Nüxíraxü̃xü̃ ga popera ga Cuáü̃ ümatüxü̃ 5:3 - Tupanaarü Ore

³ Rü ngẽxguma aixcüma Tupanaxü̃ ingechaü̃gügu rü naga taxĩnüe i ngẽma tüxü̃ namuxü̃. Rü ngẽma tüxü̃ namuxü̃ rü tama naguxcha nax naga ixĩnüexü̃.

Nüxíraxü̃xü̃ ga popera ga Cuáü̃ ümatüxü̃ 5:3 Iomraidhean Croise

Wiyaegü 119:140

Rü choma nax curü duü̃xü̃ chixĩxü̃ rü marü meama chanangugü i ngẽma curü mugü nax taxuwama nachixexü̃ rü ngẽmaca̱x nüxü̃ changechaü̃.

Wiyaegü 119:45

Rü ngẽmaãcü taxuca̱xtama ta̱xacüca̱x chamuü̃, erü naga chaxĩnü i ngẽma curü mugü.

Ínachoxü̃xü̃chiga 20:6

Natürü ya yíxema choxü̃ ngechaü̃güxe rü naga ĩnüexe i ngẽma chorü mugü, rü tüxü̃ changechaü̃. Rü tá nüxü̃ changechaü̃ i tümataagü ega woo 1,000 wa nanguxgu nax yamuxü̃.

Ucu̱xẽgüchiga 3:17

Ngẽxguma nagu imaxẽgu i ngẽma cua̱x rü tataãẽgü, rü ngẽxguma nacümagu ixĩxgu rü taãẽgu tamaxẽ.

Danié 9:4

Rü yema chorü yumüxẽwa rü Tupanamaxã nüxü̃ chixu ga chorü pecadugü rü chautanüxü̃arü pecadugü rü ñachagürü: —Pa Cori Pa Tupanax, cuma rü guxãétüwa cungexma rü cuporaxüchi rü guxü̃guma cuyanguxẽxẽ i curü unetagü. Rü ngẽmawa tüxü̃ cunawe̱x nax tüxü̃ cungechaü̃xü̃ ya yíxema aixcüma cuga ĩnüexe rü nagu maxẽxe i curü mugü.

Miquéa 6:8

Rü nüma ya Cori ya Tupana rü marü cumaxã nüxü̃ nixu, Pa Duü̃xü̃x, i ta̱xacü nixĩ i nape̱xewa mexü̃ rü ta̱xacü nixĩ i ngẽma cuxü̃́ nanaxwa̱xexü̃. Rü ngẽma cuxü̃́ nanaxwa̱xexü̃ nixĩ nax mexü̃ cuxüxü̃ rü quixaixcümaxü̃ rü curü Tupanaga nax cuxĩnüxü̃ rü tama cugü quicua̱xüxü̃.

Ore i mexü̃ ga Matéu ümatüxü̃ 23:4

Rü nüma rü duü̃xü̃güxü̃ namu nax naga naxĩnüexü̃ca̱x i mugü i guxchaxü̃ i taxucürüwama texé yáxna namaxã ĩnüxü̃. Natürü woo duü̃xü̃güxü̃ namu nax naga naxĩnüexü̃ca̱x i ngẽma mugü, rü nümagü i ngẽma ngúexẽẽruü̃gü rü ngẽma Parichéugü rü bai i írarüwa naga naxĩnüexü̃ i ngẽma mugü.

Ore i mexü̃ ga Cuáü̃ ümatüxü̃ 14:15

Rü ngẽxguma aixcüma choxü̃ pengechaü̃gu, rü naga tá pexĩnüe i chorü mugü.

Ore i mexü̃ ga Cuáü̃ ümatüxü̃ 15:10

Choma rü naga chaxĩnü i Chaunatüarü mugü rü nüma rü guxü̃guma choxü̃ nangechaü̃. Rü ngẽxgumarüxü̃ ta ega naga pexĩnüegu i chorü mugü, rü guxü̃gutáma pexü̃ changechaü̃.

Ore i mexü̃ ga Cuáü̃ ümatüxü̃ 15:14

Pema rü chomücügü pixĩgü i ngẽxguma chauga pexĩnüegu.

Romanos 7:12

Natürü yema mugü rü aixcüma naxüüne i Tupanape̱xewa. Rü guxü̃ma i ngẽma Tupana tamaxã nüxü̃ ixuxü̃ rü naxüüne rü nixaixcüma rü name.

Romanos 7:22

Choma rü chauãẽwa rü chorü me nixĩ i Tupanaarü mugü, rü naga chaxĩnüchaü̃.

Wenaxarü naxümatü ga Tupanaarü mugü 5:10

Natürü ya yíxema choxü̃ ngechaxü̃güxe rü naga ĩnüexe i ngẽma chorü mugü, rü tüxü̃ changechaü̃, rü tá nüxü̃ changechaü̃ i tümataagü woo 1,000 e̱xpü̱xcüna yamuxgu.

Wenaxarü naxümatü ga Tupanaarü mugü 7:9

Rü ngẽmaca̱x penaxwa̱xe nax nüxü̃ pecuáxü̃ nax nüma ya Cori ya Tupana rü aixcümaxü̃chi Tupana yixĩxü̃. Rü woo 1,000 e̱xpü̱xcüna yamuxgu i duü̃xü̃gü rü nüma ya Tupana rü guxü̃guma nayanguxẽxẽ i norü uneta i naxüxü̃ naxca̱x i ngẽma duü̃xü̃gü i ingóetanüxü̃ i nüxü̃ ngechaü̃güxü̃ rü yanguxẽẽgüxü̃ i norü mugü.

Popera ga Yudíugü ga yaxõgüxü̃ca̱x ümatüxü̃ 8:10

Natürü ngẽma ngunexü̃güwena rü wena tá ngẽma Iraétanüxü̃maxã ichaxuneta. Rü ñaãcü tá nixĩ i namaxã ichaxunetaxü̃: ‘Choma rü tá meama ngẽma duü̃xü̃güxü̃ nüxü̃ chacua̱xẽxẽ i chorü mugü nax aixcüma naãxẽwa rü norü maxü̃wa nangẽxmagüxü̃ca̱x. Rü choma rü tá norü Tupana chixĩ, rü nümagü rü tá chorü duü̃xü̃gü nixĩgü’.

Nüxíraxü̃xü̃ ga popera ga Cuáü̃ ümatüxü̃ 2:3

Rü ngẽxguma chi naga ixĩnüegu i norü mugü, rü nüxü̃ tacua̱x nax aixcüma Tupanaxü̃ icuáxü̃.

Norü taxre ga popera ga Cuáü̃ ümatüxü̃ 1:6

Ngẽxguma yigü ingechaü̃gügu, rü ngẽmawa nüxü̃ tacua̱x nax marü yanguxẽẽxü̃ i Tupanaarü mugü. Rü ngẽma nax pegü pengechaxü̃güxü̃ rü ngẽmatama nixĩ i mu ga noxritama peyaxõgügu nüxü̃ pexĩnüexü̃.