Nüxíraxü̃xü̃ ga popera ga Timutéuca̱x naxümatüxü̃ ga Pauru 2:8 - Tupanaarü Ore

⁸ Rü ñu̱xma chanaxwa̱xe i guxü̃wama nayumüxẽgü i yatügü. Rü chanaxwa̱xe i ngearü pecaduã̱xãcüma naxugüme̱xẽ. Rü tama name i nügümaxã nanueãcüma rüe̱xna nügü nachoxü̃gagüãcüma nayumüxẽgü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:8 Iomraidhean Croise

Nüxíraxü̃xü̃ ga popera ga ãẽ̱xgacügüchiga 3:11

Rü yemaca̱x ñanagürü nüxü̃: —Ñu̱xma nax choxna naxca̱x cuca̱a̱xü̃ i ngẽma, rü tama naxca̱x ícuca nax namáxü̃ca̱x i curü maxü̃, rüe̱xna cumuarü diẽruã́xü̃ca̱x, rüe̱xna curü uanügü chadaixü̃ca̱x, natürü naxca̱x ícuca i cua̱x nax mea namaxã icucuáxü̃ca̱x i ngẽma curü duü̃xü̃gü, rü ngẽmaca̱x tá cuxna chanaxã i ngẽma choxna naxca̱x cucaxü̃. Rü choma rü tá cuxna chanaxã i cua̱x ga ü̃pa taguma texéaxü̃́ yexmaxü̃ rü cuwena tagutáma texéaxü̃́ ngẽxmaxü̃.

Yox 16:17

Rü ngẽmaãcü choxü̃ nangupetü woo taguma ñuxgu texémaxã chanuxgu rü woo guxü̃guma namexgu i chorü yumüxẽ.

Wiyaegü 134:2

¡Rü ngẽma nachica i üünexü̃guama pexuenüme̱xẽgü rü Cori ya Tupanaxü̃ picua̱xüü̃gü!

Wiyaegü 141:2

Rü ñaa chorü yumüxẽ i cumaxã nüxü̃ chixuxü̃ ¡rü nayaxu ñoma pumarate̱xe i yáuanecü chaxunagüchacüxüãcüma cuxca̱x chiguxü̃rüxü̃!

Wiyaegü 24:4

Rü yíxema tama chixexü̃ üxe rü tama chixexü̃gu rüxĩnüxe, rü tama tupananetachicüna̱xãgüxü̃ icua̱xüü̃güxe rü tama idoraxe, rü yíxema tixĩ ya mexẽ nax Tupanapatawa tangexmaxü̃.

Wiyaegü 26:6

Rü cupe̱xewa chaugü chayauxme̱x, rü chowa rü nataxuxü̃ma i ta̱xacürü pecadu. Rü ngẽmaãcü, Pa Cori Pa Tupanax, curü ãmarearü guruü̃wa changu nax cuxca̱x chawiyaexü̃ca̱x rü cuxü̃ chicua̱xüü̃xü̃ca̱x rü nüxü̃ chixuxü̃ca̱x i ngẽma mexü̃gü i cuxüxü̃.

Wiyaegü 28:2

¡Rü choxü̃ naxĩnü i ngẽxguma cupata íngexmaxü̃gu chawéxme̱xãcüma curü ngü̃xẽẽca̱x íchacaxgu!

Wiyaegü 35:13

Rü yexguma nümagü yada̱xaweegu rü choma rü naxca̱x chaxoegaãxẽ rü naxchiru ga témüxü̃gu chicu̱x. Rü tama chachibü rü naxca̱x chayumüxẽ.

Wiyaegü 63:4

Rü ñu̱xma nax ñoma i naanewa chamaxü̃xü̃gu rü tá cuxü̃ chicua̱xüxü̃. Rü cuxca̱x chaxunagüme̱xẽãcüma tá chayumüxẽ.

Wiyaegü 66:18

Rü ngẽxguma chi chixexü̃gu charüxĩnügu rü nüma ya Cori rü taxũchima choxü̃ nangãxü̃.

