Nüxíraxü̃xü̃ ga popera ga Pedru ümatüxü̃ 1:17 - Tupanaarü Ore

¹⁷ Rü pema nax “Pa Tonatüx”, ñapegüxü̃ nüxü̃ ya Tupana, rü ñu̱xma nax ñoma i naanewa pemaxẽxü̃ rü name nixĩ i guxü̃guma naga pexĩnüe rü nüxü̃ pemuü̃exü̃. Erü nüma rü aixcümaxü̃chi nanangugü i wüxichigü i duü̃xü̃güarü maxü̃ rü tüxü̃ napoxcu ya guxãma ya yíxema chixexü̃ ügüxe, rü taxúexü̃ma naxüpetü.

Nüxíraxü̃xü̃ ga popera ga Pedru ümatüxü̃ 1:17 Iomraidhean Croise

Norü taxre ga to ga popera ga ãẽ̱xgacügüchiga ümatüxü̃ 19:7

Rü ngẽmaca̱x penaxwa̱xe nax aixcüma Cori ya Tupanaga pexĩnüexü̃. ¡Rü pexuãxẽgü i ngẽxguma guxchaxü̃gü pemexẽxẽgu! Erü nüma ya Cori ya Tupana rü tama yáxna pexuãẽgü namaxã naxĩnü i ta̱xacürü chixexü̃. Rü tama nanaxwa̱xe nax texé tümaétüwa üxü̃ ya yíxema chixexü̃ üxe, rü tama norü me nixĩ nax texé naxütanüxü̃ i guxchaxü̃arü mexẽxẽ —ñanagürü.

Ore i mexü̃ ga Matéu ümatüxü̃ 6:9

Rü ngẽmaca̱x rü ñaãcü tá peyumüxẽgü i pemax: ‘Pa Tonatü ya Daxũgucüx, üünecü nixĩ i cuéga.

Filipenses 2:12

Rü ngẽmaca̱x chanaxwa̱xe i chauga pexĩnüe, Pa Chauenexẽgü ya Pexü̃ Changechaü̃güxe. Rü yéma petanüwa chayexmagu chauga nax pexĩnüexü̃arü yexera chanaxwa̱xe i chauga pexĩnüe i ñu̱xma nax tama petanüwa changexmaxü̃. Rü chanaxwa̱xe i Tupanaxü̃ pemuü̃ẽãcüma pegü peporaexẽxẽ nax nawe perüxĩxü̃ i ngẽma ore i maxü̃ tüxna ãxü̃.

2 Corintios 7:1

Pa Chauenexẽgü ya Pexü̃ Changechaü̃güxex, ngẽmagü nixĩ i Tupanaarü unetagü i marü tüxü̃́ ngẽxmagüxü̃. Rü ngẽmaca̱x tanaxwa̱xe nax yigüna idaugüxü̃ nax tama taxünemaxã rü ẽ̱xna taãẽmaxã naxüxü̃ca̱x i ngẽma Tupanape̱xewa tama mexü̃. Rü tanaxwa̱xe i Tupanaxü̃ imuü̃exü̃ rü nüxna yigü ixãgüxü̃ nax naxca̱xicatama imaxẽxü̃ca̱x.

Popera ga Yudíugü ga yaxõgüxü̃ca̱x ümatüxü̃ 12:28

Rü ñu̱xma nax guxü̃guca̱x tórü ãẽ̱xgacü yixĩxü̃ ya Tupana, rü name nax nüxna moxẽ ixãgüxü̃, rü nüxü̃ ingechaü̃güãcüma rü nüxü̃ imuü̃eãcüma nüxü̃ icua̱xüü̃güxü̃, ngẽma nüma nanaxwa̱xexü̃rüxü̃.

Efesios 1:17

Rü ngẽxguma namaxã chidexagu ya Tanatü ya Tupana ya Üünecü ya Nanatü ya tórü Cori ya Ngechuchu ya Cristu, rü naxca̱x nüxna chaca nax pexca̱x nango̱xẽẽxü̃ i ngẽma cua̱x i Naãxẽ ya Üünexü̃wa ne ũxü̃ nax aixcüma Tupanaxü̃ pecuáxü̃ca̱x.

