Nüxíraxü̃xü̃ ga popera ga Pedru ümatüxü̃ 4:11 - Tupanaarü Ore

¹¹ Rü yíxema nüxü̃ cuáxe nax mea tidexaxü̃, rü name nixĩ nax Tupanaarü orexü̃ tixuxü̃. Rü ngẽxguma texé tüxü̃́ nangẽxmagu i cua̱x nax togüxü̃ tarüngü̃xẽẽxü̃, rü name nixĩ i ngẽma pora ya Tupana tüxna ãxü̃maxã nüxü̃ tarüngü̃xẽxẽ. Rü guxü̃ma i ngẽma pexüxü̃ rü name nixĩ i meama penaxü nax ngẽmaãcü Ngechuchu ya Cristugagu Tupanaxü̃ picua̱xüü̃güxü̃ca̱x. Erü nüma ya Tupana rü guxü̃guma naxüüne rü naporaxüchi. Rü ngẽmaãcü yixĩ.

Nüxíraxü̃xü̃ ga popera ga Pedru ümatüxü̃ 4:11 Iomraidhean Croise

Wiyaegü 145:13

Rü cuma rü guxü̃guma ãẽ̱xgacü quixĩ rü guxü̃gutáma namaxã icucua̱x i guxü̃ma.

Ichaía 8:20

Rü ngẽmaãcü tá tanayaxu i wüxi i ucu̱xẽ rüe̱xna wüxi i ore i tüxü̃́ mexü̃ —ñanagürügü tá. Natürü woo ngẽma ñaxgu pexü̃, ¡rü taxṹ i naga pexĩnüexü̃ i ngẽma pemaxã nüxü̃ yaxuxü̃! Erü ngẽma nagu naxĩnüxü̃ rü wüxi i doramare nixĩ.

Yeremía 23:22

Rü ngẽxguma chi nüxü̃ nacua̱xgügu i chorü ĩnü, rü chorü duü̃xü̃gümaxã chi nüxü̃ nixugüe i ngẽma chorü ore rü chi norü chixexü̃na nayaxĩgachitanüxẽxẽ rü chi ngẽmaãcü nüxü̃ narüxoe i ngẽma nacümagü i chixexü̃ —ñanagürü.

Danié 4:3

Rü nataxüchi i ngẽma mexü̃gü i norü poramaxã naxüxü̃ rü ngẽma cua̱xruü̃gü i tüxü̃ nawéxü̃. Rü nüma rü guxü̃guma ãẽ̱xgacü nixĩ, rü ngẽma norü pora rü tataagüwa ninguchigü.

Danié 4:34

—Rü yexguma marü yanguxgu ga gumá 7 ga taunecü nax Tupana choxü̃ poxcuxü̃, rü choma ga Nabucudonochó rü dauxü̃gu chadawenü rü nüxü̃ chicua̱xãchi nax cha̱u̱xca̱x mea yataanexü̃ nawa ga nax chaxãũãẽxü̃. Rü ñu̱xũchi mexü̃ nachigaxü̃ chixu ya yimá Tupana ya Guxãétüwa Ngẽxmacü ya guxü̃guma maxü̃cü. Rü ñaa dexamaxã nüxü̃ chicua̱xüxü̃ rü ñachagürü: “Pa Tupanax, curü pora rü taguma inayacua̱x rü cuma rü guxü̃gutáma ãẽ̱xgacü quixĩ.

Danié 7:14

Rü nüma ga guma Ãẽ̱xgacü rü namaxã nataãxẽ rü pora nüxna naxã nax ñoma i naanemaxã inacuáxü̃ca̱x. Rü guxü̃ma i ñoma i naanecüã̱x i duü̃xü̃gü i to i nagawa idexagüchigüxü̃ rü tá nüxü̃ nicua̱xü̃gü. Rü nüma rü guxü̃guma Ãẽ̱xgacü nixĩ rü tagutáma inayacua̱x nax Ãẽ̱xgacü yixĩxü̃.

