Biblia Todo Logo
Bìoball air-loidhne

- Sanasan -




Nüxíraxü̃xü̃ ga popera ga Pedru ümatüxü̃ 2:23 - Tupanaarü Ore

23 Rü yexguma duü̃xü̃gü chixexü̃ namaxã ixugüegu, rü nüma rü taxuxü̃ma ga chixexü̃maxã nanangãxü̃. Rü yexguma ngúxü̃ nüxü̃ yangexẽẽgügu, rü nüma rü tama ta̱xacürü chixexü̃maxã nanaxãũxü̃ne. Natürü nüma ga Cristu rü nügü inaxã nüxna ya Tupana ya mea nangugücü i guxü̃ma i duü̃xü̃güarü maxü̃.

Faic an caibideil Dèan lethbhreac




Nüxíraxü̃xü̃ ga popera ga Pedru ümatüxü̃ 2:23
32 Iomraidhean Croise  

Cha̱u̱xca̱x rü tama name nax cunada̱i̱xü̃ i ngẽma mea maxẽxü̃ i duü̃xü̃gü wüxigu namaxã i ngẽma chixexü̃ ügüxü̃, ñoma chi guxü̃ma naxügüxü̃rüxü̃ i ngẽma chixexü̃. Rü taxucürüwama ngẽma cuxü erü tama ngẽmagu curüxĩnü. Rü cuma nixĩ i guxãarü maxü̃maxã icucuáxü̃ ¿rü tama ẽ̱xna i ngẽma mea maxẽxü̃gagu nüxü̃ icurüngümaxü̃ nax cunadaiãcuxü̃ ya yima ĩane? —ñanagürü.


Pa Corix, cumatama marü nüxü̃ cudau i ngẽma taxü̃ i chixexü̃ i naxügüxü̃, rü name i cunapoxcu naxca̱x i ngẽma ngúxü̃ nax duü̃xẽgüxü̃ yangexẽẽgüxü̃. Rü yíxema turaexe rü curü ngü̃xẽẽca̱x nixĩ i tadaugüxü̃, erü cuma nixĩ i tümaarü poxü̃ruxü̃ quixĩxü̃. Rü cuma nixĩ i tüxü̃ curüngü̃xẽẽxü̃ ya yíxema taxcutagü.


Rü cuxme̱xwa chanange̱x i chorü maxü̃. ¡Rü choxü̃ ínanguxuchixẽxẽ, Pa Corix, Pa Tupana ya Ixaixcümacüx!


¡Rü Cori ya Tupaname̱xẽgu naxǘ i curü maxü̃! ¡Rü nüxü̃́ yaxõ! Rü nüma rü tá cuxü̃ narüngü̃xẽxẽ.


Nüma ya Tupana rü ãẽ̱xgacü ya mea duü̃xü̃güarü maxü̃xü̃ ngugücü nixĩ, rü marü poxcu namaxã naxuegu i ngẽma chixexü̃gu maxẽxü̃.


Rü nanacua̱i̱xgü, natürü nüma rü nügü inaxã rü tama nügüétüwa nidexa. Rü ñoma carnéru i ma̱xwa nagagüxü̃rüxü̃ namaxã nixĩgü. Natürü nüma rü nachianemare. Rü ñoma wüxi i carnéru i yoü̃ta̱xawa nagagüxü̃rüxü̃ nixĩ.


Yixema rü name nixĩ nax ngúxü̃ ingegüxü̃ erü tagagutama nixĩ i ngúxü̃ ingegüxü̃ erü ngẽma nixĩ i tórü natanü naxca̱x ga yema chixexü̃ ga ixügüxü̃. Natürü daa yatü rü taxuxü̃ma i chixexü̃ naxü —ñanagürü.


Rü yexguma ga Ngechuchu rü poraãcü aita naxü rü ñanagürü: —Pa Chaunatüx, cuxme̱xwa chanange̱x i chauãxẽ —ñanagürü. Rü yema ñaxguwena rü nayu.


Rü muẽ̱xpü̱xcüna Ngechuchuna naca ga Eróde. Natürü Ngechuchu rü tama nanangãxü̃.


Yerü nüma ga Tupana rü marü nüxü̃ naxuneta i wüxi i ngunexü̃ i nagu tá aixcüma guxü̃ i ñoma i naanecüã̱x i duü̃xü̃güna naca̱xaxü̃ i norü maxü̃chiga. Rü marü nüxü̃ naxuneta ya wüxi ya yatü ya Ngechuchu, rü yimá tá nixĩ ya duü̃xü̃güna cacü. Rü Tupana rü guxãxü̃ma nüxü̃ nacua̱xẽxẽ ga yema ga yexguma Ngechuchuxü̃ wena namaxẽẽgu —ñanagürü ga Pauru.


¡Rü ñu̱xma, Pa Corix, cuma nüxü̃ cucua̱x nax ñuxãcü toxü̃ naxãxũnegüxü̃! Toma nixĩ i curü ngü̃xẽẽruü̃gü rü tanaxwa̱xe nax toxü̃ cuporaexẽxẽxü̃ nax tama tamuü̃eãcüma nüxü̃ tixuxü̃ca̱x i curü ore.


