Nüxíraxü̃xü̃ ga popera ga Cuáü̃ ümatüxü̃ 2:3 - Tupanaarü Ore

³ Rü ngẽxguma chi naga ixĩnüegu i norü mugü, rü nüxü̃ tacua̱x nax aixcüma Tupanaxü̃ icuáxü̃.

Nüxíraxü̃xü̃ ga popera ga Cuáü̃ ümatüxü̃ 2:3 Iomraidhean Croise

Wiyaegü 119:32

Rü pora chaxü nax ngẽmaãcü chayanguxẽẽxü̃ca̱x i curü mugü erü cuma rü taãẽmaxã cunapaxẽxẽ i chorü maxü̃. -5-

Ichaía 53:11

Natürü nawena nax ngúxü̃ yangexü̃, rü tá nataãxẽ erü nüxü̃ nacua̱x nax norü yugagu muxü̃ma i duü̃xü̃gü tá nanayauxgü i maxü̃ i taguma gúxü̃. Rü nüma ya Cori ya Tupanaarü duü̃ ya mecü rü tá Tupanape̱xewa nayamexẽxẽ i muxü̃ma i duü̃xü̃gü rü tá nayange i norü pecadugü.

Ore i mexü̃ ga Luca ümatüxü̃ 6:46

¿Tü̱xcüü̃ i pemax rü: “Pa Torü Corix”, ñaperügü choxü̃, natürü tama penaxü i ngẽma pemaxã nüxü̃ chixuxü̃?

Ore i mexü̃ ga Cuáü̃ ümatüxü̃ 14:15

Rü ngẽxguma aixcüma choxü̃ pengechaü̃gu, rü naga tá pexĩnüe i chorü mugü.

Ore i mexü̃ ga Cuáü̃ ümatüxü̃ 15:10

Choma rü naga chaxĩnü i Chaunatüarü mugü rü nüma rü guxü̃guma choxü̃ nangechaü̃. Rü ngẽxgumarüxü̃ ta ega naga pexĩnüegu i chorü mugü, rü guxü̃gutáma pexü̃ changechaü̃.

Ore i mexü̃ ga Cuáü̃ ümatüxü̃ 15:14

Pema rü chomücügü pixĩgü i ngẽxguma chauga pexĩnüegu.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Popera ga Yudíugü ga yaxõgüxü̃ca̱x ümatüxü̃ 5:9

Rü yemaacü Tupanaga naxĩnü rü curuchagu nayu nax tümaarü maxẽxẽẽruxü̃ yixĩxü̃ca̱x ya guxãma ya yíxema naga ĩnüexe.

Nüxíraxü̃xü̃ ga popera ga Cuáü̃ ümatüxü̃ 2:13

Pa Papágüx, pexca̱x chanaxümatü i ñaa ore erü marü nüxü̃ pecua̱x ga gumá noxriarü ügügumama yexmacü. Pa Ngextü̱xücügüx, pexca̱x chanaxümatü erü marü nüxü̃ perüyexera i Chataná i chixexü̃arü üruxü̃.

Nüxíraxü̃xü̃ ga popera ga Cuáü̃ ümatüxü̃ 3:14

Yixema rü marü nüxna ítanguxü̃ i ngẽma yu, rü ñu̱xma rü marü maxü̃wa tangexmagü. Nüxü̃ tacua̱x i ngẽma erü nüxü̃ tangechaü̃gü i taenexẽgü. Yíxema tama tümaenexẽxü̃ ngechaü̃xe rü yuxme̱xwa tangexma.

Nüxíraxü̃xü̃ ga popera ga Cuáü̃ ümatüxü̃ 3:19

Rü ngẽxguma aixcüma yigü ingechaü̃gügu, rü ngẽmawa nüxü̃ tacua̱x nax tawa nangẽxmaxü̃ i ngẽma ore i aixcüma ixĩxü̃, rü nüxü̃ tacua̱x nax Tupanape̱xewa naxacügü ixĩgüxü̃. Rü woo taãẽwa nagu rüxĩnügu nax tama Tupanaxacü ixĩgüxü̃, natürü nüxü̃ tacua̱x nax taãẽarü yexera yixĩxü̃ ya Tupana rü nüma rü guxü̃xü̃ma nacua̱x.

