Nüxíraxü̃xü̃ ga popera ga Cuáü̃ ümatüxü̃ 1:9 - Tupanaarü Ore

⁹ Natürü ngẽxguma chi Tupanamaxã nüxü̃ ixuxgu i tórü pecadugü, rü nüma ya Tupana ya ixaixcümacü rü tá tüxü̃́ nüxü̃ inarüngüma i tórü pecadugü rü tá inayanaxoxẽxẽ i guxü̃ma i tórü chixexü̃gü.

Nüxíraxü̃xü̃ ga popera ga Cuáü̃ ümatüxü̃ 1:9 Iomraidhean Croise

Nüxíraxü̃xü̃ ga popera ga ãẽ̱xgacügüchiga 8:30

¡Rü nüxü̃ naxĩnü i ngẽma naxca̱x íchacaxaxü̃, rü nüxü̃ naxĩnü i curü duü̃xü̃gü i Iraétanüxü̃arü yumüxẽ ega ngẽxguma ñaa nachicagu tarüdaunüãcüma tayumüxẽgügu! ¡Rü nüxü̃ naxĩnü i daxũguxü̃ i naanewa i ngextá ícumaxü̃xü̃wa rü toxü̃́ nüxü̃ rüngüma i torü chixexü̃gü!

Nüxíraxü̃xü̃ ga popera ga ãẽ̱xgacügüchiga 8:47

natürü ega chi ngẽma nachixü̃anewa nüxna yacua̱xãchigügu i norü chixexü̃ i cupe̱xewa naxügüxü̃ rü cuxca̱x nawoegu̱xgu rü cuxna nacagügu nax nüxü̃́ nüxü̃ curüngü̃maxü̃ca̱x i norü chixexü̃gü,

Neemía 1:6

Rü ngẽmaca̱x i ñu̱xma rü cuxü̃ chaca̱a̱xü̃ nax choxü̃́ nüxü̃ cuxĩnüxü̃ i ñaa chorü yumüxẽ i chütacü rü ngunecü cumaxã nüxü̃ chixuxü̃ naxca̱x i ngẽma curü duü̃xü̃gü i Iraétanüxü̃. Rü nüxü̃ chacua̱x nax cupe̱xewa chixexü̃ taxüxü̃ i toma i Iraétanüxü̃, rü woo i choma rü chautanüxü̃ rü cupe̱xewa chixexü̃ taxügü.

Wiyaegü 19:12

¿Rü texé ya nüxü̃ cuáxe i tümaarü chixexü̃ i tümawatama ngẽxmaxü̃? Rü ngẽmaca̱x, Pa Cori Pa Tupanax ¡choxü̃́ nüxü̃ irüngüma i ngẽma chixexü̃ i chauechitamare chaxüxü̃!

Wiyaegü 32:5

Rü yexguma nagu charüxĩnügu ga chorü maxü̃ nax naturaxü̃ rü cumaxã nüxü̃ chixu ga guxü̃ma ga chorü pecadugü rü taxuxü̃ma chicu̱x. Rü chaugümaxã ñacharügü: —Cori ya Tupanamaxã tá nüxü̃ chixu i chorü chixexü̃gü —ñachagürü. Rü cumax, Pa Corix, rü choxü̃́ nüxü̃ icurüngüma ga guxü̃ma.

Ínachoxü̃xü̃chiga 34:7

Rü choma rü guxü̃guma tüxü̃ changechaü̃ rü tüxü̃́ nüxü̃ ichayarüngüma ya tümaarü pecadu rü tümaarü chixexü̃ ya yíxema aixcüma chauga ĩnüexe. Natürü taxũtáma tüxü̃ chaxüpetümare ya yíxema chixexü̃ üxe. Rü tá tüxü̃ chapoxcu ñu̱xmata tümanegüwa rü tümataagüwa —ñanagürü.

Ucu̱xẽgüchiga 28:13

Ngẽma duü̃xü̃ i norü pecadu icúxü̃ rü taxũtáma mexü̃ nüxü̃ naxüpetü. Natürü ngẽma duü̃xü̃ i nüxü̃ ixuxü̃ i norü pecadu rü nüxü̃ rüxoxü̃, rü Tupana rü tá nüxü̃́ nüxü̃ inayarüngüma.

