Nüxíraxü̃xü̃ ga popera ga Cuáü̃ ümatüxü̃ 1:7 - Tupanaarü Ore

⁷ Natürü ngẽxguma chi Tupanarüxü̃ ngóonexü̃wa imaxẽgu, rü yigütanüxü̃ tixĩgü, rü Tupana Nane ya Ngechuchu rü nagümaxã tüxü̃́ inayanaxoxẽxẽ i guxü̃ma i pecadugü.

Nüxíraxü̃xü̃ ga popera ga Cuáü̃ ümatüxü̃ 1:7 Iomraidhean Croise

Wiyaegü 104:2

Rü cuma rü curü ngóonexü̃arü ngãxü̃wa cungexma. Rü cuma rü cuyangeechi ga daxũguxü̃ ga naane ñoma wüxi i tüeruxü̃ ingeechixü̃rüxü̃.

Wiyaegü 51:2

¡Rü choxü̃́ nüxü̃ irüngüma i guxü̃ma i chorü chixexü̃gü! ¡Rü choxü̃́ ínapi i chorü pecadugü!

Wiyaegü 56:13

Erü cuma rü chorü guxchaxü̃wa choxü̃ ícunguxuchixẽxẽ nax tama chayuxü̃ca̱x. Rü choxü̃ ícupoxü̃ nax curü ngóonexü̃wa chamaxü̃xü̃ca̱x.

Wiyaegü 89:15

Pa Corix, nataãẽgü i ngẽma duü̃xü̃gü i nüxü̃ cuáxü̃ nax taãẽãcü cuxü̃ yacua̱xüü̃güxü̃ rü aixcüma curü oregu namaxẽxü̃ nax ngẽmaãcü curü ngóonexü̃wa nangẽxmagüxü̃.

Wiyaegü 97:11

Rü ngẽma duü̃xü̃gü i mea maxẽxü̃ca̱x nixĩ i yangunexü̃xü̃. Rü ngẽma taãxẽ i aixcüma ixĩxü̃ rü ngẽma duü̃xü̃gü i tama chixexü̃ ügüxü̃ca̱x nixĩ.

Ichaía 2:5

Pa Acóbutanüxü̃x i Duü̃xü̃güx, ¡Ngĩxã, Cori ya Tupanaga taxĩnüe rü nüma nanaxwa̱xexü̃ãcüma nagu tamaxẽ i norü ore!

Ichaía 33:24

Rü ngẽma ngunexü̃gügu rü taxúxetáma ya Yerucharéü̃cüã̱x rü ñatagürü: —Chidaxawe —ñatagürü. Rü ngẽma Chióü̃cüã̱xarü pecadugü rü nüma ya Cori ya Tupana rü tá nüxü̃́ nüxü̃ narüngüma.

Ichaía 6:7

Rü gumá ã́xwe rü cha̱u̱a̱xwa nayaxũ̱xãchixẽxẽ, rü ñanagürü choxü̃: —¡Dücax! daa ã́xwe rü cua̱xwa nixũ̱xãchi rü ngẽmaca̱x i curü chixexü̃ rü marü inayarüxo. Rü ngẽma curü chixexü̃gü rü Tupana rü marü cuxü̃́ nüxü̃ narüngüma —ñanagürü.

Amúx 3:3

Rü ngẽxguma taxre i duü̃xü̃gü wüxigu ĩxgu rü ngẽmawa nüxü̃ tacua̱x nax wüxigu naxĩnüexü̃.

Chacaría 13:1

Nüma ya Cori ya Tupana rü ñanagürü ta: —Ngẽma ngunexü̃gu rü tá ningẽnaxü̃ i wüxi i dexáarü chuchuxü̃ nax ngẽmawa Dabítaagü rü Yerucharéü̃cüã̱xgü nügü iyauxgüxü̃ca̱x i norü pecadugü rü norü ãũãchixü̃gü.

Ore i mexü̃ ga Matéu ümatüxü̃ 6:12

¡Rü toxü̃́ nüxü̃ irüngüma i ngẽma torü chixexü̃ i taxüxü̃ ngẽxgumarüxü̃ i toma rü tüxü̃́ nüxü̃ tarüngü̃maexü̃rüxü̃ ya yíxema chixexü̃ tomaxã ügüxe!

Ore i mexü̃ ga Cuáü̃ ümatüxü̃ 1:29

Rü moxü̃ãcü ga Cuáü̃ rü Ngechuchuxü̃ nadau ga naxca̱x nax yaxũxü̃. Rü ñanagürü ga Cuáü̃: —¡Dücax! Daa nixĩ ya yimá Tupanaarü Carnéruxacü ya núma namuãcü nax yanaxoxẽẽãxü̃ca̱x i ñoma i naanecüã̱x i duü̃xü̃güarü pecadugü.

