Nüxíraxü̃xü̃ ga popera ga Timutéuca̱x naxümatüxü̃ ga Pauru 1:11 - Tupanaarü Ore

¹¹ Rü Tupanaarü ore i mexü̃ nixĩ i tüxü̃ ngu̱xẽẽxü̃ nachiga i ngẽma ngu̱xẽẽtae ya Tupana ya mecümaxüchicü naxca̱x choxü̃ muxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:11 Iomraidhean Croise

Wiyaegü 138:2

Rü yima cupata ya üünene íngexmaxü̃guama chadawenüãcüma tá ichacaxã́pü̱xü nax ngẽmaãcü moxẽ cuxna chaxãxü̃ca̱x naxca̱x i curü ngechaü̃ rü ngẽma nax aixcümacü quixĩxü̃. Erü cuma rü cugüégagu icuxuneta, rü aixcüma cuyanguxẽxẽ i guxü̃ma i ngẽma nüxü̃ quixuxü̃.

Ore i mexü̃ ga Luca ümatüxü̃ 2:14

—¡Tupanaxü̃ picua̱xüxü̃gü i pemax i daxũguxü̃ i naanewa pengẽxmagüxü̃! ¡Rü pegümaxã iperüngüxmüe i pemax i ñoma i naanecüã̱x ya Tupana pemaxã taãxẽgüxe! —ñanagürügü.

Romanos 2:16

Rü ngẽma ngunexü̃ i nagu guxü̃ma i duü̃xü̃güxü̃ yacagüxü̃ ya Tupana rü Ngechuchu ya Cristuxü̃ tá namu nax duü̃xü̃güxü̃ yacagüxü̃ca̱x naxca̱x i ngẽma cúãcü naxügüxü̃. Rü Tupanaarü ore i pemaxã nüxü̃ chixuxü̃ nixĩ i tüxü̃ nüxü̃ cua̱xẽẽxü̃ i ngẽma.

1 Corintios 9:17

Rü ngẽxguma chi chaugagu chitama chanaxüxgu i ngẽma puracü, rü nagu chi charüxĩnü nax choxü̃́ naxãtanüxü̃. Natürü ngẽxguma Tupana choxü̃ muxü̃ãcüma chanaxüxgu, rü chanaxüama erü woetama ngẽma nixĩ i chorü puracü ga Tupana choxna ãxü̃.

2 Corintios 4:4

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Gálatas 2:7

Natürü nümagü ga yema ãẽ̱xgacügü, rü nüxü̃ nicua̱xãchigü nax choxü̃ yixĩxü̃ ga namuxü̃ ga Tupana nax yema duü̃xü̃gü ga tama Yudíugü ixĩgüxü̃maxã nüxü̃ chixuxü̃ca̱x ga norü ore i mexü̃, yexgumarüxü̃ ga Pedruxü̃ nax namuxü̃rüxü̃ ga Tupana nax Yudíugümaxã nüxü̃ yaxuxü̃ca̱x ga yema ore.

Efesios 1:12

Rü yemaacü Tupana tamaxã nanaxuegu nax yixema i yixira Cristuaxü̃́ yaxõgüxe nüxü̃ icua̱xüü̃güxü̃ca̱x naxca̱x i norü pora i üünexü̃.

Efesios 1:6

Rü yemaacü nanaxü ga Tupana nax guxü̃guma nüxü̃ icua̱xüü̃güxü̃ca̱x naxca̱x i norü ngechaü̃ rü norü mecüma ga yexguma taxca̱x núma namuãxgu ga Nane ya nüxü̃ nangechaü̃xü̃chicü.

Efesios 2:7

Rü yemaacü nanaxü ga Tupana erü yimá taunecügü ya íngugücügu tá duü̃xü̃güxü̃ nanawe̱x nax aixcüma Cristugagu poraãcü tüxü̃ nangechaü̃xü̃ rü tamaxã namecümaxü̃.

Efesios 3:10

Rü yemaacü choxü̃ namu ga Tupana nax ngẽma yaxõgüxü̃wa guxü̃ma i ngẽma daxũcüã̱x i poraexü̃ rü guxü̃ma i ngẽma daxũcüã̱x i ãẽ̱xgacügü ixĩgüxü̃ nüxü̃ cua̱xgüxü̃ca̱x i Tupanaarü cua̱x i naguxü̃raxü̃ãcü ngóxü̃.