Ichaía 45:21

Rü pema nax naxchicüna̱xãgümaxã petupanaã̱xgüxü̃ rü name nax pegüna pecagüxü̃ rü choxü̃ penawéxü̃ i ta̱xacüwa pexü̃ nangü̃xẽẽxü̃ i ngẽma perü tupanagü i nainaxca̱x. ¿Rü texé tixĩ ga noxriarü ügügu naxü̃pa nüxü̃ ixuxe i ngẽma tá ngupetüxü̃? ¿Rü texé tixĩ ga nũxcüma nüxü̃ ixuxe ga yema? ¿Rü tama ẽ̱xna choma ya Cori ya Tupana yixĩxü̃? Rü nataxuma i to ya Tupana, rü chaxicatama nixĩ i choxü̃́ nangẽxmaxü̃ i pora nax pexü̃ chimexẽẽgüxü̃ rü pexü̃ íchanguxü̃xẽẽxü̃.

Yeremía 3:13

Pa Iraéanecüã̱xgüx, ¡nüxü̃ pixu i perü chixexü̃ i chope̱xewa pexüxü̃ nax chomaxã penuexü̃, rü guxü̃ma i nai i meetaxü̃tüü̃wa tupananetagüxü̃ picua̱xüü̃güxü̃ rü tama chauga pexĩnüexü̃! Rü choma ya Cori ya Tupana nixĩ i nüxü̃ chixuxü̃ i ngẽma chorü ore’ ” —ñanagürü.

Yeremía 33:8

Rü guxü̃ma ga norü chixexü̃gü ga chope̱xewa naxügüxü̃ rü tá nüxü̃́ íchayanaxoxẽxẽ. Rü tá nüxü̃́ nüxü̃ ichayarüngüma ga yema chixexü̃ ga naxügüxü̃ ga yexguma tama chauga naxĩnüegu rü chomaxã nanuegu.

Auxexü̃chiga 3:23

Rü wüxichigü i ngunexü̃gu rü choxna nüxü̃ nacua̱xãchixẽxẽ nax aixcüma yangu̱xẽẽãxü̃ i ngẽma nüxü̃ yaxuxü̃.

Echequié 36:25

Rü dexá i mechiüxü̃wa tá pexü̃ chixaiyagü. Rü guxü̃ma i perü chixexü̃wa tá pexü̃ chingematagüxẽxẽ. Rü ngẽma nax tupananetagümaxã petupanaã̱xgüxü̃ rü tá nüxna pexü̃ chixĩgachixẽxẽ nax ngẽmaãcü aixcüma pimexü̃ca̱x.

Echequié 37:23

Rü taxũtáma nüxü̃ nicua̱xüü̃gü i ngẽma tupananetachicüna̱xãgü i nawa chanaxoxégaxü̃. Rü taxũtáma chixexü̃ i nacümagu namaxẽ. Rü choma rü tá nawa íchananguxü̃xẽxẽ i ngẽma nacüma i naxca̱x choxü̃ naxoexü̃. Rü yema chixexü̃gü ga naxügüxü̃ rü tá nüxü̃́ nüxü̃ icharüngüma. Rü nümagü i Iraétanüxü̃ rü tá chorü duü̃xü̃gü nixĩgü rü choma rü tá norü Tupana chixĩ.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.

Ore i mexü̃ ga Matéu ümatüxü̃ 3:6

Rü guxema duü̃xẽgü ga nüxü̃ ixugüxe ga tümaarü pecadugü, rü Cuáü̃ rü tüxü̃ ínabaiü̃xẽxẽ ga natü ga Yudáü̃wa.

Ore i mexü̃ ga Márcu ümatüxü̃ 1:5

Rü guxü̃ma ga duü̃xü̃gü ga Yudéaanecüã̱x rü Yerucharéü̃cüã̱x rü yéma Cuáü̃xü̃tawa naxĩĩxü̃ nax iyanaxĩnüẽxü̃ca̱x. Rü nüxü̃ nixugüe ga norü pecadugü, rü nüma ga Cuáü̃ rü natü ga Yudáü̃wa ínanabaiü̃xẽxẽ.

Ore i mexü̃ ga Luca ümatüxü̃ 22:57

Natürü ga Pedru rü nügü nixã, rü ñanagürü: —Pa Ngecüx, choma rü tama nüxü̃ chacua̱x ya yimá Ngechuchu —ñanagürü.

Ore i mexü̃ ga Cuáü̃ ümatüxü̃ 17:25

Pa Chaunatü ya Aixcümacüx, ñoma i naanecüã̱x i duü̃xü̃gü rü tama cuxü̃ nacua̱xgü. Natürü choma rü cuxü̃ chacua̱x. Rü ngẽma choxna cumugüxü̃ rü ta marü nüxü̃ nacua̱xgü nax cuma núma choxü̃ cumuxü̃.

Ngechuchuarü ngúexü̃gü ga yamugüxü̃arü puracüchiga 19:18

Rü muxü̃ma ga yema yaxõgüxü̃ rü yéma ningugüetanü, rü guxü̃ ga duü̃xü̃güpe̱xewa nüxü̃ nixugüe ga guxü̃ma ga norü chixexü̃ ga ü̃pa naxügüxü̃.