Ore i mexü̃ ga Cuáü̃ ümatüxü̃ 12:35

Rü yexguma ga Ngechuchu rü ñanagürü nüxü̃: —Choma rü paxaãchica̱xicatama petanüwa changexma nax ñoma wüxi i omürüxü̃ pexü̃ chabáxixü̃ca̱x. Rü ñoma rü ta petanüwa changexmaxü̃ rü name nixĩ nax choxü̃́ peyaxõgüxü̃ naxü̃pa nax ẽanexü̃wa pengẽxmagüxü̃. Erü yíxema ẽanexü̃wa ngẽxmaxe rü tama nüxü̃ tacua̱x nax ngextá taxuxü̃.

Ore i mexü̃ ga Cuáü̃ ümatüxü̃ 5:4

Yerü ñuxguacü rü gumá puchugu ínarüxĩĩxü̃ ga wüxi ga daxũcüã̱x ga Tupanaarü orearü ngeruxü̃, rü nayaxĩã̱xchíücüüxẽẽxü̃. Rü guxema tüxíra tügü yéma táexe nachiü̃wa ga gumá puchu ga yexguma yaxĩã̱xchíücüügu, rü tümaca̱x nitaane woo ga ngexü̃rüüxü̃mare ga da̱xawe tüxü̃́ yexmaxẽ.

Romanos 13:12

Rü woo nangẽxmagu i taxü̃ i chixexü̃ i ñoma ẽanexü̃rüxü̃ ixĩxü̃, natürü paxa tá ínangu ya Cristu nax nügüxü̃tawa tüxü̃ nagagüxü̃ca̱x. Rü ngẽmaca̱x name nixĩ i nüxü̃ tarüxoe i guxü̃ma i ngẽma chixexü̃ ixĩxü̃ rü nagu taxĩ i Tupanaarü ore i ñoma omürüxü̃ ixĩxü̃.

1 Corintios 6:11

Rü yexgumarüü̃tama pixĩgü ga ñuxre ga pema ga ü̃pax. Natürü i ñu̱xma ya Tupana rü marü pexü̃́ ínanapi i perü chixexü̃ nax noxrüxicatama pixĩgüxü̃ca̱x. Rü ñu̱xma rü nape̱xewa pime yerü Naãxẽ ya Üünexü̃ rü tórü Cori ya Ngechuchu ya Cristuégagu marü perü pecaduna pexü̃ ínanguxü̃xẽxẽ.

Efesios 1:7

Rü Tupana rü poraãcü tüxü̃ nangechaü̃, rü yemaca̱x nanamu ga Nane nax taxca̱x nayuxü̃ rü nagü ibaxü̃ nax yemaacü tüxü̃ ínanguxü̃xẽẽü̃ca̱x rü tüxü̃́ nüxü̃ iyanangümaxü̃ca̱x ga tórü pecadugü.

Efesios 5:8

Rü ü̃pa ga pema rü ẽanexü̃wa pemaxẽ, yerü tama Tupanaxü̃ pecua̱x. Natürü i ñu̱xma nax Cori ya Tupanaxü̃ pecuáxü̃, rü ngóonexü̃wa pemaxẽ. Rü ngẽmaca̱x name i duü̃xü̃gü i ngóonexü̃wa ngẽxmagüxü̃ãcü pemaxẽxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:16

Rü nüxicatama nixĩ i guxü̃guma namaxechaxü̃. Rü nüma rü poraãcü ínangóonexü̃wa namaxü̃, rü taxucürüwa texé ngẽma ngóonexü̃na tangaicama. Taguma wüxi i duü̃xü̃ nüxü̃ nadau, rü taxuacüma texé nüxü̃ tadau. Rü name nax guxü̃ma nüxü̃ icua̱xüü̃güxü̃, erü nüma rü guxü̃guma Ãẽ̱xgacü nixĩ. Rü ngẽmaãcü yixĩ.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 9:14

Natürü nagü ya Cristu rü naporaxüchi norü yexera ya yimá nagü i ngẽma naxü̃nagü. Rü nüma ya Cristu rü Tupanaãxẽarü poramaxã nügü inaxã rü nayu nax ãmare i ngẽarü chixexü̃ã́xü̃ yixĩxü̃ca̱x nax yemaacü yanaxoxẽẽãxü̃ca̱x i tórü chixexü̃ i tórü ĩnüwa ngẽxmagüxü̃ nax ngẽmaãcü Tupana ya Maxü̃cüca̱x imaxẽxü̃ca̱x.