Gálatas 2:6

Natürü yema yaxõgüxü̃arü ãẽ̱xgacügü ga Yerucharéü̃wa yexmagüxü̃ rü yexguma nüxü̃ naxĩnüegu ga yema chorü ngu̱xẽẽtae, rü namaxã nataãẽgü rü taxuxü̃ma ga ta̱xacü ga togü ga mugü choxna naxãgü nax namaxã changúexẽẽtaexü̃ca̱x. (Natürü tama yema nax ãẽ̱xgacügü yixĩgüxü̃gu charüxĩnü, erü nüxü̃ chacua̱x nax Tupanape̱xewa rü guxãma wüxiguxü̃.)

Romanos 11:20

Ngẽmáacü aixcüma nixĩ ga Tupana nüxü̃ oxü̃ ga yema Yudíugü yerü tama nayaxõgü. Rü ngẽma nax peyaxõgüxü̃ca̱xicatama nixĩ i nachicüü Tupana pexü̃ dexü̃ i ñu̱xmax. Rü ngẽmaca̱x tama name i pegü picua̱xüü̃gü. ¡Rü Tupanaxü̃ pemuü̃e nax tama yema Yudíugüxü̃ üpetüxü̃rüxü̃ pexü̃ üpetüxü̃ca̱x!

Ore i mexü̃ ga Matéu ümatüxü̃ 22:16

Rü yemaca̱x Ngechuchuxü̃tawa nanamugü ga ñuxre ga norü duü̃xü̃gü wüxigu namaxã ga ñuxre ga Eródearü duü̃xü̃gü nax Ngechuchumaxã nüxü̃ yanaxugüexü̃ca̱x ga ore, rü ñanagürügü: —Pa Ngúexẽxẽruxü̃x, nüxü̃ tacua̱x rü aixcüma nixĩ i ngẽma nüxü̃ quixuxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x. Rü tama duü̃xü̃gügamare cuxĩnü, erü tama norü düxétüxü̃negu cudawenü, natürü nacüma nixĩ i cungugüxü̃.

Yeremía 3:19

Pa Iraétanüxü̃x, choma rü ñoma chaunegüãcüma pexü̃ chayaxu, rü ñu̱xũchi wüxi ga naane ga mexẽchixü̃ pexna chaxã. Rü yema rü guxü̃ ga naanexü̃ rümemaexü̃ nixĩ. Rü choma nüxü̃ chacua̱xgu rü yemaca̱x chi: “Tonatü”, ñaperügü choxü̃, rü ñu̱xũchi taguchima choxna pixĩgachi.

Nüxíraxü̃xü̃ ga popera ga Pedru ümatüxü̃ 2:11

Pa Chauenexẽgü ya Pexü̃ Changechaü̃güxe, ñu̱xma nax paxaãchimare ñoma i naanewa pengẽxmagüxü̃, rü ngẽmaca̱x pexü̃ chaca̱xaxü̃ nax nüxü̃ perüxoexü̃ca̱x i guxü̃ma i ngẽma ngúchaü̃gü i chixexü̃ i ñoma i naanecüã̱x nagu ĩxü̃. Erü ngẽma ngúchaü̃gü rü chixexü̃gu nanagu̱xẽẽchaü̃ i peãxẽ.

Popera ga Yudíugü ga yaxõgüxü̃ca̱x ümatüxü̃ 4:1

Rü ngẽmaca̱x i ñu̱xma nax Tupana tamaxã ixunetaxü̃ nax nügüxü̃tawa tá tüxü̃ yachocuxẽẽxü̃ nax ngẽxma rüngü̃ẽxü̃ca̱x, rü tanaxwa̱xe i taxũãẽgü, nax tama ngürüãchi wüxíe i tatanüwa tama ngẽxma taxücuxü̃.

