Nüxíraxü̃xü̃ ga popera ga Pedru ümatüxü̃ 1:3 - Tupanaarü Ore

³ ¡Rü ngĩxã nüxü̃ ticua̱xüxü̃gü ya Tupana ya tórü Cori ya Ngechuchu ya Cristu Nanatü! Yerü yexguma Ngechuchu ya Cristuxü̃ wena namaxẽẽgu, rü tüxna nanaxã ga maxü̃ ga yexwaca̱xüxü̃, yerü poraãcü nüxü̃́ tangechaü̃tümüü̃gü. Rü ngẽmaca̱x i ñu̱xma i yixema rü ta ítanangu̱xẽxẽ nax wena tá imaxẽxü̃.

Nüxíraxü̃xü̃ ga popera ga Pedru ümatüxü̃ 1:3 Iomraidhean Croise

Nüxíraxü̃xü̃ ga popera ga ãẽ̱xgacügüchiga 8:15

Rü ñanagürü: —Namecümaxüchi ya Cori ya Iraétanüxü̃arü Tupana erü nayanguxẽxẽ ga yema uneta ga chaunatü ga Dabímaxã nüxü̃ yaxuxü̃ ga yexguma ñaxgu nüxü̃:

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:20

Rü yemawena rü nüma ga Dabí rü ñanagürü nüxü̃ ga guxü̃ma ga yema duü̃xü̃gü ga yexma ngutaque̱xegüxü̃: —Ñu̱xma rü chanaxwa̱xe i nüxü̃ picua̱xüü̃gü ya Cori ya tórü Tupana —ñanagürü. Rü yexguma ga yema duü̃xü̃gü rü norü o̱xigüarü Cori ya Tupanaxü̃ nicua̱xüü̃gü. Rü Tupanape̱xegu rü ãẽ̱xgacü ga Dabípe̱xegu nacaxã́pü̱xügü.

Norü taxre ga to ga popera ga ãẽ̱xgacügüchiga ümatüxü̃ 31:8

Rü yexguma Echequía rü yema norü ngü̃xẽẽruü̃gü íyadaugügu ga yema nanutaque̱xegüxü̃ rü Cori ya Tupanana moxẽ naxãgü, rü mexü̃ namaxã naxuegugü ga yema duü̃xü̃gü ga Iraétanüxü̃.

Wiyaegü 41:13

Rü namecümaxüchi ya Cori ya Iraétanüxü̃arü Tupana. Rü nüma rü guxü̃guma nangẽxmaecha. ¡Rü ngẽmaãcü yixĩ!

Wiyaegü 86:15

Natürü i cumax, Pa Corix, rü Tupana ya mecümacü rü ngechaü̃wa̱xecü quixĩ. Rü cuma rü yáxna tomaxã cuxĩnü, rü poraãcü toxü̃ cungechaü̃, rü guxü̃guma tomaxã quixaixcüma.

Wiyaegü 86:5

Erü cumax, Pa Corix, rü cumecüma rü nüxü̃ icurüngüma i torü chixexü̃gü. Rü aixcüma tüxü̃ cungechaü̃ ya yíxema curü ngü̃xẽẽca̱x cuxna caxe.

Ínachoxü̃xü̃chiga 34:6

Rü Moichépe̱xewa naxüpetü rü tagaãcü ñanagürü: —Chomax rü Cori chixĩ. Chomax rü Cori chixĩ. Rü choma nixĩ ya Tupana ya mecümacü rü ngechaü̃wa̱xecü, rü yáxna ĩnüwa̱xecü, rü aixcüma ngechaü̃cü choxü̃́ ngẽxmacü rü aixcümaxü̃ ixucü chixĩ i chomax.

Ichaía 26:19

Natürü curü duü̃xü̃gü tixĩgü rü woo tanoxree̱xpü̱x i ñu̱xmax, natürü wena tá timu. Rü woo togü tomaxã inacua̱x i ñaa naanewa, natürü wüxi i ngunexü̃ tá nüxna ítanguxü̃ rü taãẽmaxã tá tawiyaegü. Rü cuma rü tá toxü̃ quimuxẽxẽ rü maxü̃ tá toxna cuxã ñoma cherena rü pa̱xmama tonetüna maxü̃ ãxü̃rüxü̃.

