Nüxíraxü̃xü̃ ga popera ga Pedru ümatüxü̃ 4:18 - Tupanaarü Ore

¹⁸ Erü Tupanaarü ore i ümatüxü̃wa rü ñanagürü: “Ngẽma duü̃xü̃gü i mexü̃ ügüxü̃ rü guxchaãcüma nanayauxgü i maxü̃ i taguma gúxü̃. Rü ñu̱xma nax ngẽmaãcü yixĩxü̃, ¿rü ñuxãcü tá nüxü̃ nangupetüxü̃ i ngẽma chixexü̃ ügüxü̃ rü pecaduã̱xgüxü̃?” ñanagürü.

Nüxíraxü̃xü̃ ga popera ga Pedru ümatüxü̃ 4:18 Iomraidhean Croise

Naanearü ügüchiga 13:13

Rü guma ĩanewa nixĩ ga guxü̃ma ga duü̃xü̃gü ga yachixecümaxüchixü̃ rü poraãcü chixexü̃ naxügüxü̃ ga Tupanape̱xewa.

Ucu̱xẽgüchiga 11:31

Ngẽma duü̃xü̃gü i mexü̃gu maxẽxü̃ rü ñoma i naanewa tá nanayauxgü i natanü naxca̱x i ngẽma mexü̃ i naxügüxü̃. Rü ngẽxgumarüxü̃ ta i ngẽma duü̃xü̃gü i chixexü̃gu maxẽxü̃, rü tá nanayauxgü i natanü naxca̱x i norü chixexü̃ i naxügüxü̃.

Yeremía 25:29

Rü tá ichanaxügü nax chorü ĩane ya Yerucharéü̃ca̱x íchananguxẽxẽxü̃ i poxcu. ¿Rü pema nagu perüxĩnüegu rü taxũtáma pexü̃ chapoxcue? Natürü aixcüma tá pepoxcue, erü guxü̃ma i ñoma i naanewa maxẽxü̃ i duü̃xü̃güca̱x tá íchananguxẽxẽ i dai. Rü chomatama ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma!’ ” ñanagürü.

Echequié 18:24

Natürü ngẽxguma chi wüxi i duü̃xü̃ i mea maxchiréxü̃ nüxü̃ rüxoxgu nax mea namaxü̃xü̃, rü naxüãxgu i guxü̃ma i chixexü̃ i tama namaxã chataãẽxü̃ ¿rü namexü̃ yixĩxü̃ nax tama napoxcuxü̃? Rü pemaxã nüxü̃ chixu rü tá napoxcu. Rü guxü̃ma ga yema mexü̃ ga noxri naxüxü̃ rü choma rü tá nüxü̃ icharüngüma. Rü nüma rü tá nayu nagagu i ngẽma norü chixexü̃gü. Rü choma ya Cori ya Tupana nixĩ i ngẽma ñachaxü̃.

Chacaría 13:9

Rü ngẽma duü̃xü̃gü i íyaxügüxü̃ rü tá nüxü̃ chaxü, ñoma diẽrumü i üxüwa idexexü̃ nax ínayixü̃ca̱x i norü ãũãchixü̃rüxü̃. Rü ñoma úiru i üxüwa idexexü̃ nax ínayixü̃ca̱x i norü ãũãchixü̃rüxü̃ tá nüxü̃ chaxü i ngẽma duü̃xü̃gü. Rü ngẽxguma i nümagü rü tá choxna nacagüe rü choma rü tá chanangãxü̃. Rü ñachagürü tá: “Nümagü rü chorü duü̃xü̃gü nixĩgü”, ñachagürü. Rü nümagü rü ñanagürügü tá: “Nüma ya Cori rü tórü Tupana nixĩ”, ñanagürügü tá. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ore i mexü̃ ga Luca ümatüxü̃ 15:1

Rü Ngechuchuca̱x naxĩ ga muxü̃ma ga duü̃xü̃gü ga Rómaarü ãẽ̱xgacüca̱x diẽru ngĩxü̃ ideetanüxü̃, rü duü̃xü̃gü ga chixexü̃ ga nacümagu ĩxü̃, yerü nüxü̃ naxĩnüechaü̃ ga norü ore.

Ore i mexü̃ ga Luca ümatüxü̃ 23:31

Rü ñu̱xma nax ñaa chixexü̃ chomaxã naxügüxü̃ woo taxuxü̃ma i chixexü̃ chaxüchiréxü̃, ¿rü ñuxãcü tá namaxã nachopetü i ngẽma duü̃xü̃gü i aixcüma chixexü̃ ügüxü̃? —ñanagürü ga Ngechuchu.

Ngechuchuarü ngúexü̃gü ga yamugüxü̃arü puracüchiga 14:22

Rü gumá ĩanegüwa rü yema yaxõgüxü̃xü̃ nixucu̱xẽgü, rü nüxü̃́ nanangúchaü̃xẽẽgü nax guxü̃guma mea yaxõgüãxü̃ca̱x. Rü namaxã nüxü̃ nixugüe, rü ñanagürügü: —Ngẽma Tupana ãẽ̱xgacü ixĩxü̃wa nax ixücuxü̃ca̱x, rü tanaxwa̱xe i muxü̃ma i guxchaxü̃gümaxã yáxna taxĩnüexü̃ i ñoma i naanewa —ñanagürügü.

Ngechuchuarü ngúexü̃gü ga yamugüxü̃arü puracüchiga 27:24

Rü ñanagürü choxü̃: “¡Taxṹ i cumuü̃xü̃, Pa Paurux! Erü Rómaarü ãẽ̱xgacü ya Chécharupe̱xewa tá cungu, rü cugagu tá Tupana nanamaxẽxẽxẽ i guxü̃ma i ngẽma cumücügü i cumaxã ngẽxma wapurugu ĩxü̃”, ñanagürü choxü̃.

