Nüxíraxü̃xü̃ ga popera ga Cuáü̃ ümatüxü̃ 3:12 - Tupanaarü Ore

¹² Rü tama tanaxwa̱xe nax Caíü̃rüxü̃ ixĩgüxü̃. Nüma rü Chatanáarü duü̃xü̃ nixĩ rü naenexẽxü̃ nima̱x. ¿Rü ta̱xacüca̱x nixĩ ga yamáaxü̃? Nayama̱x yerü yema nüma naxüxü̃ rü tama name, rü yema naenexẽ üxü̃ rü name.

Nüxíraxü̃xü̃ ga popera ga Cuáü̃ ümatüxü̃ 3:12 Iomraidhean Croise

Naanearü ügüchiga 4:25

Rü nüma ga Adáü̃ rü wenaxarü naxma̱xmaxã namaxü̃ rü ngĩma rü wenaxarü ixãxacü. Rü gumá nane rü Chéxgu nanaxüéga, rü ngĩgürügü: “Tupana choxna nanamu ya nai ya chaune nachicüxü ga Abé ga Caíü̃ yamácü”, ngĩgürügü.

2 Chamué 13:22

Rü yexgumacürüwa nüma ga Acharóü̃ rü Anóü̃chi naxai rü taguma namaxã nidexachaü̃ yerü naeya̱x ga Tamáraxü̃ niyaxu ga Anóü̃.

Wiyaegü 37:12

Rü ngẽma duü̃xü̃gü i chixexü̃gu rüxĩnüexü̃ rü naxca̱x nadaugü nax ñuxãcü tá chixexü̃gu nanguxẽxẽãxü̃ ya yimá yatü ya mecü. Rü nuãcüma nüxü̃ nadawenü.

Wiyaegü 38:20

Rü ngẽxguma mexü̃ naxca̱x chaxü̱xgu rü chixexü̃maxã choxü̃́ nanaxütanügü. Rü ngẽxguma mexü̃ca̱x chada̱u̱xgu rü nümagü rü chomaxã nanue.

Ucu̱xẽgüchiga 27:4

Ngẽma yigüchi nax ixaixü̃, rü ngúxü̃ tüxü̃ ningexẽxẽ, rü ngẽma nu rü tüxü̃ nachixexẽxẽ. Natürü ngẽma nax ta̱xacü inuxuxü̃ rü taxúema namaxã tapora.

Ucu̱xẽgüchiga 29:10

Ngẽma máetagu rüxĩnüexü̃, rü tümachi naxaie, rü tüxü̃ nadaixchaü̃ ya yíxema mexü̃gu rüxĩnüexe.

Ucu̱xẽgüchiga 29:27

Ngẽma mexü̃gu maxẽxü̃ rü tama yáxna namaxã naxĩnüe i ngẽma chixexü̃gu maxẽxü̃. Rü ngẽma chixexü̃gu maxẽxü̃ rü tama yáxna tümamaxã naxĩnüe ya yíxema mexü̃gu maxẽxe.

Ore i mexü̃ ga Matéu ümatüxü̃ 13:19

Rü gumá triguchire ga namagu yixü̃nerüxü̃ tixĩgü ya yíxema nüxü̃ ĩnüexe i ore i mexü̃ nax ñuxãcü ãẽ̱xgacü yixĩxü̃ ya Tupana, natürü tama nüxü̃ cua̱xgüxe i ñuxũ ñaxü̃chiga nax yixĩxü̃ i ngẽma ore. Rü tümaxü̃tawa nangu i Chataná, rü tüxü̃ nüxü̃ inarüngümaxẽxẽ i ngẽma ore i tümaãẽwa ngẽxmaxü̃.

