Nüxíraxü̃xü̃ ga popera ga Cuáü̃ ümatüxü̃ 3:2 - Tupanaarü Ore

² Pa Chauenexẽgü ya Pexü̃ Changechaü̃güxe, ñu̱xma rü marü Tupanaxacügü tixĩgü. Rü woo tama tüxü̃ nüxü̃ nacua̱xẽxẽ nax ñuxãcü tá ixĩgüxü̃ i yixcüra, natürü nüxü̃ tacua̱x nax Ngechuchurüxü̃ tá ixĩgüxü̃ i ngẽxguma nüma nango̱xgu, erü tá nüxü̃ tadau nax nañuxraü̃xü̃ i nüma.

Nüxíraxü̃xü̃ ga popera ga Cuáü̃ ümatüxü̃ 3:2 Iomraidhean Croise

Yox 19:26

Rü woo i ñaa chauxune rü tá nua chanata̱x, natürü choma rü chauxetümaxã tá Tupanaxü̃ chadau.

Wiyaegü 16:11

Rü cuma rü choxü̃ cunawe̱x i ngẽma nama i maxü̃wa nadaxü̃. Rü cuxü̃tawa nangẽxma i taxüchixü̃ i taãxẽ. Rü ngẽma curü tügünecüwawa nangẽxma i taãxẽ i taguma iyacuáxü̃.

Wiyaegü 17:15

Natürü i chomax rü ngẽma namaxã chataãẽxü̃ nixĩ nax cuxü̃ tá chadauxü̃ rü cuxü̃tawa tá changexmaxü̃ i ngẽxguma tá ícharüdaxgux.

Wiyaegü 31:19

Pa Tupanax, cuma rü icunawe̱x nax poraãcü tümamaxã cumecümaxü̃ ya yíxema cuga ĩnüexe. ¡Rü duü̃xü̃güpe̱xewa inawe̱x nax tüxü̃ ícupoxü̃xü̃ ya yíxema cuxca̱x ĩxe nax cuxü̃tagu tarücu̱xgüxü̃ca̱x!

Maraquía 3:2

¿Natürü texé tá namaxã tapora ya yimá Cori i ngẽma ngunexü̃ i nagu ínanguxü̃? ¿Rü texé tá nape̱xegu tachiama? Erü ngẽxguma ínanguxgu rü ñoma wüxi i üxüemaãcü tá ínangu nax yamexẽẽgüãxü̃ca̱x i tórü maxü̃. Rü ñoma wüxi ya chaũrüxü̃ tá inanayi̱xẽxẽ i guxü̃ma i tórü ãũãchixü̃.

Ore i mexü̃ ga Matéu ümatüxü̃ 5:8

Tataãẽgü ya yíxema tama chixexü̃gu rüxĩnüexe, erü yíxema tá tixĩgü ya Tupanaxü̃ daugüxe.

Ore i mexü̃ ga Luca ümatüxü̃ 17:30

Rü ngẽxgumarüxü̃ tá nixĩ i ngẽxguma ínanguxgu ya Tupana Nane ya duü̃xü̃xü̃ ixĩcü.

Ore i mexü̃ ga Luca ümatüxü̃ 20:36

Erü ngéma rü tagutáma nayue. Rü daxũcüã̱x i Tupanaarü orearü ngeruü̃gürüxü̃ tá nixĩgü. Rü aixcüma Tupanaxacügü tá nixĩgü erü yuwa ínarüdagü.

Ore i mexü̃ ga Cuáü̃ ümatüxü̃ 1:12

Natürü guxema nayauxgüxe rü nüxü̃́ yaxõgüxe rü tüxü̃ nade nax Tupanaxacügü tixĩgüxü̃.

Ore i mexü̃ ga Cuáü̃ ümatüxü̃ 11:52

Rü yema orewa rü nanango̱xẽxẽ nax tama Yudíugüca̱xicatama tá nax nayuxü̃, natürü tá nayu naxca̱x i guxü̃ma i Tupanaarü duü̃xü̃gü i ñoma i naanegu woonexü̃, nax wüxiwa nangẽxmagüxü̃ca̱x.

Ore i mexü̃ ga Cuáü̃ ümatüxü̃ 17:24

Pa Chaunatüx, cuma choxna cunamugü i ñaa ngúexü̃gü. Rü chanaxwa̱xe i chauxü̃tawa nangẽxmagü i ngéma tá íchangexmaxü̃wa, nax nüxü̃ nadaugüxü̃ca̱x i chorü pora ga choxna cuxãxü̃. Yerü choxü̃ cungechaü̃ ga yexguma tauta naane ixügügumama.

