Nüxíraxü̃xü̃ ga popera ga Pedru ümatüxü̃ 5:13 - Tupanaarü Ore

¹³ Rü pexü̃ narümoxẽgü i guxü̃ma i taenexẽgü i yaxõgüxü̃ i pexrüxü̃ Tupana dexü̃ i Babiróniawa ngẽxmagüxü̃. Rü ngẽxgumarüxü̃ ta pexü̃ narümoxẽ i chorü ngü̃xẽẽruxü̃ i Márcu ya chaunerüxü̃ ixĩcü.

Nüxíraxü̃xü̃ ga popera ga Pedru ümatüxü̃ 5:13 Iomraidhean Croise

Wiyaegü 87:4

Rü natanüwa i ngẽma duü̃xü̃gü i choxü̃ cua̱xgüxü̃ rü nangẽxma i duü̃xü̃gü i Equítuanegu buexü̃, rüe̱xna Babiróniaanegu buexü̃, rüe̱xna Firitéugüanegu buexü̃, rüe̱xna Tíruarü ĩanegu buexü̃ rüe̱xna Etiopíaanegu buexü̃. Rü wüxichigü i ngẽmagü rü poraãcü ngẽma ĩane i nagu nabuxü̃maxã nataãxẽ.

Ngechuchuarü ngúexü̃gü ga yamugüxü̃arü puracüchiga 12:12

Rü yexguma yemaxü̃ yacua̱xãchigu ga Pedru, rü ngĩpatawa naxũ ga wüxi ga ngecü ga Maríagu ãégacü. Rü ngĩma iyixĩ ga Cuáü̃ ga Márcu naé. Rü yéma nangutaque̱xegü ga muxü̃ma ga duü̃xü̃gü ga yéma yumüxẽgüxü̃.

Ngechuchuarü ngúexü̃gü ga yamugüxü̃arü puracüchiga 12:25

Rü yexguma marü yanguxẽẽãgu ga norü puracü ga Chauru rü Bernabé, rü ínachoxü̃ ga Yerucharéü̃wa, rü wenaxarü Antioquíaca̱x nawoegu. Rü nayagagü ga Cuáü̃ ga Márcugu ãégacü.

Ngechuchuarü ngúexü̃gü ga yamugüxü̃arü puracüchiga 15:37

Rü Bernabé rü nayagaxchaü̃ ta ga Cuáü̃ ga Márcu.

Ngechuchuarü ngúexü̃gü ga yamugüxü̃arü puracüchiga 15:39

Rü poraãcü nügümaxã niporagatanücüü naxca̱x ga yema, rü düxwa nügüna nixĩgü. Rü Bernabé nayaga ga Márcu, rü Chíperearü capaxũwa naxũ.

Colosenses 4:10

Rü pexü̃ narümoxẽ i Aristárcu i wüxigu chomaxã poxcuxü̃. Rü ngẽxgumarüxü̃ ta pexü̃ narümoxẽ i Márcu i Bernabéenexẽ ixĩxü̃. Rü marü pemaxã nüxü̃ chixu i Márcuchiga. Rü ngẽxguma tá petanüwa nanguxgu, rü chanaxwa̱xe nax mea penayauxgüxü̃.

Popera ga Filemúü̃ca̱x naxümatüxü̃ ga Pauru 1:24

Rü ngẽxgumarüxü̃ ta moxẽ cuxca̱x ngéma namugü i Márcu, rü Aristárcu, rü Dema rü Luca. Rü nümagü rü chomücügü nixĩgü i Tupanaarü puracüwa.

Norü taxre ga popera ga Cuáü̃ ümatüxü̃ 1:1

Pa Chauenexẽgü i Yaxõgüxe ya Tupana Pexü̃ Dexex, pexca̱x chanaxümatü i choma i Cuáü̃ i yaxõgüxü̃arü ãẽ̱xgacü nax chixĩxü̃. Choma rü aixcüma pexü̃ changechaü̃. Rü tama i chaxica, natürü guxü̃ma i ngẽma nüxü̃ cua̱xgüxü̃ i Tupanaarü ore i aixcüma ixĩxü̃, rü ngẽxgumarüxü̃ ta pexü̃ nangechaü̃gü.

Norü taxre ga popera ga Cuáü̃ ümatüxü̃ 1:13

Rü ngẽma nua natanüwa changexmaxü̃ i yaxõgüxü̃ i peenexẽgü ixĩgüxü̃ ya Tupana dexü̃, rü pexü̃ narümoxẽgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:5

Rü ngĩcatügu naxümatü ga wüxi ga naéga ga taxúema nüxü̃ cuáxü̃ nax ñuxũ ñaxü̃chiga yixĩxü̃. Rü yema naéga rü ñanagürü: “Taxü̃ne ya Babirónia i norü mama ixĩxü̃ne i ngẽma ngexü̃gü i naxü̃nemaxã taxegüxü̃ rü ngẽma ãũãchixü̃ i ñoma i naanewa ngẽxmagüxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:2

Rü tagaãcü ñanagürü: “Marü nagu narüchixe. Marü nagu narüchixe ya yima ĩane ya taxü̃ne ya Babirónia. Rü ñu̱xma rü ngo̱xogüchiü̃ nixĩ rü naguxü̃raü̃xü̃ i naãxẽ i chixexü̃güchiü̃ nixĩ. Rü ñu̱xma rü ngẽxma naxãchiü̃ i naguxü̃raü̃xü̃ i ngurucugü rü werigü i chixexü̃ i duü̃xü̃gü naxchi aiexü̃.