Nüxíraxü̃xü̃ ga popera ga Pedru ümatüxü̃ 3:12 - Tupanaarü Ore

¹² Erü nüma ya tórü Cori rü tüxna nadau ya yíxema aixcüma naga ĩnüexe, rü nüxü̃ naxĩnü i tümaarü yumüxẽ. Natürü tümamaxã nanu ya yíxema chixexü̃ ügüxe”, ñanagürü i Tupanaarü ore.

Nüxíraxü̃xü̃ ga popera ga Pedru ümatüxü̃ 3:12 Iomraidhean Croise

Norü taxre ga to ga popera ga ãẽ̱xgacügüchiga ümatüxü̃ 16:9

Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe. Natürü i cumax rü ñoma wüxi i duü̃xü̃ i tama naãẽxü̃ cuáxü̃rüxü̃ quixĩ erü Chíriaanearü ãẽ̱xgacüaxü̃́ cuyaxõ. Rü ngẽmaca̱x i ñu̱xma rü daiwa tá cungexmaecha —ñanagürü.

Norü taxre ga to ga popera ga ãẽ̱xgacügüchiga ümatüxü̃ 7:15

Rü ñu̱xmacürüwa rü mea tá pexü̃́ nüxü̃ chaxĩnü i perü yumüxẽgü i daa chopatawa pexüxü̃.

Wiyaegü 11:4

Natürü nüma ya Cori ya Tupana rü napata ya üünenewa nangẽxma. Rü nüma ya Cori rü daxũguxü̃ i naanewa nüxü̃́ nangẽxma i norü tochicaxü̃, rü ngéma meama ínadawenü rü nanangugü i duü̃xü̃gü.

Wiyaegü 33:18

Natürü nüma ya Cori ya Tupana rü guxü̃guma tüxna nadau ya yíxema nüxü̃ ngechaü̃güxe rü nüxü̃́ yaxõgüxe.

Wiyaegü 65:2

Erü cuma rü nüxü̃ cuxĩnü i torü yumüxẽ. Rü guxü̃ma i duü̃xü̃gü rü cuxca̱x naxĩ nax curü ngü̃xẽẽca̱x íyacagüxü̃ca̱x.

Wiyaegü 80:16

¡Ẽcü curü numaxã nadai i ngẽma torü uanügü i curü duü̃xü̃güxü̃ daixü̃ rü nagu̱xẽxẽgüchaü̃xü̃!

Ucu̱xẽgüchiga 15:29

Nüma ya Cori ya Tupana, rü nüxna nixũgachi i ngẽma chixexü̃gu maxẽxü̃. Natürü tüxü̃́ nüxü̃ naxĩnü i tümaarü yumüxẽ ya yíxema aixcüma mexü̃gu rüxĩnüexe.

Ucu̱xẽgüchiga 15:3

Nüma ya Cori ya Tupana, rü guxü̃wama nangẽxma rü tüxü̃ nangugü ya yíxema mea maxẽxe, rü nanangugü ta i ngẽma chixexü̃gu maxẽxü̃.

Ucu̱xẽgüchiga 15:8

Nüma ya Cori ya Tupana tama nanayaxu i norü ãmaregü i ngẽma chixexü̃gu maxẽxü̃. Natürü taãẽãcü nanayaxu i tümaarü yumüxẽgü ya yíxema aixcüma mea maxẽxe.

Yeremía 21:10

Erü choma rü daa ĩanemaxã chanaxuegu nax guxchaxü̃ naxca̱x íchanguxẽẽxü̃ rü taxuxü̃ma i mexü̃. Rü Babiróniaanearü ãẽ̱xgacüme̱xẽgu tá chananguxẽxẽ ya daa ĩane, rü nüma rü tá nayagu. Rü choma ya Cori ya Tupana nixĩ i nüxü̃ chixuxü̃ i ngẽma”, ñanagürü.

Yeremía 39:12

—¡Mea nüxna nadau i Yeremía rü taxṹ i chixri namaxã icucuáxü̃! ¡Rü nüxna naxã i guxü̃ma i cuxna naxca̱x naca̱xaxü̃! —ñanagürü.