Romanos 8:16

Rü ngẽmatama Naãxẽ ya Üünexü̃ nixĩ i aixcüma taãxẽwa tüxü̃ nüxü̃ cua̱xẽẽxü̃ nax Tupanaxacügü ixĩgüxü̃.

Romanos 8:18

Rü choma nagu charüxĩnü rü ngẽma ngúxü̃ i ñu̱xma ñoma i naanewa ingegüxü̃, rü taxuxü̃ma nixĩ i ngẽxguma nagu nanguxgu i ngẽma mexü̃ i yixcüra tá nüxü̃ idauxü̃ i ngẽxguma Cristumaxã ingẽxmagügu i daxũguxü̃ i naanewa.

Romanos 8:19

Rü ñu̱xma rü guxü̃ma i ta̱xacü ya Tupana üxü̃ rü nanuãẽãcüma ínanangu̱xẽxẽ i ngẽma ngunexü̃ i nagu Tupana tá guxü̃pe̱xewa inawéxü̃ nax naxacügü ixĩgüxü̃.

Romanos 8:29

Rü woetama nũxcümama ga Tupana rü marü tüxü̃ nacua̱x nax texégü tá tixĩgüxü̃ ya yíxema noxrü ixĩgüxe. Rü woetama nũxcümama tüxü̃ nade nax Nanerüxü̃ timexü̃ca̱x, rü Nane yixĩxü̃ ga nüxíra írüdacü natanüwa i muxü̃ma i yaxõgüxü̃.

1 Corintios 13:12

Rü ngẽma ñu̱xma nüxü̃ idauxü̃ i Tupanachiga, rü ñoma wüxi i worua ya üxachametüxewa yigü idauxü̃rüxü̃ nixĩ nax taxca̱x naxẽxü̃. Natürü yixcüra rü tá aixcüma mea nüxü̃xüchi tadau ya Tupana. Rü ñu̱xma rü írarüwatama nüxü̃ chacua̱x i Tupanachiga. Natürü wüxi i ngunexü̃gu rü tá mea nüxü̃ chacua̱x i guxü̃ma i nachiga, ngẽma nüma ya Tupana choxü̃ nacuáxü̃rüxü̃.

1 Corintios 15:49

Rü ngẽxgumarüxü̃ nax Adáü̃ ga waixü̃müwa ücürüxü̃ nax yixĩxü̃ i taxü̃ne, rü ngẽxgumarüxü̃ tá ta Cristu ya daxũwa ngẽxmacürüxü̃ nixĩ i taxü̃ne i yixcüra.

1 Corintios 2:9

Rü ngẽmachiga nixĩ i Tupanaarü ore i ümatüxü̃wa i ñaxü̃: “Rü ngẽma duü̃xü̃gü i Tupanaxü̃ ngechaü̃güxü̃ca̱x, rü nüma nanamexẽxẽ i ta̱xacü i taxúema nüxü̃ dauxü̃, rü taguma texé nüxü̃ ĩnüxü̃, rü bai i texé nagu rüxĩnüxü̃”, ñaxü̃.

2 Corintios 3:18

Rü ngẽmaca̱x guxãma i yixema nax Cristuaxü̃́ yaxõgüxü̃ rü ñoma woruarüxü̃ tixĩgü, rü tawa nango̱x nax ñuxãcü namexẽchixü̃ ya tórü Cori, rü ñu̱xma rü nataxuma i ta̱xacü i tüxü̃ idüxüxü̃ naxcha̱xwa. Rü nüma ya tórü Cori i Naãxẽ ya Üünexü̃ ixĩcü, rü guxü̃guma yexeraãcü tüxü̃ nimexẽẽchigü nax naxrüxü̃ imexü̃ca̱x.

2 Corintios 4:17

Erü ngẽma ngúxü̃ i ñu̱xma torü maxü̃wa tingexü̃, rü wüxi i paxaãchimare nixĩ rü paxa tá nangupetü. Natürü ngẽma ngúxü̃gagu rü tá tanayaxu i wüxi i maxü̃ i mexẽchixü̃ i tagutáma gúxü̃.

Gálatas 3:26

Rü ñu̱xma nax Ngechuchu ya Cristuaxü̃́ peyaxõgüxü̃, rü Tupanaxacügü pixĩgü i guxãma i pemax.

Gálatas 4:6

Rü Tupana tüxna nanamu ga Naãxẽ ya Üünexü̃ nax tüxü̃ nüxü̃ nadauxẽẽxü̃ca̱x nax aixcüma naxacügüxüchi ixĩgüxü̃. Rü ngẽmaca̱x i ñu̱xma rü marü name i “Pa Chaunatüx”, ñatarügü nüxü̃ ya Tupana.