Ore i mexü̃ ga Matéu ümatüxü̃ 6:13

¡Rü toxna nadau nax tama chixexü̃gu tayixü̃ca̱x! ¡Rü naxme̱xwa toxü̃ ínanguxü̃xẽxẽ i ngẽma chixexü̃arü üruxü̃! Erü cuma rü guxü̃guma torü ãẽ̱xgacü quixĩ, rü guxü̃étüwa cungexma, rü cumecümaxü̃chi. Améü̃’.

Ore i mexü̃ ga Cuáü̃ ümatüxü̃ 13:31

Rü yexguma Yúda íxũxguwena, rü Ngechuchu rü ñanagürü: —Rü ñu̱xma rü tá nango̱x i norü pora ya Tupana Nane ya duü̃xü̃xü̃ ixĩcü. Rü yimáwa tá nixĩ i nango̱xẽẽãxü̃ ya Tupana i norü pora.

Ngechuchuarü ngúexü̃gü ga yamugüxü̃arü puracüchiga 7:38

Rü nümatama ga Moiché nixĩ ga nũxcümaü̃güxü̃ ga tórü o̱xigümaxã nangutaque̱xexü̃ ga yema chianexü̃wa. Rü tórü o̱xigümaxã nayexma ga Chinaí ga ma̱xpǘnewa ga yexguma namaxã yadexaxgu ga Tupanaarü orearü ngeruxü̃ ga daxũcüã̱x. Rü nümatama ga Moiché nixĩ ga naya̱u̱xãxü̃ ga Tupanaarü ore i maxẽxẽẽruxü̃ nax nüxĩ́ tüxna naxããxü̃ca̱x.

Romanos 11:36

Erü guxü̃ma i ta̱xacü i ngẽxmaxü̃ rü Tupana nanaxü. Rü nagagu nixĩ ga nangóxü̃. Rü nügüca̱x nixĩ ga naxüaxü̃. Rü name nixĩ i guxü̃guma nüxü̃ ticua̱xüü̃gü. Rü ngẽmaãcü yixĩ.

Romanos 12:3

Rü Tupana ya chomaxã mecümacü, rü choxü̃ namu nax pemaxã nüxü̃ chixuxü̃ca̱x i guxãma i pemax nax tama namexü̃ nax texé i petanüwa tügü írütaxü̃ rü tügügu tarüxĩnüxü̃ nax togüarü yexera tixĩxü̃. Natürü name nixĩ nax wüxichigü mea tügü ngugüarü maxü̃ã́xü̃ rü tügügu rüxĩnüxü̃ nax Tupana yixĩxü̃ i tüxna naxãxü̃ i tümaarü cua̱x wüxigu namaxã i tümaarü õ.

Romanos 16:27

¡Rü ngĩxã guxü̃gutáma Ngechuchu ya Cristuégagu nüxü̃ ticua̱xüü̃gü ya Tanatü ya Tupana ya nüxicatama Tupana ixĩcü rü nüxicatama nüxü̃ cuácü! Rü ngẽmaãcü yixĩ.

Romanos 3:2

Rü poraãcüxüchima tüxü̃́ name nax Yudíugü ixĩgüxü̃. Yerü nüma ga Tupana rü tüxnaxíra nixĩ ga naxããxü̃ ga norü ore.

1 Corintios 10:31

Dücax, pemaxã nüxü̃ chixu rü name nixĩ i guxü̃ma i ngẽma pexüxü̃maxã Tupanaxü̃ picua̱xüü̃gü. Rü ngẽxguma ta̱xacü pengõ̱xgügu, rüe̱xna ta̱xacü pixaxgügu rüe̱xna ta̱xacü i to pexügügu, rü name nixĩ i ngẽmamaxã Tupanaxü̃ picua̱xüü̃gü.

