Nüxíraxü̃xü̃ ga popera ga Pedru ümatüxü̃ 5:3 - Tupanaarü Ore

³ Rü tama name i chixri namaxã ipecua̱x rü penangaãcüma penamu i ngẽma duü̃xü̃gü i pexme̱xwa ngẽxmagüxü̃. Natürü chanaxwa̱xe i mexü̃ i nacüma nüxü̃ pewe̱x.

Nüxíraxü̃xü̃ ga popera ga Pedru ümatüxü̃ 5:3 Iomraidhean Croise

Wiyaegü 33:12

Rü nataãẽgü i ngẽma duü̃xü̃gü i Cori ya Tupanamaxã Tupanaã̱xgüxü̃ rü ngẽma duü̃xü̃gü ya Cori ya Tupana nügüxü̃́ dexü̃.

Wiyaegü 74:2

¡Rü nüxna nacua̱xãchi i curü duü̃xü̃gü ga woetama nũxcüma cudexü̃! Rü yemagü nixĩ ga norü uanügüme̱xẽwa ícunguxü̃xẽẽxü̃ nax curü duü̃xü̃gü yixĩgüxü̃ca̱x. ¡Rü nüxna nacua̱xãchi ya yima ma̱xpǘne ya Chióü̃ ga nagu cuxãchixü̃ne!

Echequié 34:4

Rü ngẽma chorü carnéru ya turaxü̃ rü pema rü tama nüxü̃ perüngü̃xẽxẽ, rü ngẽma ida̱xawexü̃ rü tama penaxüxü̃, rü ngẽma ibüyeparaxü̃ rü tama peyana̱i̱xpara, rü ngẽma rütaxuxü̃ rü tama naxca̱x peyadau. Natürü i pema rü namaxã pechixecümagü rü chixrimare nüxna pedaugü.

Miquéa 7:14

¡Pa Cori ya Tupanax, curü naixmena̱xãmaxã nüxna nadau i ngẽma curü duü̃xü̃gü i curü carnérugü ixĩgüxü̃! Ñu̱xma rü nüxicatama naixnecüwa nangẽxmagü i naane i mexü̃wa. ¡Ẽcü ü̃parüxü̃ Bacháü̃anewa rü Garaáxanewa nagagü i ngextá õna íngẽxmaxü̃wa!

Iraétanüxü̃arü muxchiga 18:7

Natürü cuma rü cunegüxica tá nixĩ i penaxügüxü̃ i ngẽma chacherdótegüarü puracü rü chope̱xewa ãmare pigugüxü̃ rü tüyemachiü̃ruxü̃arü aixepeguama pichocuxü̃ nagu i ucapu i Üünexüchixü̃. Rü ngẽma puracü rü pexica tátama nixĩ i penaxügüxü̃ erü choma rü nagu pexü̃ chamugü nax chacherdótegü pixĩgüxü̃ rü chacherdótegüarü puracü pexügüxü̃ca̱x. Rü ngẽxguma chi texé chacherdótearü puracü uxgu natürü tama chacherdóte tixĩxgu, rü tá yu tümamaxã naxuegu —ñanagürü.

Ore i mexü̃ ga Cuáü̃ ümatüxü̃ 13:15

Choma rü pexü̃ nüxü̃ chadauxẽxẽ nax ñuxãcü tá penaxüxü̃ nax pema rü ta ngẽma pemaxã chaxüxü̃ãcü penaxüxü̃ca̱x.

Ngechuchuarü ngúexü̃gü ga yamugüxü̃arü puracüchiga 20:28

Rü ngẽmaca̱x i ñu̱xma rü penaxwa̱xe nax pexuãẽgüxü̃ rü mea nüxna pedaugüxü̃ i guxü̃ma i yaxõgüxü̃ i petanüwa ngẽxmagüxü̃. Erü ngẽma nixĩ i Tupanaãxẽ ya Üünecü nagu pexü̃ mugüxü̃ nax nüxna pedaugüxü̃ca̱x i ngẽma Tupanaarü duü̃xü̃gü i yaxõgüxü̃ ya Ngechuchu nagümaxãtama naxca̱x taxexü̃.

1 Corintios 11:11

Natürü Tupanape̱xewa rü taxuxü̃ma nixĩ ya yatü ega nataxuxgu i ngecü. Rü ngẽxgumarüxü̃ ta i ngecü rü taxuxü̃ma iyixĩ ega nataxuxguma ya yatü.

