Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:4 - Tupanaarü Ore

^4-5 Rü Obéx-edóü̃ nane ga yacü nixĩ ga Chemaía, rü norü taxrewa ücü ga nane nixĩ ga Yochabá, rü norü tomaepü̱xwa ücü ga nane nixĩ ga Yoá, rü norü ãgümücüwa ücü ga nane nixĩ ga Chacá, rü norü wüxime̱e̱xpü̱xwa ücü ga nane nixĩ ga Natanaé, rü norü 6 wa ücü ga nane nixĩ ga Amié, rü norü 7 wa ücü ga nane nixĩ ga Ichacá rü norü 8 wa ücü ga nane nixĩ ga Peutaí. Rü nüma ga Cori ya Tupana rü Obéx-edóü̃xü̃ narüngü̃xẽxẽ rü yemaca̱x namu ga nanegü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:4 Iomraidhean Croise

2 Chamué 6:10

Rü yemaca̱x tama guma Dabíarü Ĩanewa nayangéxchaü̃ ga yema baú ga Cori ya Tupanaarü mugüchixü̃. Rü norü duü̃xü̃güxü̃ namu nax Obéx-edóü̃patawa nangegüãxü̃ca̱x. Rü nüma ga Obéx-edóü̃ rü wüxi ga yatü ga Gáxcüã̱x nixĩ.

2 Chamué 6:11

Rü yema baú ga Cori ya Tupanaarü mugü nawa yexmaxü̃ rü tomaepü̱x ga tauemacü Obéx-edóü̃patawa nayexma. Rü nüma ga Cori ya Tupana rü Obéx-edóü̃xü̃ narüngü̃xẽxẽ guxü̃ma ga naxacügümaxã.

2 Chamué 6:12

Rü ãẽ̱xgacü ga Dabímaxã nüxü̃ nixugüe nax yema baú ga Cori ya Tupanaarü mugü nawa yexmaxü̃gagu Tupana rü Obéx-edóü̃xü̃ nangü̃xẽẽxü̃ wüxigu namaxã ga naxacügü rü guxü̃ma ga norü yemaxü̃güwa. Rü yemaca̱x ga nüma ga Dabí rü yéma naxũ rü norü taãẽmaxã Obéx-edóü̃patawa nayayaxu ga yema baú ga Tupanaarü mugü nawa yexmaxü̃. Rü Yerucharéü̃wa yexmane ga Dabíarü Ĩanewa nanange.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:14

Rü yema baú ga Cori ya Tupanaarü mugü nawa yexmaxü̃ rü tomaepü̱x ga tauemacü Obéx-edóü̃patawa nayexma. Rü nüma ga Cori ya Tupana rü poraãcü Obéx-edóü̃xü̃ narüngü̃xẽxẽ guxü̃ma ga norü yemaxü̃gümaxã.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:18

Rü yexgumarüxü̃ ta nüxü̃ naxunetagü ga Lebítanüxü̃ ga yema tomaepü̱x ga paxetatanüxü̃arü ngü̃xẽẽruü̃gü. Rü yemagü nixĩ ga Chacaría, rü Yaachié, rü Chemiramóx, rü Yeié, rü Uní, rü Eriá, rü Benaía, rü Maachía, rü Matatía, rü Eriferéu rü Meneía. Rü nüxü̃ naxunetagü ta ga yema Tupanapataarü ĩã̱xarü dauruü̃gü ga Obéx-edóü̃ rü Yeié.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:21

Rü yema árpagü ga taxü̃arü paxruü̃gü nixĩ ga Matatía rü Eriferéu rü Meneía rü Obéx-edóü̃ rü Yeié rü Achachía. Rü nümagü nixĩ ga namaxã inacua̱xgüxü̃ ga wiyaegü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:38

Rü nüma ga Dabí rü yexgumarüxü̃ ta nanamu ga Obéx-edóü̃ ga Yedutúü̃ nane rü Ochá namaxã ga 68 ga namücügü nax Tupanapataarü ĩã̱xarü dauruü̃gü yixĩgüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:5

Rü Achá nixĩ ga namaxã icuáxü̃ ga yema Lebítanüxü̃ ga Dabí nüxü̃ unetaxü̃. Rü Acháweama naxü ga Chacaría, rü Chacaríaweama naxügü ga Yeié, rü Chemiramóx, rü Yexié, rü Matatía, rü Eriá, rü Benaía, rü Obéx-edóü̃ rü Yeié. Rü wüxichigü rü nüxü̃́ nayexma ga norü paxetaruxü̃ ga árpa ga ixíxraxü̃ rü árpa ga ítáxü̃ ga napaxgüxü̃. Rü Acháx nixĩ ga platiyuarü paxruxü̃ ixĩxü̃.