1 Corintios 12:4

Rü ngẽma yaxõgüxü̃tanüwa rü nangẽxma i natoraü̃chigüxü̃ i cua̱x. Natürü wüxitama nixĩ i ngẽma Naãxẽ ya Üünexü̃ i tüxna naxãxü̃ i ngẽma cua̱x.

1 Corintios 3:10

Rü choma nixĩ ga Tupana choxü̃ muxü̃ nax chaxíra pemaxã nüxü̃ chixuxü̃ca̱x ga Cristuchiga. Rü togü nixĩ ga chowena yexeraãcü pexü̃ ngúexẽẽxü̃. Natürü guxãma ya texé ya naxǘxe i ñaa puracü rü name nixĩ i taxuãxẽ nax mea tanaxüxü̃ca̱x.

1 Corintios 6:20

Erü Tupana rü marü pexca̱x nataxe rü poraãcü nüxü̃́ petatanü. Rü ngẽmaca̱x penaxwa̱xe i ngẽma pexenemaxã mea Tupanaca̱x pemaxẽ rü nüxü̃ picua̱xüü̃gü.

2 Corintios 2:17

Rü toma rü tama Tupanaarü oregu diẽru ngĩxü̃ tayaxu ngẽma muxü̃ma i togü naxügüxü̃rüxü̃. Natürü Tupanape̱xewa rü aixcüma mea nüxü̃ tixu i ngẽma norü ore, erü nüma toxü̃ nimugü rü Cristuarü tixĩgü.

2 Corintios 9:13

Rü nümagü i ngẽma taenexẽgü i Yudéaanewa ngẽxmagüxü̃ rü tá Tupanaxü̃ nicua̱xüü̃gü, erü ngẽma perü ãmaremaxã tá nüxü̃ penawe̱x nax aixcüma naga pexĩnüexü̃ i Cristuarü ore i mexü̃. Rü nümagü rü tá Tupanana moxẽ naxãgü naxca̱x i ngẽma perü ãmare i perü ngúchaü̃maxã nüxna pexãgüxü̃ rü guxü̃ma i ngẽma togü i yaxõgüxü̃na pexãgüxü̃.

Efesios 1:19

Rü ngẽxgumarüxü̃ ta nüxna naxca̱x chaca nax pexü̃ nüxü̃ nacua̱xẽẽxü̃ca̱x nax ñuxãcü naporaxüchixü̃ i norü pora i tawa ngẽxmaxü̃. Rü ngẽma poramaxã nixĩ ga yuwa Cristuxü̃ ínadaxẽẽxü̃ rü daxũguxü̃ ga naanewa nagaãxü̃ rü nügüarü tügünecüwawa yanatoxẽẽãxü̃.

Efesios 4:29

Rü tama name i chixexü̃ i oremaxã pidexagü. Rü name i ore i mexü̃maxãxicatama pidexagü nax ngẽma duü̃xü̃gü i pexü̃ ĩnüexü̃ yexeraãcü Tupanaga naxĩnüexü̃ca̱x rü nataãẽgüxü̃ca̱x.

Efesios 5:20

Rü name nixĩ i guxü̃guma tórü Cori ya Ngechuchu ya Cristuégagu Tanatü ya Tupanana moxẽ pexãgü naxca̱x i guxü̃ma i norü ngü̃xẽxẽ.

Efesios 6:10

Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.

Filipenses 1:11

Rü naxca̱x íchaca nax Ngechuchu ya Cristu pexü̃ rüngü̃xẽẽxü̃ca̱x nax aixcüma namexü̃ca̱x i perü maxü̃ rü aixcüma penaxüxü̃ca̱x i ngẽma Tupanape̱xewa mexü̃ nax ngẽmaãcü Tupanaga pexĩnüexü̃ca̱x rü nüxü̃ picua̱xüü̃güxü̃ca̱x.