1 Corintios 3:5

Rü ngẽxguma mea nagu rüxĩnüegu, ¿rü ta̱xacü chixĩ i choma i Paurux? rü ¿ta̱xacü nixĩ i nüma i Apórux? Toma rü Tupanaarü duü̃xü̃gümare tixĩgü, rü togagu nixĩ ga nüxü̃́ peyaxõgüxü̃ ya Cori ya Ngechuchu. Rü wüxichigü ga toma rü tanaxü ga yema puracü ga tórü Cori toxna ãxü̃.

1 Corintios 3:9

Rü toma rü wüxigu Tupanaaxü̃́ tapuracüe. Rü ngẽmaãcü nixĩ i perü maxü̃wa napuracüxü̃ ya Tupana nax nüma nanaxwa̱xexü̃ãcüma noxrü pixĩgüxü̃ca̱x.

2 Corintios 1:24

Rü toma rü tama pexü̃ taxucu̱xegüecha nax Tupanaaxü̃́ peyaxõgüxü̃, erü pema rü marü meama peyaxõgü. Natürü ngẽma tanaxwa̱xexü̃ nixĩ nax pexü̃ tarüngü̃xẽẽgüxü̃ nax yexeraãcü peporaexü̃ca̱x i perü õwa.

2 Corintios 4:5

Rü toma rü tama tochigaxü̃tama nixĩ i tixugüxü̃. Natürü nüxü̃ tixu nax Ngechuchu ya Cristu rü tórü Cori yixĩxü̃, rü toma rü Ngechuchugagu perü ngü̃xẽẽruü̃gümare tixĩgüxü̃.

Filipenses 3:17

Pa Chauenexẽgüx, chanaxwa̱xe i nagu pexĩ i ngẽma nacüma i mexü̃ i pexü̃ nüxü̃ chadauxẽẽxü̃. ¡Rü naxca̱x pedauxü̃tae i nacüma i ngẽma togü i duü̃xü̃gü i toxrüxü̃ mea maxẽxü̃!

Filipenses 4:9

Rü chanaxwa̱xe i aixcüma nagu pemaxẽ ga yema pexü̃ changúexẽẽxü̃, rü yema pexü̃ namaxã chixucu̱xẽgüxü̃, rü yema chauxü̃tawa nüxü̃ pexĩnüexü̃, rü yema nüxü̃ pedauxü̃ nax chanaxüxü̃. Rü ngẽxguma ngẽmaãcü penaxü̱xgu, rü petanüwa tá nangẽxma ya Tupana ya tamaxã irüngüxmücü rü tüxü̃ taãẽxẽẽcü.

1 Tesalonicenses 1:7

Rü yemaacü ga pema rü wüxi ga cua̱xruxü̃ ga mexü̃ pixĩgü naxca̱x ga guxü̃ma ga yema yaxõgüxü̃ ga Machedóniaanewa rü Acáyaanewa yexmagüxü̃.

2 Tesalonicenses 3:9

Rü woochire̱x Tupanape̱xewa rü name nax perü ngü̃xẽẽca̱x ítaca̱xaxü̃, natürü tama yemaacü tanaxü. Rü torü õnaca̱x tapuracüe, yerü pexü̃ nüxü̃ tadauxẽẽchaü̃ ga tocüma nax pema rü ta nagu pexĩxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:12

¡Mea cugüna nadau nax taxúema cuxü̃ naxoxü̃ca̱x naxca̱x i ngẽma nax cungextü̱xüxü̃! Rü name nixĩ i wüxi i mexü̃ i cua̱xruxü̃ quixĩ naxca̱x i guxü̃ma i ngẽma yaxõgüxü̃. Rü ngẽmaca̱x cunaxwa̱xe i mexü̃ i oremaxã quidexa, rü mea duü̃xü̃güpe̱xewa cumaxü̃, rü aixcüma nüxü̃ cungechaü̃ i guxü̃ma i duü̃xü̃gü, rü mea Tupanaaxü̃́ cuyaxõ, rü nape̱xewa mea cumaxü̃.

Popera ga Títoca̱x naxümatüxü̃ ga Pauru 2:7

¡Rü cumax, Pa Títox, rü name i mea nape̱xewa cumaxü̃ i guxü̃ma i ngẽma yaxõgüxü̃ nax ngẽmaãcü wüxi i norü cua̱xruxü̃ i mexü̃ quixĩxü̃ca̱x! Rü ngẽxguma cunangúexẽẽgu, rü cunaxwa̱xe i mexü̃gu curüxĩnüãcüma cunangúexẽxẽ rü tama ĩnücaãcüma namaxã nüxü̃ quixu i ngẽma ore.

Nüxíraxü̃xü̃ ga popera ga Pedru ümatüxü̃ 2:9

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.