Nüxíraxü̃xü̃ ga popera ga Pedru ümatüxü̃ 1:13 - Tupanaarü Ore

¹³ Rü ñu̱xma nax Cristuarü duü̃xü̃gü pixĩgüxü̃, rü penaxwa̱xe nax pexuãẽgüxü̃ rü ípememarexü̃ nax penaxüxü̃ i norü ngúchaü̃. Rü name nixĩ i aixcüma ípenangu̱xẽxẽ i guxü̃ma i ngẽma mexü̃gü ya Tupana tá pexna ãxü̃ i ngẽxguma Ngechuchu ya Cristu núma ũxgu.

Nüxíraxü̃xü̃ ga popera ga Pedru ümatüxü̃ 1:13 Iomraidhean Croise

Nüxíraxü̃xü̃ ga popera ga ãẽ̱xgacügüchiga 18:46

Rü nüma ga Cori ya Tupana rü Eríana pora naxã. Rü yexguma marü nügüna pexnagüchirugu rü ĩane ga Yereéwa naña. Rü Acáxü̃pa yéma nangu.

Norü taxre ga popera ga ãẽ̱xgacügüchiga 4:29

Rü yexguma ga Erichéu rü Guexáchixü̃ ñanagürü: —¡Paxa cugü namexẽxẽ rü nayaxu ya yimá chorü caxü̃ruxü̃ rü paxa ngéma ngĩpatawa naxũ! Rü ngẽxguma texéxü̃ namagu cungauxgu ¡rü taxũtáma nüxü̃ curümoxẽ! Rü ngẽxguma texé namawa cuxü̃ rümoxẽgu ¡rü taxũtáma cunangãxü̃! Rü ngẽxguma ngĩpatawa cunguxgu ¡rü yima bucüchametügu naxǘ ya yimá chorü caxü̃ruxü̃! —ñanagürü.

Yox 38:3

Rü ñu̱xma ega cugü ícurüporagu, rü chanaxwa̱xe i choxü̃ cunawe̱x nax tama cumuü̃xü̃ nax choxü̃ cungãxü̃xü̃ i ngẽma cuxna tá naxca̱x chacaxü̃.

Yox 40:7

—¡Ẽcü choxü̃ nawe̱x nax tama cumuü̃xü̃! ¡Rü choxü̃ nangãxü̃ i ñaa tá cuxna naxca̱x chacaxü̃!

Ínachoxü̃xü̃chiga 12:11

Rü ngẽxguma penangõ̱xgu rü tá peyange ya perü naixmena̱xã, rü meama penga̱xãẽgüãcüma rü pechapatuã̱xgüãcüma tá pepaxaãxẽ nax penangõ̱xgüxü̃ i ngẽma namachi. Rü ngẽma chütaxü̃ rü Coriarü Üpetüchiga tá nixĩ i naéga.

Ichaía 11:5

Rü nüma ya yimá ãẽ̱xgacü rü meama guxü̃ma i duü̃xü̃gümaxã tá inacua̱x. Rü aixcüma tá nayanguxẽxẽ i ngẽma ore i nüxü̃ yaxuxü̃.

Yeremía 1:17

¡Rü ñu̱xma i cumax, rü inachi rü cugü naporaxẽxẽ, rü ngẽma duü̃xü̃gütanüwa naxũ rü namaxã nüxü̃ yarüxu i ngẽma choma cumaxã nüxü̃ chixuxü̃! ¡Rü taxṹ i nüxü̃ cumuü̃xü̃! Erü ngẽxguma taxũtáma ngẽma cumaxã nüxü̃ chixuxü̃ãcüma cunaxüxgux, rü choma rü tá ngẽma duü̃xü̃güpe̱xewa muü̃maxã cuxü̃ chidu̱xruxẽxẽ.

Ore i mexü̃ ga Matéu ümatüxü̃ 20:4

Rü ñanagürü nüxü̃: “¡Ngéma chorü úbanecüwa peyapuracüe! Rü mea tá pexü̃́ chanaxütanü”, ñanagürü. Rü nümagü rü yéma naxĩ.

Ore i mexü̃ ga Luca ümatüxü̃ 12:35

Rü name nixĩ i wüxi i coriarü duü̃xü̃gü i norü corixü̃ ínangu̱xuxẽẽgüxü̃rüxü̃ pixĩgü. Rü ngẽxguma norü cori rü wüxi i ngĩgüarü petawa ne naxũxgu rü nümagü rü ínamemare namaxã i naxchiru i mea ígotaxü̃ rü norü omügü rü ninaigü! Rü ngẽxguma norü cori ĩã̱xwa inacagügu, rü paxa naxca̱x nayawãxnagü i ĩã̱x.

