Nüxíraxü̃xü̃ ga popera ga Pedru ümatüxü̃ 3:4 - Tupanaarü Ore

⁴ Natürü name nixĩ i perü maxü̃wa pegü pimexẽxẽgü rü guxü̃ma i duü̃xü̃gümaxã pimecümagü rü taguma texémaxã penuãẽgü, erü ngẽma nixĩ i perü mexü̃ i taguma iyarüxoxü̃ i aixcüma mexü̃ i Tupanape̱xewa.

Nüxíraxü̃xü̃ ga popera ga Pedru ümatüxü̃ 3:4 Iomraidhean Croise

Wiyaegü 131:2

Natürü chachianemare rü ñoma wüxi i buxü̃ i maiwa nüxü̃ rüchauxü̃ i naéchacüxü caxü̃rüxü̃ charümeweemare. Rü ngẽmaãcü wüxi i buxü̃ i ngexwaca maiwa rüchauxü̃rüxü̃ chixĩ.

Wiyaegü 147:6

Rü nüma rü nüxü̃ narüngü̃xẽxẽ i ngẽma duü̃xü̃gü i tama nügü icua̱xüü̃güxü̃ natürü nanaxãneexẽxẽ i ngẽma chixexü̃ ügüxü̃.

Wiyaegü 149:4

Erü nüma ya Cori ya Tupana rü namaxã nataãxẽ i norü duü̃xü̃gü i nüxü̃ icua̱xüü̃güxü̃. Rü nüma rü tüxü̃ namaxẽxẽxẽ ya yíxema tama tügü icua̱xüxü̃güxe.

Wiyaegü 25:9

Rü nügücümagu tüxü̃ naxĩxẽxẽ ya yíxema tama tügü icua̱xüü̃güxe, rü mexü̃wa tüxü̃ nagagü.

Wiyaegü 45:13

Rü ngẽxguma yaxücugu i ngẽma pacü i meama nga̱xãẽcü, rü ngĩxchiru rü úirumaxã nanga̱xãxẽ.

Wiyaegü 51:6

Cuma rü nüxü̃ cungechaü̃ i ngẽma duü̃xü̃ i aixcüma nüxü̃ ixuxü̃ i norü pecadugü. Rü chauãẽwa cunanguxẽxẽ i cua̱x.

Ichaía 11:4

Rü yíxema tama nüxü̃ cua̱xgüxe nax tügü ítapoxü̃güxü̃ rü nüma rü tá nüxü̃ nacua̱x nax ñuxãcü mea tüxü̃́ namexẽẽãxü̃ i tümaarü guxchaxü̃. Rü tümaétüwa tá nachogü ya yíxema ngearü diẽruã̱xgüxe. Rü ngẽma norü ore rü ñoma wüxi i cua̱i̱xruü̃rüxü̃ tá nixĩ naxca̱x i ngẽma nuwa̱xexü̃ rü ma̱xgu rüxĩnüxü̃. Rü wüxi i cue ñaxü̃maxã tá nanayuxẽxẽ i ngẽma duü̃xü̃ i chixexü̃ üxü̃.

Ichaía 29:19

Rü ngẽma iraxü̃ nüxü̃́ ngẽxmagüxü̃ rü Cori ya Tupanamaxã tá nataãẽgü. Rü woo i ngẽma ngearü diẽruã̱xgüxü̃ rü tá Iraétanüxü̃arü Tupana ya üünecümaxã nataãẽgü.

Ichaía 57:15

Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Yeremía 51:59

Rü yexguma marü ãgümücü ga taunecü Yudáanearü ãẽ̱xgacü yixĩxgu ga Chedequía, rü Tupanaarü orearü uruxü̃ ga Yeremía rü Cheraíaxü̃ namu nax Babiróniawa nangeaxü̃ca̱x ga Tupanaarü ore ga Babiróniachiga. Rü nüma ga Cheraía rü Nería nane nixĩ rü Maachía nataxa nixĩ. Rü nüma ga Cheraía nixĩ ga ãẽ̱xgacü ga Chedequíaxü̃ íyaxümücüxü̃ ga yexguma Babiróniaanewa naxũxgu. Rü nüma nixĩ ga Chedequíaca̱x namexẽẽãxü̃ ga pechicagü ga nagu napexü̃ ga yexguma Babiróniaanewa naxũxgu ga Chedequía.

Ore i mexü̃ ga Matéu ümatüxü̃ 11:29

¡Rü ñu̱xũchi penayaxu i chorü ucu̱xẽgü rü naxca̱x pedauxü̃taegü i chaucüma! Erü choma rü yáxna pemaxã chaxĩnü rü tama chaugü chicua̱xüxü̃. Rü ngẽmaãcü tá nüxna iperüngügü i perü guxchaxü̃gü.

Ore i mexü̃ ga Matéu ümatüxü̃ 21:5

“¡Chióü̃cüã̱xgümaxã nüxü̃ pixu rü ñapegü! ‘¡Dücax ya perü ãẽ̱xgacü ya nua pexü̃tawa ũcü! Rü nüma rü tama nügü yacua̱xüü̃ãcü ínangu, rü wüxi i búruxacüétügumare naxaunagüãcü ínangu’ ”, ñanagürü ga yema ore.