Yoná 4:2

Rü yemaca̱x ñaãcü nayumüxẽ: —Dücax, Pa Cori Pa Tupanax, rü ngẽma ñu̱xma Nínibewa ngupetüxü̃ nixĩ ga yema nüxü̃ chixuxü̃ ga yexguma chauchixü̃anewatama chayexmagu. Rü yemaca̱x nixĩ ga cuxcha̱xwa chixũxü̃táa̱x nax Tárchixwa chaxũxü̃ca̱x, yerü nüxü̃ chacua̱x rü cuma rü wüxi ya Tupana ya mecümacü rü ngechaü̃wa̱xecü quixĩ rü tama paxa cunu. Rü ngẽma curü ngechaü̃ rü nataxüchi. Rü ngẽmaca̱x woo texémaxã poxcu cuxuegu̱xgu rü paxãma nagu curüxĩnü, rü tama tüxü̃ cupoxcu ega nüxü̃ tarüxoegu i tümacüma i chixexü̃.

Ore i mexü̃ ga Cuáü̃ ümatüxü̃ 1:13

Rü ñu̱xma rü Tupanaxacügü tixĩgü ya guxema yaxõgüxe. Rü tama ñoma ga naanewa nax tabuexü̃gagu nixĩ nax Tupanaxacügü tixĩgüxü̃ rü tama tümanatügüarü ngúchaü̃gagu nixĩ. Natürü i ñu̱xma rü Tupanaxacügü tixĩgü yerü Naneaxü̃́ tayaxõgü rü yemaca̱x ga Tupana rü naxacügüxü̃ tüxü̃ nixĩgüxẽxẽ.

Romanos 12:12

Rü name nixĩ i taãẽãcü ípenangu̱xẽxẽ ñu̱xmata penayaxu i ngẽma Cristu nüxü̃ unetaxü̃. Rü ngẽxguma ngúxü̃ pexca̱x ínguxgu, rü name nixĩ i yáxna namaxã pexĩnüe. Rü name nixĩ i guxü̃guma peyumüxẽgü.

Romanos 15:13

Rü ñu̱xma i pemax nax nüxü̃́ peyaxõgüxü̃, rü chanaxwa̱xe nax poraãcü pexü̃ nataãẽxẽxẽ ya yimá Tupana ya pexü̃ tauxchaxẽẽcü nax Cristuxü̃ ípenangu̱xẽẽgüxü̃. Rü chanaxwa̱xe i Naãxẽ ya Üünexü̃arü poramaxã Tupana pexü̃ naporaexẽxẽ nax yexeraãcü Cristuxü̃ ípenangu̱xẽẽgüxü̃ca̱x.

Romanos 4:25

Rü Ngechuchuxü̃ nixĩ ga namuxü̃ ga Tupana nax tórü pecaduca̱x nayuxü̃ca̱x. Rü ñu̱xũchi nüma ga Tupana rü wenaxarü Ngechuchuxü̃ ínarüdaxẽxẽ nax nagagu imexü̃ca̱x i Tupanape̱xewa.

Romanos 5:10

Rü yexguma norü uanügü ixĩgügu, rü nümatama ga Tupana rü nügümaxã tüxü̃ inarüngü̃xmüexẽxẽ ga yexguma nayu̱xgu ga Nane. Rü ñu̱xma nax marü namaxã irüngüxmüexü̃, rü yexeraãcü nüxü̃ tacua̱x nax tüxü̃́ nangẽxmaxü̃ i maxü̃ i taguma gúxü̃ nagagu nax namaxü̃xü̃ i nüma ya Nane.

Romanos 8:11

Rü ngẽxguma pewa namaxü̃xgu i Naãxẽ ya yimá Tupana ga Ngechuchu ya Cristuxü̃ írüdaxẽẽcü, rü nümatama ya yimá Cristuxü̃ írüdaxẽẽcü tá wena nanamaxẽxẽ i pexene i yuxwa̱xexü̃. Rü Naãxẽ ya Üünexü̃ i pewa maxü̃xü̃ tá nixĩ i wena pexene maxẽẽxü̃.

