Nüxíraxü̃xü̃ ga popera ga Pedru ümatüxü̃ 5:8 - Tupanaarü Ore

⁸ Rü name nixĩ i guxü̃guma pegüna pedaugü rü ípexuãẽgü, erü perü uanü i Chataná rü ñoma wüxi ya leóü̃ ya idüraxüchicürüxü̃ nanañaane rü tümaca̱x nadau nax texéxü̃ tá chixexü̃gu nanguxẽẽxü̃.

Nüxíraxü̃xü̃ ga popera ga Pedru ümatüxü̃ 5:8 Iomraidhean Croise

Ester 7:6

Rü ngĩma rü inangãxü̃ rü ngĩgürügü: —Ngẽma torü uanü i chixexü̃ tomaxã üxchaü̃xü̃ rü ñaa chixecümaxü̃ i Amáü̃ nixĩ —ngĩgürügü. Rü yexguma yemaxü̃ naxĩnügu ga Amáü̃ rü poraãcü norü muü̃maxã nanaxi̱xãchiãxẽ nape̱xewa ga ãẽ̱xgacü rü naxma̱xpe̱xewa.

Yox 2:2

Rü nüma ga Cori ya Tupana rü nüxna naca rü ñanagürü: —¿Ngextá ne cuxũ i cumax? —ñanagürü. Rü nüma ga Chataná rü nanangãxü̃ rü ñanagürü: —Nawa ne chaxũ nax nagu íchayaxüeguxü̃ i ngẽma naane —ñanagürü.

Wiyaegü 104:21

Rü ngẽma leóü̃gü rü nawemüca̱x ngéma naxae. Rü ngẽmaãcü Tupanana nacagüe nax norü õna nüxna naxãxü̃ca̱x.

Wiyaegü 109:6

Pa Tupanax ¡ñu̱xma rü ngẽma chixexü̃ üxü̃ca̱x nüxü̃ naxuneta i wüxi i ãẽ̱xgacü i chixecüma nax ngẽma nüxna ca̱xaxü̃ca̱x i norü chixexü̃chiga! ¡Rü ngẽxgumarüxü̃ ta nüxü̃ naxuneta i wüxi i norü uaxü̃ruxü̃ i naxca̱x íca̱xaxü̃ nax napoxcuxü̃ca̱x!

Ucu̱xẽgüchiga 19:12

Ngẽxguma nanuxgu ya ãẽ̱xgacü rü ñoma leóü̃ i ngĩ̱xnecüüxü̃rüxü̃ nixĩ. Natürü ngẽxguma nataãẽgu ya ãẽ̱xgacü, rü ñoma cherena i maxẽte̱xe iwaixẽẽxü̃rüxü̃ nixĩ.

Ucu̱xẽgüchiga 20:2

Wüxi ya ãẽ̱xgacü ya nucü, rü ñoma wüxi i leóü̃ i nuxü̃rüxü̃ nixĩ, rü yíxema nachixewexe rü ãũcümaxü̃wa tanangẽxmaxẽxẽ i tümaarü maxü̃.

Ucu̱xẽgüchiga 28:15

Wüxi i ãẽ̱xgacü i chixexü̃ i chixri norü duü̃xü̃gü i ngearü diẽruã̱xgüxü̃maxã icuáxü̃, rü ñoma wüxi i leóü̃ i norü numaxã ingĩ̱xinecüüxü̃rüxü̃ nixĩ, rü wüxi i osu i taiyaxüchixü̃rüxü̃ nixĩ i ngẽma ãẽ̱xgacü i chixexü̃.

Ichaía 50:8

Rü yimá chorü poxü̃ruxü̃ rü chauxü̃tawa nangẽxma. Rü ngẽxguma chi texé tüxü̃́ nangẽxmagu i ta̱xacüca̱x choxü̃ ítaxuaxü̃xü̃, rü ngĩxã wüxigu ãẽ̱xgacüpe̱xewa taxĩ. Rü ngẽxguma chi texé choxü̃ ixuxchaü̃gu rü ẽcü nua taxũ rü chope̱xewa chomaxã nüxü̃ tixu.

Yeremía 2:15

¿Rü ta̱xacüca̱x norü uanügü ñoma leóü̃gü nada̱i̱xü̃rüxü̃ nanadai, rü tagaãcü aita naétü naxüe? Rü nachixü̃ane rü nachitaxü̃icatama ínayaxü. Rü norü ĩanegü rü ínanagu. Rü taxúema nawa tayaxü.