Ore i mexü̃ ga Matéu ümatüxü̃ 23:26

Pa Parichéugü i Ñoma Ngexetüxü̃rüxü̃ Ixĩgüxü̃x, name nixĩ i pegü pimexẽxẽ i perü aixepewa i perü maxü̃wa. Rü ngẽxguma tá nixĩ i perü düxétüwa rü ta pimexü̃.

Ore i mexü̃ ga Matéu ümatüxü̃ 5:5

Tataãẽgü ya yíxema tama tügü icua̱xüxü̃güxe, erü tá tanayauxgü i ñoma i naane nax norü yixĩxü̃ca̱x.

Ore i mexü̃ ga Luca ümatüxü̃ 11:40

Pa Naechitamare Maxẽxü̃x, ¿tama ẽ̱xna nüxü̃ pecua̱x nax gumá Tupana ga naxücü i ngẽma tórü düxétüxü̃newa ngẽxmaxü̃, rü gumátama yixĩxü̃ ga naxücü ga tórü maxü̃ i tórü aixepewa ngẽxmaxü̃?

Ore i mexü̃ ga Luca ümatüxü̃ 16:15

Rü yexguma ga Ngechuchu rü ñanagürü nüxü̃: —Pema rü duü̃xü̃güpe̱xewa mea pemaxẽneta, natürü Tupana pexü̃ nacua̱x nax ta̱xacügu perüxĩnüexü̃. Rü woo duü̃xü̃gü pexü̃ nicua̱xüü̃gü naxca̱x i ngẽma pexüxü̃, natürü Tupana rü naãxẽwa nangu̱x i ngẽma —ñanagürü ga Ngechuchu.

Romanos 2:29

Erü yíxema aixcüma tümaãxẽwa Tupanaga ĩnüxe tixĩ ya aixcüma Tupanaxacü ixĩxẽ. Rü ngẽxguma aixcüma taãẽwa yaxõ̱xgu nixĩ i aixcüma Tupanaarü duü̃xü̃gü ixĩxü̃. Rü Tupanaãxẽ ya Üünecü nixĩ i tüxü̃ rüngü̃xẽẽxü̃ nax yaxõxü̃ca̱x, rü tama ngẽma mugü ga Moiché ümatüxü̃. Rü yíxema aixcüma Tupanaarü ixĩxẽ, rü Tupana rü tümamaxã nataãxẽ woo duü̃xü̃gü tama tümamaxã taãẽgügu.

Romanos 6:6

Rü nüxü̃ tacua̱x rü yema tórü maxü̃ ga nũxcümaü̃xü̃ rü Cristumaxã wüxigu curuchagu nayu nax yexma yanaxoxü̃ca̱x ga yema tacüma ga chixexü̃. Rü ñu̱xma rü tama pecadutüü̃wa tangexmagü, rü ngẽmaca̱x marü tama naga taxĩnüe.

Romanos 7:22

Choma rü chauãẽwa rü chorü me nixĩ i Tupanaarü mugü, rü naga chaxĩnüchaü̃.

2 Corintios 10:1

Rü ñu̱xma rü Cristuarü mecümagagu rü norü ngechaü̃gagu, rü choma i Pauru rü pexü̃ chaca̱a̱xü̃ nax choxü̃ íperüxĩnüexü̃ca̱x. Erü nangẽxma i duü̃xü̃gü i nüxü̃ ixugüxü̃ nax pexü̃ chamuü̃xü̃ ega pexü̃tawa changexmagu natürü ngẽxguma pexna chayáxü̃gu rü chaugü ícharüpora.

2 Corintios 4:16

Rü ngẽmaca̱x taguma nüxü̃ tarüxoe nax nüxü̃ tixuxü̃ i ngẽma ore. Rü woo yayachigügu rü yaturachigügu i toxone, natürü toõxẽwa rü guxü̃ i ngunexü̃gu rü yexeraãcü tiporaetanü.

Gálatas 5:23

Rü ngẽxguma Tupanaãxẽ ya Üünecü tawa ngẽxmagu, rü tama yigü ítarüta, rü mea yigümaxã itacua̱x rü yigüna tadau nax tama chixexü̃gu iyixü̃ca̱x. Rü nataxuma i mugü i nachu̱xuxü̃ i ngẽma nacümagü i mexü̃.

Efesios 4:2

Rü tama name i pegü íperütagü. Rü name nixĩ i pemecümagü rü yáxna pegümaxã pexĩnüe rü pegü pengechaü̃gü.

Colosenses 3:12

Rü ñu̱xma ya Tupana rü pexü̃ nangechaü̃ i pema rü pexü̃ nidexechi nax noxrü pixĩgüxü̃ca̱x. Rü ngẽmaca̱x name nixĩ i nagu pexĩ i ngẽma mexü̃ i nacümagü, rü pexü̃́ nangechaü̃tümüü̃gü i duü̃xü̃gü, rü namaxã pemecümagü, rü taguma pegü picua̱xüü̃gü rü tama penuxwa̱xegü, rü yáxna pexĩnüe ega guxchaxü̃ pexca̱x ínguxgu.

