Nüxíraxü̃xü̃ ga popera ga Timutéuca̱x naxümatüxü̃ ga Pauru 4:3 - Tupanaarü Ore

³ Rü ngẽma duü̃xü̃gü rü nanachu̱xu nax yangĩgüxü̃ i duü̃xü̃gü. Rü duü̃xü̃güna nanachu̱xu nax nangõ̱xgüãxü̃ i ñuxre i õnagü rü woochire̱x Tupana nanaxü i guxü̃ma i õnagü nax moxẽ naxca̱x inaxãgüãcüma nangõ̱xgüãxü̃ca̱x i norü duü̃xü̃gü i yaxõgüxü̃ i norü orexü̃ cua̱xgüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:3 Iomraidhean Croise

Naanearü ügüchiga 9:3

Rü guxü̃ma i naeü̃gü i ñaa naanewa ngẽxmagüxü̃ rü nanetügü rü name nax penangṍxü̃. Erü choma rü marü pexna chanaxuaxü̃ i ngẽma.

Ngu̱xẽẽtaeruü̃arü ore 5:18

Rü ngẽmaca̱x nagu charüxĩnü rü ñu̱xma nax paxaãchi ñoma i naanewa Tupana tüxü̃ maxẽxẽẽxü̃, rü ngẽma rümemaexü̃ rü taãxẽ tüxna ãxü̃ nixĩ nax nangṍxü̃ rü yaxaxüxü̃ i ngẽma tórü puracütanü i ñoma i naanewa poraãcü naxca̱x ipuracüxü̃. Erü ngẽma nixĩ i tüxna üxü̃.

Danié 11:37

Rü ngẽma ãẽ̱xgacü rü taxũtáma nüxna nacua̱xãchi i ngẽma nũxcümaü̃güxü̃ i norü o̱xigüarü tupanagü, rü woo ga yema tupanagü ga ngexü̃gü nüxü̃ icua̱xüü̃güxü̃, rü woo i ta̱xacürü to i tupana. Erü nügügu tá nayaxõ nax guxü̃ma i tupanagüxü̃ nayexeramaexü̃ i nüma.

Ore i mexü̃ ga Matéu ümatüxü̃ 14:19

Rü yexguma ga Ngechuchu rü duü̃xü̃güxü̃ namu nax maxẽte̱xewa natogüxü̃ca̱x. Rü ñu̱xũchi nanade ga yema wüxime̱e̱xpü̱x ga paũ rü yema taxre ga choxnigü. Rü daxũgu nadawenüãcüma Tupanana moxẽ naxã, rü ñu̱xũchi inanabücu ga yema paũgü. Rü norü ngúexü̃güna nanana, rü nümagü rü duü̃xü̃güxü̃ nayanu.

Ore i mexü̃ ga Matéu ümatüxü̃ 15:11

Ngẽma õna i duü̃xü̃gü ngṍxü̃ rü tama ngẽma nixĩ i napecaduã̱xẽẽgüxü̃. Natürü ngẽma ore i chixexü̃ i nüxü̃ yaxugüxü̃, rü ngẽmawaxi nixĩ i napecaduã̱xü̃ —ñanagürü.

Ore i mexü̃ ga Matéu ümatüxü̃ 15:36

Rü nanade ga yema 7 ga paũ rü yema choxnigü. Rü Tupanana moxẽ naxã. Rü ñu̱xũchi inanabücu. Rü norü ngúexü̃güna nanana nax duü̃xü̃güxü̃ yanuaxü̃ca̱x.

Ore i mexü̃ ga Luca ümatüxü̃ 24:30

Rü yexguma chibüca̱x wüxiwa mechawa natogügu, rü Ngechuchu nanayaxu ga paũ. Rü Tupanana moxẽ naxca̱x naxã. Rü ñu̱xũchi inanabücu, rü wüxichigüna nanaxã.

Ore i mexü̃ ga Cuáü̃ ümatüxü̃ 6:23

Rü yexguma yemagu ínaxĩnüeyane, rü yoxocüne ínangugü ga náigü ga ngue ga itaxü̃ne ga ĩane ga Tibériawa ne ĩxü̃ne. Rü norü ngaicamana nangugü ga yema nachica ga ngextá Ngechuchu ínachibüexẽẽxü̃wa ga yema muxü̃ma ga duü̃xü̃gü ga yexguma moxẽ inaxãxgu naxca̱x ga yema paũ.

