Nüxíraxü̃xü̃ ga popera ga Timutéuca̱x naxümatüxü̃ ga Pauru 1:9 - Tupanaarü Ore

^9-10 Nüxü̃ tacua̱xgü rü guxü̃ma i ngẽma mugü rü tama duü̃xü̃gü i mexü̃ ügüxü̃ca̱x nixĩ. Rü ngẽma mugü rü naxca̱x nixĩ i ngẽma duü̃xü̃gü i tama irüxĩnüechaü̃xü̃, rü ngẽma tama norü ãẽ̱xgacüga ĩnüexü̃, rü ngẽma chixexü̃gu maxẽxü̃, rü ngẽma pecaduã̱xgüxü̃, rü ngẽma tama Tupanaga ĩnüexü̃, rü ngẽma nanatüxü̃ rüẽ̱xna naéxü̃ ima̱xgüxü̃, rü guxü̃ma i ngẽma máetagüxü̃, rü ngẽma naxü̃nearü ngúchaü̃we rüxĩxü̃, rü ngẽma yatügü i naxrüxü̃ yatüxü̃maxã maxẽxü̃ rü ngẽma ngexü̃gü i naxrüxü̃ ngẽxü̃maxã maxẽxü̃, rü ngẽma mugüruü̃gümaxã taxegüxü̃, rü ngẽma idorata̱xaxgüxü̃, rü ngẽma ãẽ̱xgacügüpe̱xewa idoragüxü̃, rü guxü̃ma i ngẽma chixexü̃ ügüxü̃ na̱xcha̱xwa i ngẽma ngu̱xẽẽtae i mexü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:9 Iomraidhean Croise

2 Chamué 16:11

Rü nüma ga Dabí rü yexgumatama Abicháixü̃ rü guxü̃ma ga norü churaragüeruxü̃ ñanagürü: —Rü ñu̱xma nax chaunetamachire̱x choxü̃ imáxchaxü̃xü̃ rü yexera ñaa yatü i Bẽyamíü̃tanüxü̃ nüxü̃́ nangẽxma i ta̱xacüca̱x choxü̃ yamáxchaü̃xü̃. Rü nüetama nax ta̱xacü chomaxã yaxugüxü̃. Rü bexmana woetama ngẽmaãcü nixĩ i Cori ya Tupana namuxü̃.

Norü taxre ga popera ga ãẽ̱xgacügüchiga 19:37

Rü wüxi ga ngunexü̃gu ga yexguma norü tupana ga Niróxpatawa nüxü̃ yacua̱xüü̃yane, rü nanegü ga Adamérex rü Charéche rü yéma naxĩ rü nayama̱xgü. Rü nümagü rü Araráanewa nabuxmü. Rü yemawena ga nane ga Echaradóü̃ rü Chenáquerichicüxü ãẽ̱xgacüxü̃ ningucuchi.

Norü taxre ga to ga popera ga ãẽ̱xgacügüchiga ümatüxü̃ 32:21

Rü yexguma nüma ga Tupana rü nanangãxü̃ ga norü yumüxẽ. Rü yéma nanamu ga wüxi ga daxũcüã̱x ga norü orearü ngeruxü̃. Rü nüma rü nanadai ga guxü̃ma ga yema Achíriaanearü ãẽ̱xgacüarü churaragü namaxã ga yema churaragüerugü. Rü yexguma nüma ga ãẽ̱xgacü ga Chenáqueri rü norü ãnemaxã nachixü̃aneca̱x nataegu. Rü yexguma norü tupananetapatagu naxücugu rü nanegütama yexma taramaxã nayama̱xgü.

Ínachoxü̃xü̃chiga 20:13

¡Rü taxũtáma cumáeta!

Ínachoxü̃xü̃chiga 21:14

Natürü ngẽma namücümaxã nuxü̃ rü woetama tüxü̃ imáxchaü̃xü̃, rü tá noxtacüma yu namaxã cuxuegu woo ãmarearü guruü̃wa nañaxgu nax tama nayuxü̃ca̱x.

