Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:8 - Tupanaarü Ore

⁸ Rü guxü̃ma ga yema Obéx-edóü̃ nataagü, rü nanegü, rü naenexẽgü rü yatügü ga iporaexü̃ nixĩ ga puracüwa. Rü norü mu ga Obéx-edóü̃tanüxü̃ rü guxü̃wama rü 62 wa nangu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:8 Iomraidhean Croise

2 Chamué 6:10

Rü yemaca̱x tama guma Dabíarü Ĩanewa nayangéxchaü̃ ga yema baú ga Cori ya Tupanaarü mugüchixü̃. Rü norü duü̃xü̃güxü̃ namu nax Obéx-edóü̃patawa nangegüãxü̃ca̱x. Rü nüma ga Obéx-edóü̃ rü wüxi ga yatü ga Gáxcüã̱x nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:7

Rü Chemaía nanegü nixĩ ga Oxní, rü Rafaé, rü Obéx, rü Echabá, rü Eriú, rü Chamaquía. Rü yemagü rü yatügü ga iporaexü̃ nixĩgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:9

Rü Mecheremía nanegü rü naenexẽgü rü 18 ga yatügü ga iporaexü̃ rü tama muü̃wa̱xexü̃ nixĩgü.

Ore i mexü̃ ga Matéu ümatüxü̃ 25:15

Rü wüxi ga yema norü duü̃xü̃na ngĩxü̃ naxã ga 5,000 tachinü ga diẽru. Rü yema tona ngĩxü̃ naxã ga 2,000 tachinü ga diẽru. Rü yema tona ngĩxü̃ naxã ga 1,000 tachinü ga diẽru. Rü nanangugü ga wüxichigüarü cua̱x rü yemaacü wüxichigüna ngĩxü̃ inaxã ga yema diẽru. Rü ñu̱xũchi inaxũãchi ga yema cori nax to ga nachixü̃anewa naxũxü̃ca̱x.

2 Corintios 3:6

Rü nümatama ya Tupana nixĩ i toxü̃ nangúexẽẽxü̃ nax nüxü̃́ tapuracüexü̃ca̱x rü nüxü̃ tixuxü̃ca̱x i ngẽma ngexwaca̱xü̃xü̃ i norü uneta i tama Moichéarü mugüwa ne daxü̃ natürü Tupanaãxẽ i Üünexü̃wa ne ũxü̃. Rü yema mugü ga Moiché ümatüxü̃ rü yuwa tüxü̃ nagagü, natürü Tupanaãxẽ ya Üünecü rü tüxna nanaxã i maxü̃ i taguma gúxü̃.

Nüxíraxü̃xü̃ ga popera ga Pedru ümatüxü̃ 4:11

Rü yíxema nüxü̃ cuáxe nax mea tidexaxü̃, rü name nixĩ nax Tupanaarü orexü̃ tixuxü̃. Rü ngẽxguma texé tüxü̃́ nangẽxmagu i cua̱x nax togüxü̃ tarüngü̃xẽẽxü̃, rü name nixĩ i ngẽma pora ya Tupana tüxna ãxü̃maxã nüxü̃ tarüngü̃xẽxẽ. Rü guxü̃ma i ngẽma pexüxü̃ rü name nixĩ i meama penaxü nax ngẽmaãcü Ngechuchu ya Cristugagu Tupanaxü̃ picua̱xüü̃güxü̃ca̱x. Erü nüma ya Tupana rü guxü̃guma naxüüne rü naporaxüchi. Rü ngẽmaãcü yixĩ.