Romanos 8:24

Tupana rü marü tüxna nanaxã i maxü̃ i taguma gúxü̃ rü ñu̱xma ítanangu̱xẽxẽ nax naxü̃tawa ingugüxü̃. Natürü nüxü̃ tacua̱x rü ngẽxguma chi marü nüxü̃ idaugügu i ngẽma írüngu̱xẽẽgüxü̃, rü taxuca̱xma tü̱xcüü̃ ítanangu̱xẽẽgü. Erü ngẽma marü nüxü̃ idauxü̃, rü taxuca̱xma ítanangu̱xẽxẽ.

1 Corintios 13:13

Rü ñu̱xma rü nangẽxma i tomaepü̱x i nacümagü i guxü̃gutáma ngẽxmaxü̃. Rü wüxi nixĩ nax yaxõxü̃, rü ngẽma to nixĩ nax ínangu̱xẽẽxü̃ nax nataeguxü̃ ya Cristu, rü ngẽma to nixĩ nax tüxü̃́ ngẽxmaxü̃ i ngechaü̃. Natürü ngẽma tomaepü̱xtanüwa rü ngẽma guxü̃arü yexera rümemaexü̃ nixĩ i ngẽma ngechaü̃.

1 Corintios 15:20

Natürü aixcümaxü̃chi nixĩ ga Cristu ga yuwa nax ínadaxü̃. Rü natanüwa i guxü̃ma i ngẽma yuexü̃ i yixcüra tá írüdagüxü̃, rü Cristu nixĩ ga namaxã inaxügücü nax ínadaxü̃, yerü nüma nixĩ ga nüxíra wena namaxü̃xü̃.

2 Corintios 1:3

Rü toma rü nüxü̃ ticua̱xüü̃gü ya Tupana ya Nanatü ya tórü Cori ya Ngechuchu ya Cristu. Erü nüma nixĩ i Tanatü i nüxü̃́ ingechaü̃tümüxü̃güxü̃ rü nüma nixĩ i tórü Tupana ya guxü̃guma tüxü̃ taãẽxẽẽcü.

Gálatas 6:16

Rü Tupanana naxca̱x chaca nax pexü̃ nataãẽxẽẽgüxü̃ca̱x rü nüxü̃́ pengechaü̃tümüxü̃güxü̃ca̱x i guxãma i pema i aixcüma yanguxẽẽgüxe i ngẽma pemaxã nüxü̃ chixuxü̃, rü guxãma ya yíxema aixcüma Tupanaarü duü̃xü̃gü ixĩgüxe.

Efesios 1:17

Rü ngẽxguma namaxã chidexagu ya Tanatü ya Tupana ya Üünecü ya Nanatü ya tórü Cori ya Ngechuchu ya Cristu, rü naxca̱x nüxna chaca nax pexca̱x nango̱xẽẽxü̃ i ngẽma cua̱x i Naãxẽ ya Üünexü̃wa ne ũxü̃ nax aixcüma Tupanaxü̃ pecuáxü̃ca̱x.

Efesios 1:3

Rü name nixĩ i nüxü̃ ticua̱xüü̃gü ya Tanatü ya Tupana ya tórü Cori ya Ngechuchu ya Cristunatü ixĩcü. Erü nüma ya Tupana rü Cristugagu tüxna nanaxã i naguxü̃raü̃xü̃ i ngü̃xẽẽgü i üünexü̃ i daxũguxü̃ i naanewa taxca̱x ne namugüxü̃.

Efesios 1:7

Rü Tupana rü poraãcü tüxü̃ nangechaü̃, rü yemaca̱x nanamu ga Nane nax taxca̱x nayuxü̃ rü nagü ibaxü̃ nax yemaacü tüxü̃ ínanguxü̃xẽẽü̃ca̱x rü tüxü̃́ nüxü̃ iyanangümaxü̃ca̱x ga tórü pecadugü.