Ngechuchuarü ngúexü̃gü ga yamugüxü̃arü puracüchiga 27:35

Rü yexguma marü yema ñaxgu, rü nanayaxu ga wüxi ga paũ, rü Tupanana moxẽ naxã nape̱xewa ga guxü̃ma. Rü inanabücu ga yema paũ, rü inanaxügü nax nangṍoxü̃.

Romanos 14:17

Rü ngẽma Tupanape̱xewa nax imexü̃ca̱x rü tama ta̱xacürü õna nax ingṍxü̃ rüe̱xna ta̱xacürü axexü̃ nax ixaxüxü̃gagu nixĩ. Natürü Tupanape̱xewa nax imexü̃ca̱x rü tanaxwa̱xe i Naãxẽ ya Üünexü̃arü ngü̃xẽẽmaxã tayanguxẽxẽ i ngẽma Tupana naxwa̱xexü̃, rü yigü tangechaü̃gü, rü aixcüma tataãẽgü nape̱xewa ya Tupana.

Romanos 14:3

Rü pemaxã nüxü̃ chixu rü yíxema guxü̃ma i õna nangṍxe, rü tama name i nüxü̃ taxoo̱x i ngẽma tama guxü̃ i õna ngõ̱xgüxü̃. Rü ngẽxgumarüxü̃ ta ya yíxema tama guxü̃ma i õna ngṍxe, rü tama name nax nüxü̃ tixuxü̃ i ngẽma duü̃xü̃gü i guxü̃ i õna ngõ̱xgüxü̃, erü nümagü rü ta Tupanaarü duü̃xü̃gü nixĩgü.

Romanos 14:6

Rü yíxema duü̃xẽ ya ta̱xacürü ngunexü̃ Tupanaca̱x íxüxüchixe, rü ngẽmaãcü tanaxü nax ngẽma ngunexü̃gu tórü Corixü̃ ticua̱xüü̃xü̃ca̱x. Rü yíxema guxü̃ i õna ngṍxe, rü ngẽmaãcü tanangõ̱x nax tórü Corixü̃ ticua̱xüü̃xü̃ca̱x, rü Tupanana moxẽ taxã naxca̱x i ngẽma tangṍxü̃. Rü yíxema tama guxü̃ i õna ngṍxe, rü ngẽmaãcü tanaxü nax tórü Corixü̃ ticua̱xüü̃xü̃ca̱x, rü tüma rü ta Tupanana moxẽ taxã naxca̱x i ngẽma tangṍxü̃.

1 Corintios 6:13

Rü ngẽxgumarüxü̃ ta rü ñuxre i duü̃xü̃gü rü ñanagürügü: “Õna rü taxü̃neca̱x nixĩ, rü taxü̃ne rü õnaca̱x nixĩ”, ñanagürügü. Rü aixcüma ngẽmaãcü nixĩ, natürü ya Tupana rü tá inayanaxoxẽxẽ i guxü̃ma i ngẽma. Rü taxü̃ne rü tama nai i ngexü̃maxã namaxã nax ingẽãẽmarexü̃ca̱x nixĩ. Erü taxü̃nemaxã nixĩ i inaxüxü̃ i tórü Coriarü ngúchaü̃. Rü tórü Cori nixĩ ya taxü̃nearü yora.

1 Corintios 7:28

Natürü ngẽxguma cuxãma̱xgu rü tama pecadu nixĩ i ngẽma. Rü ngẽxguma wüxi i paxü̃ ãtegu rü tama pecadu nixĩ i ngẽma. Natürü ngẽma ixãma̱xgüxü̃ rü ixãtegüxü̃ rü tá nayexera i norü guxchaxü̃gü i ñoma i naanewa, rü ngẽma nixĩ i tama chanaxwa̱xexü̃ nax nangupetüxü̃.

1 Corintios 8:8

Rü yixema nüxü̃ tacua̱x nax tama ta̱xacürü namachi nax ingṍxü̃gagu yixĩxü̃ nax Tupanape̱xewa imexü̃ rüe̱xna ichixexü̃.

