Nüxíraxü̃xü̃ ga popera ga Timutéuca̱x naxümatüxü̃ ga Pauru 3:8 - Tupanaarü Ore

⁸ Rü ngẽxgumarüxü̃ ta i ngẽma diácunugü i Tupanapatawa ngü̃xẽẽtaegüxü̃, rü name nax duü̃xü̃gü nüxü̃ ngechaü̃güxü̃ yaxĩgüxü̃. Rü name i aixcüma nayanguxẽẽgü i ngẽma nüxü̃ yaxugüexü̃. Rü tama name i ngãxẽwa̱xexü̃ nixĩgü rüe̱xna duü̃xü̃güxü̃ nawomüxẽẽgüãcüma ngĩxü̃ nayauxgüxü̃ca̱x i diẽru.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:8 Iomraidhean Croise

Wiyaegü 12:2

Rü nügütanüwa i duü̃xü̃gü rü nügü nawomüxẽẽgü. Rü mea nidexagüneta rü tama aixcümaxü̃ nixugü.

Wiyaegü 5:9

Erü ngẽma chorü uanügü rü taguma ñuxgu aixcümaxü̃ nixugü. Rü chixexü̃guxicatama narüxĩnüe. Rü ngẽma naã̱x rü ñoma wüxi i yuetamaxü̃ i ngenaxü̃rüxü̃ nixĩ. Rü yimá norü conü rü nidorata̱a̱x.

Wiyaegü 50:19

Rü cua̱x rü chixexü̃ i oremaxã nidexa, rü curü conü rü doraxü̃ nixu.

Wiyaegü 52:2

Rü yimá curü conü rü naxãũcüma ñoma wüxi i cüxchi i te̱xechixü̃rüxü̃. Erü yimá curü conü rü nidorata̱x rü chixexü̃ i orexü̃ nixu.

Echequié 44:21

Rü ngẽxguma ĩã̱xtü i aixepeguxü̃gu nachocuxgu i ngẽma chacherdótegü rü tama name i bínu yaxaxgüãxü̃.

Romanos 3:13

Rü tümaã̱x rü ñoma yuetamaxü̃ ingenaxü̃rüxü̃ nixĩ nax nawa ínaxũxũxü̃ i chixexü̃. Rü tümaarü conümaxã rü poraãcü tidorae. Rü ngẽma tümaarü dexa rü ñoma ãxtapeguchatarüxü̃ nixĩ nax togüxü̃ nachixexẽẽxü̃.

Filipenses 1:1

Pa Toenexẽgü ya Pirípuwa Ngẽxmagüxex, choma i Pauru rü namaxã i taenexẽ i Timutéu nixĩ i pexca̱x tanaxümatüxü̃ i ñaa popera. Rü toma rü Ngechuchu ya Cristuarü puracütanüxü̃ tixĩgü. Rü pexca̱x tanaxümatü i pema i yaxõgüxü̃arü ãẽ̱xgacügü nax pixĩgüxü̃, rü pema i Tupanapatawa ngü̃xẽẽruü̃gü nax pixĩgüxü̃, rü guxãma i pema ya Ngechuchu ya Cristuaxü̃́ yaxõgüxe.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:12

Rü ngẽma diácunugü rü tanaxwa̱xe i wüxixicatama tixĩ ya naxma̱x. Rü tanaxwa̱xe i meama napatacüã̱xgümaxã inacua̱x, rü naxacügü rü mea naga naxĩnüe.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:2

Rü yíxema yaxõgüxü̃arü ãẽ̱xgacü rü tanaxwa̱xe nax aixcüma mecü tixĩxü̃ nax taxúema tümachiga chixri idexaxü̃ca̱x. Rü tanaxwa̱xe i wüxixicatama tixĩ ya tümama̱x, rü aixcüma mea tamaxü̃, rü mexü̃gu tarüxĩnü, rü duü̃xü̃gü rü tüxü̃ nangechaü̃gü rü tümaga naxĩnüe. Rü tanaxwa̱xe i ítamemare nax duü̃xü̃güxü̃ tayaxuxü̃ i tümapatawa, rü ngẽxgumarüxü̃ ta ítamemare nax duü̃xü̃güxü̃ tangúexẽẽxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:3

Rü tama name i wüxi i ngãxwa̱xexü̃ rü nuwa̱xexü̃ tixĩ. Rü tama name i tümaarü diẽruguama rüxĩnüxe tixĩ. Natürü name nixĩ i guxü̃ i duü̃xü̃gümaxã yáxna taxĩnü rü namaxã tamecüma.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:23

Rü ngẽma nax cungu̱xnecaxü̃ i ñuxguacü, rü name nixĩ i írarüwa bínune cuyaxaxü, rü tama i dexáxicatama.

Popera ga Títoca̱x naxümatüxü̃ ga Pauru 1:7

Erü yíxema yaxõgüxü̃arü ãẽ̱xgacü ixĩxẽ, rü Tupanaarü puracümaxã nixĩ i tacuáxü̃. Rü ngẽmaca̱x tanaxwa̱xe i aixcüma mea tamaxü̃. Rü tama name i wüxi i yatü i chixecümaxü̃ tixĩ rü chixexü̃gu rüxĩnüxü̃ tixĩ. Rü tama name nax tangãxü̃xü̃, rü nuca̱x tadauxü̃, rü duü̃xü̃güxü̃ tawomüxẽẽxü̃ norü diẽruca̱x.

Popera ga Títoca̱x naxümatüxü̃ ga Pauru 2:3

Rü ngẽxgumarüxü̃ ta chanaxwa̱xe i mea cuyaxucu̱xẽgü i ngẽma ngexü̃gü i yáxü̃ nax mea Tupanape̱xewa namaxẽxü̃ca̱x. Rü tama name nax yaxoregüta̱a̱xgüxü̃, rü nangãxẽwa̱xegüxü̃. Rü name nixĩ i guxü̃ i duü̃xü̃güpe̱xewa mea namaxẽ.

Popera ga Chantiágu ümatüxü̃ 3:10

Rü ngẽma taa̱xmaxã mexü̃ duü̃xü̃gümaxã taxuegu, rü ngẽmatama taa̱xmaxã chixexü̃ namaxã taxuegu. Pa Chauenexẽgüx, tama name nax ngẽmaãcü yixĩxü̃.

Nüxíraxü̃xü̃ ga popera ga Pedru ümatüxü̃ 5:2

Rü chanaxwa̱xe i mea nüxna pedau i Tupanaarü duü̃xü̃gü i pexme̱xwa ngẽxmagüxü̃. Rü name nixĩ i perü ngúchaü̃maxã Tupana naxwa̱xexü̃ãcüma penaxü i ngẽma puracü, rü tama texé pexü̃ muxguxica penaxü rüe̱xna diẽruca̱x penaxü.