Yeremía 51:38

Rü guxü̃ma i ngẽma Babiróniacüã̱x rü ñoma leóü̃gürüxü̃ tá ninginetanücüxü rü ñoma leóü̃acügürüxü̃ tá narüdoxe.

Echequié 19:7

Rü ãẽ̱xgacüpatagü rü nayachixexẽxẽ, rü ĩanegü rü nagu nipogügü. Rü yema nagamaxã rü nayadu̱xruxẽxẽ ga guxü̃ma ga nachixü̃anegü.

Echequié 22:25

Rü ngẽma curü orearü uruü̃güneta rü ñoma leóü̃gü i norü taiyamaxã aixta üexü̃ rü naeü̃gü wagüexü̃rüxü̃ nixĩgü. Rü wüxigu nügümaxã nagu narüxĩnüe nax duü̃xẽgüaxü̃́ napuxü̃güãxü̃ i tümaarü ngẽmaxü̃gü i tatanügüxü̃. Rü muxẽma ya ngexe tüxü̃ yamáxtegüxü̃.

Danié 6:24

Rü yemawena ga nüma ga ãẽ̱xgacü rü norü duü̃xü̃güxü̃ namu nax yéma nagagüãxü̃ca̱x ga yema yatügü ga Daniéxü̃ íxuaxü̃güxü̃. Rü wüxigu naxma̱xgümaxã rü naxacügümaxã leóü̃tanügu nanawocu. Rü taxũtáma mea nangucuyane rü nüma ga leóü̃gü rü marü naxca̱x nibuxmü, rü nüxna nayu̱xgu rü nagu nawagüe.

Ochéa 11:10

Rü choma rü ñoma wüxi i leóü̃rüxü̃ tá chataga rü chorü duü̃xü̃gü rü tá chauga naxĩnüe. Rü ngẽxguma tagaãcü naxca̱x chacaxgu rü nümagü rü nidu̱xruãcüma tá oéstewaama ne naxĩ.

Ochéa 13:8

Rü tá pexca̱x chixũ ñoma wüxi i osu i ngexü̃ i naxacügü nüxna tüxü̃ napuxü̃rüxü̃ rü tá pegu chagáugüe i perü maxü̃newa. Rü ñoma wüxi i leóü̃rüxü̃ rü tá pexü̃ changõ̱xcu rü wüxi i naeü̃ idüraxü̃rüxü̃ tá pegu chawagü.

Joel 3:16

Nüma ya Cori ya Tupana rü ngẽxguma yima ma̱xpǘne ya Chióü̃ ya Yerucharéü̃wa ngẽxmanewa yadexaxgu, rü ngẽma naga rü ñoma duruanexü̃rüxü̃ nixĩ. Rü ngẽxguma i ngẽma daxũguxü̃ i naane rü ñoma i naane rü nidu̱xru. Natürü i nüma ya Cori ya Tupana rü wüxi i poxü̃ruxü̃ nixĩ naxca̱x i Iraétanüxü̃ i norü duü̃xü̃gü ixĩgüxü̃.

Amúx 1:2

Nüma ya Cori ya Tupana rü ngẽxguma yima ma̱xpǘne ya Chióü̃ ya Yerucharéü̃wa ngẽxmanewa yadexaxgu, rü naga rü ñoma duruanexü̃rüxü̃ nixĩ. Rü ngẽxguma ya yima maxẽ ya carnérugüchitaxü̃wa ngẽxmacü rü nipagü rü yima ma̱xpǘne ya Carmérutape̱xewa rü nipaane.

Amúx 3:4

Rü ngẽxguma naixnecüwa yangunecüxügu i wüxi i leóü̃ rü ngẽmawa nüxü̃ tacua̱x nax ngẽxma naxãẽü̃xü̃. Rü ngẽxguma wüxi i leóü̃acü naxmaxü̃wa yangunecüxügu rü ngẽmawa nüxü̃ tacua̱x nax ta̱xacü ngẽxma yayaxuxü̃.

Amúx 3:8

¿Rü texé ya tama muü̃maxã idu̱xruxe ega ngẽxguma wüxi i leóü̃ ingũ̱xunecüxügu? ¿Rü texé ya tama Tupanaégagu idexaxe ega nüma tüxü̃ namuxgu nax tidexaxü̃ca̱x?

