Nüxíraxü̃xü̃ ga popera ga Pedru ümatüxü̃ 2:18 - Tupanaarü Ore

¹⁸ Pa Duü̃xü̃gü i Coriã̱xgüxü̃x, ¡rü nüxü̃ pengechaxü̃gü rü naga pexĩnüe i perü corigü! Rü tama name i perü corigü i pemaxã mecümaxü̃xü̃xicatama pengechaü̃gü, natürü name i nüxü̃ pengechaü̃gü ta i ngẽma perü corigü i chixecümaxü̃.

Nüxíraxü̃xü̃ ga popera ga Pedru ümatüxü̃ 2:18 Iomraidhean Croise

Wiyaegü 101:4

Rü tá nüxü̃ chaxo i ngẽma ĩnügü i chixexü̃ i chauãẽwa íngugüxü̃. Erü taxuxü̃ma i ta̱xacürü chixexü̃ chaxüxchaü̃.

Ucu̱xẽgüchiga 10:32

Yimá yatü ya mea maxü̃cü rü nüxü̃ nixu i ore i taãxẽ tüxna ãxü̃, natürü ngẽma chixexü̃gu maxü̃xü̃, rü chixexü̃ i orexü̃xicatama nixu.

Ucu̱xẽgüchiga 11:20

Nüma ya Cori ya Tupana rü tama namaxã nataãxẽ i ngẽma duü̃xü̃gü i chixexü̃ i nacümagu ĩxü̃, natürü tümamaxã nataãxẽ ya yíxema mexü̃ i nacümagu ĩxẽ.

Ucu̱xẽgüchiga 3:32

Erü nüma ya Cori ya Tupana rü nüxü̃ naxo i ngẽma chixexü̃gu maxẽxü̃, natürü tümamaxã naxãmücü ya yíxema mexü̃gu maxẽxe.

Ucu̱xẽgüchiga 8:13

Yíxema Tupanaga ĩnüxe rü naxchi taxai i chixexü̃. Choma i cua̱x rü naxchi chaxai i ngẽma nacüma i nügü icua̱xüüxü̃, rü nacüma i nügü írütaxü̃, rü nacüma i chixexü̃ üxü̃, rü nacüma i dora.

2 Corintios 10:1

Rü ñu̱xma rü Cristuarü mecümagagu rü norü ngechaü̃gagu, rü choma i Pauru rü pexü̃ chaca̱a̱xü̃ nax choxü̃ íperüxĩnüexü̃ca̱x. Erü nangẽxma i duü̃xü̃gü i nüxü̃ ixugüxü̃ nax pexü̃ chamuü̃xü̃ ega pexü̃tawa changexmagu natürü ngẽxguma pexna chayáxü̃gu rü chaugü ícharüpora.

Gálatas 5:22

Natürü ngẽxguma Tupanaãxẽ ya Üünecü tawa ngẽxmagu, rü yigü tangechaü̃gü, rü tataãẽgü, rü tama yigümaxã tanue, rü yáxna yigümaxã taxĩnüe, rü yigümaxã tamecümagü, rü yigü tarüngü̃xẽẽgü, rü tayanguxẽxẽ i ngẽma nüxü̃ ixuxü̃ rü aixcüma Tupanaaxü̃́ tayaxõgü.

Popera ga Títoca̱x naxümatüxü̃ ga Pauru 3:2

Rü tama name i texéchiga chixri nidexagü rü texémaxã nanue. Natürü name nixĩ i guxü̃ i duü̃xü̃gümaxã namecümagü, rü guxü̃ i duü̃xü̃güxü̃ nangechaü̃gü. Rü tama name i nügü nicua̱xüü̃gü.

Popera ga Chantiágu ümatüxü̃ 3:17

Natürü guxãma ya yíxema aixcüma tüxü̃́ nangẽxmagüxe i ngẽma cua̱x i Tupanawa ne ũxü̃, rü taxuxü̃ma i chixexü̃ taxü, rü tama tanuewa̱xe, rü timecüma, rü itarüxĩnüe i ucu̱xẽgü, rü tangechaxü̃tümüxü̃wa̱xegü, rü duü̃xü̃güétüwa tachogü, rü tixaixcümagü, rü mexü̃ taxügü.