Rü yexguma nutamaxã ínamuxũchigüãguyane, rü nayumüxẽ ga Estébaü̃ rü ñanagürü: —Pa Cori Pa Ngechuchux, ¡Nayaxu i chauãxẽ! —ñanagürü.


Rü yoxni ga Chauru rü daimaxã nayaxãxũnegü ga yema duü̃xü̃gü ga Cori ga Ngechuchuaxü̃́ yaxõgüxü̃. Rü yemaca̱x chacherdótegüaru ãẽ̱xgacüxü̃tawa naxũ nax nüxna naca̱xaxü̃ca̱x naxca̱x ga popera ga nüxna ãgaxü̃ nax Damácuwa yexmagüne ga Yudíugüarü ngutaque̱xepataü̃gu yaxǘcuchigüxü̃ca̱x rü yexma tüxü̃ ínayauxü̃xü̃ca̱x ga guxema yaxõgüxe ga yatüxe rü ngexegü nax Yerucharéü̃wa tüxü̃ nagagüxü̃ca̱x rü yexma tüxü̃ yapoxcuexü̃ca̱x.


Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.


Rü pemax, Pa Corigüx, rü name nixĩ i ngẽxgumarüxü̃ ta mea namaxã ipecua̱x i perü duü̃xü̃gü. Rü tama name i ta̱xacürü chixexü̃maxã penaxãũxũne. Rü nüxna pecua̱xãchie nax pema rü perü mugüruü̃gümaxã wüxigu tórü Cori ya daxũgucüme̱xẽwa pengẽxmagüxü̃. Rü aixcüma guxãma i yixema rü tawüxigumare i nape̱xewa ya tórü Cori ya Cristu.


Rü ngẽma guxchaxü̃gü i pexca̱x ínguxü̃wa nüxü̃ tacua̱x nax Tupana pexü̃ íyamexẽẽgüxü̃ nax pichocuxü̃ca̱x i ngextá nüma ãẽ̱xgacü íyixĩxü̃wa. Rü ngẽmaca̱x nixĩ i ngúxü̃ pingegüxü̃ i ñu̱xmax.


Rü ngẽmaca̱x nixĩ i ngúxü̃ chingexü̃ rü chapoxcuxü̃ i ñu̱xmax. Natürü tama naxca̱x chaxãne i ngẽma, erü choma nüxü̃ chacua̱x nax texéaxü̃́ chayaxõxü̃. Rü nüxü̃ chacua̱x nax naporaxü̃ i nüma nax nüxna nadauxü̃ca̱x i ngẽma puracü i choxna naxãxü̃ ñu̱xmatáta ngẽma ngunexü̃ i nagu wena núma naxũxü̃.


Rü ñu̱xma rü marü ínamemare i ngẽma ãmare i mexẽchixü̃ ya tórü Cori ya Ngechuchu ya ãẽ̱xgacü ya mecü tá choxna ãxü̃ i ngẽxguma wenaxarü ñoma i naanewa naxũxgu. Rü taxũtáma chaxica choxna nanaxã i ngẽma ãmare, natürü tá tüxna nanaxã ya guxãma ya yíxema tümaarü ngúchaü̃maxã ínangu̱xuxẽẽgüxe nax wenaxarü núma naxũxü̃.


Rü name nixĩ i nagu perüxĩnüe ga yema Ngechuchuxü̃ ngupetüxü̃ rü ñuxãcü yáxna namaxã nax naxĩnüxü̃ ga yema naxchi aiexü̃ ga pecaduã̱xgüxü̃ ga ngúxü̃ nüxü̃ ingexẽẽgüxü̃. Rü ngẽmaca̱x i pema i ñu̱xma rü tama name nax nüxü̃ perüchauexü̃ rü nüxü̃ perüxoexü̃ nax nüxü̃́ peyaxõgüxü̃.


Rü ngẽxguma texé chixexü̃ pexca̱x üxgu, rü tama name i pema rü ta chixexü̃ tümaca̱x pexü. Rü ngẽxguma texé pemaxã guxchigagu, rü tama name i pema rü ta tümamaxã peguxchiga. Natürü name nax mexü̃ tümamaxã pexueguxü̃, erü Tupana pexü̃ nade nax mexü̃ pemaxã naxueguxü̃ca̱x.


Rü ngẽmaca̱x ya yíxema Tupana naxwa̱xexü̃ãcüma ngúxü̃ ingegüxe, rü name nixĩ nax mexü̃ taxügüechaxü̃ rü Tupana ya tüxü̃ ücüme̱xẽgu nax tanaxüxü̃ i tümaarü maxü̃ nax nüxna tüxü̃́ nadauxü̃ca̱x. Erü nüma ya Tupana rü mecü nixĩ rü nayanguxẽxẽ i ngẽma tümamaxã inaxunetaxü̃.


Rü ñu̱xũchi nüxü̃ chadau ga daxũguxü̃ ga naane nax yawãxnaxü̃. Rü yéma nango̱x ga wüxi ga cowaru ga cómüxü̃. Rü gumá naétüwa rütocü rü naéga nixĩ i Aixcüma Yanguxẽẽcü rü Ixaixcümacü. Rü nüma rü tama inatü i ngẽxguma poxcu naxueguxgu rü ngẽxguma norü uanügümaxã nügü nadaixgu.


Lean sinn:

Sanasan


Sanasan