Ore i mexü̃ ga Matéu ümatüxü̃ 13:38

Rü ngẽma naane i nagu natoexü̃, rü ñoma i naane nixĩ. Rü ngẽma mexü̃ne ya triguchire rü ngẽma nixĩ i duü̃xü̃gü i Tupanaarü ixĩgüxü̃. Rü ngẽma chixexü̃ i natüane, rü ngẽma nixĩ i duü̃xü̃gü i Chatanáarü ixĩgüxü̃.

Ore i mexü̃ ga Matéu ümatüxü̃ 23:35

Rü ngẽmaca̱x Tupana tá pexü̃ napoxcue naxca̱x i guxü̃ma ga norü duü̃xü̃gü ga imexü̃gü ga perü o̱xigü daixü̃. Rü Abéwa nixĩ ga inaxügüãxü̃ ga nax nadaiaxü̃. Rü Chacaría ga Berequía nane ga Tupanapatape̱xegu ga ãmarearü guruü̃xü̃tagu peyama̱xgücügu nixĩ ga iyacuáxü̃.

Ore i mexü̃ ga Matéu ümatüxü̃ 27:23

Rü yexguma ga Pirátu rü ñanagürü nüxü̃: —¿Natürü ta̱xacürü chixexü̃ naxü? —ñanagürü. Natürü ga nümagü ga duü̃xü̃gü rü wenaxarü tagaãcü ñanagürügü: —¡Curuchawa yapota! —ñanagürügü.

Ore i mexü̃ ga Matéu ümatüxü̃ 5:37

Rü ngẽxguma icuxunetagu rü narümemae nixĩ i: ‘Ngü̃, tá chanaxü’, ñaperügü, rüe̱xna: ‘Taxũtáma chanaxü’, ñaperügü. Erü guxü̃ma i to i ore i namaxã icuxunetaxü̃, rü ngo̱xo i Chatanáwa ne ũxü̃ nixĩ.

Ore i mexü̃ ga Cuáü̃ ümatüxü̃ 10:32

Natürü ga Ngechuchu rü ñanagürü nüxü̃: —Pepe̱xewa chanaxü i muxü̃ma i mexü̃gü i Chaunatüarü poramaxã chaxüxü̃. ¿Rü ngexü̃rüüxü̃ i ngẽma mexü̃ i chaxüxü̃ca̱x nixĩ i choxü̃ nutamaxã ípemuxũchichaü̃xü̃? —ñanagürü.

Ore i mexü̃ ga Cuáü̃ ümatüxü̃ 8:40

Natürü woo pemaxã nüxü̃ chixu i ore i aixcüma ixĩxü̃ ga Chaunatü ga Tupana choxü̃ ngu̱xẽẽxü̃, rü pema rü choxü̃ pima̱xgüchaü̃. Natürü ga Abraáü̃ rü taguma yemaacü nanaxü.

Ore i mexü̃ ga Cuáü̃ ümatüxü̃ 8:41

Pema rü penaxü i penatücümatama —ñanagürü. Rü yexguma ga nümagü rü ñanagürügü: —Toma rü tama tangürüwaü̃gümare, rü toxü̃́ nangẽxma ya wüxitama ya Tonatü. Rü yimá nixĩ ya Tupana —ñanagürügü.

Ngechuchuarü ngúexü̃gü ga yamugüxü̃arü puracüchiga 7:52

Rü perü o̱xigü rü chixri namaxã inacua̱xgü ga guxü̃ma ga Tupanaarü orearü uruü̃gü. Rü nanadai ga yema orearü uruü̃gü ga nüxü̃ ixuchigagüxü̃ nax núma tá naxũxü̃ ga gumá mecü ya Ngechuchu. Rü yexguma ínanguxgu ga gumá Ngechuchu rü pema rü Pirátupe̱xewa ípenaxuaxü̃ rü peyama̱x.

1 Tesalonicenses 2:14

Pa Chauenexẽgüx, nüxü̃ tacua̱x nax aixcüma ngúxü̃ pingegüxü̃, yerü petanüxü̃tama rü chixri pemaxã nachopetü. Natürü yemaacütama nüxü̃ nangupetü ga Tupanaarü duü̃xü̃gü ga Ngechuchu ya Cristuaxü̃́ yaxõgüxü̃ ga Yudéaanewa yexmagüxü̃. Yerü natanüxü̃tama ga Yudíugü rü chixri namaxã nachopetü.

