Nüxíraxü̃xü̃ ga popera ga Cuáü̃ ümatüxü̃ 2:10 - Tupanaarü Ore

¹⁰ Yíxema tümaenexẽxü̃ ngechaü̃xe rü ngóonexü̃wa tangexma, rü nataxuma i ta̱xacü i chixexü̃gu tüxü̃ ngu̱xẽẽxü̃.

Nüxíraxü̃xü̃ ga popera ga Cuáü̃ ümatüxü̃ 2:10 Iomraidhean Croise

Wiyaegü 119:165

Rü yíxema curü ucu̱xẽgüga ĩnüexe rü tataãẽgü. Rü taxuxü̃táma i ta̱xacü i chixexü̃gu tüxü̃ nayixẽxẽ.

Ochéa 6:3

¡Rü ngĩxã pora taxüe nax aixcüma Cori ya Tupanaxü̃ icuáxü̃ca̱x rü naga ixĩnüexü̃ca̱x! Rü nüma ya Cori ya Tupana rü aixcüma tá taxca̱x ínangu ñoma üa̱xcü guxü̃guma ínguxü̃rüxü̃ rü ñoma pucü guxü̃guma waixü̃mü iwaimüanexẽẽcürüxü̃”, ñanagürügü tá —ñanagürü ya Tupana.

Ore i mexü̃ ga Matéu ümatüxü̃ 13:21

Natürü ngẽma nax tama aixcüma nagu naxĩnüexü̃ i ngẽma ore, rü paxaãchitama nayaxõgü, rü yixcüra ngẽxguma ngẽma oregagu guxchaxü̃gü nüxü̃ üpetügu rüe̱xna duü̃xü̃gü naxchi aiegu, rü ínanata̱xgü i ngẽma ore.

Ore i mexü̃ ga Matéu ümatüxü̃ 18:7

Wüxi i taxü̃ i ngechaü̃ nixĩ nax ñoma i naanewa nangẽxmaxü̃ i muxü̃ma i chixexü̃gü i duü̃xü̃güxü̃ chixexẽẽxü̃. Rü guxü̃gutáma nangẽxma i ngẽma chixexü̃gü, natürü wüxi i ngechaü̃xü̃chi nixĩ naxca̱x i ngẽma yatü i toguegüxü̃ pecadugu yixẽẽxü̃.

Ore i mexü̃ ga Cuáü̃ ümatüxü̃ 11:9

Rü Ngechuchu rü norü ngúexü̃gümaxã nüxü̃ nixu rü ñanagürü nüxü̃: —¿Taux ẽ̱xna i wüxi i ngunexü̃ rü 12 i ora nüxü̃́ ngẽxmaxü̃? Ngẽxguma texé ngunecü ixũxgu rü tama ta̱xacümaxã itayarüña, erü tümaca̱x nangóone.

Ore i mexü̃ ga Cuáü̃ ümatüxü̃ 12:35

Rü yexguma ga Ngechuchu rü ñanagürü nüxü̃: —Choma rü paxaãchica̱xicatama petanüwa changexma nax ñoma wüxi i omürüxü̃ pexü̃ chabáxixü̃ca̱x. Rü ñoma rü ta petanüwa changexmaxü̃ rü name nixĩ nax choxü̃́ peyaxõgüxü̃ naxü̃pa nax ẽanexü̃wa pengẽxmagüxü̃. Erü yíxema ẽanexü̃wa ngẽxmaxe rü tama nüxü̃ tacua̱x nax ngextá taxuxü̃.

Ore i mexü̃ ga Cuáü̃ ümatüxü̃ 8:31

Rü yexguma ga Ngechuchu rü ñanagürü nüxü̃ ga yema Yudíugü ga nüxü̃́ yaxõgüxü̃: —Ngẽxguma pema meama peyaxõgüechagu i ngẽma pemaxã nüxü̃ chixuxü̃, rü aixcümaxü̃chi tá chorü ngúexü̃gü pixĩgü.

Romanos 14:13

Rü ngẽmaca̱x, Pa Chauenexẽgüx, rü tama name nax tamücügüxü̃ ixuechaxü̃. Rü narümemae nixĩ i nüxü̃ perüxoe i guxü̃ma i chixexü̃ i peenexẽgüxü̃ pecadugu yixẽẽxü̃ rü ẽ̱xna norü õxü̃ chixexẽẽxü̃.

Filipenses 1:10

Rü ngẽmaãcü pexca̱x chayumüxẽ erü chanaxwa̱xe nax mea penangugüxü̃ i ta̱xacü nixĩ i aixcüma mexü̃ i Tupanape̱xewa. Rü chanaxwa̱xe nax aixcüma namexü̃ i perü maxü̃ nax taxuca̱xma ta̱xacüca̱x Tupana pexna caxü̃ca̱x i ngẽxguma ínanguxgu ya Cristu.

Norü taxre ga popera ga Pedru ümatüxü̃ 1:10

Rü ngẽmaca̱x, Pa Chauenexẽgüx ya Tupana Pexü̃ Dexe Nax Norü Duü̃xü̃gü Pixĩgüxü̃x, rü name i pora pexügü nax nagu pexĩxü̃ i ngẽma pemaxã nüxü̃ chixuxü̃. Rü ngẽxguma ngẽmaãcü pemaxẽgu rü tagutáma chixexü̃gu peyi rü tagutáma Tupanaxü̃ ípeta̱x.

Nüxíraxü̃xü̃ ga popera ga Cuáü̃ ümatüxü̃ 2:11

Natürü yíxema tümaenexẽchi aixe, rü ẽanexü̃watama tangexma, rü ẽanexü̃gu tixũ. Rü tama nüxü̃ tacua̱x nax ngextá taxũxü̃, erü ngẽma ẽanexü̃ rü tüxü̃ nixoxetüxẽxẽ.

Nüxíraxü̃xü̃ ga popera ga Cuáü̃ ümatüxü̃ 3:14

Yixema rü marü nüxna ítanguxü̃ i ngẽma yu, rü ñu̱xma rü marü maxü̃wa tangexmagü. Nüxü̃ tacua̱x i ngẽma erü nüxü̃ tangechaü̃gü i taenexẽgü. Yíxema tama tümaenexẽxü̃ ngechaü̃xe rü yuxme̱xwa tangexma.