Nüxíraxü̃xü̃ ga popera ga Pedru ümatüxü̃ 4:10 - Tupanaarü Ore

¹⁰ Rü wüxichigü i pemax, rü Tupana pexna nanaxã i perü cua̱x. Rü ngẽma cua̱x ya Tupana pexna ãxü̃maxã rü name nixĩ i wüxichigü pegü perüngü̃xẽẽgü.

Nüxíraxü̃xü̃ ga popera ga Pedru ümatüxü̃ 4:10 Iomraidhean Croise

Ore i mexü̃ ga Matéu ümatüxü̃ 20:28

Yerü Tupana Nane ya duü̃xü̃xü̃ ixĩcü rü tama nüxü̃ nangü̃xẽẽgüxü̃ca̱x núma naxũ. Natürü núma naxũ nax duü̃xü̃güxü̃ yanangü̃xẽẽxü̃ca̱x rü naxca̱x inaxããxü̃ca̱x i norü maxü̃, nax ngẽmaãcü muxü̃ma i duü̃xü̃güarü maxü̃ naxütanüxü̃ca̱x —ñanagürü.

Ore i mexü̃ ga Matéu ümatüxü̃ 24:14

Rü ngẽma Tupanaarü ore i mexü̃ rü guxü̃ i naanewa tá nüxü̃ nixugügü nax guxü̃ i duü̃xü̃gü nüxü̃ nacua̱xgüxü̃ca̱x. Rü ngẽmawena tá nixĩ i nagúxü̃ i naane.

Ore i mexü̃ ga Matéu ümatüxü̃ 24:21

Erü ngẽma ngunexü̃gügu rü poraãcü tá nangẽxma i ngúxü̃ ga noxri naane ixügügumama taguma yexmaxü̃, rü ngẽmawena rü tagutáma wena nangẽxma.

Ore i mexü̃ ga Matéu ümatüxü̃ 24:45

¿Rü texé tixĩxü̃ ya tümaarü coriarü duü̃xü̃ ya aixcüma yanguxẽẽ́xẽ rü tümaãẽxü̃ cuáxe? ¿Tama ẽ̱xna yíxema tixĩxü̃ ya tümaarü cori tüxna ãgaxe nax mea nüxna tadauxü̃ca̱x rü mea oragu tanachibüexẽxẽxü̃ca̱x i norü duü̃xü̃gü?

Ore i mexü̃ ga Matéu ümatüxü̃ 25:17

Rü yexgumarüxü̃ ta ga yema norü duü̃xü̃ ga 2,000 tachinü ga diẽru ngĩxü̃ yaxuxü̃, rü ngĩmaxã napuracü, rü nai ga 2,000 tachinü ngĩmaxã nayaxu.

Ore i mexü̃ ga Matéu ümatüxü̃ 25:44

Rü ngẽxguma i nümagü rü ñanagürügü tá: “Pa Corix, ¿Ñuxgu ga cuxü̃ tadaugüxü̃ ga nax cutaiyaxü̃, rü ẽ̱xna nax quita̱xawaxü̃, rü ẽ̱xna nax cungexchiruxü̃, rü ẽ̱xna quida̱xawexü̃, rü ẽ̱xna poxcupataü̃wa nax cuyexmaxü̃, rü tama cuxü̃ tarüngü̃xẽxẽgüxü̃?” ñanagürügü tá.

Ore i mexü̃ ga Márcu ümatüxü̃ 10:45

Rü woo ya Tupana Nane ya duü̃xü̃xü̃ ixĩcü, rü tama nüxü̃ nangü̃xẽẽgüxü̃ca̱x núma naxũ. Natürü núma naxũ nax duü̃xü̃güxü̃ yanangü̃xẽẽxü̃ca̱x rü naxca̱x inaxããxü̃ca̱x i norü maxü̃, nax ngẽmaãcü muxü̃ma i duü̃xü̃güarü maxü̃ naxütanüxü̃ca̱x —ñanagürü.

Ore i mexü̃ ga Luca ümatüxü̃ 12:42

Rü ñanagürü ga Cori ga Ngechuchu: —¿Rü texé tixĩxü̃ ya yíxema tümaarü coriarü duü̃xẽ ya mea yanguxexẽ́xẽ i tümaarü puracü rü mea tümaãẽxü̃ cuáxe rü tümaarü cori tüxna ãgaxe nax mea nüxna tadauxü̃ca̱x i norü duü̃xü̃gü rü mea oragu tanachibüexẽẽxü̃ca̱x?