Efesios 2:4

Natürü ga Tupana rü poraãcü nüxü̃́ tangechaü̃tümüü̃gü rü poraãcü tüxü̃ nangechaü̃.

Efesios 3:20

Rü ñu̱xma rü name nax nüxü̃ icua̱xüü̃güxü̃ ya Tupana. Erü nüma rü nüxü̃́ nangẽxma i pora nax tüxna naxããxü̃ i ngẽma naxca̱x íicaxü̃arü yexeraxüchi rü ngẽma nagu rüxĩnüexü̃arü yexeraxüchi. Rü ngẽma norü pora i tawa ngẽxmaxü̃maxã nixĩ i naxüaxü̃ i guxü̃ma i ngẽma.

Colosenses 1:23

Natürü ngéma nax pengugüxü̃ca̱x, rü penaxwa̱xe nax guxü̃guma aixcüma peyaxõgüxü̃ rü taguma nüxü̃ perüxoexü̃ i ngẽma ore i mexü̃ ga marü nüxü̃ pexĩnüexü̃ nachiga i ngẽma maxü̃ i ípenangu̱xẽẽxü̃. Rü ngẽmatama ore nixĩ i ñu̱xma gúxü̃ i naanewa nüxü̃ yaxugüexü̃, rü choma i Pauru nixĩ i nawa chapuracüxü̃ nax nüxü̃ chixuxü̃ca̱x i ngẽma ore.

1 Tesalonicenses 1:3

Rü guxü̃guma i ngẽxguma Tanatü ya Tupanamaxã tidexagügu, rü nüxna tacua̱xãchie nax aixcüma mea peyaxõgüãcüma penaxüxü̃ i Tupanaarü puracü, rü nüxü̃ pengechaü̃güãcüma togüxü̃ perüngü̃xẽẽxü̃. Rü mea ípenangu̱xẽẽxü̃ ya tórü Cori ya Ngechuchu ya Cristu rü ngẽmaca̱x yáxna namaxã pexĩnüe i ngẽma ngúxü̃ i ñu̱xma pingegüxü̃.

1 Tesalonicenses 4:13

Pa Chauenexẽgüx, tanaxwa̱xe nax nüxü̃ pecuáxü̃ i ta̱xacü tá namaxã naxüpetüxü̃ i ngẽma yuexü̃ nax tama pengechaü̃güxü̃ca̱x naxrüxü̃ i ngẽma togü i duü̃xü̃gü i taxuxü̃ma ínangu̱xuxẽẽgüxü̃ nax wena tá namaxẽxü̃ i ngẽma yuexü̃.

2 Tesalonicenses 2:16

Rü tórü Cori ya Ngechuchu ya Cristu rü Tanatü ya Tupana ya tüxü̃ ngechaü̃cü rü guxü̃guma taãxẽ tüxna ãcü rü marü tamaxã namecüma rü ngẽmaca̱x tamaxã inaxuneta nax guxü̃gutáma naxü̃tawa ingẽxmagüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:14

Rü yemaacü ga tórü Cori ya Ngechuchu rü poraãcü choxü̃ nangechaxü̃ rü choxü̃ narüngü̃xẽxẽ nax nüxü̃́ chayaxõxü̃ca̱x rü nagagu guxü̃ma i duü̃xü̃güxü̃ changechaü̃xü̃ca̱x.

Popera ga Títoca̱x naxümatüxü̃ ga Pauru 2:13

Rü name nax ngẽmaãcü mea imaẽxü̃ ñu̱xma nax ínangu̱xẽẽgüxü̃ nax nataeguxü̃ ya Ngechuchu ya Cristu ya tórü Maxẽxẽxẽruxü̃ ya tórü Tupana ya tacü ixĩcü.