Popera ga Yudíugü ga yaxõgüxü̃ca̱x ümatüxü̃ 11:4

Rü gumá nũxcümaü̃cü ga Abé rü Tupanaaxü̃́ nayaxõ rü yemaca̱x nüxna nanaxã ga wüxi ga ãmare ga Caíü̃arü ãmarearü yexera Tupanape̱xewa mexü̃. Rü yemaca̱x ga Tupana rü Abémaxã nataãxẽ rü nüxü̃ nixu nax mecü yixĩxü̃. Rü nüma ya Abé rü woo nax nayuxü̃, natürü wüxi i tórü cua̱xruxü̃ nixĩ, erü nagagu nixĩ i nüxü̃ icuáxü̃ nax Tupana naxwa̱xexü̃ nax yaxõgüxü̃.

Popera ga Yudíugü ga yaxõgüxü̃ca̱x ümatüxü̃ 12:24

Rü marü naxca̱x pexĩ ya Ngechuchu ga taxca̱x yucü nax tüxü̃ namaxẽxẽẽxü̃ca̱x, ngẽma Tupanaarü uneta i ngexwaca̱xü̃xü̃ tamaxã nüxü̃ ixuxü̃rüxü̃. Rü nüma rü nagümaxã pexü̃́ iyanaxoxẽxẽ ga perü chixexü̃gü nax aixcüma Tupanape̱xewa pimexü̃ca̱x. Rü gumá nagü ga nũxcümaü̃cü ga Abé rü naxca̱x ínaca nax nayuxü̃ ga yema yamáxü̃, natürü yimá nagü ya Cristu rü tüxna nanaxã i maxü̃ i taguma gúxü̃.

Nüxíraxü̃xü̃ ga popera ga Pedru ümatüxü̃ 4:4

Rü ñu̱xma nax tama namaxã pexãmücügüxü̃ i ngẽma duü̃xü̃gü i ngẽxguma norü chixexü̃ naxügügu, rü nagu narüxĩnüe nax ta̱xacüca̱x tama natanügu pexãgüxü̃. Rü ngẽmaca̱x chixri pechiga nidexagü.

Nüxíraxü̃xü̃ ga popera ga Cuáü̃ ümatüxü̃ 3:8

Natürü yíxema pecadu üechaxe rü ngẽmawa tüxü̃ tacua̱x nax Chatanáarü duü̃xü̃ tixĩxü̃, erü nüma i Chataná rü noxriarü ügügumama pecadu naxüecha. Rü yemaca̱x ga Tupana Nane rü ñoma ga naanewa naxũ nax iyanaxoxẽẽãxü̃ca̱x ga yema Chataná üxü̃.

Popera ga Yúda ümatüxü̃ 1:11

Rü wüxi i ngechaü̃xü̃chi nixĩ naxca̱x i ngẽma duü̃xü̃gü erü Caíü̃ ga naenexẽxü̃ imáxü̃rüxü̃ nixĩgü. Rü ãẽ̱xgacü ga Balaáü̃rüxü̃ diẽruca̱x chixexü̃ naxügü. Rü Corérüxü̃ tama Tupanaga naxĩnüechaü̃, rü ngẽmaca̱x tá nayue.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:6

Rü ngĩxü̃ chadau ga yema nge ga nax nangãxü̃xü̃ namaxã ga gumá nagü ga yema duü̃xü̃gü ga Tupanaarü ixĩgüxü̃ rü yema duü̃xü̃gü ga Ngechuchuarü orexü̃ nax yaxugüxü̃ca̱x daixü̃. Rü yexguma yemaxü̃ chada̱u̱xgu, rü chabaixãchi.