Ore i mexü̃ ga Luca ümatüxü̃ 19:13

Rü naxü̃pa nax inaxũãchixü̃, rü naxca̱x nangema ga 10 ga norü duü̃xü̃gü. Rü wüxichigüna ngĩxü̃ naxã ga tacü ga diẽru. Rü ñanagürü nüxü̃: “¡Ngĩmaxã pepuracüe rü ngĩxü̃ pimuxẽxẽ i ñaa diẽru ñu̱xmatáta chataegu!” ñanagürü.

Ore i mexü̃ ga Luca ümatüxü̃ 8:3

Rü yéma iyexma ta ga Cuána ga Cúchu naxma̱x. Rü Cúchu nixĩ ga ãẽ̱xgacü ga Eródearü ngü̃xẽẽruxü̃. Rü yéma iyexmagü ta ga Chuchána rü mucüma ga náigü ga ngecügü ga ngĩrü diẽrumaxã Ngechuchuxü̃ rüngü̃xẽẽgücü.

Romanos 15:25

Natürü i ñu̱xma rü Yerucharéü̃wa tá chaxũ, nax ngéma chanangexü̃ca̱x i ñuxre i diẽru naxca̱x i taenexẽgü i ngéma ngẽxmagüxü̃.

Romanos 15:27

Rü ngẽma taenexẽgü i Machedóniacüã̱x rü Acáyacüã̱x rü norü me nixĩ nax ngẽmaãcü naxügüãxü̃. Rü ngẽma duü̃xü̃gü rü aixcüma nüxü̃́ nangẽxma i norü ngetanü i taenexẽgü i Yudíugütanüwa. Erü ngẽma taenexẽgü i Yudíugügagu nixĩ i ngẽma togü i duü̃xü̃gütanüwa nanguxü̃ i Tupanaarü ore. Rü ñu̱xma rü name nixĩ i ngẽma togü i duü̃xü̃gü rü norü ngẽmaxü̃maxã taenexẽgü i Yudíugü i yaxõgüxü̃xü̃ narüngü̃xẽẽgü.

1 Corintios 15:10

Natürü ga Tupana rü chomaxã namecüma, rü ngẽmaca̱x i ñu̱xma rü choxü̃ pedau nax ta̱xacü chixĩxü̃ rü ñuxãcü nax chixĩxü̃. Rü yema chomaxã nax namecümaxü̃ rü tama natüca̱xma nixĩ. Yerü choma rü guxü̃ ga togü ga yamugüxü̃arü yexera chanaxü ga Tupanaarü puracü. Natürü tama chauechama chanaxü ga yema puracü, natürü Tupana ga chomaxã mecümacü rü chomaxã puracücü nixĩ ga naxücü ga yema puracü nax nüxü̃ chixuxü̃ca̱x ga norü ore.

1 Corintios 3:10

Rü choma nixĩ ga Tupana choxü̃ muxü̃ nax chaxíra pemaxã nüxü̃ chixuxü̃ca̱x ga Cristuchiga. Rü togü nixĩ ga chowena yexeraãcü pexü̃ ngúexẽẽxü̃. Natürü guxãma ya texé ya naxǘxe i ñaa puracü rü name nixĩ i taxuãxẽ nax mea tanaxüxü̃ca̱x.

1 Corintios 4:7

Rü ñu̱xma rü cuxna chaca, ¿rü texé tixĩ ya yíxema togüarü yexera cuxü̃ ixĩxexẽ́xẽ? Rü guxü̃ma i ngẽma cuxü̃́ ngẽxmaxü̃ rü Tupana nixĩ ya cuxna naxãcü. Rü ñu̱xma nax Tupana cuxna naxãxü̃ i ngẽma cuxü̃́ ngẽxmaxü̃ ¿rü tü̱xcüü̃ cugü quicua̱xüxü̃ ñoma cumatama cugüna cunaxãxü̃rüxü̃?

2 Corintios 6:1

Rü ñu̱xma nax Tupanaarü ngü̃xẽẽruü̃gü tixĩgüxü̃, rü pexü̃ taca̱a̱xü̃ nax tama nüxü̃ pexoexü̃ca̱x ga yema ngechaü̃ ga Tupana pexca̱x ixãxü̃.

2 Corintios 9:1

Rü taxuca̱xma tü̱xcüü̃ pexca̱x chanaxümatü ngĩchiga i ngẽma diẽru i ngĩxü̃ penutaque̱xegücü naxca̱x i ngẽma taenexẽgü i yaxõgüxü̃ i Yerucharéü̃wa ngẽxmagüxü̃.

Efesios 3:8

Rü chaugüca̱x rü choma nixĩ i guxü̃ i Tupanaarü duü̃xü̃güarü ñaxtüwaama chaxüxü̃. Natürü Tupana choxü̃ nangechaü̃ rü choxna nanaxã i ngẽma puracü i mexü̃ nax ngẽma tama Yudíugü ixĩgüxü̃maxã nüxü̃ chixuxü̃ca̱x ga yema mexü̃gü ga taguma iyagúxü̃ ga taxca̱x naxüxü̃ ga Cristu.