Filipenses 2:11

Rü yemaacü Tupana ãẽ̱xgacüxü̃ nayaxĩxẽxẽ nax guxãma nüxü̃ ixuxü̃ca̱x nax tórü Cori yixĩxü̃ ya Ngechuchu ya Cristu rü ngẽmaãcü guxãma nüxü̃ icua̱xüü̃güxü̃ca̱x ya Tanatü ya Tupana.

Colosenses 4:6

Rü ngẽxguma togü i duü̃xü̃gümaxã pidexagügu, rü name nixĩ i penataãẽxẽxẽ namaxã i ngẽma dexa i namaxã nüxü̃ pixuxü̃. ¡Rü ngẽmaãcü mea penangãxü̃ i ngẽma pexna ca̱xü̃ nachiga i perü õ!

1 Tesalonicenses 2:4

Yerü Tupana nixĩ ga toxü̃ unetacü rü toxü̃ mucü nax pemaxã nüxü̃ tixuxü̃ca̱x ga norü ore i tüxü̃ maxẽxẽẽxü̃. Rü yemaca̱x Tupana naxwa̱xexü̃ãcüma pemaxã nüxü̃ tixu ga yema ore. Rü tama duü̃xü̃güxü̃mare nax tataãẽxẽẽgüxü̃ca̱x pemaxã nüxü̃ tixu, natürü nüxü̃ tixu nax Tupanaxü̃ tataãẽxẽẽgüxü̃ca̱x. Rü nüma ya Tupana nixĩ i nangugüãxü̃ i ngẽma nagu rüxĩnüexü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:17

Rü ñu̱xma tanaxwa̱xe i guxü̃gutáma nüxü̃ ticua̱xüü̃gü rü tanataxẽẽgü ya yimá nüxicatama Tupana ixĩcü. Rü woo tama nüxü̃ tadaugü i ñu̱xma, natürü nüma rü guxü̃guma Tupana nixĩ. Rü ngẽmaãcü yixĩ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:16

Rü nüxicatama nixĩ i guxü̃guma namaxechaxü̃. Rü nüma rü poraãcü ínangóonexü̃wa namaxü̃, rü taxucürüwa texé ngẽma ngóonexü̃na tangaicama. Taguma wüxi i duü̃xü̃ nüxü̃ nadau, rü taxuacüma texé nüxü̃ tadau. Rü name nax guxü̃ma nüxü̃ icua̱xüü̃güxü̃, erü nüma rü guxü̃guma Ãẽ̱xgacü nixĩ. Rü ngẽmaãcü yixĩ.

Popera ga Títoca̱x naxümatüxü̃ ga Pauru 2:1

Natürü i cumax, Pa Títox, rü name i guxü̃gutáma ngẽma mexü̃ i ngu̱xẽẽtaemaxã cunangúexẽxẽ.

Popera ga Títoca̱x naxümatüxü̃ ga Pauru 2:15

Rü ngẽma ore tá nixĩ i Tupanaarü poramaxã duü̃xü̃güxü̃ namaxã cungúexẽẽxü̃ rü nüxü̃́ cunangúchaü̃xẽẽxü̃ rü namaxã cunaxucu̱xẽxü̃ nax Tupanaca̱x namaxẽxü̃ca̱x. Rü tama name nax texé cuxü̃ oxü̃.

Popera ga Yudíugü ga yaxõgüxü̃ca̱x ümatüxü̃ 13:7

Rü name nixĩ i nüxna pecua̱xãchie ga gumá perü Tupanaarü orearü uruü̃gü ga noxri pemaxã icua̱xgücü rü pemaxã nüxü̃ ixugücü ga Tupanaarü ore. Rü name nixĩ i nagu perüxĩnüe nax ñuxãcü mea pepe̱xewa namaxẽxü̃ rü ñuxãcü mea yaxõgüãcüma nayuexü̃. Rü name nax nüxü̃ peyadauxü̃güxü̃ nawa i norü õ rü mea naxrüxü̃ pemaxẽxü̃.