Ucu̱xẽgüchiga 20:20

Yíxema tümanatümaxã rü tümaémaxã chixexü̃ ixugüxe, rü tá tayu rü ẽanexü̃wa tá tangexma.

Ucu̱xẽgüchiga 28:17

Ngẽma máetaxü̃ rü taxũtáma niña ñu̱xmata yayauxgüã rü yama̱xgüã, rü taxúetama naétüwa tachogü.

Ucu̱xẽgüchiga 28:24

Yíxema tümanatüaxü̃́ rü tümaéaxü̃́ ngĩ́xe rü ñu̱xũchi tügü ixuxe nax taxuxü̃ma i chixexü̃ taxüxü̃, rü máetaxü̃gümücü tixĩ.

Ucu̱xẽgüchiga 30:11

Nangexma i duü̃xü̃gü i nanatümaxã chixexü̃ uegugüxü̃ rü tama naéxü̃ ngechaü̃güxü̃.

Ucu̱xẽgüchiga 30:17

Yíxema tümanatüxü̃ cugüxe, rü tümaégu idauxcüraxü̃xe, rü name i ngurucugü tüxü̃ naca̱u̱xü̃xetü, rü ẽxchagü tüxü̃ nangõ̱xgü.

Yeremía 23:11

Rü Cori ya Tupana rü ñanagürü: —Woo ngẽma orearü uruü̃gü, rü ngẽma chacherdótegü rü tama aixcüma choxü̃́ nayaxõgü. Rü chopatagu nüxü̃ ichayangau nax chixexü̃ naxügüxü̃. Rü ngẽmaca̱x ngẽma nama i nagu naxĩxü̃ rü tá naxẽane rü tá nacorama. Rü tá ngéma nüxü̃ nacu̱xnetagü nax ngẽxma yayixü̃ca̱x. Rü ngẽma ngunexü̃ i nagu tá nüxna chacaxü̃ i norü chixexü̃güchiga, rü guxchaxü̃wa tá nangẽxmagü. Rü choma ya Cori ya Tupana nixĩ i nüxü̃ chixuxü̃ i ngẽma ore.

Echequié 21:25

Rü cumax, Pa Iraéanearü Ãẽ̱xgacüx, rü wüxi i máetaxü̃ quixĩ rü chixexü̃arü üruxü̃ quixĩ. Natürü marü nawa nangu i ngunexü̃ nax cupoxcuxü̃.

Lebítanüxü̃arü puracüchiga 20:9

Rü ngẽma nanatümaxã rüe̱xna naémaxã chixexü̃ ueguxü̃, rü wüxicana tá peyama̱xgü. Erü nanatümaxã rüe̱xna naémaxã chixexü̃ naxuegu, rü ngẽmaca̱x nügüca̱x tátama yu ínangu̱xẽxẽ.

Ore i mexü̃ ga Matéu ümatüxü̃ 10:21

Rü nügüenexẽgüwa rü tá nügü ínaxuaxü̃gü nax ãẽ̱xgacügü yama̱xgüxü̃ca̱x. Rü ngẽxgumarüxü̃ ta i nanatügü rü tá naxacügüxü̃ ínaxuaxü̃gü, rü naxacügü rü tá nanatügüxü̃ ínaxuaxü̃gü nax ãẽ̱xgacügü tüxü̃ da̱i̱xü̃ca̱x.

Romanos 1:30

Rü chixexü̃maxã toguã̱xü̃ nixugüe, rü Tupanachi naxaie, rü toguã̱xmaxã naguxchigagü. Rü nügügu naxĩnüegu rü togüarü yexera nixĩgü, rü nügü nicua̱xüü̃gü. Rü naxca̱x nadaugü nax yexera chixexü̃ naxügüxü̃. Rü tama nanatüga rü naéga naxĩnüechaü̃.

Romanos 4:13

Rü Tupana rü Abraáü̃maxã inaxuneta nax nüma ya Abraáü̃ rü guxü̃ma i nataagü rü tá nax nayauxgüãxü̃ i ñoma i naane nax noxrü yixĩxü̃ca̱x. Natürü tama yema nax Abráü̃ mugü inguxẽẽxü̃ca̱x nixĩ ga Tupana Abraáü̃maxã ixunetaxü̃. Natürü namaxã inaxuneta yerü Abraáü̃ nayaxõ, rü yemaca̱x Tupanape̱xewa name.

