Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:2 - Tupanaarü Ore

² Rü nüma ga Firitéugü rü Chaúwe rü nanegüwe nangẽgü. Rü nanadai ga Chaú nanegü ga Yonatáü̃ rü Abinadá rü Maquichúa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:2 Iomraidhean Croise

Norü taxre ga popera ga ãẽ̱xgacügüchiga 23:29

Rü wüxi ga ngunexü̃gu rü nüma ga Equítuanearü ãẽ̱xgacü ga Faraóü̃ ga Necáu rü natü ga Eufrátewa naxũ nax Achíriaanearü ãẽ̱xgacüxü̃ yanangü̃xẽẽxü̃ca̱x. Rü yexguma ga nüma ga ãẽ̱xgacü ga Yochía rü inaxũãchi nax Necáumaxã nügü nada̱i̱xü̃ca̱x. Natürü yexguma ĩane ga Meguídugu Yochíaxü̃ yanga̱u̱xgu rü nüma ga Necáu rü Yochíaxü̃ nima̱x.

Norü taxre ga popera ga ãẽ̱xgacügüchiga 25:7

Rü nüma rü norü churaragüxü̃ namu nax Chedequíape̱xegu nanegüxü̃ nadaü̃naxãxü̃ca̱x. Rü ñu̱xũchi Chedequíaxü̃ nacaxü̃xetügü, rü cadénamaxã nayana̱i̱xgü. Rü yemaacü Babiróniawa nanagagü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:3

Rü yemawena rü Chaúca̱x nibuxmü rü yema würamaxã ixãxnexü̃ rü Chaúmaxã namexchinügü rü poraãcü nanapi̱xẽẽgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 8:33

Rü nüma ga Néx rü Chíx nanatü nixĩ. Rü Chíx rü Chaú nanatü nixĩ. Rü Chaú nanegü nixĩ ga Yonatáü̃, rü Maquichúa, rü Abinadá, rü E-baá.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:39

Rü Néx nane nixĩ ga Chíx, rü Chíx nane nixĩ ga Chaú, rü Chaú nanegü nixĩgü ga Yonatáü̃, rü Maquichúa, rü Abinadá rü E-baá.

Ínachoxü̃xü̃chiga 20:5

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.

1 Chamué 14:49

Rü Chaú nanegü rü ñaagü nixĩ: Yonatáü̃, rü Ichuí, rü Maquichúa. Rü taxre iyixĩ ga naxacügü. Rü yema rüyamaecü rü Meráx iyixĩ. Rü yema rübumaecü rü Micá iyixĩ.

1 Chamué 14:6

Rü nüma ga Yonatáü̃ rü norü ngü̃xẽẽruxü̃xü̃ ñanagürü: —Ngĩxã, rü tocutüwa taxĩ, ñu̱xmatáta ngẽma Firitéugüarü churaragütücumü i tama Tupanaaxü̃́ yaxõgüxü̃ íngẽxmaxü̃wa ingugü. Bexmana nüma ya Cori ya Tupana rü tá tüxü̃ narüngü̃xẽxẽ, erü taxuxü̃ma nüxü̃́ naguxcha nax tüxü̃ naporamaexẽẽxü̃ woo imuxgu rüe̱xna inoxregu —ñanagürü.

1 Chamué 31:2

Rü nüma ga Firitéugü rü Chaúwe rü nanegüwe nangẽgü. Rü nanadai ga nanegü ga Yonatáü̃, rü Abinadá, rü Maquichúa.