Biblia Todo Logo
Bìoball air-loidhne

- Sanasan -




Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:2 - Tupanaarü Ore

2-3 Rü yexguma ga Dabí rü nagu narüxĩnü nax Naáx nane ga Anúü̃maxã namecümaxü̃, yerü nüma ga Naáx ga Anúü̃ nanatü rü guxü̃guma Dabímaxã namecüma. Rü yemaca̱x nüma ga Dabí rü Anúü̃xü̃tawa nanamu ga ñuxre ga norü orearü ngeruü̃gü nax Anúü̃maxã nüxü̃ yanaxugüexü̃ca̱x nax nüma rü ta poraãcüxüchima nangechaü̃xü̃ naxca̱x nax nayuxü̃ ga nanatü ga Naáx. Natürü yexguma Amóü̃anewa nangugügu ga yema Dabíarü orearü ngeruü̃gü rü yema Amóü̃tanüxü̃maxã icua̱xgüxü̃ rü norü ãẽ̱xgacü ga Anúü̃maxã ñanagürügü: —Pa Ãẽ̱xgacüx, ¿ẽ̱xna cuma cuyaxõxü̃ i ngẽma yatügü i Dabí nua mugüxü̃ rü aixcüma yixĩxü̃ i nua nüxü̃ yanaxugüxü̃ nax ngechaü̃wa nangẽxmaxü̃ i Dabí naxca̱x nax nayuxü̃ ya cunatü? ¿Rü tama ẽ̱xna nua namugüãxü̃ nax nua ngugütaewa naxĩxü̃ca̱x nax mea nüxü̃ yacuáanegüxü̃ca̱x i tórü naane nax ngẽmaãcü nüxü̃́ natauxchaxü̃ca̱x nax tüxü̃ nada̱i̱xü̃? —ñanagürügü.

Faic an caibideil Dèan lethbhreac




Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:2
14 Iomraidhean Croise  

Rü wüxi ga ngunexü̃gu ga Dabí rü ínaca rü ñanagürü: —¿Tayíxemaxü̃ ya wüxíe ya Chaútanüxü̃ i ñu̱xma rü ta ngextá maxü̃́xẽ? Erü ngẽxguma tayíxemagu rü Yonatáü̃égagu tüxü̃ charüngü̃xẽẽchaü̃ —ñanagürü.


Rü nüma ga Dabí rü ñanagürü nüxü̃: —¡Taxuca̱xma cumuü̃! Erü choma rü meatama cumaxã ichacua̱x cunatü ga Yonatáü̃égagu. Rü tá chanamu nax cuxü̃ natáegugüxẽẽãxü̃ca̱x i guxü̃ma i ngẽma naane ga curü o̱xi ga Chaúarü ixĩxü̃. Rü guxü̃gutáma chorü mecha i choma íchachibüxü̃wa tá cuchibü —ñanagürü.


—¡Ngĩmaxã nüxü̃ ixu i ngẽma chiũra rü poraãcü namaxã tataãxẽgü i ngĩrü ngü̃xẽxẽ! ¡Rü ngĩxna naca rü ta̱xacü nanaxwa̱xexü̃ nax ngĩxca̱x naxüxü̃! Rü bexmana inaxwa̱xe nax ngĩétüwa idexagüxü̃ i ãẽ̱xgacüpe̱xewa rüe̱xna churaragüarü ãẽ̱xgacüpe̱xewa —ñanagürü. Rü yexguma ga ngĩma rü inangãxü̃ rü ngĩgürügü: —Taxuxü̃ma chanaxwa̱xe erü nua chautanüxü̃tanüwa rü poraãcü chataãxẽxüchi —ngĩgürügü.


Rü yixcamaxü̃ra ga yexguma nayu̱xgu ga Amóü̃tanüxü̃arü ãẽ̱xgacü ga Naáx, rü nachicüxü ãẽ̱xgacüxü̃ ningucuchi ga nane.


Rü yema ga ngunexü̃gügu rü duü̃xü̃güpe̱xewa nüxü̃ nadaumatü ga yema mugüpane ga Moiché ümatüxü̃. Rü yema mugüpanewa nüxü̃ inayangau ga ore ga ñaxü̃: —Ngẽma Amóü̃tanüxü̃ rü Moátanüxü̃ rü tama name nax Tupanaarü duü̃xü̃gütanüwa nangẽxmagüxü̃ —ñaxü̃.


Rü naxü̃tawa nayexma ga Tobía ga Amóü̃tanüxü̃. Rü nüma rü ñanagürü ta: —¡Dücax i ngẽma naxtapü̱x i naxügüxü̃! Rü wüxi i cugüruxü̃ nixĩ. Erü woo wüxi i ngowa daxũ nawa ĩxgu rü tá nayawa̱xtapü̱xẽxẽ —ñanagürü.


Natürü yexguma torü uanügü ga Chambaráx rü Tobía rü yema Arábiaanecüã̱x, rü Amóü̃tanüxü̃, rü Adúxcüã̱x nüxü̃ ĩnüegu nax mea iyaxũxü̃ ga yema puracü ga Yerucharéü̃arü poxeguxü̃tápü̱xwa rü yema íyangoxnagüxü̃wa rü marü nax nañaxtagüãxü̃, rü nümagü ga yema uanügü rü poraãcü nanue.


Rü yemaxü̃ naxĩnügu ga ãẽ̱xgacü rü ínaca rü ñanagürü: —¿Ta̱xacürü ãmare rü cua̱xüxü̃ nixĩ ga nayaxuxü̃ ga Maduquéu naxca̱x ga yema mexü̃ ga cha̱u̱xca̱x naxüxü̃? —ñanagürü. Rü nüma ga norü ngü̃xẽẽruü̃gü rü nanangãxü̃gü rü ñanagürügü: —Taxuxü̃ma noxtacüma, Pa Ãẽ̱xgacüx —ñanagürügü.


Natürü guma ĩanexacügu naxãpata ga wüxi ga yatü ga ngearü diẽruã́cü natürü nüxü̃ cua̱xüchicü. Rü nüma rü norü cua̱xmaxã chi ínanapoxü̃ ga guma ĩanexacü. Natürü nawena taxúema nüxna tacua̱xãchi ga gumá yatü.


Rü muxü̃ma ga Yudíugü rü Lácharoeya̱x ga Márta rü Maríaxü̃tawa naxĩ nax ngĩxü̃ yataãẽxẽẽgüaxü̃ca̱x, yerü nayu ga ngĩenexẽ.


Rü yexguma Chicáxwa nanguxgu ga Dabí, rü yema yemaxü̃gü ga napuxü̃tanüwa nanayaxu ga ñuxre rü namücügü ga Yudátanüxü̃arü ãẽ̱xgacügüxü̃ yéma nanamugü namaxã ga ñaa ore ga ñaxü̃: —Rü ñaa nixĩ i perü ãmaregü i Tupanaarü uanügüna chapuxü̃xü̃ —ñaxü̃.


Lean sinn:

Sanasan


Sanasan