Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:3 - Tupanaarü Ore

³ Rü yexguma ga nüma ga Dabí rü Cori ya Tupanape̱xewa natanüxü̃ga naxĩnü. Rü nümagü rü Dabíxü̃ chíxü̃maxã nabaerugü nax Iraéanecüã̱xgüarü ãẽ̱xgacü yixĩxü̃ca̱x. Yerü yemaacü nixĩ ga Tupana ga Chamuémaxã nüxü̃ yaxuxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:3 Iomraidhean Croise

1 Chamué 16:1

Rü yemawena ga Tupana rü Chamuéxü̃ ñanagürü: —Marütama nax Chaúca̱x nax cungechaü̃echaxü̃, erü marü tama chanaxwa̱xe nax Iraéanecüã̱xgüarü ãẽ̱xgacü nax yixĩxü̃. ¡Rü wüxi i carnéruchatacu̱xre nayaxu rü oribuarü chíxü̃maxã naxüãcu! ¡Rü Beréü̃wa naxũ rü ngẽxma naxca̱x yadau ya wüxi ya yatü ya Ichaxígu ãégacü! Erü wüxi ya nanexü̃ chayaxu nax Iraéanecüã̱xgüarü ãẽ̱xgacü yixĩxü̃ca̱x —ñanagürü.

2 Chamué 5:3

Rü yemaacü ga yema duü̃xü̃gü rü Dabímaxã nidexagü ga Ebróü̃wa. Rü nüma ga Dabí rü Cori ya Tupanape̱xewa yema duü̃xü̃gümaxã inaxüga. Rü nüma ga yema duü̃xü̃gü rü Dabíxü̃ chíxü̃maxã nabaerugü rü yemaacü guxü̃ma ga Iraéanecüã̱xgüarü ãẽ̱xgacü nixĩ.

2 Chamué 2:4

Rü yemawena rü Ebróü̃wa nangugü ga Yudáanecüã̱x ga duü̃xü̃gü, rü chíxü̃maxã Dabíxü̃ nabaerugü nax Yudáanearü ãẽ̱xgacü yixĩxü̃ca̱x. Rü yexgumarüxü̃ ta Dabímaxã nüxü̃ yaxugüegu nax guma Garaáxanewa yexmane ga ĩane ga Yabécüã̱xgü yixĩxü̃ ga Chaúxü̃ íta̱xgüxü̃,

1 Chamué 16:3

¡Rü ngẽmawena rü nüxna naxu i Ichaxí nax cuxü̃ naxümücüxü̃ca̱x i ngẽma naxü̃naarü ma̱xwa! Rü choma rü tá cumaxã nüxü̃ chixu nax ngexcürüücü ya nane tá yixĩxü̃ ya cubaerucü nax Iraétanüxü̃arü ãẽ̱xgacü yixĩxü̃ca̱x —ñanagürü.

Norü taxre ga to ga popera ga ãẽ̱xgacügüchiga ümatüxü̃ 23:3

Rü guxü̃ma ga yema Yerucharéü̃gu ngutaque̱xexü̃ rü ãẽ̱xgacü ga Yoámaxã wüxi ga uneta naxügü ga Tupanapata ga taxü̃newa. Rü yexguma ga nüma ga Yoiadá rü ñanagürü nüxü̃: —Dücax, daa nixĩ ya nane ga tórü ãẽ̱xgacü ya Ocochía. Rü ñu̱xmax rü daa nane tá nixĩ ya tórü ãẽ̱xgacü ixĩcü, yerü nüma ya Tupana rü Dabímaxã nanaxuegu nax ngẽma nataagü rü tá ãẽ̱xgacü yaxĩgüxü̃.

Norü taxre ga popera ga ãẽ̱xgacügüchiga 23:30

Rü yexguma Meguídugu nayuxguwena ga Yochía, rü norü ngü̃xẽẽruü̃gü rü wüxi ga carugu Yerucharéü̃wa nanangegü ga naxü̃ne. Rü yema nüma ga ãẽ̱xgacü naxüxü̃ ga naxmaxü̃gu nayaxǘcuchigü. Rü nüma ga duü̃xü̃gü ga Yerucharéü̃cüã̱x rü Yochía nane ga Yoacáxü̃ naxunetagü nax nanatüchicüxü ãẽ̱xgacüxü̃ yangucuchixü̃ca̱x.