Romanos 5:20

Rü Tupana rü Moichéna nanaxã ga norü mugü nax duü̃xü̃güxü̃ nüxü̃ nacua̱xẽẽxü̃ca̱x nax poraãcü yapecaduã́xü̃. Natürü yexguma yexeraãcü pecadu naxügügu ga duü̃xü̃gü, rü yexeraãcü Tupanaaxü̃́ nangechaü̃tümüü̃gü.

Romanos 6:14

Rü ñu̱xma rü marü tama pecadutüü̃wa pengẽxmagü nax pemaxã inacuáxü̃ca̱x. Rü yexguma yema mugü ga Moiché ümatüxü̃we perüxĩxgu, rü pemaxã inacua̱x ga pecadu. Natürü i ñu̱xma rü Tupana pemaxã namecüma, rü nüma nixĩ i pemaxã inacuáxü̃ i ñu̱xmax.

Gálatas 3:19

Rü ñu̱xma rü ¿ta̱xacüwa namexü̃ i ngẽma mugü ga Moiché ümatüxü̃? Rü dücax, Tupana rü marü Abraáü̃maxã inaxunetaguwena nixĩ ga inaxããxü̃ ga yema mugü, nax yemaacü duü̃xü̃güxü̃ nüxü̃ nadauxẽẽxü̃ca̱x ga norü pecadugü. Rü yemaacü nixĩ ñu̱xmata ínangu ga gumá Abraáü̃taxa ya Cristu. Rü gumáchiga nixĩ ga Abraáü̃maxã inaxunetaxü̃ ga Tupana ga noxrix. Rü yema mugü, rü Tupana rü norü orearü ngeruü̃gü ga daxũcüã̱xmaxãxíra nüxü̃ nixu. Rü yemagü nixĩ ga nüxĩ́ Moichémaxã nüxü̃ ixugüxü̃, rü nüma ga Moiché rü duü̃xü̃gümaxã nüxü̃ nixu.

Gálatas 5:18

Natürü ngẽxguma Tupanaãxẽ ya Üünecü pemaxã icua̱xgux, rü marü tama ngẽma nũxcümaü̃güxü̃ i mugütüü̃wa pengẽxmagü.

Gálatas 5:21

Rü nixãũxãchiwa̱xegü, rü nangãxẽwa̱xegü, rü nanaxügü i petagü i nawa chixexü̃ naxügüxü̃, rü nanaxügü i muxü̃ma i togü i chixexü̃gü i ngẽxgumarüxü̃ ixĩxü̃. Rü ngẽmaca̱x, wena pemaxã nüxü̃ chixu rü guxü̃ma i ngẽma duü̃xü̃gü i ngẽmagu maxẽxü̃, rü nataxutama i nachica ya Tupana ãẽ̱xgacü íyixĩxü̃wa.

Gálatas 5:23

Rü ngẽxguma Tupanaãxẽ ya Üünecü tawa ngẽxmagu, rü tama yigü ítarüta, rü mea yigümaxã itacua̱x rü yigüna tadau nax tama chixexü̃gu iyixü̃ca̱x. Rü nataxuma i mugü i nachu̱xuxü̃ i ngẽma nacümagü i mexü̃.