Echequié 15:7

Choma rü tá chaugü chixu nax Yerucharéü̃arü uanü chixĩxü̃. Rü norü duü̃xü̃gü rü wüxi ya üxücha̱xwa tá nibuxmü, natürü nai ya üxü tá ínanagu. Rü ngẽxguma chaugü chixuxgu nax perü uanü chixĩxü̃, rü ngẽxguma tá nixĩ i nüxü̃ picua̱xãchitanüxü̃ nax choma chixĩxü̃ i Cori ya Tupana.

Lebítanüxü̃arü puracüchiga 17:10

Choma rü tá naxchi chaxai i guxü̃ma i ngẽma Iraétanüxü̃ rüe̱xna ngẽma to i nachixü̃anecüã̱x i petanügu ãpataxü̃ i nagü ngṍxü̃. Rü ngẽma duü̃xü̃gü i nagü nangõ̱xgüxü̃ rü choma rü wüxicana tá íchanawoxü̃ i Iraétanüxü̃tanüwa.

Lebítanüxü̃arü puracüchiga 20:3

Choma rü tá namaxã chanu i ngẽma yatü, rü wüxicana tá ichayanaxoxẽxẽ i duü̃xü̃gütanüwa, nagagu nax tama chopataxü̃ nangechaxü̃xü̃ rü ñu̱xũchi nax naxãũãchixẽẽãxü̃ i chauéga i ngẽxguma wüxi ya nane ãmarexü̃ Molóxna tüxü̃ muxgu.

Lebítanüxü̃arü puracüchiga 20:6

Rü yíxema naxca̱x ixũxe i ngẽma chixexü̃ i naãẽgümaxã puracüexü̃ rü ngẽma nüxü̃ icuáxü̃ i ngẽma ẽxü̃guxü̃ i yixcüra tá ngupetüxü̃, rü tügütama tachixexẽxẽ. Rü choma rü tá tümachi chaxai ya yíxema duü̃xẽ rü wüxicana tá tüxü̃ ichayarüxoxẽxẽ i duü̃xü̃gütanüwa.

Lebítanüxü̃arü puracüchiga 26:17

Rü choma rü tá pemaxã charüxuanü, rü perü uanügü rü tá pexü̃ narüporamae, rü tá pemaxã inacua̱x i ngẽma pexchi aiexü̃. Rü pema rü tá naxcha̱xwa pibuxmü woo taxuxü̃ma pewe ngẽgügu.

Chacaría 4:10

—Rü yexguma noxri inaxügügu ga yema chopataarü puracü rü yema duü̃xü̃gü ga tama aixcüma yaxõgüxü̃ nax yanguxü̃ tá, rü ñu̱xma nax nüxü̃ nadaugüxü̃ i Chorobabé nax yanguxẽẽxü̃, rü tá nataãẽgü —ñanagürü. Rü yemawena ga yema daxũcüã̱x rü ñanagürü ta: —Rü ngẽma 7 i omügü rü nachiga nixĩ i Cori ya Tupanaxetügü i guxü̃ i ñaa naanegu rüdaunüne —ñanagürü.

Ore i mexü̃ ga Cuáü̃ ümatüxü̃ 9:31

Rü guxãma rü meama nüxü̃ tacua̱x rü Tupana tama nüxü̃ naxĩnü i pecaduã̱xgüxü̃arü yumüxẽ. Natürü Tupana rü tüxü̃́ nüxü̃ naxĩnü i tümaarü yumüxẽ ya yíxema nüxü̃ icua̱xüxü̃güxe rü naxǘxe i Tupanaarü ngúchaü̃.

Wenaxarü naxümatü ga Tupanaarü mugü 11:12

Ngẽma rü wüxi i naane i Cori ya Tupanatama nüxna dauxü̃ nixĩ. Nüma rü guxcüma ya taunecügu nüxna nadau.

Popera ga Chantiágu ümatüxü̃ 5:16

Rü ngẽmaca̱x name nixĩ i pegümaxã nüxü̃ pixu i perü pecadugü rü pegüca̱x peyumüxẽgü nax pexca̱x yataanegüxü̃ca̱x. Rü yimá mecü ya yatüarü yumüxẽ rü aixcüma napora rü taxü̃ i mexü̃ nawa ínanguxuchi.