümaxã nanangõ̱xgü i ngexü̃rüüxü̃mare i nachicawa. Rü ngẽma nixĩ i norü natanü naxca̱x nax chopatawa napuracüexü̃.

Ore i mexü̃ ga Matéu ümatüxü̃ 24:25

Dücax, naxü̃pa nax nangupetüxü̃ i guxü̃ma i ngẽma ngúxü̃, rü choma rü marü pemaxã nüxü̃ chixu i ngẽma.

Ore i mexü̃ ga Luca ümatüxü̃ 10:7

¡Rü wüxi ya ĩpatagutama perücho, rü ngéma pechibüe rü peyaxaxü̱x i ngẽma nüxü̃́ ngẽxmaxü̃ i ngẽma ĩpatacüã̱xgü! Erü wüxi i puracütanüxü̃ rü name nixĩ nax naya̱u̱xãxü̃ i norü natanü naxca̱x i norü puracü. Rü yima ĩanewa pengẽxmagüyane rü tama chanaxwa̱xe i nai ya ĩgu peyapegü.

Ore i mexü̃ ga Luca ümatüxü̃ 12:42

Rü ñanagürü ga Cori ga Ngechuchu: —¿Rü texé tixĩxü̃ ya yíxema tümaarü coriarü duü̃xẽ ya mea yanguxexẽ́xẽ i tümaarü puracü rü mea tümaãẽxü̃ cuáxe rü tümaarü cori tüxna ãgaxe nax mea nüxna tadauxü̃ca̱x i norü duü̃xü̃gü rü mea oragu tanachibüexẽẽxü̃ca̱x?

Ore i mexü̃ ga Cuáü̃ ümatüxü̃ 4:38

Rü choma rü pexü̃ chamu nax Tupanaca̱x duü̃xü̃güxü̃ pedexü̃ woo marü togü nüxíra napuracüe nax duü̃xü̃gümaxã nüxü̃ yaxugüexü̃ i Tupanaarü ore. Rü pema nixĩ ga yema duü̃xü̃güxü̃ pedexü̃ Tupanaca̱x. Rü yemaacü ga pemax rü peyoxniẽ nawa ga togüarü puracü —ñanagürü.

Ngechuchuarü ngúexü̃gü ga yamugüxü̃arü puracüchiga 11:30

Rü yemaacü nanaxügü. Rü Bernabé rü Chaurumaxã yéma ngĩxü̃ namugü ga yema diẽru naxca̱x ga yema yaxõgüxü̃arü ãẽ̱xgacügü ga Yudéaanewa yexmagüxü̃.

Ngechuchuarü ngúexü̃gü ga yamugüxü̃arü puracüchiga 20:35

Rü guxü̃guma mea pexü̃ changúexẽxẽ nax ngẽmaãcü pepuracüexü̃ nax nüxü̃ perüngü̃xẽẽxü̃ca̱x i ngẽma duü̃xü̃gü i nüxü̃́ nataxuxü̃. Rü name nixĩ nax nüxna pecua̱xãchiexü̃ i Cori ya Ngechuchuarü ore ga nümatama ñaxü̃: “Rü narümemae nixĩ i pema nax toguxena penaxãxü̃ rü tama i tüma pexna nax tanaxãxü̃” —ñaxü̃.

Ngechuchuarü ngúexü̃gü ga yamugüxü̃arü puracüchiga 28:10

Rü nümagü ga yema duü̃xü̃gü ga capaxũcüã̱x rü meama toxna nadau rü toxü̃ narüngü̃xẽẽgü. Rü yexguma itaxĩãchigu, rü toxna nananagü ga guxü̃ma ga tanaxwa̱xexü̃ ga torü namawaxü̃ ga õna.

Romanos 12:8

Rü yíxema nüxü̃ cuáxe nax Tupanaarü oremaxã duü̃xü̃güxü̃ tataãẽxẽẽxü̃, rü name nixĩ i meama tanaxü i ngẽma. Rü yíxema nüxü̃ cuáxe nax togümaxã tangauxü̃ i tümaarü ngẽmaxü̃gü, rü name nixĩ i tümaarü ngúchaü̃maxã tanaxü i ngẽma. Rü yíxema ãẽ̱xgacü ixĩxẽ rü name nixĩ i meama tayanguxẽxẽ i ngẽma puracü. Rü yíxema nüxü̃ cuáxe nax togü tüxü̃́ ngechaü̃tümüxü̃güxü̃, rü name nixĩ i taãẽãcüma tanaxü i ngẽma.