Popera ga Yudíugü ga yaxõgüxü̃ca̱x ümatüxü̃ 3:6

Natürü nüma ya Ngechuchu rü Moichéarü yexera nixĩ erü Tupana Nanexü̃chi nixĩ. Rü nüma nixĩ i nüxna nadauxü̃ i guxü̃ma i ngẽma Tupanaarü duü̃xü̃gü ixĩgüxü̃. Rü yixema rü ta rü Tupanaarü duü̃xü̃gü tixĩgü ega aixcüma Ngechuchuaxü̃́ yaxõgügu rü taguma nüxü̃ rüxoegu. Rü Tupana nanaxwa̱xe nax guxü̃guma Ngechuchumaxã itaãẽgüxü̃ erü nüxü̃ tacua̱x nax wüxi i ngunexü̃ rü tá taxca̱x nataeguxü̃ nax wüxiwa namaxã ingexmagüxü̃ca̱x.

Popera ga Chantiágu ümatüxü̃ 1:18

Rü nüma nixĩ ga tüxna naxããxü̃ ga norü ore i aixcüma ixĩxü̃ nax ngẽmaãcü tüxü̃́ nangẽxmaxü̃ca̱x i maxü̃ i taguma gúxü̃. Rü yemaacü nanaxü yerü nanaxwa̱xe nax yixíra nüxü̃́ nax yaxõgüxü̃.

Nüxíraxü̃xü̃ ga popera ga Pedru ümatüxü̃ 1:13

Rü ñu̱xma nax Cristuarü duü̃xü̃gü pixĩgüxü̃, rü penaxwa̱xe nax pexuãẽgüxü̃ rü ípememarexü̃ nax penaxüxü̃ i norü ngúchaü̃. Rü name nixĩ i aixcüma ípenangu̱xẽxẽ i guxü̃ma i ngẽma mexü̃gü ya Tupana tá pexna ãxü̃ i ngẽxguma Ngechuchu ya Cristu núma ũxgu.

Nüxíraxü̃xü̃ ga popera ga Pedru ümatüxü̃ 1:21

Rü ñu̱xma rü Cristugagu nixĩ i nüxü̃́ peyaxõgüxü̃ ya Tupana ga yuwa Cristuxü̃ írüdaxẽẽcü rü daxũwa nagacü. Rü ngẽmaca̱x nixĩ i ñu̱xma i Tupanaaxü̃́ peyaxõgüxü̃ rü ípenangu̱xẽẽgüxü̃ nax daxũwa pexü̃ nagagüxü̃ca̱x.

Nüxíraxü̃xü̃ ga popera ga Pedru ümatüxü̃ 1:23

Rü ñu̱xma i pemax, rü marü penayauxgü i ngexwaca̱xü̃xü̃ i perü maxü̃. Rü ngẽmaca̱x ñoma ngexwaca pebuexü̃rüxü̃ pixĩgü. Natürü ngẽma maxü̃ rü tama penatü rü peé ya yuewa̱xéxewa nixĩ i penayaxuxü̃. Natürü Tupanaarü ore i maxü̃xü̃ i taguma iyarüxoxü̃wa nixĩ i penayaxuxü̃.

Nüxíraxü̃xü̃ ga popera ga Pedru ümatüxü̃ 2:2

Rü ñoma wüxi i õxchana i ngexwaca buxü̃ i naégünenixü̃ nüxü̃́ ngúchaü̃xü̃rüxü̃ penaxwa̱xe i poraãcü pexü̃́ nangúchaü̃ i Tupanaarü ore nax ngẽmawa peporaexü̃ca̱x rü mea peyaexü̃ca̱x i perü õwa nax ngẽmaãcü guxü̃wama namexü̃ca̱x i perü maxü̃ i taguma gúxü̃.

Nüxíraxü̃xü̃ ga popera ga Pedru ümatüxü̃ 3:15

Rü name nixĩ i perü Corixü̃ peyaxĩxẽxẽ ya Cristu rü aixcüma naga pexĩnüe. Rü name nixĩ i guxü̃guma ípememare nax mea penangãxü̃xü̃ca̱x i guxü̃ma i ngẽma duü̃xü̃gü i pexna ca̱xaxü̃ nax ta̱xacüca̱x Cristuaxü̃́ peyaxõgüxü̃.

