Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:2 - Tupanaarü Ore

² Rü norü tomaepü̱x ga nane rü Acharóü̃ nixĩ. Rü naé rü Maacá iyixĩ. Rü ngĩnatü nixĩ ga Tarmái ga ĩane ga Yechúxarü ãẽ̱xgacü ixĩcü. Rü norü ãgümücü ga nane rü Adonía nixĩ. Rü naé rü Aguíx iyixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:2 Iomraidhean Croise

2 Chamué 13:1

Acharóü̃ ga Dabí nane rü nüxü̃́ iyexma ga naeya̱x ga Tamáragu ãégacü. Rü ngĩma rü imechametüxüchi. Rü nayexma ta ga to ga Dabí nane ga Anóü̃gu ãégaxü̃. Rü nüma ga Anóü̃ rü poraãcü naeya̱x ga Tamáraxü̃ nangẽ̱xẽ.

2 Chamué 14:23

Rü yexgumatama inachi ga Yoá rü inaxũãchi nax Yechúxwa naxũxü̃ nax Acharóü̃xü̃ yagaxü̃ca̱x nax Yerucharéü̃wa nagaãxü̃ca̱x.

2 Chamué 14:32

Rü nüma ga Acharóü̃ rü nanangãxü̃ rü ñanagürü: —Chorü duü̃xü̃güxü̃ cumaxã nüxü̃ charüxuxẽxẽ nax nua chauxü̃tawa cuxũxü̃ca̱x nax ngẽmaãcü ãẽ̱xgacüxü̃tawa cuxü̃ chamuxü̃ca̱x, rü namaxã nüxü̃ cuyarüxuxü̃ca̱x i ñaa chorü ore nax ta̱xacüca̱x yixĩxü̃ nax Yechúxwa cha̱u̱xca̱x ínaxũxü̃ nax nua choxü̃ naxũxẽẽxü̃. Rü ngẽma rümemaexü̃chixü̃ nixĩ nax Yechúxwatama changexmaxü̃. Choma rü ãẽ̱xgacüxü̃ chadauxchaü̃. Rü ngẽxguma chi ta̱xacürü chixexü̃ chauétüwa ngẽxmagu, rü name nixĩ i choxü̃ nima̱x —ñanagürü.

2 Chamué 15:8

Rü yexguma Chíriaanegu chaxãchiü̃gu ga Yechúxarü ĩanewa, rü choma nax curü duü̃xü̃ chixĩxü̃, rü yéma Cori ya Tupanamaxã nüxü̃ chixu rü ngẽxguma chi nüma choxü̃́ natauxchaxẽẽãgu ga Yerucharéü̃ca̱x nax chataeguxü̃ rü chi nüxü̃ chayarücua̱xüxü̃ namaxã i wüxi i chorü ãmare i naxca̱x chiguxü̃ —ñanagürü.

2 Chamué 18:14

Rü nüma ga Yoá rü ñanagürü: —¡Marütama i ngẽma dexa i chixemarexü̃! —ñanagürü. Rü yexguma nanayaxu ga tomaepü̱x ga naixmena̱xã ga ixãmaguxü̃, rü yemamaxã Acharóü̃xü̃ nacanapacütüxü̃, yerü naichacüüwa nax natuxü̃ rü tama nayu.

2 Chamué 18:18

Yexguma namaxü̃gu ga Acharóü̃ rü duü̃xü̃güxü̃ namu nax Ãẽ̱xgacüarü Ngatewa nüxü̃́ naxügüã̱xü̃ca̱x ga wüxi ga norü cua̱xãchiruxü̃ ga máchane ga nutagünaxca̱x. Rü ñu̱xũchi naéga yexma naxügü yerü nangene rü nagu narüxĩnü nax yemaacü yemawa guxü̃guma nüxna nacua̱xãchigüxü̃ca̱x i duü̃xü̃gü. Rü ñu̱xma rü ta rü Acharóü̃arü cua̱xãchiruxü̃maxã nanaxugü.

2 Chamué 18:33

Rü nüma ga ãẽ̱xgacü rü axumaxã aita naxü. Rü daxũ naxĩ ga yema norü ucapu ga ĩanearü poxeguxü̃étüwa yexmaxü̃wa, rü yéma nayaxaxu. Rü yexma ínaxũũxü̃ãcüma ñanagürü: —Pa Chaunex, Pa Acharóü̃x. Pa Chaunex, Pa Acharóü̃x. Chierüx choma cuchicüxü chayu̱xgu. Pa Chaunex, Pa Acharóü̃x, Pa Chaunex —ñanagürü.