Efesios 4:11

Rü nümatama nixĩ ga guxema norü duü̃xẽgüna naxããxü̃ ga tümaarü cua̱x rü tümaarü puracü. Rü tüxü̃ naxuneta ga ñuxre nax tóxnamana norü orexü̃ tayarüxugüxü̃ca̱x. Rü toguegü rü tüxna nanaxã ga cua̱x nax duü̃xü̃gümaxã nüxü̃ tixuxü̃ca̱x i ngẽma norü ore. Rü toguegü rü tüxna nanaxã ga cua̱x nax duü̃xü̃güaxü̃́ tanangúchaü̃xẽẽxü̃ i Tupanaarü ore nax yaxõgüãxü̃ca̱x. Rü toguegü rü tüxna nanaxã ga cua̱x nax ngẽma yaxõgüxü̃arü dauruü̃gü tixĩgüxü̃ca̱x. Rü toguegü rü tüxna nanaxã ga cua̱x nax norü oremaxã tangúexẽẽtaegüxü̃ca̱x.

Norü taxre ga popera ga Timutéuca̱x naxümatüxü̃ ga Pauru 1:18

Cuma meama nüxü̃ cucua̱x nax poraãcü tüxü̃ nangü̃xẽẽxü̃ ga Onechíferu ga Epéchiuarü ĩanewa. Rü ngẽmaca̱x chorü yumüxẽwa naxca̱x íchaca nax Tupanaaxü̃́ nangechaü̃tümüxü̃xü̃ca̱x i ngẽxguma wena ñoma i naanewa naxũxgu ya tórü Cori ya Ngechuchu.

Popera ga Títoca̱x naxümatüxü̃ ga Pauru 1:7

Erü yíxema yaxõgüxü̃arü ãẽ̱xgacü ixĩxẽ, rü Tupanaarü puracümaxã nixĩ i tacuáxü̃. Rü ngẽmaca̱x tanaxwa̱xe i aixcüma mea tamaxü̃. Rü tama name i wüxi i yatü i chixecümaxü̃ tixĩ rü chixexü̃gu rüxĩnüxü̃ tixĩ. Rü tama name nax tangãxü̃xü̃, rü nuca̱x tadauxü̃, rü duü̃xü̃güxü̃ tawomüxẽẽxü̃ norü diẽruca̱x.

Popera ga Yudíugü ga yaxõgüxü̃ca̱x ümatüxü̃ 6:10

Erü nüma ya Tupana rü aixcümacü nixĩ. Rü nüma rü taxũtáma nüxü̃ inayarüngüma ga yema mexü̃ ga pexüxü̃ rü ñuxãcü taenexẽgü i yaxõgüxü̃xü̃ nax pengechaü̃güxü̃ ga yexguma nüxü̃ perüngü̃xẽẽgügu, ngẽma ñu̱xma ípenaxüxü̃rüü̃tama.

Nüxíraxü̃xü̃ ga popera ga Pedru ümatüxü̃ 5:10

Natürü ngẽxguma paxaãchi ñoma i naanewa ngúxü̃ pingegüguwena, rü Tupana rü tá pexü̃ nimexẽxẽ nax aixcüma nape̱xewa pimexü̃ca̱x. Rü woo guxchaxü̃gü pexca̱x ínguxgu, rü tá pexü̃ narüngü̃xẽxẽ nax peyaxõgüamaxü̃ca̱x, rü tá pexü̃ naporaexẽxẽ nax ngẽmaãcü taxuca̱xma pemuü̃exü̃ca̱x. Rü nümatama ya Tupana nixĩ i norü ngechaü̃gagu pexü̃ nadexü̃ nax guxü̃guma naxü̃tawa pexü̃́ nangẽxmaxü̃ca̱x i pechica, erü Ngechuchu ya Cristuaxü̃́ peyaxõgü.

Nüxíraxü̃xü̃ ga popera ga Pedru ümatüxü̃ 5:12

Taenexẽ ya Chilbánu ya mea yaxõcüarü ngü̃xẽẽmaxã pexca̱x chanaxümatü i ñaa nuxmarexü̃ i popera nax pexü̃ chixucu̱xẽgüxü̃ca̱x rü pemaxã nüxü̃ chixuxü̃ca̱x nax ngẽma Tupanaarü ngü̃ẽxẽ i pexna naxãxü̃ rü wüxi i cua̱xruxü̃ nixĩ nax poraãcü pexü̃ nangechaü̃xü̃. Rü name nixĩ i taguma nüxü̃ perüngü̃maexü̃ nax pexü̃ nangechaü̃xü̃.