Ucu̱xẽgüchiga 15:8

Nüma ya Cori ya Tupana tama nanayaxu i norü ãmaregü i ngẽma chixexü̃gu maxẽxü̃. Natürü taãẽãcü nanayaxu i tümaarü yumüxẽgü ya yíxema aixcüma mea maxẽxe.

Ucu̱xẽgüchiga 21:27

Nüma ya Cori ya Tupana, rü tama namaxã nataãxẽ i ngẽma chixexü̃gu maxẽxü̃arü ãmaregü, erü tama mexü̃ i ĩnümaxã nüxna nanaxãgü.

Ichaía 1:15

Rü ngẽxguma pema pexunagüme̱xẽgüãcü peyumüxẽgügu, rü choma rü pexcha̱xwa chidaugachi. Rü woo namuxgu i perü yumüxẽ natürü i choma rü taxũtáma pexü̃ chaxĩnü, erü pema rü pemáeta rü pexme̱xgü rü nagümaxã nixãũãchi.

Ore i mexü̃ ga Matéu ümatüxü̃ 21:21

Rü Ngechuchu nanangãxü̃ rü ñanagürü: —Pemaxã nüxü̃ chixu rü ngẽxguma chi aixcüma peyaxõgügu rü tama ngẽma igunecümaxã chaxüxü̃xica chi pexü, natürü ngẽmaarü yexeraxü̃ chi pexü. Rü ngẽxguma chi daa ma̱xpǘnexü̃ ñapegügu: ¡Ixũgachi i nua rü márwa cugü yatáe!, ñapegügu nüxü̃, rü pega chi naxĩnü.

Ore i mexü̃ ga Matéu ümatüxü̃ 5:44

Natürü i choma rü pemaxã nüxü̃ chixu rü: ¡Nüxü̃ pengechaü̃ i perü uanügü! ¡Rü naxca̱x peyumüxẽ i ngẽma duü̃xü̃gü i chixexü̃maxã pewe ingẽxü̃tanüxü̃!

Ore i mexü̃ ga Matéu ümatüxü̃ 6:12

¡Rü toxü̃́ nüxü̃ irüngüma i ngẽma torü chixexü̃ i taxüxü̃ ngẽxgumarüxü̃ i toma rü tüxü̃́ nüxü̃ tarüngü̃maexü̃rüxü̃ ya yíxema chixexü̃ tomaxã ügüxe!

Ore i mexü̃ ga Luca ümatüxü̃ 23:34

Rü yexguma Ngechuchuxü̃ curuchawa íyapotagüyane, rü ñanagürü ga Ngechuchu: —Pa Chaunatüx, ¡nüxü̃ nangechaü̃ i ñaa duü̃xü̃gü, erü tama nüxü̃ nacua̱xgü nax ta̱xacürü chixexü̃ naxüexü̃! —ñanagürü. Rü yema churaragü rü nanade ga Ngechuchuchiru. Rü ñu̱xũchi wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x nax texéarü tá yixĩxü̃ ga yema Ngechuchuchiru.

Ore i mexü̃ ga Luca ümatüxü̃ 24:50

Rü yexguma ga Ngechuchu rü Yerucharéü̃arü tóxnamana norü ngúexü̃güxü̃ nagagü, ñu̱xmata Betániaarü ngaicamana nangugü. Rü yéma norü ngúexü̃güétü nawéme̱x, rü Tupanana naca nax nüxü̃ nangü̃xẽẽxü̃ca̱x.

Ore i mexü̃ ga Cuáü̃ ümatüxü̃ 4:21

Rü Ngechuchu ngĩxü̃ nangãxü̃ rü ñanagürü: —Pemax i Chamáriaanecüã̱xgü rü tama aixcüma nüxü̃ pecua̱xgü ya yimá nüxü̃ picua̱xüü̃gücü. Natürü toma i Yudíugü rü aixcüma nüxü̃ tacua̱x ya yimá nüxü̃ ticua̱xüü̃gücü, erü Yudíugügagu nixĩ ya Tupana namaxẽxẽẽxü̃ i duü̃xü̃gü. ¡Choxü̃́ yaxõ, Pa Ngecüx! Rü aixcüma tá ínangu i ngunexü̃ nax taxũtáma daa ma̱xpǘnewa rüe̱xna Yerucharéü̃wa nüxü̃ nax picua̱xüü̃güxü̃ ya Tanatü ya Tupana.

