Nüxíraxü̃xü̃ ga popera ga Cuáü̃ ümatüxü̃ 4:16 - Tupanaarü Ore

¹⁶ Rü ngẽmaãcü nüxü̃ tacua̱x rü tayaxõgü nax Tupana rü poraãcü tüxü̃ nangechaü̃xü̃. Rü nüma nixĩ i guxãxü̃ nangechaü̃xü̃. Rü yíxema tümaenexẽxü̃ ngechaü̃xe, rü Tupanaarü duü̃xü̃ tixĩ, rü nüma ya Tupana rü tümawa namaxü̃.

Nüxíraxü̃xü̃ ga popera ga Cuáü̃ ümatüxü̃ 4:16 Iomraidhean Croise

Wiyaegü 31:19

Pa Tupanax, cuma rü icunawe̱x nax poraãcü tümamaxã cumecümaxü̃ ya yíxema cuga ĩnüexe. ¡Rü duü̃xü̃güpe̱xewa inawe̱x nax tüxü̃ ícupoxü̃xü̃ ya yíxema cuxca̱x ĩxe nax cuxü̃tagu tarücu̱xgüxü̃ca̱x!

Ichaía 64:4

Rü nũxcümacürüwa taguma texé nachiga taxĩnü rü texé nüxü̃ tadau i to i Tupana i naxüxü̃ i ngẽma cuma cuxüxü̃ tümaca̱x ya yíxema cuxü̃́ yaxõgüxe.

Ore i mexü̃ ga Cuáü̃ ümatüxü̃ 6:69

Toma rü marü cuxü̃́ tayaxõgü, rü nüxü̃ tacua̱x nax cuma quixĩxü̃ ya Cristu ya Üünecü ya Tupana Nane —ñanagürü.

Ore i mexü̃ ga Cuáü̃ ümatüxü̃ 9:3

Rü Ngechuchu nüxü̃ nangãxü̃, rü ñanagürü nüxü̃: —Tama norü pecadugagu rü tama i nanatü rü naéarü pecadugagu nixĩ i ngẽmaãcü nabuxü̃. Natürü ngẽmaãcü nabu nax nawa nüxü̃ pedauxü̃ca̱x nax Tupana nüxü̃́ nangẽxmaxü̃ i pora nax namexẽẽãxü̃.

1 Corintios 2:9

Rü ngẽmachiga nixĩ i Tupanaarü ore i ümatüxü̃wa i ñaxü̃: “Rü ngẽma duü̃xü̃gü i Tupanaxü̃ ngechaü̃güxü̃ca̱x, rü nüma nanamexẽxẽ i ta̱xacü i taxúema nüxü̃ dauxü̃, rü taguma texé nüxü̃ ĩnüxü̃, rü bai i texé nagu rüxĩnüxü̃”, ñaxü̃.

Nüxíraxü̃xü̃ ga popera ga Cuáü̃ ümatüxü̃ 3:1

¡Dücax, Pa Chauenexẽgüx, ñuxãcü poraãcü tüxü̃ nangechaü̃ ya Tanatü ya Tupana! Rü ngẽmaca̱x nixĩ i naxacügümaxã tüxü̃ naxuxü̃ i nümax. Rü aixcüma naxacügü tixĩgü. Rü ngẽmaca̱x ñoma i naanecüã̱x i duü̃xü̃gü rü tama tüxü̃ nacua̱xgüchaü̃ erü Tupanaxü̃ rü ta tama nacua̱xgüchaü̃.

Nüxíraxü̃xü̃ ga popera ga Cuáü̃ ümatüxü̃ 3:16

Rü Ngechuchu ya Cristu rü tórü pecaduca̱x nayu, rü yemawa tüxü̃ nüxü̃ nadauxẽxẽ i ngẽma ngechaü̃ i aixcüma ixĩxü̃. Rü ngẽxgumarüxü̃ ta i yixema, rü tanaxwa̱xe nax íimemarexü̃ nax taenexẽ i yaxõgüxü̃ca̱x inaxãxü̃ i tórü maxü̃.

Nüxíraxü̃xü̃ ga popera ga Cuáü̃ ümatüxü̃ 3:24

Rü yíxema naga ĩnüxe i ngẽma Tupana tüxü̃ muxü̃, rü aixcüma Tupanaarü duü̃xü̃ tixĩ rü nüma ya Tupana rü tümawa namaxü̃. Rü nüxü̃ tacua̱x nax Tupanaarü duü̃xü̃gü ixĩgüxü̃ rü tawa nax namaxü̃xü̃, erü tawa namaxü̃ i Naãxẽ ya Üünexü̃ ga Tupana tüxna namuxü̃.

Nüxíraxü̃xü̃ ga popera ga Cuáü̃ ümatüxü̃ 4:7

Pa Chauenexẽgü ya Pexü̃ Changechaü̃güxe, name nixĩ nax yigü ingechaü̃güxü̃, erü Tupanawa ne naxũ i ngẽma nax yigü ingechaü̃güxü̃. Rü guxãma ya yíxema tümaenexẽxü̃ ngechaü̃xe rü Tupanaxacü tixĩ rü Tupanaxü̃ tacua̱x.