Nüxíraxü̃xü̃ ga popera ga Timutéuca̱x naxümatüxü̃ ga Pauru 5:13 - Tupanaarü Ore

¹³ Rü ngĩmagü rü ĩpatawa iyaxĩxchigümare rü tama ipuracüechaü̃. Rü tama ngẽmaxicatama ixügü, natürü düxwa ixoregütaxáx, rü guxü̃raxü̃xü̃ i ore i tama mexü̃ i togüchiga iyaxugü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:13 Iomraidhean Croise

Ucu̱xẽgüchiga 11:13

Ngẽma oregüta̱xáxü̃ rü guxü̃xü̃ma nixumare, natürü yíxema tümaãẽxü̃ cuáxe, rü tüxicatama nüxü̃ tacua̱xmare ega ta̱xacüxü̃ taxĩnügu.

Ucu̱xẽgüchiga 20:19

Ngẽma oregüta̱xáxü̃, rü tama nüxicatama nüxna nadau i ngẽma ore i tama mexü̃ nax guxã nüxü̃ cuáxü̃. Rü ngẽmaca̱x tama name i namaxã cuxãmücü i ngẽma oregüta̱xáxü̃.

Ucu̱xẽgüchiga 31:27

Guxü̃guma ixũãxẽ nax guxü̃ma mea ixũxü̃ca̱x i ngĩpatawa. Rü ngẽma õna i nangṍxü̃ rü ngĩmatama naxca̱x napuracüxü̃ nixĩ.

Lebítanüxü̃arü puracüchiga 19:16

¡Rü taxũtáma oregümaxã curü ĩanegü cunaxũane! Rü taxũtáma cumücüchiga doraxü̃ quixu nax ngẽmaãcü ãũcümaxü̃wa cunangexmaxẽẽxü̃ca̱x. Rü choma nixĩ ya Cori ya Tupana.

Ore i mexü̃ ga Luca ümatüxü̃ 10:7

¡Rü wüxi ya ĩpatagutama perücho, rü ngéma pechibüe rü peyaxaxü̱x i ngẽma nüxü̃́ ngẽxmaxü̃ i ngẽma ĩpatacüã̱xgü! Erü wüxi i puracütanüxü̃ rü name nixĩ nax naya̱u̱xãxü̃ i norü natanü naxca̱x i norü puracü. Rü yima ĩanewa pengẽxmagüyane rü tama chanaxwa̱xe i nai ya ĩgu peyapegü.

Ngechuchuarü ngúexü̃gü ga yamugüxü̃arü puracüchiga 20:20

Rü taguma íchayachaxãchi ga pemaxã nüxü̃ nax chixuxü̃ ga guxü̃ma ga yema ore ga perü mexü̃ca̱x ixĩxü̃. Rü guxü̃ ga duü̃xü̃güpe̱xewa, rü pepatagüwa rü ta pexü̃ changúexẽxẽ ga yema ore.

Ngechuchuarü ngúexü̃gü ga yamugüxü̃arü puracüchiga 20:30

Rü woo petanüwa tátama nangẽxmagü i nümaxü̃ i tá doramaremaxã nangúexẽẽxü̃ i ngẽma yaxõgüxü̃ nax nügüwe naxĩxẽẽãxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:12

Rü duü̃xü̃gü tá chixri ngĩchiga nidexagü, erü tama aixcüma iyangu̱xẽxẽ ga yema Cristumaxã inaxunetaxü̃ ga noxrix.

Popera ga Títoca̱x naxümatüxü̃ ga Pauru 1:11

Natürü ngẽma duü̃xü̃gü i ngẽmaãcü chixri ngu̱xẽẽtaegüxü̃, rü chanaxwa̱xe i noxtacüma icuyanangea̱xgüxẽxẽ. Erü muxü̃ma i duü̃xü̃güxü̃ nachixexẽẽgü rü ñu̱xmata ñuxre ya ĩpatawachigü rü nanachixexẽxẽ i guxü̃ma i duü̃xü̃gü nax tama aixcüma Tupanaaxü̃́ yaxõgüãxü̃ca̱x. Rü ngẽma ore i taxuwama mexü̃maxã duü̃xü̃güxü̃ nangúexẽxẽ nax ngẽmaãcü tüxü̃ nawomüxẽẽgüãcüma ngĩxü̃ nayauxgüxü̃ca̱x i diẽru.

Popera ga Chantiágu ümatüxü̃ 3:10

Rü ngẽma taa̱xmaxã mexü̃ duü̃xü̃gümaxã taxuegu, rü ngẽmatama taa̱xmaxã chixexü̃ namaxã taxuegu. Pa Chauenexẽgüx, tama name nax ngẽmaãcü yixĩxü̃.

Nüxíraxü̃xü̃ ga popera ga Pedru ümatüxü̃ 4:15

Rü ngẽxguma chi wüxíe i petanüwa ngúxü̃ ingexgu, rü tama tanaxwa̱xe nax wüxi i chixexü̃gagu nax yixĩxü̃, ngẽxgumarüxü̃ i máeta rüe̱xna ngĩ́ta̱a̱x rüe̱xna texémaxã tanuxü̃.

Norü tomaepü̱x ga popera ga Cuáü̃ ümatüxü̃ 1:10

Rü ngẽxguma ngéma chaxũxgu rü tá nüxü̃ chaxoregü erü tochiga rü chixexü̃maxã inayarüdexanexü̃. Rü ngẽmaétüwa tama nanayauxchaü̃ i ngẽma taenexẽgü i ngéma ngugüxü̃. Rü nanachu̱xu nax texé nayaxuxü̃ i ngẽma taenexẽgü. Rü yíxema nayauxgüchaü̃xẽ, rü ngutaque̱xepataü̃wa tüxü̃ ínawoxü̃.