Filipenses 3:21

Rü ñaa taxü̃ne i yuxwa̱xexü̃ rü nüma ya Cristu tá nanaxüchicüxü nax naxü̃ne i üünexü̃rüxü̃ yixĩxü̃ca̱x. Rü ngẽma norü pora i namaxã guxü̃étüwa nangẽxmaxü̃maxã tá nixĩ i naxüchicüüãxü̃ i ngẽma taxü̃ne nax noxrürüxü̃ yixĩxü̃ca̱x.

Colosenses 3:4

Rü nümatama ya Cristu nixĩ i pexü̃ namaxẽxẽẽxü̃. Rü ngẽxguma wena núma naxũxgu, rü pema rü namaxã tá pengóe, rü naxrüxü̃ tá pimexẽchi.

Norü taxre ga popera ga Pedru ümatüxü̃ 1:4

Rü yema nacüma i mexü̃maxã Tupana tüxna nanaxã i norü unetagü i aixcüma mexẽchixü̃ nax ngẽmaãcü naxrüxü̃ pimexü̃ca̱x rü nüxna pixĩgachixü̃ca̱x i guxü̃ma i ngẽma chixexü̃gü i duü̃xü̃güarü ngúchaü̃gagu ñoma i naanewa ngẽxmagüxü̃.

Nüxíraxü̃xü̃ ga popera ga Cuáü̃ ümatüxü̃ 2:28

Rü ñu̱xmax, Pa Chauxacügüx, rü name nixĩ nax meama Cristuaxü̃́ peyaxõgüxü̃ nax tama nüxü̃ imuü̃exü̃ca̱x, rü tama ixãneexü̃ca̱x nape̱xewa i ngẽxguma wena nua naxũxgu.

Nüxíraxü̃xü̃ ga popera ga Cuáü̃ ümatüxü̃ 2:7

Pa Chauenexẽgüx, ñaa Tupanaarü mu i pexca̱x chaxümatüxü̃ rü tama wüxi i ngexwaca̱xü̃xü̃ i mu nixĩ. Rü ngẽmatama mu ga noxritama peyaxõgügu peyauxgüxü̃ nixĩ i pexca̱x chaxümatüxü̃. Rü ngẽmatama mu nixĩ i ngẽma ore ga marü nüxü̃ pexĩnüexü̃.

Nüxíraxü̃xü̃ ga popera ga Cuáü̃ ümatüxü̃ 3:1

¡Dücax, Pa Chauenexẽgüx, ñuxãcü poraãcü tüxü̃ nangechaü̃ ya Tanatü ya Tupana! Rü ngẽmaca̱x nixĩ i naxacügümaxã tüxü̃ naxuxü̃ i nümax. Rü aixcüma naxacügü tixĩgü. Rü ngẽmaca̱x ñoma i naanecüã̱x i duü̃xü̃gü rü tama tüxü̃ nacua̱xgüchaü̃ erü Tupanaxü̃ rü ta tama nacua̱xgüchaü̃.

Nüxíraxü̃xü̃ ga popera ga Cuáü̃ ümatüxü̃ 3:10

Rü marü nüxü̃ tacua̱x nax texé tixĩgüxü̃ ya Tupanaxacügü rü texé tixĩgüxü̃ ya Chatanáxacügü. Erü yíxema tama mexü̃ ǘxe rü tama tümaenexẽxü̃ ngechaü̃xe, rü tama Tupanaxacü tixĩ.

Nüxíraxü̃xü̃ ga popera ga Cuáü̃ ümatüxü̃ 3:21

Pa Chauenexẽgü ya Pexü̃ Changechaü̃güxe, ngẽxguma taãẽwa nüxü̃ icua̱xgu nax Tupanaxacüxüchi ixĩgüxü̃, rü tama taxãnee nax nüxna ingaicamagüxü̃ ya Tanatü ya Tupana.

Nüxíraxü̃xü̃ ga popera ga Cuáü̃ ümatüxü̃ 5:1

Guxü̃ma ya yíxema yaxṍxe nax Cristu yixĩxü̃ ya Ngechuchu, rü Tupana nane tixĩ. Rü guxãma ya yíxema Tanatü ya Tupanaxü̃ ngechaü̃güxe, rü nüxü̃ tangechaü̃ ta i naxacügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:28

Rü tá tüxna chanaxã ya yimá woramacuri ya pa̱xmama nüxü̃ idaucü”.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:4

Rü mea tá nachiwexüchixü̃ nadaugü, rü nacatügüwa tá nangẽxma i naéga.