Rü ngẽma duü̃xü̃ i chixecümaxü̃, rü name nixĩ i nüxü̃ narüxo i ngẽma nacüma i chixexü̃. Rü ngẽma duü̃xü̃ i chixexü̃gu rüxĩnüxü̃, rü name nixĩ i nüxü̃ narüxo i ngẽma chixexü̃ i nagu naxĩnüxü̃. ¡Rü Cori ya Tupanaca̱x pewoegu! Rü tá nüxü̃́ pengechaü̃tümüxü̃gü. ¡Rü naxca̱x pewoegu ya tórü Tupana! Erü nüma rü ínamemare nax pexü̃́ nüxü̃ nangümaxü̃ i perü chixexü̃gü.
Nüxíraxü̃xü̃ ga popera ga Pedru ümatüxü̃ 1:2 - Tupanaarü Ore2 Rü pexü̃ nixĩ ga nadexü̃ ga Tanatü ya Tupana, yerü woetama yema nixĩ ga nũxcümaxü̃chima nagu naxĩnüxü̃. Rü nüma ya Tupana rü Naãxẽ ya Üünecümaxã pexü̃ nimexẽẽgü nax nape̱xewa pixüünegüxü̃ca̱x rü Ngechuchu ya Cristuga nax pexĩnüexü̃ca̱x rü nagümaxã nax piyauxgüxü̃ca̱x nax nataxuxü̃ca̱x i perü chixexü̃gü. Rü chanaxwa̱xe i Tanatü ya Tupana poraãcü pexü̃ narüngü̃xẽxẽ rü pexü̃ nataãẽgüxẽxẽ. Faic an caibideil |
Nüxíraxü̃xü̃ ga popera ga Pedru ümatüxü̃ 1:2
53 Iomraidhean Croise
Rü ñu̱xmax, Pa Chauenexẽgüx, rü Tupanana pexü̃ chamugü. Rü chanaxwa̱xe i naga pexĩnüe i norü ore i tüxü̃ nüxü̃ cua̱xẽẽxü̃ nax aixcüma poraãcü tüxü̃ nangechaü̃xü̃. Erü ngẽma norü ore tá pexü̃ naporaexẽxẽ nax tórü Corica̱x pemaxẽxü̃ca̱x rü pexü̃́ nangẽxmaxü̃ca̱x i pechica namaxã i guxü̃ma i duü̃xü̃gü ya Tupana dexü̃.
Natürü i nüma i Yudíugü rü Tupanamaxã narüxuanügü erü tama nayaxõgü i ngẽma ore i mexü̃. Rü ngẽmaãcü naxüpetü nax pexü̃́ natauxchaxü̃ca̱x nax peyaxõgüxü̃ca̱x i pema i tama Yudíugü nax pixĩgüxü̃. Natürü nüma ya Tupana rü ngẽma Yudíugüxü̃ nangechaü̃ama yerü nũxcümaü̃güxü̃ ga norü o̱xigümaxã nüxü̃ nixu nax nüxü̃ tá nangü̃xẽẽxü̃.
Rü nüma nixĩ ga choxü̃ namuxü̃ nax Ngechuchu ya Cristuarü puracü chaxüxü̃ca̱x i natanüwa i ngẽma duü̃xü̃gü i tama Yudíugü ixĩgüxü̃. Rü ngẽma puracü ga nawa choxü̃ namuxü̃ nixĩ nax ngẽma tama Yudíugü ixĩgüxü̃maxã nüxü̃ chixuxü̃ca̱x i ngẽma ore i mexü̃, nax ngẽma duü̃xü̃gü rü wüxi i ãmare ya Tupana namaxã taãẽxü̃ i Naãxẽ ya Üünexü̃ imexẽẽgüxü̃ nax yixĩxü̃ca̱x.
Rü guxü̃ma i duü̃xü̃gü nüxü̃ nacua̱xgü nax aixcüma mea Tupanaga pexĩnüexü̃ i pemax. Rü ngẽmaca̱x pemaxã chataãxẽ i chomax. Rü chanaxwa̱xe nax mea nüxü̃ pecuáxü̃ i ta̱xacü nixĩ i mexü̃ i Tupanape̱xewa nax penaxüxü̃ca̱x i ngẽma. Natürü ngẽma Tupanape̱xewa chixexü̃, rü ¡nüxna pixĩgachi nax tama nagu peyixü̃ca̱x!
Rü ñu̱xma ya Tupana rü pexü̃ nangechaü̃ i pema rü pexü̃ nidexechi nax noxrü pixĩgüxü̃ca̱x. Rü ngẽmaca̱x name nixĩ i nagu pexĩ i ngẽma mexü̃ i nacümagü, rü pexü̃́ nangechaü̃tümüü̃gü i duü̃xü̃gü, rü namaxã pemecümagü, rü taguma pegü picua̱xüü̃gü rü tama penuxwa̱xegü, rü yáxna pexĩnüe ega guxchaxü̃ pexca̱x ínguxgu.
Natürü, Pa Chauenexẽgüx i Tórü Cori ya Ngechuchu Pexü̃ Ngechaü̃güxex, rü guxü̃guma Tupanana moxẽ pexca̱x taxã yerü nüma ga Tupana rü noxritama naane ixügügumama pexü̃ nade nax pexíra penayauxgüxü̃ca̱x i maxü̃ i taguma gúxü̃ ga yexguma pexü̃ nangü̃xẽẽgu ga Naãxẽ ya pexü̃ üünexẽẽxü̃ rü peyaxõgügu i ngẽma ore i aixcüma ixĩxü̃.
Pa Títox, choma i Pauru i Tupanaarü puracütanüxü̃ nixĩ i cuxca̱x chanaxümatüxü̃ i ñaa popera. Rü Ngechuchu ya Cristu nixĩ ga choxü̃ mucü nax ngẽma duü̃xü̃gü ya Tupana dexü̃maxã nüxü̃ chixuxü̃ca̱x i norü ore nax Tupanaaxü̃́ yaxõgüãxü̃ca̱x rü nüxü̃ nacua̱xgüxü̃ca̱x i ngẽma norü ore i aixcüma ixĩxü̃ i tüxü̃ rüngü̃xẽẽxü̃ nax naxca̱x imaxẽxü̃ca̱x. Rü ngẽmaca̱x Tupanaaxü̃́ tayaxõgü erü tanayauxgüchaü̃ i ngẽma maxü̃ i taguma gúxü̃. Rü ngẽma maxü̃ i taguma gúxü̃ nixĩ ga nũxcümaxü̃chima ga tauta naane ü̱xgu Tupana ya taguma idoracü nüxü̃ ixuxü̃.
Rü marü naxca̱x pexĩ ya Ngechuchu ga taxca̱x yucü nax tüxü̃ namaxẽxẽẽxü̃ca̱x, ngẽma Tupanaarü uneta i ngexwaca̱xü̃xü̃ tamaxã nüxü̃ ixuxü̃rüxü̃. Rü nüma rü nagümaxã pexü̃́ iyanaxoxẽxẽ ga perü chixexü̃gü nax aixcüma Tupanape̱xewa pimexü̃ca̱x. Rü gumá nagü ga nũxcümaü̃cü ga Abé rü naxca̱x ínaca nax nayuxü̃ ga yema yamáxü̃, natürü yimá nagü ya Cristu rü tüxna nanaxã i maxü̃ i taguma gúxü̃.
Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.
Sanasan