Colosenses 1:25

Rü nüma ya Tupana rü choxü̃ namu nax naxca̱x chapuracüxü̃ca̱x i guxü̃ma i ngẽma yaxõgüxü̃. Rü perü mexü̃ca̱x nixĩ i choxü̃ namuxü̃ nax guxü̃wama nüxü̃ chixuxü̃ca̱x i norü ore.

1 Tesalonicenses 2:4

Yerü Tupana nixĩ ga toxü̃ unetacü rü toxü̃ mucü nax pemaxã nüxü̃ tixuxü̃ca̱x ga norü ore i tüxü̃ maxẽxẽẽxü̃. Rü yemaca̱x Tupana naxwa̱xexü̃ãcüma pemaxã nüxü̃ tixu ga yema ore. Rü tama duü̃xü̃güxü̃mare nax tataãẽxẽẽgüxü̃ca̱x pemaxã nüxü̃ tixu, natürü nüxü̃ tixu nax Tupanaxü̃ tataãẽxẽẽgüxü̃ca̱x. Rü nüma ya Tupana nixĩ i nangugüãxü̃ i ngẽma nagu rüxĩnüexü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:7

Rü Tupana choxü̃ naxuneta nax norü orearü ngeruxü̃ chixĩxü̃ca̱x. Rü choxü̃ namu nax chanangúexẽẽxü̃ca̱x i ngẽma duü̃xü̃gü i tama Yudíugü ixĩgüxü̃ nax nümagü rü ta yaxõgüãxü̃ca̱x rü nüxü̃ nacua̱xgüxü̃ca̱x i ngẽma ore i aixcüma ixĩxü̃. Rü ngẽma pemaxã nüxü̃ chixuxü̃, rü aixcüma nixĩ, rü tama chidora.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:15

Erü ngẽma ngunexü̃ ya Tupana nagu naxwa̱xexü̃gu rü tá Cristuxü̃ nango̱xẽxẽ. Erü nüma ya Tupana rü nüxicatama Tupana nixĩ, rü nüma nixĩ i aixcüma mecü yixĩxü̃ rü guxü̃étüwama nangẽxmaxü̃, rü guxü̃ i ãẽ̱xgacügüarü Ãẽ̱xgacü yixĩxü̃, rü guxü̃ i corigüarü Cori yixĩxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:20

Pa Timutéux, ¡mea naga naxĩnü i ngẽma ore i cumaxã nüxü̃ chixuxü̃! Rü tama name nax icurüxĩnüxü̃ i ñoma i naanecüã̱xarü dexagümare i taxuwama mexü̃. Rü tama name nax icurüxĩnüxü̃ i ngẽma ore i doramare ixĩxü̃ i duü̃xü̃gü nüxü̃ ixugügünetaxü̃ nax ore i nawa nüxü̃ icuáxü̃ yixĩxü̃.

Norü taxre ga popera ga Timutéuca̱x naxümatüxü̃ ga Pauru 1:11

Rü Tupana choxü̃ naxuneta nax nüxü̃ chixuxü̃ca̱x i norü ore. Rü choxü̃ namu nax ngẽma oremaxã chanangúexẽẽxü̃ca̱x i duü̃xü̃gü.

Norü taxre ga popera ga Timutéuca̱x naxümatüxü̃ ga Pauru 1:14

Rü name nixĩ i Tupanaãxẽ ya Üünecü i tawa maxü̃xü̃arü ngü̃xẽẽmaxã ícunapoxü̃ i ngẽma ngu̱xẽẽtae i mexü̃ ya Tupana cuxna ãxü̃.

Norü taxre ga popera ga Timutéuca̱x naxümatüxü̃ ga Pauru 2:2

Yema ore ga chauxü̃tawa nüxü̃ cuxĩnüxü̃ ga yexguma muxü̃ma ga duü̃xü̃güpe̱xewa nüxü̃ chixuxgu, rü chanaxwa̱xe i ñu̱xma cuxí ngẽma oremaxã cunangúexẽxẽ i togü i yatügü i mea naãẽxü̃ cua̱xgüxü̃ nax nüxĩ́ togüxü̃ nangúexẽẽxü̃ca̱x namaxã i ngẽma ore.

Popera ga Títoca̱x naxümatüxü̃ ga Pauru 1:3

Rü ñu̱xma rü marü nawa nangu nax Tupana tüxü̃ nüxü̃ cua̱xẽẽxü̃ i ngẽma norü ore i mexü̃ i tüxü̃ maxẽxẽẽxü̃. Rü ngẽmaca̱x nümatama ya Tupana ya tórü Maxẽxẽxẽruxü̃ choxü̃ namu nax nüxü̃ chixuxü̃ca̱x i ngẽma norü ore.