Nüxíraxü̃xü̃ ga popera ga Pedru ümatüxü̃ 2:13 - Tupanaarü Ore

¹³ Rü name nixĩ nax tórü Cori ya Ngechuchugagu naga pexĩnüexü̃ i guxü̃ma i perü ãẽ̱xgacügü. Rü name nixĩ i naga pexĩnüe ya yimá ãẽ̱xgacü ya Rómawa ngẽxmacü, erü nüma nixĩ i guxü̃ i togü i ãẽ̱xgacügüétüwa nangẽxmaxü̃.

Nüxíraxü̃xü̃ ga popera ga Pedru ümatüxü̃ 2:13 Iomraidhean Croise

Ucu̱xẽgüchiga 17:11

Ngẽma duü̃xü̃ i nuwa̱xexü̃ rü daica̱x nadau, natürü ngẽma tá naxca̱x ínguxü̃ tá nixĩ i wüxi i uanü i nüxü̃ rüyexeraxü̃ i tama ngechaü̃tümüxü̃ cuáxü̃.

Ucu̱xẽgüchiga 24:21

Pa Chaunex, ¡naga naxĩnü ya Tupana! ¡Rü ngẽxgumarüxü̃ ta naga naxĩnü ya ãẽ̱xgacü! ¡Rü taxṹ i namaxã cuxãmücüxü̃ i ngẽma tama ixĩnüechaü̃xü̃! Erü ngẽma norü poxcu rü ngürüãchimare tá naxca̱x ínangu. Rü taxúema nüxü̃ tacua̱x i ngẽma poxcu nüma ya Tupana rü nüma ya ãẽ̱xgacü tá namaxã ueguxü̃.

Yeremía 29:7

¡Rü naxca̱x pepuracüe ya yima ĩane ya Babirónia ya nawa pexü̃ nagagüne! ¡Rü yima ĩaneca̱x peyumüxẽgü! Erü ngẽxguma mexü̃ naxca̱x ínguxgu ya yima ĩane, rü pexca̱x rü ta mexü̃ ínangu.

Ore i mexü̃ ga Matéu ümatüxü̃ 22:21

Rü nümagü nanangãxü̃gü, rü ñanagürügü: —Rómacüã̱x ya ãẽ̱xgacü ya tacüchicüna̱xã nixĩ —ñanagürügü. Rü yexguma ga Ngechuchu rü ñanagürü nüxü̃: —¡Ãẽ̱xgacüna ngĩxü̃ pexã i ngẽma ãẽ̱xgacüarü ixĩcü, rü Tupanana ngĩxü̃ pexã i ngẽma Tupanaarü ixĩcü! —ñanagürü.

Ore i mexü̃ ga Márcu ümatüxü̃ 12:17

Rü yexguma ga Ngechuchu rü ñanagürü nüxü̃: —¡Ãẽ̱xgacüna ngĩxü̃ pexã i ngẽma ãẽ̱xgacüarü ixĩcü, rü Tupanana ngĩxü̃ pexã i ngẽma Tupanaarü ixĩcü! —ñanagürü. Rü yexguma yema orexü̃ naxĩnüegu, rü namaxã naba̱i̱xãchiãẽgü.

Ore i mexü̃ ga Luca ümatüxü̃ 20:25

Rü yexguma ga Ngechuchu rü ñanagürü nüxü̃: —¡Ãẽ̱xgacüna ngĩxü̃ pexã i ngẽma ãẽ̱xgacüarü ixĩcü, rü Tupanana ngĩxü̃ pexã i ngẽma Tupanaarü ixĩcü! —ñanagürü.

Efesios 5:21

Rü ñu̱xma nax Cristuaxü̃́ peyaxõgüxü̃ rü nüxü̃ pengechaü̃gü̃xü̃, rü name nixĩ i pegüga pexĩnüe i wüxichigü.

Popera ga Títoca̱x naxümatüxü̃ ga Pauru 3:1

Rü ngẽma yaxõgüxü̃, ¡rü namaxã nüxü̃ ixu nax nachixü̃anearü ãẽ̱xgacügüga naxĩnüexü̃ rü guxü̃ma i ngẽma togü i ãẽ̱xgacügüga naxĩnüexü̃ca̱x! ¡Rü yaxucu̱xẽgü nax ínamemaregüxü̃ca̱x nax naxügüã̱xü̃ca̱x i guxü̃ma i ngẽma mexü̃ ixĩxü̃!

Nüxíraxü̃xü̃ ga popera ga Pedru ümatüxü̃ 2:17

Rü name nixĩ i mea penayauxgü i guxü̃ma i duü̃xü̃gü. ¡Rü nüxü̃ pengechaxü̃ i taenexẽgü i yaxõgüxü̃! ¡Rü nüxü̃ pemuü̃e ya Tupana! ¡Rü naga pexĩnüe ya yimá ãẽ̱xgacü ya Rómawa ngẽxmacü!

Norü taxre ga popera ga Pedru ümatüxü̃ 2:10

Rü Tupana rü aixcüma tá nanapoxcue i ngẽma ngu̱xẽẽruü̃netagü i naxü̃nearü ngúchaü̃gu ĩxü̃ i tama naga ĩnüechaü̃xü̃ ya tórü Cori. Rü ngẽma ngu̱xẽẽruü̃netagü rü taxúegama naxĩnüechaü̃, rü nadauxcüraxü̃wa̱xegü. Rü tama namuü̃e nax namaxã naguxchigagüxü̃ i ngẽma ãẽ̱xgacügü i daxũcüã̱x. Rü ngẽmaãcü namaxẽ i ngẽma ngu̱xẽẽruü̃netagü. Natürü woo Tupanaarü orearü ngeruü̃gü i daxũcüã̱x i ngẽma ngu̱xẽẽruü̃netagüxü̃ rüyexeraxüchichiréxü̃, rü namuü̃e nax ngẽmaãcü namaxã naguxchigagüxü̃ i ngẽma ãẽ̱xgacügü i daxũcüã̱x.