Chacaría 11:3

Rü ngẽma carnérugüarü dauruü̃gü rü tagaãcü naxauxe erü yimá maxẽ ya imexẽchicü rü marü nixae. Rü nüxü̃ naxĩnüe i ngẽma leóü̃ nax yanginetanücüüxü̃, erü ngẽma naixnecügü i natü i Yudáü̃cutüwa ngẽxmagüxü̃ rü marü nixae.

Chacaría 3:1

Rü yexguma chango̱xetügu rü nüma ga Cori ya Tupana rü choxü̃ nanawe̱x ga Yochué ga chacherdótegüarü ãẽ̱xgacü. Rü nüma ga Yochué rü Cori ya Tupanaarü duü̃xü̃ ga daxũcüã̱xpe̱xegu nachi. Rü Yochuéarü tügünecüwawa nayexma ga Chataná ga nüxü̃ ixugüchaü̃xü̃.

Ore i mexü̃ ga Matéu ümatüxü̃ 13:39

Rü ngẽma norü uanü i chixexü̃ i natüanemaxã toexü̃, rü ngẽma nixĩ i Chataná. Rü ngẽma ngunexü̃ i nagu nabuxuxü̃ i trigu rü naanearü guxchiga nixĩ. Rü ngẽma puracütanüxü̃ i tríguarü buxwa puracüexü̃, rü Tupanaarü orearü ngeruü̃gü i daxũcüã̱x nixĩgü.

Ore i mexü̃ ga Matéu ümatüxü̃ 24:42

¡Pexũãxẽgü! Erü tama nüxü̃ pecua̱x i ta̱xacürü ora tá ínangu i perü Cori.

Ore i mexü̃ ga Matéu ümatüxü̃ 25:41

Rü ñu̱xũchi i Ãẽ̱xgacü, rü ñanagürü tá nüxü̃ i ngẽma to̱xwewa ngẽxmagüxü̃: “¡Choxna pixĩgachi i pema i perü chixexü̃ca̱x poxcuexe! ¡Rü ngéma pexĩ nawa ya yimá üxü ya taguma ixoxü̃ne ya Tupana ímexẽẽ́ne naxca̱x i ngo̱xo i Chataná rü norü duü̃xü̃gü!

Ore i mexü̃ ga Matéu ümatüxü̃ 4:1

Rü yemawena rü Tupanaãxẽ ya Üünecü rü wüxi ga chianexü̃ ga ngextá taxúema íxãpataxü̃wa Ngechuchuxü̃ naga nax yéma Chataná nüxü̃ üxü̃ca̱x.

Ore i mexü̃ ga Matéu ümatüxü̃ 4:11

Rü yexguma ga ngo̱xo ga Chataná rü Ngechuchuna nixũgachi. Rü Ngechuchuxü̃tawa nangugü ga ñuxre ga daxũcüã̱x ga Tupanaarü orearü ngeruü̃gü. Rü Ngechuchuna nadaugü rü nüxü̃ narüngü̃xẽẽgü.

Ore i mexü̃ ga Márcu ümatüxü̃ 4:15

Rü nangẽxma i duü̃xü̃gü i yima triguchire ga namacüwagu yixü̃nerüxü̃ ixĩgüxü̃. Rü ngẽmagü nixĩ i nüxü̃ ĩnüexü̃ i ore i mexü̃, natürü yixcama marü nüxü̃ naxĩnüeguwena, rü ngéma nangu i Chataná rü nüxna nanapu i ngẽma ore i mexü̃ i marü yaxõgüchiréxü̃.

Ore i mexü̃ ga Luca ümatüxü̃ 21:34

¡Pexũãxẽgü nax tama ta̱xacürü chixexü̃gagu düxwa nüxü̃ perüxoexü̃ nax peyaxõgüxü̃! Rü ngẽmaca̱x penaxwa̱xe nax pegüna pedaugüxü̃ nax tama pengãxẽxü̃ rüẽ̱xna ñoma i naanearü ngúchaü̃gu perüxĩnüexü̃. Erü ngürüãchi ngẽmagu íperüxĩnüeyane tá íchangu.