Wenaxarü naxümatü ga Tupanaarü mugü 27:16

“Rü yíxema tümanatüchi aixe rüe̱xna tümaéchi aixe rü chixexü̃wa tangexma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

2 Tesalonicenses 2:8

Rü ngẽxguma ngẽma ínachaxãchixẽẽxü̃ nüxna ixũgachigu, rü tá ínangu i ngẽma Tupanaarü uanü. Natürü nüma ya tórü Cori ya Ngechuchu rü ngẽxguma ínanguxgu rü wüxi i “cue”, ñaxü̃maxã tá nayama̱x. Rü norü ya̱u̱xracüümaxã tá inayanaxoxẽxẽ i ngẽma norü uanü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:7

Rü tama name nax naga cuxĩnüxü̃ i ñoma i naanecüã̱xarü ore i norü ĩnüwa ne ũxü̃ i tama aixcüma ixĩxü̃. Natürü name nixĩ i guxü̃guma cugü cuporaxẽxẽ nax yexeraãcü Tupanaxü̃ cungechaü̃xü̃ca̱x rü naxca̱x cumaxü̃xü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:20

Pa Timutéux, ¡mea naga naxĩnü i ngẽma ore i cumaxã nüxü̃ chixuxü̃! Rü tama name nax icurüxĩnüxü̃ i ñoma i naanecüã̱xarü dexagümare i taxuwama mexü̃. Rü tama name nax icurüxĩnüxü̃ i ngẽma ore i doramare ixĩxü̃ i duü̃xü̃gü nüxü̃ ixugügünetaxü̃ nax ore i nawa nüxü̃ icuáxü̃ yixĩxü̃.

Norü taxre ga popera ga Timutéuca̱x naxümatüxü̃ ga Pauru 2:16

¡Rü nüxü̃ rüxo i ñoma i naanecüã̱xarü dexagü i taxuwama mexü̃! Erü ngẽma duü̃xü̃gü i ngẽma dexagügu ĩxü̃, rü guxü̃guma yexeraãcü chixexü̃gu nayi.

Norü taxre ga popera ga Timutéuca̱x naxümatüxü̃ ga Pauru 3:2

Rü duü̃xü̃gü rü tá nügüguxicatama narüxĩnüe, rü norü diẽruguama tá narüxĩnüe. Rü tá nügü nicua̱xüü̃gü, rü chixexü̃gu tá namaxẽ. Rü chixri Tupanachiga tá nidexagü, rü taxũtáma nanatüga rü naéga naxĩnüe. Rü taxũtáma moxẽ inaxã i ngẽxguma Tupana nüxü̃ rüngü̃xẽẽgu, rü ngẽmaãcü tá nüxü̃ naxo i Tupanaarü ore.

Popera ga Títoca̱x naxümatüxü̃ ga Pauru 1:10

Erü nangẽxma i muxü̃ma i duü̃xü̃gü i tama yaxõgüchaü̃xü̃. Rü yexera nixĩ i ngẽma Yudíugü i naxwa̱xegüxü̃ nax nügü ínawiecha̱xmüü̃pe̱xechiraü̃güxü̃ i ngẽma yaxõgüxü̃. Rü nümagü rü ore i taxuwama mexü̃xü̃ nixugügü, rü ngẽmaãcü duü̃xü̃güxü̃ nawomüxẽẽgü.

Popera ga Títoca̱x naxümatüxü̃ ga Pauru 1:16

Rü ngẽma duü̃xü̃gü i tama yaxõgüxü̃ rü nügü yaxugügu rü Tupanaxü̃ nacua̱xgü, natürü ngẽma naxügüxü̃wa nüxü̃ tacua̱x nax tama aixcüma Tupanaxü̃ nacua̱xgüxü̃. Rü nümagü rü Tupanape̱xewa nichixe, rü tama naga naxĩnüe, rü taxuwama name i ngẽma naxügüxü̃.

Popera ga Títoca̱x naxümatüxü̃ ga Pauru 1:6

Rü ngẽma yaxõgüxü̃arü ãẽ̱xgacü, rü name i mea namaxü̃ nax taxúema chixri nachiga idexagüxü̃ca̱x. Rü name i wüxitama tixĩ ya naxma̱x. Rü naxacügü rü name nax yaxõgüãxü̃ rü mea namaxẽxü̃ nax taxúema nüxü̃ ixuxü̃ca̱x nax tama nanatüga naxĩnüexü̃ rü chixri namaxẽxü̃.

