Nüxíraxü̃xü̃ ga popera ga Cuáü̃ ümatüxü̃ 3:16 - Tupanaarü Ore

¹⁶ Rü Ngechuchu ya Cristu rü tórü pecaduca̱x nayu, rü yemawa tüxü̃ nüxü̃ nadauxẽxẽ i ngẽma ngechaü̃ i aixcüma ixĩxü̃. Rü ngẽxgumarüxü̃ ta i yixema, rü tanaxwa̱xe nax íimemarexü̃ nax taenexẽ i yaxõgüxü̃ca̱x inaxãxü̃ i tórü maxü̃.

Nüxíraxü̃xü̃ ga popera ga Cuáü̃ ümatüxü̃ 3:16 Iomraidhean Croise

Ore i mexü̃ ga Matéu ümatüxü̃ 20:28

Yerü Tupana Nane ya duü̃xü̃xü̃ ixĩcü rü tama nüxü̃ nangü̃xẽẽgüxü̃ca̱x núma naxũ. Natürü núma naxũ nax duü̃xü̃güxü̃ yanangü̃xẽẽxü̃ca̱x rü naxca̱x inaxããxü̃ca̱x i norü maxü̃, nax ngẽmaãcü muxü̃ma i duü̃xü̃güarü maxü̃ naxütanüxü̃ca̱x —ñanagürü.

Ore i mexü̃ ga Cuáü̃ ümatüxü̃ 10:11

Choma nixĩ i carnéruarü dauruxü̃ ya mecü chixĩxü̃. Rü wüxi i carnéruarü dauruxü̃ ya mecü rü norü carnérugüxü̃ ínapoxü̃ rü ñu̱xmata naxca̱x nayu̱x.

Ore i mexü̃ ga Cuáü̃ ümatüxü̃ 13:34

Rü pemaxã nüxü̃ chixu i wüxi i ngexwaca̱xü̃xü̃ i mu. Rü ngẽma pexü̃ chamuxü̃ nixĩ i pemücügüxü̃ nax pengechaü̃xü̃ i wüxichigü. Rü ngẽma nax choma pexü̃ changechaü̃xü̃rüxü̃, rü chanaxwa̱xe i wüxichigü i pema rü pemücügüxü̃ pengechaü̃gü.

Ore i mexü̃ ga Cuáü̃ ümatüxü̃ 3:16

Rü Tupana rü poraãcü nüxü̃ nangechaü̃ i ñoma i naanecüã̱x i duü̃xü̃gü. Rü yemaca̱x inanamu ga Nane ga nügümaxã wüxicacü nax guxãma ya texé ya nüxü̃́ yaxõgüxe rü tama itarütauxexü̃ca̱x rü tüxü̃́ nangẽxmaxü̃ca̱x i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 20:28

Rü ngẽmaca̱x i ñu̱xma rü penaxwa̱xe nax pexuãẽgüxü̃ rü mea nüxna pedaugüxü̃ i guxü̃ma i yaxõgüxü̃ i petanüwa ngẽxmagüxü̃. Erü ngẽma nixĩ i Tupanaãxẽ ya Üünecü nagu pexü̃ mugüxü̃ nax nüxna pedaugüxü̃ca̱x i ngẽma Tupanaarü duü̃xü̃gü i yaxõgüxü̃ ya Ngechuchu nagümaxãtama naxca̱x taxexü̃.

Romanos 16:4

Rü nümagü rü ãũcümaxü̃wa nichocu nax chauétüwa nachogüexü̃ca̱x nax tama chayuxü̃ca̱x ga chomax. Rü ngẽmaca̱x moxẽ nüxna chaxã. Rü tama chaxicatama moxẽ naxca̱x nüxna chaxã, natürü moxẽ nüxna naxãgü ta i guxü̃ma i taenexẽgü i yaxõgüxü̃ i tama Yudíugü ixĩgüxü̃.

Romanos 5:8

Natürü Tupana tüxü̃ nüxü̃ nadauxẽxẽ nax tüxü̃ nangechaü̃xü̃ yerü yexguma ipecaduã̱xgügu nixĩ ga taxca̱x nayuxü̃ ga Cristu.

2 Corintios 4:12

Rü ngẽmaãcü yuwa tangexmagü, natürü i pema rü maxü̃ i taguma gúxü̃wa pengẽxmagü.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Efesios 5:25

Rü pemax, Pa Yatügüx, rü name i pema̱xü̃ pengechaü̃gü, yema nax Cristu guxü̃ma i yaxõgüxü̃xü̃ nangechaü̃xü̃ rü norü maxü̃ naxca̱x inaxãxü̃rüxü̃.

Filipenses 2:17

Rü ñu̱xma nax mea peyaxõgüxü̃, rü ngẽma nixĩ i perü ãmare i Tupanana pexãxü̃. Rü ngẽma nax mea yanguxü̃ca̱x i ngẽma perü ãmare i Tupanape̱xewa, rü choma rü íchamemare nax Tupanaca̱x ichanaxãxü̃ i chorü maxü̃ rü chayuxü̃. Rü ngẽmaca̱x woo chayu̱xgu rü wüxi i taãxẽ tá nixĩ i cha̱u̱xca̱x. Rü chanaxwa̱xe i pemax rü ta wüxigu chomaxã petaãẽgü.