Ore i mexü̃ ga Luca ümatüxü̃ 21:36

Rü ngẽmaca̱x name nixĩ i pegü ípemexẽẽgü. ¡Rü guxü̃guma peyumüxẽgü nax ngẽmaãcü tama pexü̃ naxüpetüxü̃ca̱x i guxü̃ma i ngẽma ãũcümaxü̃gü i tá íngugüxü̃, rü aixcüma pimexü̃ca̱x i ngẽxguma nape̱xewa pengugügu ya Tupana Nane ya duü̃xü̃xü̃ ixĩcü! —ñanagürü ga Ngechuchu.

Ore i mexü̃ ga Luca ümatüxü̃ 22:31

Rü Pedruxü̃ ñanagürü ta ga Cori ga Ngechuchu: —Pa Chimóü̃x, Pa Chimóü̃x, Chataná rü Tupanana naca nax ñoma triguxü̃ idüagüxü̃rüxü̃ pemaxã yixĩxü̃ca̱x.

Ore i mexü̃ ga Cuáü̃ ümatüxü̃ 8:44

Penatü rü chataná nixĩ rü pema rü naxacügü pixĩgü. Rü ngẽmaca̱x penaxü i ngẽma nüma pexü̃́ nanaxwa̱xexü̃. Rü ngẽma chataná rü noxriarü ügügumama wüxi i máẽtaxü̃ nixĩ. Rü taguma ore i aixcümaxü̃gu narüxĩnü rü taguma ore i aixcümaxü̃ nixu. Rü ngẽxguma yadexaxgu rü doraxü̃xicatama nixu, erü nüma rü wüxi i dorata̱xáxü̃ nixĩ. Rü guxü̃ma i dorata̱xaxü̃natü nixĩ.

2 Corintios 2:11

Rü ngẽmaãcü chanaxü nax tama nayoxniexü̃ca̱x i Chataná nax chixexü̃gu tüxü̃ nayixẽẽxü̃ca̱x. Erü yixema rü meama nüxü̃ tacua̱x i nacüma i Chataná rü ñuxãcü chixexü̃gu tüxü̃ nayixẽẽchaü̃xü̃.

Efesios 4:27

Rü pegüna pedaugü nax tama penaxüchicaxü̃ca̱x i Chataná.

Efesios 6:11

¡Rü pegü penaxǘ i guxü̃ma i ngẽma poxü̃ruxü̃gü ya Tupana pexna ãxü̃ nax ngẽmamaxã pegü ípepoxü̃xü̃ca̱x i ngẽxguma Chataná pexü̃ womüxẽxẽchaü̃gu!

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:15

Rü ngẽma ngexü̃gü rü ngẽxguma naxãxãcügügu rü tá inayauxgü i maxü̃ i taguma gúxü̃ ega mea ngĩxacügümaxã inacua̱xgügu, rü aixcüma yaxõgüãgu, rü aixcüma duü̃xü̃güxü̃ nangechaü̃gu rü mea Tupanape̱xewa namaxẽgu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:9

Rü chanaxwa̱xe i ngexü̃gü rü meamare üxü̃ i naxchirugu nicu̱xgü, rü meamare nügü namexẽẽyaegü, rü tama poraãcü nügü nanga̱xãẽgü úirumaxã rü meruxü̃gümaxã rü naxchiru i tatanüxü̃maxã.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:11

Rü naxma̱xgü i ngẽma yatügü i diácunugü, rü name nax duü̃xü̃gü nüxü̃ ngechaü̃güxü̃ yaxĩgüxü̃. Rü tama name i oregüta̱xaxgüxü̃ nixĩgü, natürü tanaxwa̱xe i mea namaxẽ rü aixcüma nayanguxẽẽgü i guxü̃ma i ngẽma nüxü̃ yaxugüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:2

Rü yíxema yaxõgüxü̃arü ãẽ̱xgacü rü tanaxwa̱xe nax aixcüma mecü tixĩxü̃ nax taxúema tümachiga chixri idexaxü̃ca̱x. Rü tanaxwa̱xe i wüxixicatama tixĩ ya tümama̱x, rü aixcüma mea tamaxü̃, rü mexü̃gu tarüxĩnü, rü duü̃xü̃gü rü tüxü̃ nangechaü̃gü rü tümaga naxĩnüe. Rü tanaxwa̱xe i ítamemare nax duü̃xü̃güxü̃ tayaxuxü̃ i tümapatawa, rü ngẽxgumarüxü̃ ta ítamemare nax duü̃xü̃güxü̃ tangúexẽẽxü̃.