Colosenses 2:16

Rü ñu̱xma rü taxuca̱xma tü̱xcüü̃ pexü̃ nixugüe i ngẽma Yudíugü naxca̱x i ngẽma õna i pengõ̱xgüxü̃ rü ngẽma axexü̃ i pixaxgüxü̃. Rü taxuca̱xma tü̱xcüü̃ pexü̃ nixugüe nachiga i ngẽma petaarü ngunexü̃gü i nümagü nagu naxauregüxü̃, rü yimá tauemacügü ya ngexwacaxü̃cü i nagu naxauregüxü̃, rü ngẽma ngü̃xchigaarü ngunexü̃gü i nagu naxauregüxü̃.

Colosenses 3:17

Rü guxü̃ma i ngẽma pexüxü̃ rü nüxü̃ pixuxü̃ rü name nixĩ i tórü Cori ya Ngechuchuégagu penaxü rü naégagu Tanatü ya Tupanana moxẽ pexãgü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:4

Erü nüma nanaxwa̱xe nax guxãma tüxü̃́ nangẽxmaxü̃ i maxü̃ i taguma gúxü̃ rü guxãma nüxü̃ cuáxü̃ i ngẽma ore i aixcüma ixĩxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:4

Natürü guxü̃ma ya Tupana üxü̃ rü name. Rü taxuacüma nüxü̃ taxo ega Tupanana moxẽ naxca̱x ixãxíraãcüma nangõ̱xgu. Erü Tupanaarü ore rü ngẽma yumüxẽ rü nanaxüünexẽxẽ i ngẽma õna, rü ngẽmaca̱x name nax nangṍxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:14

Rü ngẽmaca̱x chanaxwa̱xe i ngẽma yutegüxü̃ i paxü̃gü nax wenaxarü naxãtegüxü̃, rü naxãxãcügüxü̃, rü mexü̃ i napataarü dauruü̃gü nax yixĩgüxü̃. Rü ngẽmaãcü i ngẽma duü̃xü̃gü i tama yaxõgüxü̃ rü taxucürüwa chixri ngĩchiga nidexagü.

Popera ga Yudíugü ga yaxõgüxü̃ca̱x ümatüxü̃ 13:4

Rü ngẽma yatügü i ãmaxü̃ rü name i aixcüma naxma̱xü̃ nangechaü̃gü. Rü ngẽxgumarüxü̃ ta i ngexü̃gü, rü name i aixcüma mea natexü̃ nangechaxü̃gü. Rü name i naxma̱xmaxãxicatama rü natemaxãxicatama nanaxü i norü ngúchaü̃. Erü Tupana rü tá nüxna naca rü tá nanapoxcue i ngẽma duü̃xü̃gü i nai i ngexü̃maxã rü ẽ̱xna nai ya yatümaxã maxẽxü̃. Rü aixcüma tá tüxü̃ napoxcue ya guxãma ya yíxema naxma̱xna to i ngexü̃maxã maxü̃́xẽ rü ngẽma natena to i yatümaxã maxü̃́xẽ.

Popera ga Yudíugü ga yaxõgüxü̃ca̱x ümatüxü̃ 13:9

Rü tama name i peyaxõgü i ngẽma ngu̱xẽẽtaegü i tama toma pexü̃ namaxã tangúexẽẽxü̃ i tama Tupanaarü ixĩgüxü̃. Rü nũxcüma nagu taxĩ ga yema mugü ga Moiché ümatüxü̃ ga tüxna nachu̱xuxü̃ nax ta̱xacü ixüxü̃ rü ta̱xacü ingṍxü̃. Natürü narümemae nixĩ nax Tupanaarü ngechaü̃maxã napaxü̃ i tórü maxü̃ nax tórü õwa iporaexü̃ca̱x

1 Chamué 9:13

Rü ngẽxguma nawa pengugügu ya yima ĩane ¡rü paxa naxca̱x peda̱u̱x naxü̃pa nax ngutaque̱xechicawa naxũxü̃ naxca̱x i ngẽma õna! Rü ngẽma duü̃xü̃gü rü taxũtáma nachibüe ñu̱xmata nüma ngéma nanguxgu. Erü nüma tá namaxã nayumüxẽ i ngẽma Tupanaarü ãmare i yagugüxü̃. Rü ngẽmawena tá nixĩ i nachibüexü̃ i ngẽma duü̃xü̃gü i nüxna naxuxü̃. ¡Rü ngẽmaca̱x paxãma ngéma pexĩ i ñu̱xmax! Rü tá ngẽxma nüxü̃ ipeyangau —ngĩgürügügü.