Nüxíraxü̃xü̃ ga popera ga Pedru ümatüxü̃ 3:13 - Tupanaarü Ore

¹³ ¿Rü texé tá chixexü̃ pexca̱x üxü̃ ega pema rü aixcüma guxü̃guma mexü̃ pexügügu?

Nüxíraxü̃xü̃ ga popera ga Pedru ümatüxü̃ 3:13 Iomraidhean Croise

Wiyaegü 38:20

Rü ngẽxguma mexü̃ naxca̱x chaxü̱xgu rü chixexü̃maxã choxü̃́ nanaxütanügü. Rü ngẽxguma mexü̃ca̱x chada̱u̱xgu rü nümagü rü chomaxã nanue.

Ucu̱xẽgüchiga 12:21

Yimá yatü ya mexü̃gu maxü̃cü, rü taxũtáma guxchaxü̃gü naxca̱x ínangu, natürü ngẽma yatü i chixexü̃gu maxü̃xü̃, rü muxü̃ma i chixexü̃ tá naxca̱x ínangu.

Ucu̱xẽgüchiga 15:9

Nüma ya Cori ya Tupana rü tama nacümamaxã nataãxẽ i ngẽma chixexü̃gu maxẽxü̃. Natürü tüxü̃ nangechaü̃ ya yíxema aixcüma mea nape̱xewa maxü̃́xẽ.

Ucu̱xẽgüchiga 16:7

Ngẽxguma nüma ya Cori ya Tupana namaxã nataãẽgu i tümacüma ya wüxi ya duü̃xü̃xe, rü woo ngẽma tümaarü uanügü rü tümamaxã inanangüxmüexẽxẽ.

Yeremía 39:12

—¡Mea nüxna nadau i Yeremía rü taxṹ i chixri namaxã icucuáxü̃! ¡Rü nüxna naxã i guxü̃ma i cuxna naxca̱x naca̱xaxü̃! —ñanagürü.

Romanos 13:3

Erü ngẽma ãẽ̱xgacügü rü tama ngẽma mexü̃ ügüxü̃arü poxcuruxü̃ nixĩ, natürü ngẽma chixexü̃ ügüxü̃arü poxcuruxü̃ nixĩ. Rü ngẽxguma cunaxwa̱xegu nax tama nüxü̃ cumuü̃xü̃ i wüxi i ãẽ̱xgacü, rü name nixĩ i mea cumaxü̃. Rü nüma i ãẽ̱xgacü rü tá cumaxã nataãxẽ.

Romanos 8:28

Rü nüxü̃ tacua̱x rü tümaarü mexü̃ca̱x nixĩ ya Tupana ínangu̱xẽẽxü̃ i guxü̃ma i ngẽma tüxü̃ üpetüxü̃ ya yíxema nüxü̃ ngechaü̃güxe ga nüma nagu naxĩnüxü̃ca̱x tüxü̃ nadexe.

1 Corintios 14:1

¡Rü naxca̱x peda̱u̱x nax duü̃xü̃güxü̃ pengechaü̃güxü̃! Rü ngẽxgumarüxü̃ ta name nixĩ i naxca̱x pedau i ngẽma cua̱xgü i Naãxẽ ya Üünexü̃wa ne ĩxü̃. Rü ngẽma cua̱x i yexeraãcü penaxwa̱xexü̃ nixĩ nax pexü̃́ natauxchaxü̃ nax nüxü̃ pixuxü̃ i Tupanaarü ore.

Efesios 5:1

Rü ñu̱xma rü Tupanaxacügü ya pexü̃ nangechaü̃güxe pixĩgü. Rü ngẽmaca̱x name i naxca̱x pedauxü̃tae nax naxrüxü̃ pimexü̃.

1 Tesalonicenses 5:15

Rü ngẽxguma texé chixexü̃ pemaxã ü̱xgu, rü tama name i chixexü̃maxã penataeguxẽxẽ. ¡Rü pora pexügü nax guxü̃guma mexü̃ pexügüxü̃ i pegütanüwa rü guxü̃ma i ngẽma togütanüwa rü ta!

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:10

Rü tanaxwa̱xe i duü̃xü̃gü ngĩxü̃ nacua̱xgü nax wüxi i mexü̃ üxcü nax yixĩxü̃, rü mea ngĩxãcüxü̃ yaexẽẽcü iyixĩ, rü mea ngĩpatawa duü̃xü̃güxü̃ yaxucü iyixĩ, rü yaxõgüxü̃arü ngü̃xẽẽruxü̃ iyixĩ, rü da̱xaweexü̃arü ngü̃xẽẽruxü̃ iyixĩ. Rü ngẽmaãcü tanaxwa̱xe i guxü̃raxü̃xü̃ i mexü̃arü üruxü̃ iyixĩ.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Norü tomaepü̱x ga popera ga Cuáü̃ ümatüxü̃ 1:11

Pa Chauenexẽ i Cuxü̃ Changechaü̃xex, ¡Taxṹ i nüxü̃ cuyadauxü̃xü̃ i ngẽma chixexü̃ ügüxü̃! Natürü name nixĩ i nüxü̃ cuyadauxü̃ i ngẽma mexü̃ ügüxü̃. Erü yíxema mexü̃ ǘxe rü Tupanaxacü tixĩ. Natürü yíxema chixexü̃ ǘxe rü tama Tupanaxü̃ tacua̱x.