Norü taxre ga popera ga Timutéuca̱x naxümatüxü̃ ga Pauru 4:17

Natürü tórü Cori choxü̃ naporaxẽxẽ rü choxü̃́ nanatauxchaxẽxẽ nax mea nüxü̃ chixuxü̃ca̱x ga norü ore i mexü̃ i tüxü̃ maxẽxẽẽxü̃. Rü yemaacü guxü̃ma ga yema duü̃xü̃gü ga tama Yudíugü ixĩgüxü̃ ga yéma yexmagüxü̃ rü nüxü̃ naxĩnüe ga yema ore. Rü yemaacü tórü Cori ya Ngechuchu choxna nadau nax tama yu chomaxã naxueguxü̃ca̱x.

Popera ga Títoca̱x naxümatüxü̃ ga Pauru 1:8

Natürü name nax duü̃xü̃güxü̃ mea tayaxuxü̃ i tümapatawa, rü mexü̃gu tarüxĩnüxü̃. Rü tanaxwa̱xe i wüxi i yatü i aixcüma tümaãẽxü̃ cuáxe tixĩ, rü duü̃xü̃gümaxã ixaixcümáxe tixĩ rü aixcüma Tupanaaxü̃́ yaxṍxe tixĩ, rü mea tügümaxã icuáxe tixĩ.

Popera ga Títoca̱x naxümatüxü̃ ga Pauru 2:12

Rü Tupana rü tamaxã namecüma rü ngẽmawa nüxü̃ tacua̱x nax namexü̃ nax nüxü̃ rüxoexü̃ i ñoma i naanecüã̱xarü ngúchaü̃gü rü guxü̃ma i togü i chixexü̃gü i nape̱xewa ixügüxü̃. Rü ngẽma Tupana taxca̱x üxü̃ tüxü̃ nangu̱xẽxẽ nax mea yigümaxã icua̱xgüãcüma duü̃xü̃güpe̱xewa rü Tupanape̱xewa mea imaxẽxü̃ i ñoma i naanewa.

Popera ga Títoca̱x naxümatüxü̃ ga Pauru 2:2

¡Rü ngẽma yaxõgüxü̃ i yaxü̃ rü yaxucu̱xẽgü nax mea naãẽxü̃ yacuáxü̃ca̱x, rü taxúema chixri nachiga idexagüxü̃ca̱x, rü mexü̃gu naxĩnüexü̃ca̱x! ¡Rü nangúexẽxẽ nax mea Tupanaaxü̃́ yaxõgüãxü̃ca̱x, rü guxü̃ i duü̃xü̃güxü̃ nangechaü̃güxü̃ca̱x, rü yáxna namaxã naxĩnüexü̃ca̱x ega woo ta̱xacürü guxchaxü̃ naxca̱x ínguxgu!

Popera ga Títoca̱x naxümatüxü̃ ga Pauru 2:4

Rü ngẽma ngexü̃gü i yaxguã̱xgü rü name nixĩ i mea nax nangúexẽẽãxü̃ i ngẽma ngexü̃gü i paxü̃gü nax aixcüma natexü̃ rü naxacügüxü̃ nangechaü̃güxü̃ca̱x, rü mea naãẽxü̃ nacua̱xgüxü̃ca̱x, rü mexü̃guxicatama nax naxĩnüexü̃ca̱x, rü mea napatana nadaugüxü̃ca̱x, rü guxü̃ i duü̃xü̃gümaxã namecümagüxü̃ca̱x, rü aixcüma natega naxĩnüexü̃ca̱x nax taxúema chixri Tupanaarü orechiga idexagüxü̃ca̱x.

Popera ga Títoca̱x naxümatüxü̃ ga Pauru 2:6

¡Rü ngẽxgumarüxü̃ ta meama yaxucu̱xẽgü i ngẽma ngextü̱xücügü nax aixcüma mea naãẽxü̃ nacuáãcüma namaxẽxü̃ca̱x!

Popera ga Chantiágu ümatüxü̃ 4:7

Pa Chauenexẽgüx, ¡Mea Tupanaga pexĩnüe! ¡Rü nüxü̃ pexoó i ngo̱xo i Chataná! Rü nüma rü tá pexna niña.