Ngechuchuarü ngúexü̃gü ga yamugüxü̃arü puracüchiga 10:2

Rü nüma nixĩ ga wüxi ga yatü ga meama Tupanaaxü̃́ yaxõcü. Rü wüxigu naxma̱xmaxã rü naxacügümaxã Tupanaxü̃ nangechaü̃gü. Rü mucüma ga norü diẽrumaxã nüxü̃ narüngü̃xẽxẽ ga duü̃xü̃gü ga Yudíugü ga ingearü diẽruã̱xgüxü̃. Rü guxü̃guma nayumüxẽ rü Tupanamaxã nidexa.

Ngechuchuarü ngúexü̃gü ga yamugüxü̃arü puracüchiga 10:31

Rü ñanagürü choxü̃: “Pa Cornériux, Tupana marü nüxü̃ naxĩnü i curü yumüxẽ rü cumaxã nataãxẽ naxca̱x nax nüxü̃ curüngü̃xẽẽxü̃ i ngẽma duü̃xü̃gü i ngearü diẽruã̱xgüxü̃.

Ngechuchuarü ngúexü̃gü ga yamugüxü̃arü puracüchiga 10:4

Rü nüma ga Cornériu rü meama nüxü̃ nadawenü, rü poraãcü namuü̃ãcüma nüxna naca, rü ñanagürü: —¿Ta̱xacü cunaxwa̱xe, Pa Corix? —ñanagürü. Rü nanangãxü̃ ga yema orearü ngeruxü̃ ga daxũcüã̱x, rü ñanagürü: —Curü yumüxẽgü rü Tupana marü cuxü̃́ nüxü̃ naxĩnü, rü cumaxã nataãxẽ nax nüxü̃ curüngü̃xẽẽxü̃ i duü̃xü̃gü i ngearü diẽruã̱xgüxü̃.

Ngechuchuarü ngúexü̃gü ga yamugüxü̃arü puracüchiga 21:5

Natürü yexguma nangupetügu ga yema 7 ga ngunexü̃gü, rü itaxĩãchi. Rü yema yaxõgüxü̃ rü towe narüxĩ. Rü naxma̱xmaxãchigü rü naxacügümaxãchigü toxü̃ ínixümücügü ga guxü̃ma ñu̱xmata guma ĩanearü türewa tangugü. Rü yexma naxnecügu tacaxgüápü̱xü, rü tayumüxẽgü.

Ngechuchuarü ngúexü̃gü ga yamugüxü̃arü puracüchiga 7:60

Rü yemawena rü inacaxã́pü̱xü, rü tagaãcü aixta naxü, rü ñanagürü: —Pa Cori Pa Tupanax, ¡Taxṹ i ñaa pecaduca̱x cunapoxcuexü̃ i ñaa duü̃xü̃gü! —ñanagürü. Rü yexguma yema ñaxguwena rü nayu.

1 Corintios 7:7

Rü chomatama nagu charüxĩnü rü chierüx name nixĩ ega choma chamaxü̃xü̃rüxü̃ namaxẽgu i guxü̃ma i duü̃xü̃gü. Natürü Tupana rü wüxichigü i duü̃xü̃na nanaxã i nacüma nax ñuxãcü namaxẽxü̃ca̱x rü ñuxãcü nagu naxĩnüxü̃ca̱x. Rü ngẽmaca̱x tama guxãma tawüxigu.

2 Corintios 2:14

Rü Tupanana moxẽ taxãgü erü ñu̱xma nax Cristuarü duü̃xü̃gü tixĩgüxü̃, rü nüma ya Tupana rü guxü̃guma tomaxã nanaxũpe̱xe. Rü nüma nixĩ i towa duü̃xü̃güxü̃ nüxü̃ nacua̱xẽẽxü̃ i norü ore. Rü ngẽma norü ore rü guxü̃wama nangu, rü ñoma i naanewa rü ñoma wüxi i pumara i yixichixü̃rüxü̃ nixĩ.