Romanos 15:27

Rü ngẽma taenexẽgü i Machedóniacüã̱x rü Acáyacüã̱x rü norü me nixĩ nax ngẽmaãcü naxügüãxü̃. Rü ngẽma duü̃xü̃gü rü aixcüma nüxü̃́ nangẽxma i norü ngetanü i taenexẽgü i Yudíugütanüwa. Erü ngẽma taenexẽgü i Yudíugügagu nixĩ i ngẽma togü i duü̃xü̃gütanüwa nanguxü̃ i Tupanaarü ore. Rü ñu̱xma rü name nixĩ i ngẽma togü i duü̃xü̃gü rü norü ngẽmaxü̃maxã taenexẽgü i Yudíugü i yaxõgüxü̃xü̃ narüngü̃xẽẽgü.

Romanos 16:12

¡Rü ngĩxü̃ perümoxẽgü i Triféna rü Trifócha! Rü ngĩmagü rü tórü Coriaxü̃́ ipuracüe. ¡Rü ngẽxgumarüxü̃ ta ngĩxü̃ perümoxẽgü i taeya̱x i Pérchide i ngĩxü̃ ingechaü̃gücü! Rü ngĩma rü marü poraãcü tórü Coriaxü̃́ ipuracü.

1 Corintios 15:10

Natürü ga Tupana rü chomaxã namecüma, rü ngẽmaca̱x i ñu̱xma rü choxü̃ pedau nax ta̱xacü chixĩxü̃ rü ñuxãcü nax chixĩxü̃. Rü yema chomaxã nax namecümaxü̃ rü tama natüca̱xma nixĩ. Yerü choma rü guxü̃ ga togü ga yamugüxü̃arü yexera chanaxü ga Tupanaarü puracü. Natürü tama chauechama chanaxü ga yema puracü, natürü Tupana ga chomaxã mecümacü rü chomaxã puracücü nixĩ ga naxücü ga yema puracü nax nüxü̃ chixuxü̃ca̱x ga norü ore.

1 Corintios 16:16

Rü chanaxwa̱xe i naga pexĩnüe i ngẽma duü̃xü̃gü i Etéfanatanüxü̃rüxü̃ ixĩgüxü̃. Rü ngẽxgumarüxü̃ ta chanaxwa̱xe i naga pexĩnüe i guxü̃ma i ngẽma duü̃xü̃gü i ñaa Tanatüarü puracüwa puracüexü̃ rü ngü̃xẽẽtaegüxü̃.

1 Corintios 3:9

Rü toma rü wüxigu Tupanaaxü̃́ tapuracüe. Rü ngẽmaãcü nixĩ i perü maxü̃wa napuracüxü̃ ya Tupana nax nüma nanaxwa̱xexü̃ãcüma noxrü pixĩgüxü̃ca̱x.

2 Corintios 6:1

Rü ñu̱xma nax Tupanaarü ngü̃xẽẽruü̃gü tixĩgüxü̃, rü pexü̃ taca̱a̱xü̃ nax tama nüxü̃ pexoexü̃ca̱x ga yema ngechaü̃ ga Tupana pexca̱x ixãxü̃.

Gálatas 6:6

Rü yíxema nayaxúxe i ngu̱xẽẽtae i Tupanaarü orewa rü name nixĩ nax tümaarü ngu̱xẽẽruü̃maxã tangauxü̃ i tümaarü ngẽmaxü̃gü.

Wenaxarü naxümatü ga Tupanaarü mugü 18:8

Rü nüma rü ngẽma togü i namücügü yaxuxü̃e̱xpü̱x i õna tá nanayaxu. Rü naétü tá nanayaxu i ngẽma nanatü nüxna ãxü̃.

Filipenses 2:29

Rü chanaxwa̱xe i tórü Coriégagu petaãẽgüãcüma mea penayaxu. Rü name nixĩ i nüxü̃ pengechaü̃gü i ngẽma duü̃xü̃gü i Epaporudíturüxü̃ ixĩgüxü̃.

Filipenses 4:3

Rü cumax, Pa Chomücü ya Mecü i Wüxigu Tupanaarü Puracüwa Chomaxã Puracücüx, rü cuxna naxca̱x chaca nax nüxü̃ curüngü̃xẽẽxü̃ca̱x i ngẽma taxre i taeya̱xgü. Erü nümagü rü wüxigu chomaxã rü Creméntemaxã rü ngẽma togü i chomücügü i Tupanaarü poperawa marü ngo̱xégagüxü̃maxã napuracüe i Tupanaarü orearü uwa.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:5

Erü ngẽxguma chi tama tümachiü̃maxã mea itacua̱xgu rü ¿ñuxãcü tá ngẽma Tupanaaxü̃́ yaxõgüxü̃maxã mea itacuáxü̃?