Nüxíraxü̃xü̃ ga popera ga Cuáü̃ ümatüxü̃ 3:6

Rü ngẽmaca̱x guxãma ya yíxema aixcüma nüxü̃́ yaxõgüxe, rü tama pecadu taxügüecha. Natürü guxãma ya yíxema pecadu ügüechaxe, rü taguma Cristuxü̃ tadau, rü taguma nüxü̃ tacua̱x.

Nüxíraxü̃xü̃ ga popera ga Cuáü̃ ümatüxü̃ 4:13

Rü nüma rü marü tüxna nanamu ga Naãxẽ ya Üünexü̃. Rü ngẽmawa nüxü̃ tacua̱x nax aixcüma norü duü̃xü̃gü ixĩgüxü̃ rü nüma rü tawa nax namaxü̃xü̃.

Nüxíraxü̃xü̃ ga popera ga Cuáü̃ ümatüxü̃ 4:7

Pa Chauenexẽgü ya Pexü̃ Changechaü̃güxe, name nixĩ nax yigü ingechaü̃güxü̃, erü Tupanawa ne naxũ i ngẽma nax yigü ingechaü̃güxü̃. Rü guxãma ya yíxema tümaenexẽxü̃ ngechaü̃xe rü Tupanaxacü tixĩ rü Tupanaxü̃ tacua̱x.

Nüxíraxü̃xü̃ ga popera ga Cuáü̃ ümatüxü̃ 5:19

Nüxü̃ tacua̱xgü nax Tupanaxacügü ixĩgüxü̃, natürü guxü̃ma i ñoma i naanecüã̱x rü Chatanáme̱xẽwa nangẽxmagü.

Nüxíraxü̃xü̃ ga popera ga Cuáü̃ ümatüxü̃ 5:2

Rü ngẽxguma Tupanaxü̃ ingechaü̃gügu rü naxü̱xgu i ngẽma nüma tüxü̃ namuxü̃, rü nüxü̃ tacua̱x nax nüxü̃ ingechaü̃güxü̃ ta i ngẽma naxacügü ixĩgüxü̃.

Nüxíraxü̃xü̃ ga popera ga Cuáü̃ ümatüxü̃ 5:3

Rü ngẽxguma aixcüma Tupanaxü̃ ingechaü̃gügu rü naga taxĩnüe i ngẽma tüxü̃ namuxü̃. Rü ngẽma tüxü̃ namuxü̃ rü tama naguxcha nax naga ixĩnüexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:17

Rü ñu̱xũchi ga yema coya ga Chataná, rü poraãcüxüchima ngĩmaxã nanu ga yema nge. Rü ínixũ nax nügü namaxã yadaixü̃ca̱x ga yema togü ga ngĩxacügü ga yema nge. Rü ngẽma ngĩxacügü i ngẽma coyamaxã nügü daixü̃, rü ngẽma nixĩ i ngẽma duü̃xü̃gü i mea Tupanaarü orega ĩnüexü̃ rü mea yaxõgüechaxü̃ ya Ngechuchu ya Cristuarü ore.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:12

Rü ngẽmaca̱x ya yíxema Tupanaarü duü̃xü̃gü ixĩgüxe rü mea norü orega ĩnüexe rü name nixĩ nax yáxna namaxã taxĩnüexü̃ i tümaarü guxchaxü̃gü rü Ngechuchuaxü̃́ nax tayaxõgüamaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:14

Rü tataãẽgü ya guxãma ya yíxema ya mexẽẽgüxe i tümaarü maxü̃ ñoma tügü tiyauxgüchiruxü̃rüxü̃ nax Tupanape̱xewa timexü̃ca̱x nax yima ĩanearü ĩã̱xwa tichocuxü̃ca̱x rü nüxü̃ tangõ̱xnetagüxü̃ca̱x i ngẽma norü o i ngẽma nai i maxẽẽruxü̃.