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Nüxíraxü̃xü̃ ga popera ga Cuáü̃ ümatüxü̃ 1:3

Rü yema toma nüxü̃ tadaugüxü̃ rü nüxü̃ taxĩnüexü̃ rü ngẽma nixĩ i pemaxã nüxü̃ tixuxü̃ nax totanüxü̃ pixĩgüxü̃ca̱x, ngẽxgumarüxü̃ i tomax nax Tanatü ya Tupana rü Nane ya Ngechuchu ya Cristutanüxü̃ tixĩgüxü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 1:5

Rü ñaa nixĩ ga ore ga tomaxã nüxü̃ yaxuxü̃ ga Ngechuchu ya Cristu. Rü pemaxã nüxü̃ tixu nax ngóonexü̃ yixĩxü̃ ya Tupana, rü nawa rü nataxuma i ẽanexü̃, rü bai i íxraxü̃.

Nüxíraxü̃xü̃ ga popera ga Cuáü̃ ümatüxü̃ 5:6

Rü nüxü̃ tacua̱x nax aixcüma Tupana Nane yixĩxü̃ ya Ngechuchu. Yerü yexguma ñoma ga naanewa nayexmagu rü dexáwa ínabaiegu, rü nümatama ga Tupana nüxü̃ nixu nax Nane yixĩxü̃. Rü yexguma curuchagu nayu̱xgu rü nagü inabaãgu ga Ngechuchu, rü Tupana rü wenaxarü inanawe̱x nax aixcüma Nane nax yixĩxü̃. Rü yexgumarüxü̃ ta ga Naãxẽ ya Üünexü̃ i taguma idoraxü̃, rü tüxü̃ nüxü̃ nacua̱xẽxẽ nax aixcüma Tupana Nane nax yixĩxü̃.

Nüxíraxü̃xü̃ ga popera ga Cuáü̃ ümatüxü̃ 5:8

Rü norü wüxi nixĩ i Naãxẽ ya Üünexü̃, rü norü taxre nixĩ ga yema Tupanaga ga yexguma Ngechuchu dexáwa íbaiegu, rü norü tomaepü̱x nixĩ nax naxẽanexü̃ ga yexguma curuchagu nagü inabaãgu ga Ngechuchu. Rü guxü̃ma i ngẽma tomaepü̱x i cua̱xruü̃gü, rü nüxü̃ nixu nax aixcüma Tupana Nane yixĩxü̃ ya Ngechuchu.

Norü taxre ga popera ga Cuáü̃ ümatüxü̃ 1:4

Rü poraãcü chataãxẽ ga yexguma nüxü̃ chada̱u̱xgu nax ñuxãcü ñuxre i petanüxü̃ rü aixcüma mea naga nax naxĩnüexü̃ i ngẽma ore i aixcüma ixĩxü̃, yema Tanatü ya Tupana tüxü̃ muxü̃rüxü̃.

Norü tomaepü̱x ga popera ga Cuáü̃ ümatüxü̃ 1:4

Rü ngẽma guxü̃arü yexera namaxã chataãẽxü̃ nixĩ i ngẽxguma nüxü̃ chaxĩnügu nax mea Tupanaarü ore nüxü̃ ixuxü̃ãcüma namaxẽxü̃ i ngẽma yaxõgüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:5

Rü ngẽxgumarüxü̃ ta chanaxwa̱xe nax pexü̃ nangü̃xẽẽxü̃ rü pexü̃ nataãẽxẽẽxü̃ ya Ngechuchu ya Cristu ga meama nüxü̃ ixucü ga Tupanachiga ga ñoma ga naanewa. Rü nüma nixĩ ga nüxíra yuwa ínadaxü̃. Rü nüma nixĩ i namaxã inacuáxü̃ i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü. Rü nüma rü tüxü̃ nangechaü̃, rü nagümaxã tüxü̃́ inayanaxoxẽxẽ i tórü pecadugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:11

Rü nümagü ga yema taenexẽgü, rü marü Chatanáxü̃ narüyexeragü namaxã ga nagü ga gumá Carnéruxacü rü namaxã ga Tupanaarü ore ga yema taenexẽgü nüxü̃ ixugüxü̃. Nümagü rü tama namuü̃e rü tama nayanuxũgü ga norü maxü̃ woo yema orexü̃ yaxugüxü̃ca̱x nayuegu.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:14

Rü choma chanangãxü̃, rü ñacharügü: “Pa Corix, cuma nixĩ i nüxü̃ cucuáxü̃ nax texégü tixĩgüxü̃”, ñacharügü. Rü yexguma ga nüma rü ñanagürü: “Yíxemagü tixĩgü ga nawa ngupetütanüxe ga yema ngúxü̃ ga taxü̃ rü marü tügü iyauxgüchiruxe nawa ga nagü ya yimá Carnéruxacü. Rü ngẽmaca̱x nixĩ i ticómüchiruxü̃.