Ore i mexü̃ ga Luca ümatüxü̃ 17:30

Rü ngẽxgumarüxü̃ tá nixĩ i ngẽxguma ínanguxgu ya Tupana Nane ya duü̃xü̃xü̃ ixĩcü.

Ore i mexü̃ ga Luca ümatüxü̃ 17:8

Natürü ñatagürü tá nüxü̃: ¡Paxa cha̱u̱xca̱x naxüwemü nax chachibüxü̃ca̱x rü chaxaxexü̃ca̱x! Rü ngẽmawena rü marü name nax cuchibüxü̃ rü cuxaxexü̃, ñatagürü tá.

Romanos 13:13

Rü ngĩxã mexü̃ taxügü rü Tupana naxwa̱xexü̃ãcüma tamaxẽ. Rü tama namaxã taxãmücü i ngẽma duü̃xü̃gü i naxügüxü̃ i taxü̃ i petagü i nawa naxãũgatanüxü̃ rü nangãxexü̃. Rü tama taxünearü ngúchaü̃we tarüxĩ, rü tama to i chixexü̃ taxügü, rü bai nax yigü ichoxü̃gagüxü̃, rü bai i ixauxãchiwa̱xexü̃.

Romanos 8:19

Rü ñu̱xma rü guxü̃ma i ta̱xacü ya Tupana üxü̃ rü nanuãẽãcüma ínanangu̱xẽxẽ i ngẽma ngunexü̃ i nagu Tupana tá guxü̃pe̱xewa inawéxü̃ nax naxacügü ixĩgüxü̃.

1 Corintios 1:7

Rü ñu̱xma nax ípenangu̱xẽẽxü̃ nax wena táxarü núma naxũxü̃ ya tórü Cori ya Ngechuchu ya Cristu, rü taxuxü̃ma i Tupanaarü ngü̃xẽxẽ pexü̃́ nataxu.

1 Corintios 13:13

Rü ñu̱xma rü nangẽxma i tomaepü̱x i nacümagü i guxü̃gutáma ngẽxmaxü̃. Rü wüxi nixĩ nax yaxõxü̃, rü ngẽma to nixĩ nax ínangu̱xẽẽxü̃ nax nataeguxü̃ ya Cristu, rü ngẽma to nixĩ nax tüxü̃́ ngẽxmaxü̃ i ngechaü̃. Natürü ngẽma tomaepü̱xtanüwa rü ngẽma guxü̃arü yexera rümemaexü̃ nixĩ i ngẽma ngechaü̃.

Efesios 6:14

Rü ngẽmaca̱x name nixĩ i mea pegüna pedaugü nax tama ngẽma perü uanüme̱xẽgu peyixü̃ca̱x. Rü Tupanaarü ore i aixcüma ixĩxü̃maxã pegü pigoye. Rü pegü picuxcuchi i Tupanacüma i peremüarü poxü̃ruxü̃ ixĩxü̃.

Colosenses 3:4

Rü nümatama ya Cristu nixĩ i pexü̃ namaxẽxẽẽxü̃. Rü ngẽxguma wena núma naxũxgu, rü pema rü namaxã tá pengóe, rü naxrüxü̃ tá pimexẽchi.

2 Tesalonicenses 1:7

Rü pema i ñu̱xma ngúxü̃ pingegüxü̃ rü Tupana tá tüxü̃ inarüngü̃güxẽxẽ. Rü ngẽma tá nanaxü ya Tupana i ngẽxguma üxüemagu daxũwa ne naxũxgu ya tórü Cori ya Ngechuchu ya Cristu wüxigu namaxã i norü orearü ngeruü̃gü i poraexü̃.

Norü taxre ga popera ga Timutéuca̱x naxümatüxü̃ ga Pauru 4:5

¡Natürü cuma rü mea cugüna nadau, rü ínaxuãxẽ! ¡Rü namaxã napora i ngẽxguma ngúxü̃ cuxca̱x ínguxgu! ¡Rü nüxü̃ ixuama i ngẽma ore i mexü̃ i tüxü̃ maxẽxẽxẽxü̃! ¡Rü mea yanguxẽxẽ i ngẽma puracü ya Tupana cuxna ãxü̃!

Norü taxre ga popera ga Timutéuca̱x naxümatüxü̃ ga Pauru 4:8

Rü ñu̱xma rü marü ínamemare i ngẽma ãmare i mexẽchixü̃ ya tórü Cori ya Ngechuchu ya ãẽ̱xgacü ya mecü tá choxna ãxü̃ i ngẽxguma wenaxarü ñoma i naanewa naxũxgu. Rü taxũtáma chaxica choxna nanaxã i ngẽma ãmare, natürü tá tüxna nanaxã ya guxãma ya yíxema tümaarü ngúchaü̃maxã ínangu̱xuxẽẽgüxe nax wenaxarü núma naxũxü̃.