Nüxíraxü̃xü̃ ga popera ga Pedru ümatüxü̃ 3:21

Rü ngẽma dexá rü wüxi i cua̱xruxü̃ nixĩ. Erü ngẽxguma ngẽma dexáwa íibaiegu, rü duü̃xü̃güxü̃ nüxü̃ tacua̱xẽxẽ nax Tupanaga taxĩnüexü̃ nax tüxü̃́ nangẽxmaxü̃ i maxü̃ i taguma gúxü̃. Rü tama taxü̃nearü düxétüwa nax imexü̃ca̱x nixĩ i íibaiexü̃, natürü ítabaie erü marü Tupanana naxca̱x taca nax tüxü̃́ iyanaxoxẽẽãxü̃ca̱x i tórü pecadugü rü Ngechuchu ya Cristu wena maxü̃xü̃gagu nape̱xewa imexü̃ca̱x rü mexü̃gu rüxĩnüexü̃ca̱x.

Nüxíraxü̃xü̃ ga popera ga Pedru ümatüxü̃ 3:5

Rü yema nũxcümaü̃güxü̃ ga ngexü̃gü ga Tupanape̱xewa ixüünexü̃ rü Tupanaaxü̃́ iyaxõgü rü ngĩtega ixĩnüe, rü yema nixĩ ga ngĩxrü ngã̱xãẽruü̃gü.

Nüxíraxü̃xü̃ ga popera ga Cuáü̃ ümatüxü̃ 2:29

Pema nüxü̃ pecua̱x nax Cristu rü aixcüma mecü yixĩxü̃. Rü ngẽxgumarüxü̃ ta name nixĩ nax nüxü̃ pecuáxü̃ nax guxü̃ma i duü̃xü̃gü i aixcüma mexü̃ ügüxü̃ rü Tupanaxacügü nax yixĩgüxü̃.

Nüxíraxü̃xü̃ ga popera ga Cuáü̃ ümatüxü̃ 3:3

Rü guxãma ya yíxema yaxõgüxe nax Ngechuchurüxü̃ tá tixĩxü̃, rü tügüna tadau nax Ngechuchu ya Cristurüxü̃ tamexü̃.

Nüxíraxü̃xü̃ ga popera ga Cuáü̃ ümatüxü̃ 3:9

Rü yíxema Tupanaxacü ixĩxẽ rü tama pecadu taxüecha, erü Tupanacüma tümawa nangẽxma. Rü taxuacüma pecadu taxüecha erü Tupanaxacü tixĩ.

Nüxíraxü̃xü̃ ga popera ga Cuáü̃ ümatüxü̃ 4:7

Pa Chauenexẽgü ya Pexü̃ Changechaü̃güxe, name nixĩ nax yigü ingechaü̃güxü̃, erü Tupanawa ne naxũ i ngẽma nax yigü ingechaü̃güxü̃. Rü guxãma ya yíxema tümaenexẽxü̃ ngechaü̃xe rü Tupanaxacü tixĩ rü Tupanaxü̃ tacua̱x.

Nüxíraxü̃xü̃ ga popera ga Cuáü̃ ümatüxü̃ 5:1

Guxü̃ma ya yíxema yaxṍxe nax Cristu yixĩxü̃ ya Ngechuchu, rü Tupana nane tixĩ. Rü guxãma ya yíxema Tanatü ya Tupanaxü̃ ngechaü̃güxe, rü nüxü̃ tangechaü̃ ta i naxacügü.

Nüxíraxü̃xü̃ ga popera ga Cuáü̃ ümatüxü̃ 5:18

Rü nüxü̃ tacua̱x, rü yíxema Tupanaxacü ixĩxẽ, rü tama pecadu taxüecha, erü nüma ya Tupana Nane rü tüxna nadau. Rü Chataná rü taxuacüma tümamaxã inacua̱x.

Nüxíraxü̃xü̃ ga popera ga Cuáü̃ ümatüxü̃ 5:4

Erü guxãma ya yíxema aixcüma Tupanaxacü ixĩxẽ, rü tama ñoma i naanearü ngúchaü̃ i chixexü̃gu tarüxĩnü. Rü tórü õgagu nüxü̃ tarüyexera i ngẽma ngúchaü̃gü i ñoma i naanewa ngẽxmagüxü̃.