Colosenses 3:3

Yerü yema nũxcümaü̃xü̃ ga perü maxü̃ rü marü nayu. Rü ñu̱xma rü Cristugagu Tupana pexna nanaxã i maxü̃ i ngexwaca̱xü̃xü̃.

1 Tesalonicenses 4:11

¡Rü pora pexü nax mea pemaxẽxü̃ca̱x rü wüxichigü tümame̱xẽmaxã tümaarü puracü taxügüxü̃ca̱x, yema marü pemaxã nüxü̃ tixuxü̃rüxü̃!

2 Tesalonicenses 3:12

Rü tórü Cori ya Ngechuchu ya Cristuégagu tanamu rü tanaxucu̱xẽ nax napuracüexü̃ca̱x i ngẽma duü̃xü̃gü nax nümatama norü õnaca̱x nataxegüxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:2

Rü ngẽxgumarüxü̃ ta name nixĩ i naxca̱x peyumüxẽ i guxü̃ma i nachixü̃anegüarü ãẽ̱xgacügü rü guxü̃ma i norü ngü̃xẽẽruü̃gü i ãẽ̱xgacügü nax ngẽmaãcü itaãẽgüxü̃ca̱x rü Tupanape̱xewa rü guxü̃ i duü̃xü̃güpe̱xewa tüxü̃́ nangẽxmaxü̃ca̱x i wüxi i maxü̃ i aixcüma mexü̃.

Norü taxre ga popera ga Timutéuca̱x naxümatüxü̃ ga Pauru 2:25

Rü wüxi i Tupanaarü puracütanüxü̃ rü name nax yáxna namaxã naxĩnüãcüma mea nayaxucu̱xẽgüãxü̃ i ngẽma duü̃xü̃gü i tama irüxĩnüechaü̃xü̃. Rü name i ínanangu̱xẽxẽ nax Tupana nüxü̃ rüngü̃xẽẽgüxü̃ i ngẽma duü̃xü̃gü nax naxca̱x nawoeguxü̃ca̱x rü nüxü̃ nacua̱xãchitanüxü̃ca̱x i ngẽma ore i aixcüma ixĩxü̃.

Popera ga Títoca̱x naxümatüxü̃ ga Pauru 3:2

Rü tama name i texéchiga chixri nidexagü rü texémaxã nanue. Natürü name nixĩ i guxü̃ i duü̃xü̃gümaxã namecümagü, rü guxü̃ i duü̃xü̃güxü̃ nangechaü̃gü. Rü tama name i nügü nicua̱xüü̃gü.

Popera ga Chantiágu ümatüxü̃ 1:21

Rü ngẽmaca̱x name nixĩ i nüxü̃ perüxoe i guxü̃ma i ngẽma chixexü̃gü i guxü̃wama ngẽxmagüxü̃. ¡Rü mea penayaxu i ngẽma ore i petanügu toxü̃! Erü ngẽma ore rü nüxü̃́ nangẽxma i pora nax pexü̃ namaxẽxẽẽxü̃ca̱x.

Nüxíraxü̃xü̃ ga popera ga Pedru ümatüxü̃ 1:23

Rü ñu̱xma i pemax, rü marü penayauxgü i ngexwaca̱xü̃xü̃ i perü maxü̃. Rü ngẽmaca̱x ñoma ngexwaca pebuexü̃rüxü̃ pixĩgü. Natürü ngẽma maxü̃ rü tama penatü rü peé ya yuewa̱xéxewa nixĩ i penayaxuxü̃. Natürü Tupanaarü ore i maxü̃xü̃ i taguma iyarüxoxü̃wa nixĩ i penayaxuxü̃.

Nüxíraxü̃xü̃ ga popera ga Pedru ümatüxü̃ 3:15

Rü name nixĩ i perü Corixü̃ peyaxĩxẽxẽ ya Cristu rü aixcüma naga pexĩnüe. Rü name nixĩ i guxü̃guma ípememare nax mea penangãxü̃xü̃ca̱x i guxü̃ma i ngẽma duü̃xü̃gü i pexna ca̱xaxü̃ nax ta̱xacüca̱x Cristuaxü̃́ peyaxõgüxü̃.

1 Chamué 16:7

Natürü ga Tupana rü Chamuéxü̃ ñanagürü: —Tama name i norü düxétümarewa rü norü máchanemarewa nax cungugüxü̃ ya wüxi ya yatü. Tama daa nixĩ. Choma rü tama duü̃xü̃gü nangugüxü̃ãcüma chanayaxu ya wüxi ya yatü. Duü̃xü̃gü rü ngẽma düxétüxü̃nemare nixĩ i nangugügüxü̃, natürü i choma rü ngẽma norü maxü̃ rü norü ĩnü nixĩ i ngẽma changugüxü̃ —ñanagürü.