Ngechuchuarü ngúexü̃gü ga yamugüxü̃arü puracüchiga 27:31

Natürü ga Pauru rü churaragüarü capitáü̃maxã rü norü churaragümaxã nüxü̃ nixu rü ñanagürü: —Ngẽxguma ñaa marinérugü rü taxũtáma nuxã wapurugu nachoxgu, rü guxãma i pema rü tá peyue —ñanagürü.

Romanos 1:18

Rü Tupana rü norü numaxã daxũguxü̃ i naanewa ne nanamu i norü poxcu naxca̱x i guxü̃ma i ngẽma duü̃xü̃gü i tama naga ĩnüexü̃ rü chixexü̃gu maxẽxü̃ rü ngẽma norü chixexü̃maxã togüaxü̃́ naguxchaxẽẽgüxü̃ nax tama yaxõgüãxü̃ca̱x i ngẽma ore i aixcüma ixĩxü̃.

Romanos 5:6

Rü yexguma taxucürüwama yigütama imaxẽxẽẽgu, rü nawa nangu nax Tupana yanguxẽẽxü̃ ga yema norü uneta. Rü yexguma nixĩ ga ñoma ga naanewa namuaxü̃ ga Cristu nax pecaduã̱xgüxü̃ca̱x nayuxü̃ca̱x.

Romanos 5:8

Natürü Tupana tüxü̃ nüxü̃ nadauxẽxẽ nax tüxü̃ nangechaü̃xü̃ yerü yexguma ipecaduã̱xgügu nixĩ ga taxca̱x nayuxü̃ ga Cristu.

1 Corintios 10:12

Rü ngẽmaca̱x ya yíxema tügügu rüxĩnüxe nax tamexü̃, rü name nixĩ nax mea tügüna tadauxü̃ nax tama chixexü̃gu tanguxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:9

Nüxü̃ tacua̱xgü rü guxü̃ma i ngẽma mugü rü tama duü̃xü̃gü i mexü̃ ügüxü̃ca̱x nixĩ. Rü ngẽma mugü rü naxca̱x nixĩ i ngẽma duü̃xü̃gü i tama irüxĩnüechaü̃xü̃, rü ngẽma tama norü ãẽ̱xgacüga ĩnüexü̃, rü ngẽma chixexü̃gu maxẽxü̃, rü ngẽma pecaduã̱xgüxü̃, rü ngẽma tama Tupanaga ĩnüexü̃, rü ngẽma nanatüxü̃ rüẽ̱xna naéxü̃ ima̱xgüxü̃, rü guxü̃ma i ngẽma máetagüxü̃, rü ngẽma naxü̃nearü ngúchaü̃we rüxĩxü̃, rü ngẽma yatügü i naxrüxü̃ yatüxü̃maxã maxẽxü̃ rü ngẽma ngexü̃gü i naxrüxü̃ ngẽxü̃maxã maxẽxü̃, rü ngẽma mugüruü̃gümaxã taxegüxü̃, rü ngẽma idorata̱xaxgüxü̃, rü ngẽma ãẽ̱xgacügüpe̱xewa idoragüxü̃, rü guxü̃ma i ngẽma chixexü̃ ügüxü̃ na̱xcha̱xwa i ngẽma ngu̱xẽẽtae i mexü̃.

Popera ga Yudíugü ga yaxõgüxü̃ca̱x ümatüxü̃ 4:1

Rü ngẽmaca̱x i ñu̱xma nax Tupana tamaxã ixunetaxü̃ nax nügüxü̃tawa tá tüxü̃ yachocuxẽẽxü̃ nax ngẽxma rüngü̃ẽxü̃ca̱x, rü tanaxwa̱xe i taxũãẽgü, nax tama ngürüãchi wüxíe i tatanüwa tama ngẽxma taxücuxü̃.

Popera ga Chantiágu ümatüxü̃ 5:6

Rü pema penapoxcue rü penadai i ngẽma duü̃xü̃gü i taxuxü̃ma i chixexü̃ pemaxã üchiréxü̃. Rü nümagü rü pexü̃ narüturamaegü, rü taxuacüma nügü ínapoxü̃gü.

Nüxíraxü̃xü̃ ga popera ga Pedru ümatüxü̃ 5:8

Rü name nixĩ i guxü̃guma pegüna pedaugü rü ípexuãẽgü, erü perü uanü i Chataná rü ñoma wüxi ya leóü̃ ya idüraxüchicürüxü̃ nanañaane rü tümaca̱x nadau nax texéxü̃ tá chixexü̃gu nanguxẽẽxü̃.

Norü taxre ga popera ga Pedru ümatüxü̃ 3:7

Natürü ngẽma ñu̱xma daxũwa ngẽxmaxü̃ rü ñoma i naane i ñu̱xma ngẽxmaxü̃ rü Tupana marü namaxã nanaxuegu nax üxüwa tá yaxaexü̃. Rü ngẽma ngunexü̃ ya Tupana nagu unetaxü̃ nax duü̃xü̃güxü̃ yacagüxü̃ rü napoxcueãxü̃ i ngẽma duü̃xü̃gü i chixexü̃gu maxẽxü̃, rü ngẽma ngunexü̃gu rü yima üxüwa tá nixĩ i ínaguxü̃ i ñoma i naane rü ngẽma daxũwa ngẽxmagüxü̃.

1 Chamué 15:18

Rü yexguma rü cuxca̱x choxna naxãga nax cuyada̱i̱xü̃ca̱x i guxü̃ma i ngẽma Amaréxtanüxü̃ i chixexü̃gu imaxẽxü̃ rü taxuxü̃táma nax ícuyaxüxẽẽxü̃ca̱x.