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:10

Rü ngẽmaca̱x nixĩ i ipuracüexü̃ rü yigü iporaãẽxẽẽxü̃ nax nüxü̃ ixuxü̃ca̱x i ngẽma ore i mexü̃, erü nüxü̃́ tayaxõgü ya tórü Tupana ya Maxü̃cü ya guxãarü Maxẽxẽẽruxü̃ ixĩcü, rü yexera ngẽma nüxü̃́ yaxõgüxü̃arü ixĩcü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:14

Rü tama name i nüxü̃ curüngü̃ma i ngẽma cua̱x ga Tupana cuxna ãxü̃ ga yexguma yema yaxõgüxü̃arü ãẽ̱xgacügü cuétü üxme̱xgüãcüma cumaxã nüxü̃ yaxugügu nax Tupana cuxna naxãxü̃ ga yema cua̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:16

¡Naxuãxẽ rü mea cugüna nadau rü mea nangúexẽxẽ i ngẽma ore rü mea naxüama i ngẽma puracü ya Tupana nagu cuxü̃ muxü̃! Erü ngẽxguma mea cunaxü̱xgu i ngẽma puracü, rü tá cunayaxu i maxü̃ i taguma gúxü̃ rü ngẽma cuxü̃́ irüxĩnüexü̃ rü tá ta nanayauxgü i ngẽma maxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:6

Rü ngẽxguma ngẽma cumaxã nüxü̃ chixuxü̃ i oremaxã cunangúexẽẽgu i taenexẽ i yaxõgüxü̃, rü Ngechuchu ya Cristuarü mugüruxü̃ ya mecü tá quixĩ. Rü ngẽxguma nawa cungúechagu i ngẽma ore i marü quixõxü̃, rü ngẽxguma nagu quixũẽchagu i ngẽma mexü̃ i ngu̱xẽẽtae i marü nagu quixũxü̃, rü ngẽxguma tá nixĩ i wüxi ya mecü ya Ngechuchu ya Cristuarü mugüruxü̃ quixĩxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:19

Rü ngẽxguma chi texé nüxü̃ ixuxgu nax chixexü̃ naxüxü̃ i wüxi i yaxõgüxü̃arü ãẽ̱xgacü, rü taxũtáma tüxü̃́ icuxĩnü ega nataxuxguma i taxre rüe̱xna tomaepü̱x i togü i duü̃xü̃gü i nüxü̃ daugüxü̃ nax aixcüma chixexü̃ naxüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:3

¡Tüxü̃ rüngü̃xẽxẽ ya yíxema yutegüxe ega aixcüma taxúema tüxü̃ rüngü̃xẽẽgu!

Norü taxre ga popera ga Timutéuca̱x naxümatüxü̃ ga Pauru 2:6

Rü yíxema naanewa puracüxe rü name nixĩ i tüxíra tanabuxu i tümanetüarü o.

Popera ga Yudíugü ga yaxõgüxü̃ca̱x ümatüxü̃ 13:17

¡Rü naga pexĩnüe i ngẽma perü dauruü̃gü i pemaxã icua̱xgüxü̃, rü penaxü̱x i ngẽma pemaxã nüxü̃ yaxuxü̃! Erü nümagü rü mea Tupanape̱xewa pexna nadaugü, rü nüxü̃ nacua̱xgü nax Tupana tá nüxna ca̱xaxü̃ nachiga nax ñuxãcü pexna nadaugüxü̃. Rü name nixĩ i naga pexĩnüe i perü dauruü̃gü nax taãẽãcüma naxügüã̱xü̃ca̱x i norü puracü rü tama wüxi i norü guxchaxü̃ nax yixĩxü̃ca̱x. Erü ngẽxguma chi wüxi i norü guxchaxü̃ yixĩxgu i ngẽma norü puracü nax pexna nadauxü̃, rü pema rü chi taxuxü̃ma i mexü̃ nawa peyaxu i ngẽma norü puracü.

Popera ga Yudíugü ga yaxõgüxü̃ca̱x ümatüxü̃ 13:24

¡Rü nüxü̃ perümoxẽgü i guxü̃ma i ngẽma perü dauruü̃gü i pemaxã icuáxü̃! ¡Rü ngẽxgumarüxü̃ ta nüxü̃ perümoxẽgü i guxü̃ma i togü i taenexẽgü i yaxõgüxü̃! Rü ngẽma taenexẽgü i nua Itáriaanewa ngẽxmagüxü̃ rü ta pexü̃ narümoxẽgü.

Popera ga Yudíugü ga yaxõgüxü̃ca̱x ümatüxü̃ 13:7

Rü name nixĩ i nüxna pecua̱xãchie ga gumá perü Tupanaarü orearü uruü̃gü ga noxri pemaxã icua̱xgücü rü pemaxã nüxü̃ ixugücü ga Tupanaarü ore. Rü name nixĩ i nagu perüxĩnüe nax ñuxãcü mea pepe̱xewa namaxẽxü̃ rü ñuxãcü mea yaxõgüãcüma nayuexü̃. Rü name nax nüxü̃ peyadauxü̃güxü̃ nawa i norü õ rü mea naxrüxü̃ pemaxẽxü̃.