1 Corintios 1:9

Rü Tupana rü guxü̃guma nayanguxẽxẽ i norü uneta. Rü nüma nixĩ ga pexü̃ nadexü̃ nax wüxigu Nane ya tórü Cori ya Ngechuchu ya Cristumaxã pexãmücügüxü̃ca̱x.

1 Corintios 6:11

Rü yexgumarüü̃tama pixĩgü ga ñuxre ga pema ga ü̃pax. Natürü i ñu̱xma ya Tupana rü marü pexü̃́ ínanapi i perü chixexü̃ nax noxrüxicatama pixĩgüxü̃ca̱x. Rü ñu̱xma rü nape̱xewa pime yerü Naãxẽ ya Üünexü̃ rü tórü Cori ya Ngechuchu ya Cristuégagu marü perü pecaduna pexü̃ ínanguxü̃xẽxẽ.

Efesios 5:26

Rü yemaacü nanaxü ga Cristu nax nügüxü̃́ tüxü̃ yaxüünexẽẽxü̃ca̱x i guxãma i yixema nax yaxõgüxü̃. Rü norü oremaxã rü ngẽma dexá i nawa íibaiü̃xü̃maxã tüxü̃ nimexẽẽgü nax nape̱xewa imexü̃ca̱x.

Wenaxarü naxümatü ga Tupanaarü mugü 7:9

Rü ngẽmaca̱x penaxwa̱xe nax nüxü̃ pecuáxü̃ nax nüma ya Cori ya Tupana rü aixcümaxü̃chi Tupana yixĩxü̃. Rü woo 1,000 e̱xpü̱xcüna yamuxgu i duü̃xü̃gü rü nüma ya Tupana rü guxü̃guma nayanguxẽxẽ i norü uneta i naxüxü̃ naxca̱x i ngẽma duü̃xü̃gü i ingóetanüxü̃ i nüxü̃ ngechaü̃güxü̃ rü yanguxẽẽgüxü̃ i norü mugü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:15

Rü ñaa ore i pemaxã nüxü̃ chixuxü̃ rü aixcümaxü̃chi nixĩ, rü name nax guxãma yaxõgüxü̃. Rü aixcüma Ngechuchu ya Cristu rü ñoma ga naanewa nangu nax namaxẽxẽẽãxü̃ca̱x i pecaduã̱xgüxü̃. Rü ngẽmatanüwa rü choma nixĩ ga guxü̃arü yexera nax chixexü̃ chaxüxü̃.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 10:23

Rü ñu̱xma nax ínangu̱xẽẽxü̃ i ngẽma maxü̃ i taguma gúxü̃ ya Tupana tamaxã ixunetaxü̃ rü tanaxwa̱xe i aixcüma Cristuaxü̃́ yaxõgüechaxü̃ rü taguma nüxü̃ rüxoexü̃. Yerü Tupana ga tamaxã ixunetacü nax tüxü̃ nangü̃xẽẽxü̃, rü aixcümaxü̃chi tá nayanguxẽxẽ ga yema tamaxã nüxü̃ yaxuxü̃.

Popera ga Yudíugü ga yaxõgüxü̃ca̱x ümatüxü̃ 11:11

Rü nüma ga Abráü̃ rü woo marü nax nayaxü̃ rü naxma̱x ga Chára rü ta nax nayaxü̃ rü taguma naxãxacüxü̃, natürü ngĩxü̃́ nayexma ga wüxi ga nane, yerü nüma ga Abráü̃ rü nayaxõ nax Tupana tá aixcüma yanguxẽẽxü̃ ga yema norü uneta.

Popera ga Yudíugü ga yaxõgüxü̃ca̱x ümatüxü̃ 6:10

Erü nüma ya Tupana rü aixcümacü nixĩ. Rü nüma rü taxũtáma nüxü̃ inayarüngüma ga yema mexü̃ ga pexüxü̃ rü ñuxãcü taenexẽgü i yaxõgüxü̃xü̃ nax pengechaü̃güxü̃ ga yexguma nüxü̃ perüngü̃xẽẽgügu, ngẽma ñu̱xma ípenaxüxü̃rüü̃tama.

Nüxíraxü̃xü̃ ga popera ga Cuáü̃ ümatüxü̃ 1:7

Natürü ngẽxguma chi Tupanarüxü̃ ngóonexü̃wa imaxẽgu, rü yigütanüxü̃ tixĩgü, rü Tupana Nane ya Ngechuchu rü nagümaxã tüxü̃́ inayanaxoxẽxẽ i guxü̃ma i pecadugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:3

Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.