Colosenses 3:25

Natürü yíxema chixexü̃ üxe rü tá ta tanayaxu i tümaarü natanü naxca̱x i ngẽma chixexü̃ i taxüxü̃, rü aixcüma Tupana tá tüxna naca naxca̱x i ngẽma taxüxü̃. Erü nüma ya Tupana rü taxúexü̃ma naxüpetümare.

Efesios 6:9

Rü pemax, Pa Corigüx, rü name nixĩ i ngẽxgumarüxü̃ ta mea namaxã ipecua̱x i perü duü̃xü̃gü. Rü tama name i ta̱xacürü chixexü̃maxã penaxãũxũne. Rü nüxna pecua̱xãchie nax pema rü perü mugüruü̃gümaxã wüxigu tórü Cori ya daxũgucüme̱xẽwa pengẽxmagüxü̃. Rü aixcüma guxãma i yixema rü tawüxigumare i nape̱xewa ya tórü Cori ya Cristu.

Efesios 3:14

Rü ngẽmaca̱x, ngẽxguma nagu charüxĩnügu i ngẽma Tanatü ya Tupana taxca̱x mexẽẽxü̃, rü nape̱xegu chacaxã́pü̱xü nax nüxü̃ chicua̱xüxü̃xü̃ca̱x.

Ucu̱xẽgüchiga 28:14

Yimá yatü ya Tupanaga ĩnücü rü Tupana nüxü̃ narüngü̃xẽxẽ, natürü ngẽma duü̃xü̃ i tama Tupanaga ĩnüxü̃, rü tá chixexü̃gu nangu.

Yox 34:19

Natürü nüma ya Tupana rü guxãxü̃ma wüxigu narüngü̃xẽxẽ. Rü woo ãẽ̱xgacü ixĩxẽ rü woo diẽruã̱xgüxe rü woo ngearü diẽruã̱xgüxe rü Tupana rü wüxigutama guxãxü̃ narüngü̃xẽxẽ. Erü nüma ya Tupana rü guxãxü̃ma nango̱xẽxẽ.

Nüxíraxü̃xü̃ ga popera ga Pedru ümatüxü̃ 3:15

Rü name nixĩ i perü Corixü̃ peyaxĩxẽxẽ ya Cristu rü aixcüma naga pexĩnüe. Rü name nixĩ i guxü̃guma ípememare nax mea penangãxü̃xü̃ca̱x i guxü̃ma i ngẽma duü̃xü̃gü i pexna ca̱xaxü̃ nax ta̱xacüca̱x Cristuaxü̃́ peyaxõgüxü̃.

2 Corintios 5:6

Rü ngẽmaca̱x taxuca̱xma taxoegaãẽgü. Erü nüxü̃ tacua̱x rü ñu̱xma nax ñaa toxonewa tangexmagüxü̃ rü taxucürüwama tórü Corixü̃tawa tangexmagü i daxũguxü̃ i naanewa.

2 Corintios 1:2

Rü tanaxwa̱xe i Tanatü ya Tupana rü tórü Cori ya Ngechuchu ya Cristu pexü̃ nangechaxü̃ rü pexna nanaxã i norü taãxẽ.

Chofonía 3:9

Rü ngẽxguma tá ngẽma ngunexü̃ ínguxgu rü mexü̃ i oremaxã tá chayadexagüxẽxẽ i duü̃xü̃gü nax ngẽmaãcü guxü̃ma i nümagü norü yumüxẽwa chomaxã yadexagüxü̃ca̱x rü guxü̃ma wüxigu choxü̃́ napuracüexü̃ca̱x.

Ucu̱xẽgüchiga 14:16

Yíxema cua̱x tüxü̃́ ngẽxmaxe rü tamuü̃ nax chixexü̃ taxüxü̃, rü nüxna tixũgachi. Natürü ngẽma duü̃xü̃ i naechitamare maxü̃xü̃, rü nüxü̃́ nanataxuraxü̃ ega chixexü̃ naxü̱xgu.