2 Chamué 3:3

Rü gumá norü taxre ga nane rü Quiráx nixĩ, rü Abigái iyixĩ ga naé. Rü ngĩma ga Abigái rü Nabáx ga yucüma̱xchire̱x iyixĩ. Rü nüma ga Nabáx rü Carméxcüã̱x nixĩ. Rü norü tomaepü̱x ga Dabí nane rü Acharóü̃ nixĩ, rü naé rü Maacá iyixĩ. Rü ngĩma rü Tarmáixacü iyixĩ. Rü nüma ga Tarmái rü Yechúxarü ãẽ̱xgacü nixĩ.

2 Chamué 3:4

Rü norü ãgümücü ga Dabí nane rü Adonía nixĩ, rü Aguíx iyixĩ ga naé. Rü norü wüxime̱e̱xpü̱x ga nane rü Chepatía nixĩ, rü Abitái iyixĩ ga naé.

Nüxíraxü̃xü̃ ga popera ga ãẽ̱xgacügüchiga 1:5

Rü yexgumayane ga Adonía ga Dabí nane ga naxma̱x ga Aguíxwaü̃cü rü ãẽ̱xgacüwa nügü nangu̱xẽẽchaü̃ tümachicüxü ga nanatü. Rü naweü̃gü ga cowarugü itúchigüne ne nanutaque̱xe rü yexgumarüxü̃ ta churaragü ga cowaruétügu ĩxü̃. Rü nanade ga 50 ga churaragü nax nüxna daugüxü̃ca̱x.

Nüxíraxü̃xü̃ ga popera ga ãẽ̱xgacügüchiga 1:6

Rü nanatü ga ãẽ̱xgacü ga Dabí rü taguma nananga. Rü nüma ga Adonía rü naenexẽ ga Acharóü̃xü̃ rübumaecü nixĩ rü wüxi ga yatü ga mechametücü nixĩ.

Nüxíraxü̃xü̃ ga popera ga ãẽ̱xgacügüchiga 2:22

Rü yexguma nüma ga ãẽ̱xgacü rü naéxü̃ nangãxü̃ rü ñanagürü: —¿Tü̱xcüü̃ Adoníaaxü̃́ ngĩxca̱x ícuca i Abiachá i Chunatanüxü̃? Rü nüma rü chauenexẽ rüyamaecü nixĩ rü ñu̱xũchi ya chacherdóte i Abiatá rü Yoá i Cheruiá nane rü naétüwa naxügü. Rü ngẽxguma chi Abiachá nüxna ngĩxü̃ chamuxgu rü choxna chi nayapugü i ñaa ãẽ̱xgacüarü tochicaxü̃ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:23

Natürü ga Yechúx rü Aráü̃ rü nanapuxü̃ ga guma 23 ga Yaíarü ĩanegü. Rü yexgumarüxü̃ ta nanapu ga guma ĩane ga Quenáx rü naétü ga norü ĩanexacügü. Rü guxü̃wama 60 ga ĩanegü nixĩ. Rü guxü̃ma ga yema duü̃xü̃gü rü Garaáxnatü ga Maquítaagü nixĩgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:1

Rü yema Dabí nanegü ga Ebróü̃gu buexü̃ rü ñaagü nixĩ. Rü Anóü̃ nixĩ ga nane ga yacü. Rü naé rü Ainóaü̃ ga ĩane ga Yereécüã̱x iyixĩ. Rü gumá nai ga nane rü Danié nixĩ. Rü naé iyixĩ ga Abigái ga Carméxcüã̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:3

Rü norü wüxime̱e̱xpü̱x ga nane rü Chepatía nixĩ. Rü naé rü Abitái iyixĩ. Rü norü 6 ga nane rü Itareáü̃ nixĩ. Rü naé rü Égra iyixĩ. Rü yema iyixĩ ga nai ga naxma̱x ga Dabí.

Yochué 13:13

Natürü yema Guechúxanecüã̱xgü rü Maacáanecüã̱xgü rü tama ínawoxü̃ nawa ga yema naane, rü Iraétanüwatama namaxẽ. Rü ñu̱xma rü ta Iraétanüwatama nangẽxmagü.