Norü taxre ga popera ga ãẽ̱xgacügüchiga 11:17

Rü yemawena nüma ga chacherdóte ga Yoiadá rü Tupanamaxã inaxüga nax nüma ga ãẽ̱xgacü rü guxü̃ma ga duü̃xü̃gü rü Tupanaga tá naxĩnüexü̃. Rü yexgumarüxü̃ ta rü ãẽ̱xgacümaxã inaxügagü ga duü̃xü̃gü nax nümagü rü tá aixcüma ãẽ̱xgacüga naxĩnüexü̃ rü nüma ga ãẽ̱xgacü rü duü̃xü̃gümaxã inaxüga nax nüma rü tá mea duü̃xü̃gümaxã inacuáxü̃.

1 Chamué 28:17

Rü Cori ya Tupana cumaxã nayanguxẽxẽ ga yema chowa cumaxã nüxü̃ yaxuxü̃. Rü marü cuxü̃ ínamuxũchi nax ãẽ̱xgacü quixĩxü̃ rü yimá cumücü ya Dabína nanaxã.

1 Chamué 23:18

Rü yexguma ga nüma ga Dabí rü Yonatáü̃ rü Cori ya Tupanape̱xewa nügümaxã inaxügagü. Rü yemawena ga Yonatáü̃ rü nataegu, rü nüma ga Dabí rü yexmatama Óregu narüxã̱ũ̱x.

1 Chamué 15:28

Rü yexguma ga Chamué rü Chaúxü̃ ñanagürü: —Ñu̱xmatatama nixĩ i cuxna naya̱u̱xãxü̃ nax Iraétanüxü̃arü ãẽ̱xgacü quixĩxü̃, rü tá to i Iraétanüxü̃ i cuxü̃ rü yexera rümemaexü̃na nanaxã.

1 Chamué 11:15

Rü yemaca̱x guxü̃ma ga duü̃xü̃gü ga Iraéanecüã̱xgü rü Guirigáwa naxĩ. Rü yéma Cori ya Tupanape̱xewa Chaúxü̃ ningucuchixẽẽgü nax norü ãẽ̱xgacü yixĩxü̃ca̱x. Rü yemawena rü Tupanaca̱x nayagugü ga ãmaregü ga Tupanaarü ngüxmüxẽẽruü̃gü ixĩgüxü̃. Rü nüma ga Chaú rü guxü̃ma ga nümagü ga Iraéanecüã̱xgü rü poraãcü nataãẽgü.

Ãẽ̱xgacügü ga guxchaxü̃güarü mexẽxẽruü̃gü 11:11

Rü yexguma ga Yeté rü nawe narüxũ. Rü guxü̃ma ga ĩanecüã̱xgü rü norü ãẽ̱xgacüxü̃ rü ñu̱xũchi norü churaragüeruxü̃ nüxü̃ naxunetagü. Rü Mispáwa rü nüma ga Yeté rü Cori ya Tupanape̱xewa wena yema ãẽ̱xgacügümaxã nüxü̃ nixu ga yema ore ga noxri namaxã nüxü̃ yaxuxü̃.

2 Chamué 5:5

Rü Ebróü̃wa rü 7 ga taunecüarü ngãxü̃ nixĩ ga Yudáanearü ãẽ̱xgacü yixĩxü̃. Rü ñu̱xũchi Yerucharéü̃wa rü guxü̃ma ga Iraéane rü Yudáanearü ãẽ̱xgacü nixĩ ga 33 ga taunecü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:10

Rü ñaagü nixĩ ga yema Dabíarü churaragü ga yexera rüporamaegüxü̃ rü tama muü̃wa̱xegüxü̃ ga nüxü̃ rüngü̃xẽẽgüxü̃ ga yexguma ãẽ̱xgacü yixĩxgu. Rü nümagü rü wüxigu guxü̃ma ga Iraétanüxü̃maxã nixĩ ga Dabíxü̃ yangucuchixẽẽgüxü̃ nax ãẽ̱xgacü yixĩxü̃ca̱x, yema Cori ya Tupana Iraétanüxü̃maxã nüxü̃ ixuxü̃ãcüma.