Nüxíraxü̃xü̃ ga popera ga Pedru ümatüxü̃ 1:13

Rü ñu̱xma nax Cristuarü duü̃xü̃gü pixĩgüxü̃, rü penaxwa̱xe nax pexuãẽgüxü̃ rü ípememarexü̃ nax penaxüxü̃ i norü ngúchaü̃. Rü name nixĩ i aixcüma ípenangu̱xẽxẽ i guxü̃ma i ngẽma mexü̃gü ya Tupana tá pexna ãxü̃ i ngẽxguma Ngechuchu ya Cristu núma ũxgu.

Nüxíraxü̃xü̃ ga popera ga Pedru ümatüxü̃ 4:7

Rü marü ningaica nax nagúxü̃ i ñoma i naane rü guxü̃ma i ta̱xacü i nawa ngẽxmaxü̃. Rü ngẽmaca̱x name nixĩ nax pexuãẽgüxü̃, rü mea peãxẽxü̃ pecuáxü̃, rü guxü̃guma peyumüxẽgüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:10

Rü ñu̱xũchi nüxü̃ chaxĩnü ga wüxi ga naga ga daxũguxü̃ ga naanewa tagaãcü ñaxü̃: “Ñu̱xma rü marü nawa nangu nax tórü Tupana namaxẽxẽẽãxü̃ i duü̃xü̃gü. Rü nüma rü marü nua naxũ nax norü poramaxã guxü̃arü ãẽ̱xgacü yixĩxü̃ca̱x. Rü Nane ya Cristu rü marü ínangu nax nüma guxü̃maxã inacuáxü̃ca̱x. Erü marü daxũguxü̃ i naanewa ínata̱xüchi i Chataná ga ngunecü rü chütacü tórü Tupanape̱xewa taenexẽgüxü̃ ixugüechaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:12

¡Rü ngẽmaca̱x petaãẽgü i guxãma i pema i daxũguxü̃ i naanewa ngẽxmagüxe! ¡Natürü pengechaü̃tümüxü̃gü i pemax, i ñoma naanewa ngẽxmagüxe rü márwa ngẽxmagüxe! Erü ngẽma ngo̱xo i Chataná rü marü petanügu narütáe. Rü poraãcü nanu i nüma erü marü noxretama i ngunexü̃ nüxü̃́ ínayaxü nax chixexü̃ naxüxü̃, erü paxa tá napoxcu”, ñanagürü ga yema naga.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:9

Rü ínata̱xüchi ga daxũguxü̃ ga naanewa ga yema coya ga yema nũxcümaü̃xü̃ ga ãxtape. Rü nüma rü Ngo̱xogu rü Chatanágu naxãéga. Rü nüma nixĩ i guxü̃ma i ñoma i naanecüã̱x i duü̃xü̃güxü̃ nawomüxẽẽxü̃. Rü nüma rü norü orearü ngeruü̃gümaxã ñoma ga naanegu narüwoü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:10

Rü ngẽma ngo̱xo i ngẽma duü̃xü̃güxü̃ womüxẽẽxü̃, rü nawa tá natáe ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü yimá nixĩ ya naxtaxa ga marü nawa nawoxü̃ne ga yema nüxíraxü̃xü̃ ga ngo̱xo rü yema to ga ngo̱xo ga orearü uruü̃neta ixĩxü̃. Rü yima naxtaxawa tá nixĩ i guxü̃gutáma ngunecü rü chütacü ngúxü̃ yangegüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:2

Rü yema Tupanaarü orearü ngeruxü̃ rü yema coyaxü̃ niyaxu. Rü yematama coya nixĩ ga yema nũxcümaü̃xü̃ ga ãxtape ga ngo̱xo ga Chataná ixĩxü̃. Rü yema orearü ngeruxü̃ rü 1,000 ga taunecügüca̱x cadénamaxã nayana̱i̱x.

Ãẽ̱xgacügü ga guxchaxü̃güarü mexẽxẽruü̃gü 14:5

Rü yemaacü ga Chanchóü̃ rü nanatü rü naé rü ĩane ga Tináwa taxĩ. Rü yexguma Chanchóü̃ guma ĩanearü úbanecüwa nanguxgu ga guma ĩanepemawa, rü wüxi ga ai ga yexwacax yaxü̃ rü yéma nüxna nayuxu.