Popera ga Yudíugü ga yaxõgüxü̃ca̱x ümatüxü̃ 10:35

Rü ngẽmaca̱x i ñu̱xmax, rü tama name nax nüxü̃ perüxoexü̃ nax Cristuaxü̃́ peyaxõgüxü̃. Erü Tupana rü perü õgagu tá pexna nanaxã i perü ãmare i maxü̃ i taguma gúxü̃.

Popera ga Yudíugü ga yaxõgüxü̃ca̱x ümatüxü̃ 3:6

Natürü nüma ya Ngechuchu rü Moichéarü yexera nixĩ erü Tupana Nanexü̃chi nixĩ. Rü nüma nixĩ i nüxna nadauxü̃ i guxü̃ma i ngẽma Tupanaarü duü̃xü̃gü ixĩgüxü̃. Rü yixema rü ta rü Tupanaarü duü̃xü̃gü tixĩgü ega aixcüma Ngechuchuaxü̃́ yaxõgügu rü taguma nüxü̃ rüxoegu. Rü Tupana nanaxwa̱xe nax guxü̃guma Ngechuchumaxã itaãẽgüxü̃ erü nüxü̃ tacua̱x nax wüxi i ngunexü̃ rü tá taxca̱x nataeguxü̃ nax wüxiwa namaxã ingexmagüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 6:19

Rü ngẽma tórü õ rü natai, ñoma wüxi ya wapuruarü taixẽẽruü̃rüxü̃. Rü ñu̱xma nax ínangu̱xẽẽxü̃ nax aixcüma tá nayaxuxü̃ i ngẽma maxü̃ i taguma gúxü̃, rü taxuca̱xma taxoegaãẽgü, erü nüxü̃ tacua̱x nax aixcüma daxũguxü̃ i naanewa ya Tupana íngẽxmaxü̃wa tá íngugüxü̃.

Nüxíraxü̃xü̃ ga popera ga Pedru ümatüxü̃ 1:10

Rü nũxcüma ga yema Tupanaarü orearü uruü̃gü rü poraãcü nangúe rü naxca̱x nadaugü i ngẽma maxü̃ i taguma gúxü̃. Rü nüxü̃ nixugüe nax ñuxãcü Tupana norü ngechaü̃gagu tá pexna naxãxü̃ i ngẽma maxü̃ i taguma gúxü̃.

Nüxíraxü̃xü̃ ga popera ga Pedru ümatüxü̃ 3:15

Rü name nixĩ i perü Corixü̃ peyaxĩxẽxẽ ya Cristu rü aixcüma naga pexĩnüe. Rü name nixĩ i guxü̃guma ípememare nax mea penangãxü̃xü̃ca̱x i guxü̃ma i ngẽma duü̃xü̃gü i pexna ca̱xaxü̃ nax ta̱xacüca̱x Cristuaxü̃́ peyaxõgüxü̃.

Nüxíraxü̃xü̃ ga popera ga Pedru ümatüxü̃ 4:7

Rü marü ningaica nax nagúxü̃ i ñoma i naane rü guxü̃ma i ta̱xacü i nawa ngẽxmaxü̃. Rü ngẽmaca̱x name nixĩ nax pexuãẽgüxü̃, rü mea peãxẽxü̃ pecuáxü̃, rü guxü̃guma peyumüxẽgüxü̃.

Nüxíraxü̃xü̃ ga popera ga Pedru ümatüxü̃ 5:12

Taenexẽ ya Chilbánu ya mea yaxõcüarü ngü̃xẽẽmaxã pexca̱x chanaxümatü i ñaa nuxmarexü̃ i popera nax pexü̃ chixucu̱xẽgüxü̃ca̱x rü pemaxã nüxü̃ chixuxü̃ca̱x nax ngẽma Tupanaarü ngü̃ẽxẽ i pexna naxãxü̃ rü wüxi i cua̱xruxü̃ nixĩ nax poraãcü pexü̃ nangechaü̃xü̃. Rü name nixĩ i taguma nüxü̃ perüngü̃maexü̃ nax pexü̃ nangechaü̃xü̃.

Nüxíraxü̃xü̃ ga popera ga Pedru ümatüxü̃ 5:8

Rü name nixĩ i guxü̃guma pegüna pedaugü rü ípexuãẽgü, erü perü uanü i Chataná rü ñoma wüxi ya leóü̃ ya idüraxüchicürüxü̃ nanañaane rü tümaca̱x nadau nax texéxü̃ tá chixexü̃gu nanguxẽẽxü̃.

Nüxíraxü̃xü̃ ga popera ga Cuáü̃ ümatüxü̃ 3:3

Rü guxãma ya yíxema yaxõgüxe nax Ngechuchurüxü̃ tá tixĩxü̃, rü tügüna tadau nax Ngechuchu ya Cristurüxü̃ tamexü̃.