Filipenses 2:30

Yerü nüma ga Epaporudítu rü yema nax poraãcü Cristuarü puracüwa napuracüxü̃ rü wixguxüchi taa̱x nayu. Rü ãũcümaxü̃wa nügü nayexmaxẽxẽ nax pechicüxü choxü̃ nangü̃xẽẽxü̃ca̱x.

1 Tesalonicenses 2:8

Rü poraãcü pexü̃ tangechaü̃, rü yemaca̱x pexna tanaxã ga Tupanaarü ore. Rü tama Tupanaarü orexicatama pexna taxãxchaü̃ ga yexguma, natürü marü ítamemare nax pexca̱x itanaxãxü̃ i torü maxü̃ rü ta, yerü poraãcü pexü̃ tangechaü̃gü.

Popera ga Títoca̱x naxümatüxü̃ ga Pauru 2:13

Rü name nax ngẽmaãcü mea imaẽxü̃ ñu̱xma nax ínangu̱xẽẽgüxü̃ nax nataeguxü̃ ya Ngechuchu ya Cristu ya tórü Maxẽxẽxẽruxü̃ ya tórü Tupana ya tacü ixĩcü.

Nüxíraxü̃xü̃ ga popera ga Pedru ümatüxü̃ 1:18

Rü Tupana rü marü pexü̃ ínanguxü̃xẽxẽ nawa ga yema nũxcümaü̃xü̃ ga perü maxü̃ ga taxuwama mexü̃ ga perü o̱xigüwa peyaxuxü̃. Rü yema nax nawa pexü̃ ínanguxü̃xẽẽxü̃ca̱x rü pexna naxããxü̃ca̱x i maxü̃ i ngexwaca̱xü̃xü̃, rü poraãcü nüxü̃́ natatanü. Yerü tama úiru rü ẽ̱xna diẽru i ngauxwa̱xexü̃maxã nanaxütanü, natürü nagü ya Cristu ya mexẽchicümaxã nixĩ ga naxütanüãxü̃. Rü nüma ga Cristu rü ñoma wüxi i carnéru i taxuwama nañuxraü̃xü̃ i Tupanaca̱x imáxü̃rüxü̃ pexca̱x nayu nax pexü̃ naxütanüxü̃ca̱x.

Nüxíraxü̃xü̃ ga popera ga Pedru ümatüxü̃ 2:24

Rü nümatama ga Cristu rü nügüxü̃negu nayange ga tórü pecadugü ga yexguma curuchagu nayu̱xgu. Rü yemaacü nanaxü nax nüxü̃ rüxoexü̃ca̱x i tórü chixexü̃ rü naxca̱xicatama imaxẽxü̃ca̱x. Nüma rü pexca̱x nanapi̱x nax yemaacü pexü̃ nameexẽẽxü̃ca̱x.

Nüxíraxü̃xü̃ ga popera ga Pedru ümatüxü̃ 3:18

Yerü nümatama ga Cristu rü ngúxü̃ ninge, rü wüxicanatama guxãarü pecaduca̱x nayu. Rü nüma rü taxuxü̃ma ga chixexü̃ naxü, natürü chixexü̃ ga duü̃xü̃güca̱x ngúxü̃ ningẽ nax Tupanaxü̃tawa pexü̃ nagagüxü̃ca̱x. Rü woo nayu ga naxü̃ne, natürü ga naãxẽ rü namaxü̃.

Nüxíraxü̃xü̃ ga popera ga Cuáü̃ ümatüxü̃ 2:6

Rü yíxema ñagüxe: “Tupanaarü duü̃xü̃ chixĩ”, ñagüxe, rü name nixĩ nax mea tamaxü̃xü̃ yema Ngechuchu ya Cristu mea maxü̃xü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 2:9

Rü ngẽxguma chi wüxíe ñagügu: “Choma rü ngóonexü̃wa changexma”, ñagügu, natürü tümaenexẽchi taxaixgu, rü ẽanexü̃watama tangexma.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:5

Rü ngẽxgumarüxü̃ ta chanaxwa̱xe nax pexü̃ nangü̃xẽẽxü̃ rü pexü̃ nataãẽxẽẽxü̃ ya Ngechuchu ya Cristu ga meama nüxü̃ ixucü ga Tupanachiga ga ñoma ga naanewa. Rü nüma nixĩ ga nüxíra yuwa ínadaxü̃. Rü nüma nixĩ i namaxã inacuáxü̃ i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü. Rü nüma rü tüxü̃ nangechaü̃, rü nagümaxã tüxü̃́ inayanaxoxẽxẽ i tórü pecadugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:9

Rü nagu nawiyaegü ga wüxi ga wiyae ga yexwaca̱xüxü̃ ga ñaxü̃: “Cuma nixĩ i cumexü̃ nax cunayaxuxü̃ i ngẽma popera rü cuyagáutanüxü̃ i ngẽma norü ñaxtachipe̱xexü̃. Yerü cuma rü marü quima̱xchire̱x, rü cugümaxã Tupanaaxü̃́ naxca̱x cutaxe i naguxü̃raü̃xü̃ i duü̃xü̃gütücumü rü naguxü̃raü̃xü̃ i duü̃xü̃gü i to i nagawa idexagüxü̃ rü naguxü̃raü̃xü̃ i ĩanegücüã̱x rü naguxü̃raü̃xü̃ i nachixü̃anecüã̱x.