Wiyaegü 39:12

Pa Cori Pa Tupanax ¡choxü̃́ nüxü̃ naxĩnü i chorü yumüxẽ! ¡Rü choxü̃́ nüxü̃ naxĩnü i ngẽma auãcü cuxna naxca̱x chacaxü̃! ¡Rü taxṹ i cungea̱xmarexü̃ naxca̱x i chorü axu! Erü choma rü cupe̱xewa rü wüxi i tama choxü̃ cucuáxe chixĩ. Rü yema chorü o̱xigü ga nu ne naxĩmarexü̃rüxü̃ chixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:15

Rü cupe̱xewa i ñoma i naanewa rü toma rü ñoma duü̃xü̃gü i ĩanetanüxü̃rüü̃mare tixĩgü nax paxaãchi i ñoma i naanewa tangexmagüxü̃ yema nũxcüma ga torü o̱xigürüxü̃. Rü ngẽma torü maxü̃ i ñoma i naanewa rü ñoma wüxi i naxchipetarüxü̃ paxa inarütauxmare.

Wenaxarü naxümatü ga Tupanaarü mugü 10:17

Erü yimá perü Cori ya Tupana rü ngẽma duü̃xü̃gü namaxã tupanaã̱xgüxü̃étüwa nangẽxma, rü guxü̃ma i ãẽ̱xgacügüétüwa nangẽxma. Rü nüma nixĩ i poraxüchicü rü ãũcümacü rü guxü̃maxã icuácü. Rü naxca̱x rü guxãma i yixema rü tawüxigu, rü tama diẽru nayaxu ega texé tügü ütanüchaü̃gu.

Naanearü ügüchiga 47:9

Rü Acóbu nanangãxü̃ rü ñanagürü: —Choma rü 130 ya taunecü marü choxü̃́ nangẽxma nax nuxica ne chanaxũxü̃. Rü yimá chorü taunecügü ga nagu guxchaxü̃gü choxü̃́ yexmacü rü noxretama nixĩ, erü tautama nawa changu ya chorü o̱xigüarü taunecüe̱xpü̱x nax yixĩxü̃ca̱x —ñanagürü.

2 Corintios 7:11

Rü yema ngechaü̃ ga Tupana pexca̱x íngu̱xẽẽxü̃ nawa ga yema popera ga pexca̱x chaxümatüxü̃, rü dücax i ngẽma mexü̃ i nawa ínguxuchixü̃. Yerü yema perü ngechaü̃gagu rü aixcüma nagu perüxĩnüe ga yema chixexü̃ ga petanüwa ngupetüxü̃, rü meama chomaxã nüxü̃ pixu ga yema. Rü yema perü ngechaü̃gagu rü peãẽwa nangu̱x ga yema chixexü̃, rü poraãcü Tupanaxü̃ pemuü̃e. Rü yemaca̱x penaxwa̱xe nax yéma chaxũxü̃ nax pexü̃ chayarüngü̃xẽẽxü̃ca̱x, yerü penamexẽẽgüchaü̃ ga yema chixexü̃. Rü yemaca̱x ípenamuxuchi ga yema duü̃xü̃ ga chixexü̃ üxü̃. Rü guxü̃ ga yemawa rü ipenawe̱x nax tama pegagu yixĩxü̃ ga yema chixexü̃ ga ngupetüxü̃.

Wiyaegü 89:26

Rü nüma rü tá ñanagürü choxü̃: “Cuma nixĩ i chaunatü quixĩxü̃ rü chorü Tupana ya choxü̃ ípoxü̃cü rü choxna daucü quixĩxü̃”, ñanagürü tá.

Ore i mexü̃ ga Matéu ümatüxü̃ 16:27

Erü Tupana Nane ya duü̃xü̃xü̃ ixĩcü rü wena táxarü núma naxũ. Rü Chaunatü ya Tupanaarü poramaxã rü daxũcüã̱x i orearü ngeruü̃gümaxã tá ínangu. Rü ngẽxguma tá nixĩ i nüxü̃́ naxütanüãxü̃ i wüxichigü i duü̃xü̃ naxca̱x i ngẽma naxüxü̃.