Popera ga Títoca̱x naxümatüxü̃ ga Pauru 3:3

Yerü ga ü̃pa ga yixema rü ta rü chixexü̃gu tamaxẽ, rü tama Tupanaga taxĩnüe. Rü itayarütauxe rü naguxü̃raü̃xü̃ i tórü ngúchaü̃ tamaxã inacua̱x. Rü chixexü̃gu rüxĩnüeãcüma tamaxẽ rü taxãũxãchiwa̱xegü. Rü yigütanüwa yigüchi taxaie.

Popera ga Yudíugü ga yaxõgüxü̃ca̱x ümatüxü̃ 11:31

Rü yema nge ga Yericúcüã̱x ga Raá rü woo noxri wüxi i ngexü̃ i naxü̃nemaxã taxexü̃ nax iyixĩxü̃, natürü Tupanaaxü̃́ iyaxõ. Rü yexguma yéma nangugügu ga yema taxre ga Iraétanüxü̃ ga bexma ngugütaewa yéma ĩxü̃, rü ngĩma iyixĩ ga nüxü̃ nangü̃xẽẽxü̃. Rü yemaca̱x tama iyu naxrüxü̃ ga yema togü ga Yericúcüã̱x ga tama Tupanaga ĩnüexü̃.

Popera ga Yudíugü ga yaxõgüxü̃ca̱x ümatüxü̃ 12:16

Rü tama name i texé petanüwa nai i ngexü̃maxã maxü̃xü̃. Rü tama name nax texé nüxü̃ oxü̃ i ngẽma Tupana tüxna ãxü̃, naxrüxü̃ ga Echaú. Rü nüma nax nanatü nane ga nüxíraü̃cü yixĩxü̃ rü wüxi ga õnaca̱x nüxü̃ naxo ga yema nanatüarü ngü̃xẽxẽ ga nüxna üxü̃.

Nüxíraxü̃xü̃ ga popera ga Pedru ümatüxü̃ 2:7

Rü pema nax nüxü̃́ peyaxõgüxü̃, rü pexca̱x rü namexẽchi ya yimá nuta. Natürü ngẽma tama yaxõgüxü̃ca̱x, rü taxuwama name. Rü ngẽmaca̱x Tupanaarü ore i ümatüxü̃wa rü ñanagürü: “Yimá nuta ya ĩpataarü üruü̃gü nüxü̃ oecü, rü yimáétüwa nixĩ inaxügüxü̃ ya chopata”, ñanagürü.

Nüxíraxü̃xü̃ ga popera ga Pedru ümatüxü̃ 3:20

Rü yema naãxẽgü ga yexma poxcuexü̃, rü yema nixĩ ga naãxẽgü ga yema duü̃xü̃gü ga Noé maxü̃gu tama ixĩnüechaü̃xü̃ woo Tupana yáxna namaxã naxĩnü ga yexguma Noé naxüyane ga gumá wapuru. Rü 8 ga duü̃xü̃güxicatama nixĩ ga gumá wapurugu ichoü̃xü̃, rü yema nixĩ ga gumá mucü ga taxüchicüarü dexáétüwa maxẽxü̃.

Nüxíraxü̃xü̃ ga popera ga Pedru ümatüxü̃ 4:18

Erü Tupanaarü ore i ümatüxü̃wa rü ñanagürü: “Ngẽma duü̃xü̃gü i mexü̃ ügüxü̃ rü guxchaãcüma nanayauxgü i maxü̃ i taguma gúxü̃. Rü ñu̱xma nax ngẽmaãcü yixĩxü̃, ¿rü ñuxãcü tá nüxü̃ nangupetüxü̃ i ngẽma chixexü̃ ügüxü̃ rü pecaduã̱xgüxü̃?” ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8

Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:15

Natürü taxũtáma yima ĩanewa nichocu i ngẽma chixexü̃gü maxẽxü̃, rü ngẽma iyuüxü̃, rü ngẽma naxü̃nearü ngúchaü̃gu maxẽxü̃, rü ngẽma máetagüxü̃, rü ngẽma tupananetachicüna̱xãgüxü̃ icua̱xüü̃güxü̃, rü ngẽma womüxẽẽwa̱xegüxü̃ rü taxũtáma nawa nichocu ya yima ĩane.