Filipenses 1:12

Pa Chauenexẽgüx, chanaxwa̱xe i nüxü̃ pecua̱x rü guxü̃ma i ngẽma choxü̃ üpetüxü̃, rü aixcüma ngẽmaãcü choxü̃ naxüpetü nax yexeraãcü natachigaxü̃ca̱x i Tupanaarü ore i mexü̃.

1 Tesalonicenses 1:8

Rü pewa yema nax peyaxõgüxü̃gagu rü tórü Cori ya Ngechuchuarü ore rü guxü̃wama ninguchigü. Rü ngẽmaca̱x i ñu̱xma rü Machedóniaanewa rü Acáyaanewa rü guxü̃wama nüxü̃ nacua̱xgü nax aixcüma mea Tupanaaxü̃́ peyaxõgüxü̃. Rü ngẽmaca̱x marü taxuca̱xma tü̱xcüü̃ i toma rü namaxã nüxü̃ tixu i ngẽma ore i pechiga.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:14

Rü ngẽmaca̱x chanaxwa̱xe i ngẽma yutegüxü̃ i paxü̃gü nax wenaxarü naxãtegüxü̃, rü naxãxãcügüxü̃, rü mexü̃ i napataarü dauruü̃gü nax yixĩgüxü̃. Rü ngẽmaãcü i ngẽma duü̃xü̃gü i tama yaxõgüxü̃ rü taxucürüwa chixri ngĩchiga nidexagü.

Popera ga Títoca̱x naxümatüxü̃ ga Pauru 3:8

Rü guxü̃ma i ngẽma marü cumaxã nüxü̃ chixuxü̃ rü aixcüma nixĩ. Rü ngẽmaca̱x chanaxwa̱xe i guxü̃guma nüxü̃ quixu i ngẽma ore nax aixcüma mexü̃ naxügüxü̃ca̱x i ngẽma duü̃xü̃gü i Tupanaaxü̃́ yaxõgüxü̃. Erü ngẽma ore rü guxü̃wama name i guxãca̱x.

Popera ga Yudíugü ga yaxõgüxü̃ca̱x ümatüxü̃ 10:22

Rü ngẽmaca̱x tanaxwa̱xe i Tupanamaxã tixaixcümagü nax nüxü̃ rüxoexü̃ i tórü chixexü̃gü. Rü tanaxwa̱xe nax aixcüma nüxü̃́ yaxõgüxü̃, rü torü maxü̃newa nax nataxuxü̃ma i chixexü̃, rü taxü̃negü rü mechiüxü̃ i dexáwa yayauxgüxü̃. Rü ngẽmaãcü tanaxwa̱xe i Tupanana ingaicamagüxü̃.

Popera ga Chantiágu ümatüxü̃ 4:8

¡Tupanana pengaicamagü! Rü nüma rü tá ta pexna nangaicama. Rü pemax, Pa Pecaduã̱xgüxü̃x, ¡nüxü̃ perüxoe i pecüma i chixexü̃! Rü pemax, i Tupanawe rüxĩxchaü̃xẽ natürü ñoma i naanewe rü ta rüxĩxchaü̃xẽ, ¡penamexẽxẽ̱x i perü maxü̃ nax Tupanaca̱xicatama pemaxẽxü̃ca̱x!

Nüxíraxü̃xü̃ ga popera ga Pedru ümatüxü̃ 3:7

Rü ngẽxgumarüxü̃ ta i pemax, Pa Yatügüx, rü name nixĩ i mea pexma̱xü̃ pengechaü̃gü rü yáxna ngĩmaxã pexĩnüe, erü ngĩma rü irüturamae. Rü name nixĩ i ngĩmaxã petaãẽgü erü Tupana pexna naxãxü̃rüxü̃ ngĩxna nanaxã i maxü̃ i taguma gúxü̃. Rü name nixĩ i ngẽmaãcü mea ngĩxü̃ pengechaxü̃gü nax taxuxü̃ma yatoxyepe̱xexü̃ca̱x i perü yumüxẽgü.