Popera ga Yudíugü ga yaxõgüxü̃ca̱x ümatüxü̃ 5:12

Rü marü ñuxgumama nüxü̃ nax pecuáxü̃ i Tupanaarü orechiga, rü pema rü chi marü namaxã pengúexẽẽtae. Natürü i pema rü ñu̱xma rü ta penaxwa̱xe nax wena pemaxã tanango̱xẽẽxü̃ i ngẽma Tupanaarü ore i tauxchaxü̃ i nawa inaxügüxü̃ nax Tupanachigaxü̃ icuáxü̃. Rü tama nüxü̃ pecua̱xgüéga i ngẽma Tupanaarü ore i yexeraãcü tamaxã nüxü̃ ixuxü̃ i Cristuchiga. Rü ngẽmaãcü i pemax, rü ñoma õxchana i naégünenixü̃wa mãĩxü̃rüü̃tama pixĩgü.

Popera ga Chantiágu ümatüxü̃ 1:19

Rü guxãma i pemax, Pa Chauenexẽgü ya Pexü̃ Changechaü̃güxe, rü ngẽxguma texé pemaxã idexagu, rü name nixĩ i mea iperüxĩnüe. Rü tama name i penue rü tüxü̃ pechoxü̃gagü.

Popera ga Chantiágu ümatüxü̃ 1:26

Rü ngẽxguma chi wüxíe tügü ixuxgu nax wüxi i ore i mexü̃ tixõxü̃ natürü tama nüxna tada̱u̱xgu ya tümaarü conü, rü tügütama tawomüxẽxẽ rü taxuwama name i ngẽma ore i tixõxü̃.

Nüxíraxü̃xü̃ ga popera ga Pedru ümatüxü̃ 2:12

Rü name nixĩ i mea pemaxẽ nape̱xewa i ngẽma duü̃xü̃gü i tama Tupanaxü̃ cua̱xgüxü̃. Rü woo ñu̱xma chixri pechiga yadexagügu, natürü tá nüxü̃ nadaugü i ngẽma mexü̃ i pexügüxü̃, rü tá Tupanaxü̃ nicua̱xüü̃gü i ngẽma ngunexü̃ i nagu Tupana guxãxü̃ma icagüxü̃gu.

Nüxíraxü̃xü̃ ga popera ga Pedru ümatüxü̃ 2:5

Rü ngẽxgumarüxü̃ ta i pemax, rü Tupana pexü̃ nade nax napataarü nutagü ya maxẽcü pixĩgüxü̃. Rü pema nixĩ i Tupanaarü ngü̃xẽẽruü̃gü i üünexü̃ ya Ngechuchu ya Cristuégagu Tupanana ãmare pexãgüxü̃. Rü ngẽma ãmare i nüxna pexãgüxü̃ i namaxã nataãẽxü̃ rü ngẽma nixĩ i perü maxü̃.

Nüxíraxü̃xü̃ ga popera ga Pedru ümatüxü̃ 4:10

Rü wüxichigü i pemax, rü Tupana pexna nanaxã i perü cua̱x. Rü ngẽma cua̱x ya Tupana pexna ãxü̃maxã rü name nixĩ i wüxichigü pegü perüngü̃xẽẽgü.

Nüxíraxü̃xü̃ ga popera ga Pedru ümatüxü̃ 4:16

Natürü ngẽxguma texé Cristuaxü̃́ tayaxõxü̃gagu ngúxü̃ tingexgu, rü taxuca̱xma taxãnee. Rü name i ngẽmaca̱x Tupanaxü̃ ticua̱xüxü̃.

Nüxíraxü̃xü̃ ga popera ga Pedru ümatüxü̃ 5:11

Rü ngẽmaca̱x name i guxü̃guma nüxü̃ ticua̱xüü̃gü ya Tupana ya Guxü̃étüwa Ngẽxmacü. Rü ngẽmaãcü yixĩ.